新海楓茶餐廳

Open Now

Now Closed

成日經過但一次都無試過，今次見到門口寫住98蚊有大鱔火腩煲，連飯例湯，仲送糖水，真係要試下先來個60蚊客飯餐客家釀豆腐都係連飯加有野飲，估唔到60蚊客飯可以有8件釀豆腐，雖然每件釀豆腐既豬肉份量唔算多，但有8作真心覺得抵食個大鱔火腩煲等左有啲耐，追左兩次先到，不是個個侍應都好積極咁幫忙追單，有些同佢講左好似無件事，anyway 個煲最後都出現，成個煲上枱時熱辣辣，煲細細，但鱔件都有6大件，鱔味唔算好出，調味出啲，火腩啖啖肉，唔會係全舊肥豬肉，另外有幾舊豆腐，整體呢個煲98蚊，以自己屋企好少會煮既餸來講係抵食ok 既最後餐飯既一個亮點，係碗送既紅豆沙，有陳皮味，好足料，紅豆煲到起沙，為呢餐飯畫上唔錯既句號

今日叫咗外賣，住馬鞍山嘅人應該都成日會叫呢間新海楓茶餐廳，佢哋定期就會派外賣紙入信箱。都算多選擇，而且唔使運費。今日叫咗個蕃茄焗豬扒飯，嚟到一打開心諗咩料呀？首先我唔知點解佢哋要用發泡膠盒裝住個錫紙兜，根本就冇需要咁樣裝，之前叫其他外賣用錫紙兜都係放塊紙皮喺底咋嘛。第二，點解可以燶到咁？仲要照送俾客人食…..第三，成個飯黐埋一pat嘢，好難食。多啲酸味，食唔出又蕃茄味，又多骨少豬扒其實叫過佢哋其他嘢食都唔算差，係唔知點解今次搞成咁

呢間茶餐廳，睇外表就知求其地踎是但共冶一爐，只不過因為以前住開呢一區，今日睇早場，順路就懷舊一下。呢度早餐嘅價錢都得上經濟實惠，見到兩餸麵餐$38，竟然配菠蘿包夾牛油，勁想試，但卡路里熱量太高，肯定食唔晒，於是轉頭去試香煎牛扒配餐肉煎蛋，上碟一睇牛扒超大件，成隻碟佔咗一半咁滯，牛扒煎到金黃色，雖然明知道係雪藏牛扒，但係醃肉味道都可以，無話用鬆肉粉搞到冧pay pat 無味死肉，配左煎蛋都可以，但餐肉就麻麻哋，最美中不足嘅係扒餐竟然冇跟餐包/方包，不過如果生酮飲食，就真係啱啱好。奶茶就一般般，俾一般餐廳算OK，雖然唔係好香茶味，但飲落都算滑口，唔會搞到又苦又澀，都算飲得㗎。總言之， $38早餐，確實係對得住價錢啦。

住喺馬鞍山十幾二十年，叫外賣食得最多就係新海楓，因為大件夾抵食，最鍾意👍：炸豬扒、炸雞翼、炸牛丸、炸雞脾、炸薯條、沙爹牛肉紅腸湯通粉、梅菜扣肉飯、煎䱽魚、椒鹽或普檸豆醬剝皮魚仔、焗豬扒飯、焗芝士肉醬意粉、黑椒牛柳絲炒意粉、上海粗炒、金牌什扒餐配黑椒汁、鹽焗雞、紅豆冰及多款小菜……等等😋，絕對係價錢平、份量多同好食，果陣覺得新海楓係一間良心食店，所以成日都會叫外賣，有時一日仲會叫二到三次！好可惜新海楓依家變曬質，又貴、份量又少兼難食，有時仲好過份，例如焗豬扒飯，唔單止份量少咗，豬扒用料同味道更是差到難以接受，一盒裡面至少有二至三件根本唔係豬扒，而係帶有豬腥臭味嘅超厚身肥豬肉🤮！而且其他出品亦同樣有類似狀況出現，都係令人難以入口，因此依家再無幫襯……Anyway，新海楓已經唔再係良心食店😖！

