新聯豐粉麵家

Open Now

Now Closed

呢排復活節假日食夜食，想搵碗粥食吓清熱氣，可惜無蠔豉豬骨粥，唯有蠔豉粉腸啦... 蠔豉粉腸粥$38粥底夠綿，唔覺有味精，粉腸夠稔，唔會要咬好耐，蠔豉香而帶鮮，整體表現好平衡，感覺好清熱feel 油炸鬼$8油炸鬼稔哂，如果係香脆就完美了魚蛋$6 個辣醬汁完全係深水埗街邊車仔檔個味，辣又香，追住個味食！細細粒香魚味嘅魚蛋！正！ 鮮八爪魚$10 鮮嫩八爪魚，有旺角肥姐9成功力，至少唔駛大排長籠同人迫再一次光顧小店有「不帶希望去，但有驚喜走」嘅開心！支持小店！

新聯豐 住或者會到深水埗既朋友都會有機會食過 其實佢平日都有粥粉麵 當中最出色一定係佢時間唔長只開傍晚既魚蛋檔 不過今日食唔到魚蛋 因為香港受到霸王式寒流襲擊 凍得很！！！凌晨時份回家途中 見到新聯豐白煙處處 好溫暖sorry 我頂唔住 要食碗粥暖下身 平日我九成係皮蛋瘦肉粥但今日想食清d 但又要d肉 所以我選擇左彈牙肉丸粥既！！！真係不多之了 即滾 即時送上 熱呼呼 真係睇見都好溫暖肉肉好彈牙 好爽 而且每一粒都好似牛丸咁大粒 脂肪比例好好 肉質新鮮之如更加有濃郁既豬肉味 食得出無加粉打埋一齊粥底本身好軟綿 厚身 好有質感成個粥因為只有肉丸 感覺清新鮮甜 好快就比我ko左！！！寒冬下 我好滿足！！！

一早返工，之後響地鐵站等左成四十分鐘，再去做 treatment,final 入迪士尼玩哈佬喂，入到去都6點了！當然乜都唔理只會喪玩，無休息過，赲到不得了。到十一點樂園關門時，我地先覺得餓到不行。個人得返半格電。我地直衝去消夜勝地深水埗食消夜！本來想食小炒，但係諗起要時間炒，我地就轉軚了，都係食粉好了，我地叫左牛筋系列中同水餃系列， 響等緊嘅同時，我地見到一行約七八隻曱甴衝渠內“標”出來 。。。。可笑地。。。我地幾個都不為所動，沒有移走，全因我地攰到動不了，只渴望食物快快來到。。。牛筋米，牛筋好彈牙，又入味，牛腩汁只有少量, 味道已夠濃但有少許肥 ， 米粉有咬口，兩樣食物對於宵夜來説份量剛好.朋友的水餃米粉, 水餃足料爽口怕 dirty 就不推介, 但老實講, 曱甴無處不在, 睇你好唔好彩嫁盔啫, 仲要係深水埗區喎~

一向不能抗拒新聯豐的魚蛋。每次到黃金商場，一定要到對面的新聯豐去吃串魚蛋和馳名的八爪魚。由初時八塊錢的八爪魚，到現在的＄10 ，也一直不離不棄。一如以往，河馬夫婦又買了一串魚蛋和一串八爪魚。沙嗲的醬汁完全沒有改變，與以前一樣非常香濃惹味，絕對能夠與陳記的媲美。但是八爪魚的質感強差了很多。一向喜歡新聯豐的八爪魚，是因為其爽口卻不失𡁻頭。但現在卻不但不爽口，而且還有點韌。魚蛋的口感，河馬太認為不算差。但河馬生卻認為太淋比以前失色不少。新聯豐的八爪魚其實一向也不太穩定，有時絕佳的好吃，有時卻失準。請看看下次再來深水埗，又會變成什麼模樣。

以前係深水埗返工，一個星期都會有兩三日係新聯豐食雲吞麵，之後轉左工，好耐都無黎啦，今日打完波，專登過黎食返碗雲吞麵，舖面同以前一樣，都係坐滿人，再次見番碗雲吞麵，麵質都係一樣咁彈牙，而雲吞都係每粒有鮮蝦，水準無變，而唯一就係加左價啦！不過無辦法啦，租貴呀ma!大家都明白，希望ｅ類型傳統麵家能夠長做長有啦，如果唔係就無咁好食既雲吞麵啦，全世界得返米線就慘啦！加油呀

