新川美食 (Closed)

喺紅磡返工嘅好處就係食午飯可以有好多價廉物美嘅選擇由於市民已經減少外出食飯所以當日我係選擇咗堂食店家都有將座位安排得疏啲符合返政府嘅規定👉🏼自選撈水晶粉大腸：鹵得好入味撈水晶粉非常之夾豬頸肉:非常爽口彈牙又唔會好油膩嘅感覺芝士丸：煮得啱啱好中間有拉絲嘅效果雖然只得兩粒整體來講$44蚊三個餸，水晶粉超級大碗而且有芽菜拌，同埋肉碎非常之夾女仔食三個餸一定會食唔晒所以都幾抵食，湯底可以揀大辣中辣小辣唔辣，任君選擇因為幾抵食而且多餸揀所以會再嚟試

cyt: //#黃店地圖系列間野叫：新川美食邊度黎：紅磡必嘉街93號黃埔唐樓C104舖環境點：小店座位不多 得一個姐姐同廚師 建議外賣🌝：表明不招待警察 支持醫護罷工▪酸辣炸醬米線 $258.5分米線軟硬適中 夾雜大量酸菜 湯底夠酸 但係留意辣度 嗌小辣都唔小野 可以揀唔辣 不得不提個蘿蔔(+$6)同麻辣金錢肚(+$7)都好掂 而且價錢都唔貴 蘿蔔大大舊 清甜無渣 金錢肚有咬口 滷水味濃帶麻 最緊要係個炸醬唔多肥肉又惹味 將成個米線層次提升 ▪秘製醬汁撈紅薯粉 $248.5分紅薯粉係扭紋的 唔會咬到牙跤甩都未要斷 好掛汁 仲夾雜好多芽菜 好爽口 份量唔少 豬軟骨(+$10)有四大舊 好入味 軟骨位係脆身嘅 本人偏好炆到化曬 豬肚(+$7)好煙韌 無異味 食極都仲有 靠本身撈薯粉嘅醬汁吊味 麻辣豬耳(+$7)夠曬惹味夠曬麻 食左五六條就一秒變舒淇 滷水味好濃 自認靚過舒淇(應該好多人都可以)都可以一試

新川美食 #紅磡 #黃店 💛💛💛❗️好味有良心平價米線❗️好難得可以搵到黃嘅米線，仲要係好味嘅黃店，超級推介💛💛💛同大部份嘅米線店一樣，有湯米線或者撈米線。特別之處係除咗幼薯粉，仲有寬粉揀‼️作為一個煙韌控，真係超級鍾意寬粉，好好咬！1️⃣秘製醬汁撈紅薯寬粉配豬軟骨豬頸肉豬腩肉🍝$48三樣餸都只係$48，仲要超多肉，所有肉都非常入味而且好腍。特別提一提豬腩肉，係全瘦肉，但依然好腍，女仔食都唔使怕肥🤪醬料方面主要係甜甜地嘅豉油，但撈埋啲炸醬一齊食真係好惹味🤤美中不足只係咸左少少。2️⃣酸辣炸醬米線配金錢牛展蘿蔔🍜$41湯底夠晒酸，仲要配上大量酸菜，鍾意食酸辣嘅一定要嗌🥳米線用上幼米線，個人略嫌少咗啲咬口，如果用上粗身啲嘅米線會更美味🙊。對比起豬肉，金錢牛展份量就少啲，一碗只有四塊，雖然入味但薄身，推薦豬肉多啲！蘿蔔就同樣好味，冇渣鮮甜。味道: 4.2/5性價比: 4.2/5整體來講絕對係一間高質米線，食物美味🤩老闆娘又好人，非常有善會同客人傾吓計🥰大力推薦！

今天因工作經過黃埔站，特意找多10分鐘路程行到幫襯新川米線🍜，原因是一想到它的米線就流口水囉！這間店雖然鋪仔細細，但勝在貨真價實，樣樣食物都齒頰留香！是best of the best！價性比極高👍🏻白蘿蔔、腐皮米線（酸辣炸醬湯底，中辣)白蘿蔔清甜，咬開充滿高湯香味；有四大件。腐皮豆香味濃，軟而不淋，一大堆，份量十足！酸辣米線配有芽菜、芫荽、秘製炸醬和酸菜，豐富至極！這個米線湯底一定要喝，標榜用大量豬骨及鮮肉烹調，絕無味精！