第一次食到咁難食嘅生炒排骨飯，都係第一次難食到會令我主動叫人換咗去，兼特登上嚟寫差評。個排骨咸到癲，由聞到嗰一刻就開始覺得攻鼻到放唔到入口，結果食咗一啖之後發覺完全得死咸同唔知點解充滿着喼汁味第一次食一間餐廳食到想嘔，十萬分唔推薦呢間餐廳！！！！！

本身還在心裏面盤算究竟好不好進來這一間茶餐廳，因為看來非常之隨便求其的餐廳，想不到，進來之後有意想不到的驚喜。進店都沒有什麼人理睬，而且，幾名男子都像是頹廢極，即使落單，亦都相當之晦氣的，「要不要湯」「飲乜」那些經典的偏差的服務態度。然之後，因為本身在外邊看餐牌就看到相當吸引的葡國雞焗飯，於是就立即落單，詢問過餐湯是合掌瓜湯，亦都要了，另外就點了一杯鴛鴦走。湯相當快端來，合掌瓜有一件，好像有一件豬骨，味道其實都不錯，不會太淡，應該沒有怎麼溝水的味道，茶餐廳來說都算不錯。鴛鴦走的體積比較小，是用類似韓國水杯那些不鏽鋼小型杯子，細細杯的飲品，不算太甜，但有會喝到煉奶的味道。葡國雞焗飯，想不到原來焗飯不是醬汁以及雞放在鐵器皿裏整個飯一起焗，而是將葡汁與雞放在鐵容器裏面焗，然之後另外給你一碟飯。其實這樣還更好，因為不會令到飯放在醬汁內過林或者淹死，葡汁雞焗來非常之有鑊氣，夠熱夠香。這都體現了有個網台節目所說，即是叫焗飯可不可以叫「起飯」，即是將飯底拿開，以免被醬汁浸到米飯又林又軟，這樣分開米飯來放，就可以有客人自行盛載飯再加點汁醬，就像是日本沾麵，亦即是沾飯。葡汁雞裏邊有些薯仔、洋蔥、蘿蔔、雞

我叫外賣 聽電話條友係個呀嬸 聽唔到人講嘢仲又唉我 態度差到嘔 點解可以人做生意你做生意做到咁 你不如摺埋啦 你間野害人害己已經唔係好食 仲要態度差成咁 你地唔休做都唔使做到出晒面嘅 我就睇下你幾時執叫外賣都咁差 堂食既朋友肯定仲慘過我呢間野一定唔會有下次 d野食難食到嘔 我打去個時話依樣無個樣無 我真心唔知你哋學咩人做生意 做事馬虎 d米粉成pat屎咁 d菜苦既仲難食過海草 我勸你地唔好再做落去啦 仲話良心店 邊度有良心呀 收賣人心都無能力啦你地

良心店，食夠100蚊送兩個口罩😷👍👍上次同女朋友食左兩個霸王雞飯，叫左兩個餐飲。再加個小食：薯條。啲野都幾好食，夠份量。建議中意食雞嘅可以試下，真心唔錯。最後埋單 個姐姐送左兩個口罩比我地。原來做緊食夠100蚊送2個口罩😷😂😂 日日食就唔洗買口罩🤣

叫佢午餐 金沙骨飯就嚟咗個葡汁雞扒飯然後叫個雞扒湯面餐個公仔麵呢就冇湯嘅淨係嚟咗個午餐嘅老火湯個外賣都等左一個鐘頭先來都可以錯晒 又漏野打返去餐廳 又問返我哋 咁點？仲要我諗？唯有無味咁食個麵😀😀😀👍🏻👍🏻👍🏻杯熱檸水打開有得三分二杯咁多

本來呢度真係幾抵食，但員工實在太差！追佢地3次條，都無職員去睇下咩事？蒸魚都無人理！最起碼都去幫客人睇睇？跟進同回覆是常理吧！忍唔住再問發生咩事，係都應該交代下，先話原來漏單！咁既服務質素點攪？最起碼都應該 check 一check發生咩事再覆人？！這是基本服務吧！所有食物都凍晒！幾抵都唔好幫襯！本來叫既係一碟沙薑雞 加 一碟蒸魚！又唔多人食，又每枱得2個人度，成餐廳都可能只係得12枱，都坐唔滿！其實食物都無咩特別好食！例湯係好多料都係味精既紅蘿蔔湯！但堅係食到一肚火！