經過開深水埗, 突然好想食粥, 其實有好多選揀, 今次試下在劉X記對面既新聯豐呢間食店其貎不揚, 驟眼望只係一間普通不過既粉面檔, 但估吾到甘好味個人吾係太肚餓, 所以只係叫左個田雞粥(呢D冇甘多人鍾意食既野最好自己一個人時食)叫左田雞粥後, 要我等成10 分鐘先送到, 本身我比較不滿, 但後來當我食第一啖, 我就頓然放鬆心情!原來,個田雞係即刻新鮮煮, 就算味覺不是很強既人, 新吾新鮮都算係分得出.田雞熟既程度剛剛好.令到肉彈牙得黎又不UN! 而且粥係老火粥, 十分十分綿.其實深水埗除左一D好出名既食店外, 大家亦不防留意下周圍仲有好多美食等待發掘!!

我是近這兩年才光顧這間店鋪 它的 生魚皮 牛腩面 秘製豬手 都好好食 啲汁都特別好食 味道都一直保持   面好彈牙生魚皮:新鮮 汁酸辣程度合適 我試過食其他鋪頭整既 但啲魚皮一係太硬 一係唔夠新鮮 自從係呢到食過後都無試第二間牛腩面:面好彈牙 牛腩腩汁味道濃郁 豬手: 汁都好正 豬手好乾淨 因為我好怕啲豬手有毛:-P 呢三樣都係必試係店鋪客太多 員工好忙 都要等五至十分鐘但今日經過果陣 發現拉左閘 唔通執左笠? 但我一年三百六十日去幫襯 基本上都未見過佢休息有無人知?

前日（2﹣6﹣2013 Sun）同男友o係深水埗整完o野就食個晏，佢帶我o黎佢食過o既呢間，大熱天時，我o地揀個開行冷氣o既位坐，然後我要$40.00o既生滾花膠螺片粥，男友要牛腩筋麵多筋，要$40.00o既炸水餃，加多支可樂。等o左一陣，最快到o黎o既係牛腩筋麵，我試吓牛筋先，好腍，味道唔太淡。之後我o既生滾花膠螺片粥到o黎，比牛腩筋麵更大碗，粥好熱，我真係“辣”親，花膠夠腍，螺片幾多，可惜冇味，只係食口感，呢個比較遜色。男友食牛腩大讚大大舊但好腍，而且好入味，湯又超杰身，根本唔係湯而係汁。好耐好耐，炸水餃到o黎，一碟七隻，雖然睇見有油但唔多，食落，皮脆蝦爽，內裡有木耳絲，食晒都唔覺漏，而佢o既酸甜汁味道較得o岩o岩好之餘重好杰身，同樣好好味。價錢：落晒單後，亞姐寫低$110.00，我就睇返影低o既餐牌係咁計，都計唔到咁平，牛腩筋麵係雙拼，應該要$32.00（＄24.00＋＄8.00），咁＄110.00﹣＄80.00＝＄30.00，我當＄30.00係$24.00＋＄6.00（汽水），即係話計少o左$8.00。服務：唔差，亦估唔到可以o係o度飲外來飲品，咁當然唔鼓勵大家咁做。味道分係4

星期六要出深水埗攞嘢，吾少得"公和豆卜"加"標叔叔串燒，然後主食。劉琛記、維記、譚仔...死長龍，周記又爆，於是試下新聯豐，有粥有麵如果相和真實一樣，栢葉、豬手、牛腩、鵝腸，冇食都知"OK"廣東麵就必試雲吞麵走青 - 麵太爽口、太彈牙，少少鹼水味，雲吞皮口兼吾夠滑，豬肉比例多咗，蝦算爽口及第粥 - 並是大量粉漿令粥底綿滑，而是米粒全開花帶少少口感，再加上大量新鮮用料，豬膶、腰、腸、肚、肉丸，非常丰富爽滑魚皮 - 重未食過，驚腥！但一試難忘，單吾腥，爽滑再加上香葱和薑，我要加上豉油...仔仔冇加...用2分鐘...全清好似90元