#中意嘅請分享請點讚🍻----------😋秘製醬汁撈紅薯粉條 $24麵底可以揀粗幼薯粉、拉麵、米線、米粉。紅薯粉超彈牙勁有咬口。每款餸加$6-$7，我揀左$6雞絲、$5芝心丸，雞絲份量多。每碗都配有炸醬、芽菜、花生、蔥花、芫荽、秘製佐料。另外可以自己揀辣度，我今次就揀左小辣，小辣都有小小麻辣味。秘制醬汁好好食，有小小滷水味，加左辣更夾。----------不過店舖比較細，位置唔多，多數都要搭枱坐。----------🚩新川美食🔎紅磡必嘉街93號黃埔唐樓C104舖🔎太子砵蘭街414號

新川黎講，撈米線真係無得輸，今日叫左肥牛腩肉紫菜撈米，小辣。先講d配菜，分量好多，有半碗都係紫菜，d紫菜撈埋d麻辣肉碎直頭係人間美食，肥牛韌左少少，不過都係多，大大啖米線同肥牛一齊食，都會feel到肉嘅口感，所以無乜所謂。腩肉有少少辣，食落香口，一啖肉一啖米，停唔到口！配埋可口可樂，係晏就呢d咁熱嘅天氣，真係一大享受！至於湯米我就好少食，因為有酸菜，個人麻麻地中意食，同埋乾撈濃味d好食d，又有花生，口感好d！

其實紅磡有很多很有名的小店，例如這家新川美食店。因為之前在紅磡讀書的時候，很多同學也說紅磡有一家很好吃的米線店（指的是新川），所以在我在幾年前就已經知道這家小店，可是一直沒有機會去試一下，直到有一天突然要去紅磡工作才有機會去嚐一下。餐牌有湯米線和撈米線有看到網上介紹撈米線較為出名，所以這一次點了一個撈米線秘制醬汁撈米線+腩肉+雞翼+豬皮我一直以為撈米線是涼拌的（因為之前吃的東撈米線，全部也是涼拌的），但是這一家則是熱的（超級熱）對於現在這麼熱的天氣，我當然是想吃涼的，可是我沒有問清楚，那就不能怪這家店，只能怪自己對於這個醬汁，我覺得是別有一番風味的，因為可以吃到麻味很重但又吃到一點點滷水味，兩者的搭配不錯米線的麵質則超級腍，太像專門給老人家吃的米線。又熱又腍又沒有湯，很像一團東西在口中一樣，太令我失望腩肉是那種小時候爸爸媽媽拿去拜神用的腩肉，所以肉質真的很老又干。可是在入味方面來說，這家的腩肉是很不錯的，因為真的很入味豬皮不是我們一般吃到從那種豬皮，這家的豬皮是韓國燒肉用的豬皮，所以吃下去有點QQ的和很粉的感覺，我覺得OK雞翼則是配料中最好的一樣，因為夠味又不會太老和干總結來說，我覺得

紅磡有好多間小店，仲要有唔同款既辣野，今次就試下呢間好多人排隊既撈米線。見到menu上面啲圖好野味，已經流曬口水🤤叫左淨撈米線，好快已經有野上枱，見到紅卜卜，以為好辣，但食落又唔係喎，重口味得黎好正🤣🤣🤣🤣加埋大量蒜葱同埋花生，真係無得彈！唯一就係個人麻麻地芫茜🤢啲米線仲好彈牙，唔會過軟身，頗有口感！呢到既服務態度仲幾好，有食左野既朋友陪我地食，乜都冇叫淨坐，姐姐都冇黑面，仲聊我地傾計。