住呢間餐廳對面住宅，所以經常幫襯呢間野，下午茶同晚餐都幫襯過唔知點解好多人話呢間野服務態度唔好，但我覺得ok，堂食過外賣過都唔係話差而價錢合理，水準唔錯，仲成日大大份，絕對係值得去食

前排係信箱收到新海楓餐廳外賣宣傳單張，諗住試下，點知原來係伏😰😰😰😰1.勁難食，炒苦瓜可以一啲熟一啲唔熟2.外賣同接線亞嬸態度都非常差叫外賣，收多我哋12蚊。原本應該係148蚊。之後好聲好氣打返電話問佢。個接線亞嬸竟然粗聲粗氣講: 「我都唔知，我照入機，你以為啲錢我袋㗎? 都係幾蚊者。」心諗: 呢度十幾蚊，咩幾蚊。每個客都收多幾蚊，同搶有咩分別?隔離仲有把亞叔聲話:「邊個嚟?（下刪2句問候人嘅粗口）」🙄之後仲要唔耐煩cut我哋線。

第一次食呢間 叫咗分咸牛蛋治加檸水外賣去收銀俾錢嗰時 個中年男人收銀已經一副睬你都傻嘅態度唔出聲 寫低我食乜之後收幾多錢都諗咗十秒先冷冷拋出一句要幾錢 好我當你未瞓醒 然後就俾咗張單我 正常係我憑單拎食物(可能呢間嘢唔係咁) 點知我等咗半個鐘先有個呀姐問我等乜 我俾張單佢 佢即刻拎咗去做 原來張單佢要收先會做到我個order？ 即係你叫我俾咗錢個收銀 然後要自己交張單俾啲呀姐 佢哋先知有呢個order？我同個收銀對望咗幾次 個收銀都係坐喺度翹埋雙手望返我轉頭 你都明知我棟咗喺你門口咁耐 咁究竟你有無俾咗單你啲同事啊？雖然我未食 就算佢啲嘢有幾好食我都唔會再去嚕

平時食開大型連鎖集團既餐廳，所以今次就幫襯下茶記睇下有無驚喜。叫左特色百搭早餐，價錢黎講都算合理，麵跟一個餸配二樣食品盛惠 30 蚊，加多 1 蚊重可以有方包，多士或者菠蘿包。沙嗲牛肉口感唔錯，不過味道就偏咸左少少同可惜無加 3 蚊轉出前一丁麵。菠蘿包剛出爐熱辣辣好軟熟整得唔錯，煎蛋就係燶邊太陽蛋，自己鐘意食燶邊太陽蛋。

第一次叫呢間外賣，叫左干炒牛河，下午茶餐既四寶麵，小辣米線........打電話落order個陣已經同佢講用500蚊........好喇，到佢送到黎，首先係一個無著衫既外賣紋身仔，拖住架開到好大聲既音樂外賣單車係我門口，之後唔出聲遞D野食俾我，咁我俾張500蚊紙佢啦，佢示意無得找，但係佢又無出過聲話無，咁但係我落單講明我俾500嘛!!!!OK，咁我搵左張100俾佢，佢粒聲唔出找左錢就走左............(已經感覺唔多良好架喇 ，因為講明500蚊架嘛，好彩有得俾者，如果唔係都幾尷尬...........)之後，我計下計下，收多左我兩蚊，咁我都算，當俾tips，D野食好食就算啦........(再感覺唔良好多D...............!!!!!!!!!! )打開野食，發現小辣米線變左清湯 ，再check下其他野食有無問題，其他就ok，但係以上3件事已經火都黎喇，於是打去同佢講........ 打去又係個落order既女人聽電話，同佢講我個外賣小辣變左清湯，點知佢答(態度有D奉旨的語氣):咁呀，可能佢漏左加落去啦，下次俾返我......之後就收左線.