Video
Introduction
單一工場, 保持品質。自製魚蛋及牛丸, 另有牛腩及牛雜粉麵以供選擇。另外, 店鋪還有售賣火鍋生料。
continue reading
Opening Hours
Today
07:00 - 00:00
Mon - Sun
07:00 - 00:00
Above information is for reference only. Please check details with the restaurant.
Review (37)
嘩！今次試咗佢哋家嘅牛腩粗麵，真係正！牛腩嘅肉質好滑，咬落去唔耐咀，又保持咗啱啱好嘅嚼勁，放喺香氣四溢嘅湯底裡頭，真係渣都唔剩！麵條勁彈牙，吸滿咗牛腩嘅味道，每條都分明，無一條散漫。除咗牛腩，印象深刻嘅仲有佢哋炸魚皮🐟。薄薄一片咁，每啖都咬落去卜卜聲，唔止好吃，連聽都過癮！飲品方面，個凍檸茶🍋甜中帶酸，消滯又解渴，做完Perfect結尾。唯一要㨂嘅可能就係坐位嘅舒適度啦，如果你同我一樣，中意啲空間大啲，就選圓桌坐會舒服啲。但話哂，食物咁掂，少少不便都值得！快啲試下啦，我保證收貨唔會後悔啦！👍
continue reading
話説呢間新樂園魚蛋粉，門面普普通通，但其實係臥虎藏龍,因為佢嘅食物係有返咁上下質素，亦已成為我同朋友每星期某一日的必食飯堂，相聚一番。COVID逐漸放緩,好多時大家都想搵個地方歇歇腳, 但餐廳好多都仲未回復以往的營業時間,但呢間餐廳可以俾我哋坐到晚上12點😆😆有次同友人一行十人，做完運動都已經到傍晚九點幾十點，急急腳入黎補充下energy, 叫左佢5/6個煲仔飯食，叫下d 炒麵，個炒面好好食，又叫下d 小炒，都好惹味，最難忘係個蜜椒薯仔牛粒，真係每次必點，邪惡得來真係忍唔到口😋薯仔外面焦脆，内裡軟綿，調味很適中。煲仔飯我最鍾意川雞味😆凍凍地有煲仔飯落肚真係一種享受～每次都食得好開心好餓，同朋友傾下偈，都無點影相，曾經影過臘腸章魚餅煲仔飯,都相當唔錯㗎！
continue reading
新樂園既煲仔飯係原汁原味用爐火煲的，而且當中的排骨及滑鷄味道好好，肉質軟滑，飯粒乾身，加上有任落自家製豬油，夠香、夠惹味。飯焦可以成塊起出，焦脆，不會太燶。值得一試！
continue reading
一般茶餐廳環境,價錢唔貴但質素算過得去,而且款式非常多,除左雲吞同牛腩粉麵之外,仲有大路既炒粉麵飯,什至連焗飯都有,而且午餐時間仲有自助免費餐湯任飲,雖然係免費,但係好足料,潷湯時會見到有半煲都係豬骨,落重本~
continue reading
當日成夜晚九點幾都未食飯，仲開緊嘅餐廳唔多。見到佢仲開緊冇咩點諗就入咗去，講真都好少食茶餐廳🤭🤭.原盅蟲草花鴨腿湯飯 $48枝竹斑腩煲 $68.依個湯飯幾有驚喜，有兩舊冬瓜，一隻鴨腿。冬瓜同鴨腿都炆到好冧，特別係鴨腿已經炆到骨肉分離🤣而冬瓜亦都好入味。成個湯都好清，唔會油淋淋！味道都夠味，唔會話太鹹太淡，又唔會有味精味！成個湯配飯都好舒服🥰班腩都有幾多舊，size都唔算細。粉漿厚度接受到，唔會只係食到粉！但係枝竹有啲失望，因為真係唔入味，冇咩味🥲🥲特別要講下，當日我同朋友兩個女仔去食，加上夜晚唔想食咁多飯，同佢地講要一個飯就ok! 啲侍應都好好咁問我地夠唔夠食，係比碗我地share嘅時候又有幫我地用熱水洗一洗先，好好人☺️
continue reading