紅磡一直都有好多美食，新川係每次食飯既首選。店鋪由紅磡地鐵站出發行大概5-10分鐘，鋪頭唔算大，大約5-6張臺左右，如果甘岩係午膳時間可能要等一陣先有位，如果唔想等都有外賣可以選擇。店入面有唔同既面底選擇，有粗幼薯粉、拉麵同米線，自己通常食開幼薯粉，試過朋友既粗薯粉同拉麵，都係覺得幼薯粉最入味最好食。至於整法有湯有撈，自己多數都係食撈，佢自家製既醬汁配埋花生碎肉等非常之好味。至於湯既雖然好少自己叫但都試過朋友個碗，覺得都幾夠酸同埋香，不過自己都係中意撈多d。除左面之外配料就係自己加錢揀，款式都幾多，覺得最好食係豬頸肉，另外朋友叫海帶都好足料好多舊，牛丸朋友就話唔夠彈牙。佢每樣配料分量都合理而且成碗面都好大碗食完一定飽肚，飲品亦都係合理價錢，絕對係紅磡平民之選！

食過新川好多次，亦都推薦左無數朋友去食。呢間舖絕對係我食過既紅磡舖頭最好食既一間。每次去親都係叫七號豬頸肉，其實好想試下佢既其他野食，但每次都捨棄唔到七號豬頸肉因為實在太好食。豬頸肉比得幾多，配幼既薯粉，再加埋獨有既撈醬汁同其他花生肉碎等配料完全係完美配搭。佢有四個辣既程度可以揀，如果想要少少辣香口d既可以揀中小辣，夠膽d食辣既可以食中辣，而大辣我就暫時未挑戰到住，如果真係好好好食得辣既可以挑戰下，如果太辣可以叫枝凍豆漿都只係六蚊左右。碗薯粉唯一要挑剔既位就係幼薯粉有時比較難咬斷，要一邊食一邊講野都有d挑戰。呢間鋪唔算大，所以如果撞正lunch時間可能要係出面等一段時間，不過佢上菜速度都好快，而且大家都食完就走，所以都唔會話要等超級耐。呢間鋪既分量亦都相當大碗，以呢個價錢黎講真係好抵食，仲要好好食，所以絕對推薦大家黎紅磡要試下！

個人非常之推介佢係撈拉麵。出面嘅普通米線周街都係。我覺得呢度係撈拉麵，非常之有特色，撈麵比較乾身，面底嘅肉碎同埋汁都好入味，好香。再自己自選兩個餸，非常滿足。個人推介佢嘅麻辣豬耳同埋麻辣豬腩，兩個都非常之入味同埋好食！

相信在紅磡上學既同學仔對呢間新川一定唔陌生，就算未幫襯過都一定聽過佢既大名。今次幫襯主要想試下出面比較少有既紅薯寬粉，酸辣肉碎紅薯寬粉，酸味十分足，好過癮！價錢也十分親民！

平時返工壓力大，間中都要食下啲辣野減下壓，而新川都算係比較經常食既辣粉，夜晚其實都幾多人食，可能因為呢度比較多poly既學生黎買外賣，所以如果晚飯都要早啲黎先唔洗等位，店內坐位不多，大約係5，6張雲吞面店圓枱啦。叫左個撈米線，餸包括: 腐皮、鮮東菇、牛肚、炸醬。東菇份量唔多，牛肚好爽，炸醬係咸香，最正係有個花生。我friend會落埋醋落個撈面度，其實加左醋都幾好食。呢度既撈辣粉唔算超好食，但街坊面店黎講，都頂到辣癮既。

紅磡美食多人人都知，不過呢間新川真係唔係人人都知。米線大家都會諗起ｘ仔，南ｘ。但其實呢間新川先係卧虎藏龍！食過一次真係翻唔到轉頭，絕非打手，大家試下就會知道主推撈幼紅薯粉，紅腸同埋豬腸，紅腸次次份量都相對多，抵食。撈幼紅薯粉好惹味得黎又健康唔會有太多罪惡感！價錢算好平，加多幾款菜都唔肉痛。雖然年頭加咗一次價，但都係合理加，始終小店都係難維持，要繼續加油啊！

店鋪平實 5-6張枱但麵既份量多 撈米線個汁幾正 而且夠多夠撈得晒成個粉 我揀左中辣 成pat辣椒係度但唔夠香個辣醬但米線質感順滑 幼細有口感好唔錯🤤佢仲有寬紅薯粉 出面比較少見 有機會再試