新德園正宗手打魚蛋大王

Open Now

Now Closed

好耐冇入嚟元朗，之前呢間牛丸超級正，今日入嚟元朗特登再過嚟叫碗牛丸河，點知一食中伏，之前嘅牛丸多汁彈呀，好有牛味。點知今日食嘅牛丸死實實冇汁，我諗係因為經濟差咗減低成本 ，都幾失望。

路過又新街見有間新鋪少少餓件去試下叫碗牛雜魚旦河叫碗紫菜湯 豆漿試下乜野料結果中伏街坊價 但河粉個湯多師傅牛雜炆到爛 過哂火得個咸味同好快就口喝飲完支豆漿 即刻出門口買可樂飲雖然開廿四 價錢平但唔建議幫襯食過就明

試完每晚收工落巴士，都會去又新街嗰度搵嘢食，新德園系我食完一日再一日既鋪頭。第一次我就去食咗佢嗰啲牛腩河，最令我驚喜係佢嗰個麻辣汁🔥🔥配合我點嘅牛坑腩河粉加咗少少醋落湯😛😛覺得非常之驚喜好好食，出乎意料地令我覺得原來牛腩河係可以咁好食😭平時都係加腩汁啊咁樣👍👍👍第二晚諗唔到食咩就衝咗入去諗住試吓佢而家六點後先有嘅煲仔飯🥹一心都冇，諗住有啲咩超級大驚喜，諗住都係普通茶仔嘢，我哋就叫咗臘腸排骨煲仔飯（排骨加咗$10)，異常地覺得個飯焦啱啱好，未試過食到有脆卜卜嘅飯焦，跟住豉油落埋去非常好食，每一啖都會有鬆脆嘅感覺😍😍🥹👍👍👍整體係令我非常驚喜，只係餐廳廁所喺後巷不過茶仔喺呢啲地方有廁所都正常🫶希望佢俾人欣賞吓啦！我都系一個嘴刁嘅人😆

再比多一次機會，試一試上次元朗嗰間魚蛋大王。上次點左一碗坑腩河，瘦肉比較多，個人不是很喜歡，今次我就點左一碗魚蛋粉，睇吓會唔會令我改觀？一碗魚蛋粉，有3粒魚蛋+3片魚片。賣港幣30元，本人覺得性價比也是很高的了。河粉份量很足，魚片比魚蛋彈牙，但是魚片稍微薄了點，如果可以切厚一點，口感更好。魚蛋相對魚片來講，失色一些，可能是打得不夠或是什麽原因，本人不是很喜歡。但是不代表不好食，只是没有很彈牙的感覺而己，魚味依然是很豐富的。

今天在元朗試了一間新店，點了一碗牛坑腩河，感覺是假坑腩，全是瘦肉，坑去哪了？湯也很油，不是清湯腩。魚皮不新鲜，應該炸了一段時間，魚皮表面有一白色的粉末，不香，慶幸的是没有很重的油味，吃了兩塊就吃不下去了。芥蘭煮得比較爛，可能是元朗區老人家比較多吧？最後是一杯凍檸茶，不過不失，但是冰比較多。這間店可能是新開没多久，裝修比較光猛，店舖位置也好，坐得亦也比較舒服，冷氣也很夠，可能點錯了食物吧？如果有機會，下次去試一下他們的魚蛋。

食物一般般，好食稱唔上，求其當快餐填飽肚叫可以啦，滷水湯底隱隱約約有陣花椒味。對純食港式嘅我有 D唔慣。重點嚟啦 : 佢間舖熱！ 好熱 ! 癲線熱！ 舖裡面仲熱過條街，今日34°, 我食飽行出舖都感覺條街較涼。舖內7 把風扇全開，我同屋企人邊食邊流汗，望望四周圍，枱枱都邊食邊抹汗， 凍飲都解決唔到熱。佢有開冷氣，可能開好細，超熱。我嚟食麵，唔係焗桑拿同汗臭件衫。所以間舖唔會回頭囉。

11:00 落單，唔係咩特別野，水餃牛肚麵外賣，等左20分鐘忍唔住問阿姐要等幾耐，最後11:24先拎到。食碗粉唔求啲咩，都係貪方便，點知等咁耐，其實接唔到咁多單可以唔接客

見fb有人話新德園好食，就去試下佢哋雲吞牛什，買左碗雲吞牛什米外賣，分湯，買時候見個光頭佬老闆一路食煙🚬一路包雲吞，張台又有垃圾，又污糟，都估到會出事，雲吞咬左一口，裏面唔熱，又酸酸地，嚇到我即刻吐出來🤮，之後牛肚就一般啦，只食到滷水味，不過牛腸就好恐怖啦，好臭呀，咬一口，個口臭到不得了，個湯香，不過係味精湯，勁口渴，要飲好多水，在網上講到幾好食，都無用，食完就知係打手所為，肯定係親戚朋友幫手唱好間舖，我相信我這篇野一出，一定之後有好多好評，打手好快又做野