自己雖然住在深水埗區但少有來這間粉麵店,偶爾一次,又覺得幾好,只是內部面積不大, 座位不太舒適, 是日試咗1.)南乳豬手撈- 有咬口之餘, 南乳味沒有過搶, 唯一生麵個梘水味重,煮麵時未能將梘水鬆洗去, 2.)魚旦河- 太座話好有小時候在街頭巷尾食到那種味道喎,即係”好啦”3.)水餃麵- 比較一般, 餡料內沒有什麼”蝦肉”4.)豬潤粥- 豬潤厚薄適中, 緊緊熟又係幾有水準之作以上四味係分開兩日來的結果,由於豕次味道都不錯, 日後會更多來幫襯

剛吃完一個份量小, 味道欠佳的牛雜麵, 當然不會就此罷休, 於是順步走過來再找點吃的. 鑑於 quota 不多, 要找一些不太大份量的來吃, 劉森記吃得多了, 不考慮, 剛好看到這店, 實在很久沒幫襯, 於是卜鎚.一向很喜歡這裡的牛筋麵, 又腍又入味, 就去馬.三分鐘有得食, 賣相是不俗的, 多葱花, 多料, 多湯.先試一啖湯, 是以前習慣的味道, 少許味精, 亦有牛味.牛筋腍滑, 入味, 好!麵身爽滑, 連以前常有的梘水味也消失了, 更加好!其實這店的選擇很多, 不過有些食品要下午才開始供應.隣枱的客人叫了一碟白灼黑百葉, 很大碟, 很多薑葱, 看來不錯, 只售45大元. 抵食.以後會再來的.

深水埗食粉麵的食店真係一街都係,如果要試食真係有排試.呢次就食呢間,因為佢近黃金,睇完腦場可以行過對面食.坐位普通,一般粉麵店格局,叫左個牛腩魚旦河,先講下牛腩,唔係太淋,不過都叫入味,魚旦都係普普通通,食完成個麵係有d口渴,應該有味精.如果唔係要求太高都叫可以一試.

綜合了4次,試咗 : 1) 貢丸魚蛋伊麵 (hk$31)-第1次來,沒有帶相機-試圖要求伊麵煮硬d,亞姐又好認真幫我落單寫要"爽"-貢丸結實,魚蛋不是彈嗰隻,小腍身,都ok good-麵質ok啦 2) 鮮8爪魚串 (hk$7)-喺門口見佢賣緊,已覺得佢嘅8爪魚串好肥美吸引-有d客直頭只喺來"篤"番串-肉質軟腍中帶微彈,唔似浸過化學品-個咖喱汁惹味,越食越辣...........我嘅上限呀3) 醬爆丸墨丸河 (hk$29)-今晚都喺食唔到魚皮餃,亞姐話攞咗好少魚皮餃,所以通常晩巿都已經賣晒-墨丸嘅鮮味溫和,都ok的-醬爆丸裡面好juicy-最喜歡佢嘅河粉喺好明顯有米香4) 油菜 (hk$10) 5) 肉丸粥 (hk$18)-粥底味道比同區嘅新x園自然,而且仲+有生菜絲,所以增+了爽口-不過佢嘅肉丸質感不夠結實,這點就喺新x園做得好d-上次來見有2個客都喺叫豬膶粥,下次可以試吓6) 椰汁 (hk$8)-很自然嘅椰子味,只喺略嫌甜咗d 7) 魚皮餃雲吞麵 (hk$29)-今次lunch來,終於有魚皮餃了,亞姐都替我高興 (佢已經記得我想食魚皮餃)................但可惜味道唔好

食左咁多年...都係覺得黃金呢頭.....新聯豐係最啱口味...食開就有感情, 食日食左炸醬撈粗 + 椰子汁...炸醬粗好味..,個蝦子湯都好夠味....椰子汁就好重奶香, 水準保持得好過大王今日無食到 魚旦 墨魚.....平時食開既仲有 雲吞 米....記得要加色...

艇仔粥$18雲吞麵$18菜芯$10合共$46.00呢餐半宵夜半晚飯，十點幾先食個粥底都幾甜同綿，係魚片做底，冇咁腻，好過用炸米粉肉雲吞餡幾香，皮薄接口位唔厚，不過冇肉味，麵冇梘水味，幾煙韌都幾好唔差，食得過