新興粉麵

Open Now

Now Closed

叫咗自家製魚蛋, 雲吞, 魚片頭麵當宵夜.又看看這間我從未見過關門的麵店, 會有什麼水準!? ************ - 自家製魚蛋 - 有點骨, 其實算不錯.- 魚片頭 - ...真正的魚片頭, 是從長長的炸魚蛋兩端所取. 這裡的只是炸起了的縮短三角炸魚蛋版. 人人都話叫魚片頭, 是逼不得意才朝這方向做. 這本來也無乜事, 但偏偏這裡的就炸得不太夠火喉, 有點欺場..- 麵算不錯, 湯底需然是有點魚味, 但很奶白地, 有點濁同還有唔少 MSG.- 雲吞是豬肉多過蝦的摸樣, 一般咁.

食過咁多野食,好想同大家分享,正所謂"獨樂樂不如眾樂樂","自己食不如一齊食"。係北角住左十二年,係新興都食左8年,可謂由細食到大,見到個老闆都轉左幾檔,但品質依然保存,值我一讚 不過,可能物價上漲,d牛雜料愈來愈小,價錢愈來愈高,亦因此慢慢遠離,兩三星期先食一次。如果大家經過,我覺得可以入去食下以下幾款:首選,"唔該一碗牛雜米"咁就得左。首先,牛肚爽,最緊要同姐姐話要金錢肚,味道更佳,牛腸通常通得幾乾淨,但係有時你倒楣時,就會無咁乾淨,咁請你下次再來食過,因為d腸油會好難食,而粉腸通常我都會"走",因為好多時都會有苦味,之後,牛"旁"同牛肺係超級好食,唔會你走寶,我知好多d人會"唔該走旁,或者唔該走肺",千祈千祈唔好咁做,你一定會後悔,我覺得最好食係呢兩樣,好滑,好lum,好落口。 (溫馨提示: 食牛雜前,記得自己去中間張枱拿一個碟仔,,,,然後倒三分一的辣油同三分二的紅醋,咁樣同d牛雜一齊食,:3個字"無得彈"D粥都可以一試,d朋友都話得,因本人唔好粥,所以不識講。菜心同通菜都要叫,7蚊一碟,又平又好味\總之,去呢度,食牛雜(18)同菜(7)就無錯la

$16/ 碗 唔知係咪叫錯野湯又無味 水餃有五大隻, 正正常常咁 麵底也只係普通 10 蚊碗貨色, 有咩好講喎, 答案咪係“無” 喎 真係唔明話明無味, 食完都會勁口渴既 ?!

都記不起第幾次光顧,但時間至少超過八年,幸好多年來水準保持得不俗.之前同太太去八方雲集,食五十蚊野都同無食過一樣,唯有死死氣行多兩步食碗麵.先來一碗牛什米,另加油菜及汽水牛什米($18) : 配料充足,有肥腸頭,牛肚,牛膀,及牛肺等等,不單入味,而且夠"稔",份量亦不少,肥腸頭清理得相當乾淨,所以相對地唔夠羶. 油菜($7) : 是日選了芥蘭,再湄淋上牛腩汁,size 是菜苖大小,不過好老,至少食幾條都食到有渣.腩汁不夠多,油就好多,而且菜本身有點發黃,唔得.加埋汽水都係三十蚊,又真係幾頂肚架.

朋友食過e間老牌店都覺得幾好,不過我就有唔同既諗法,果日佢地去食,我又跟埋去!! 由於前一晚冇訓既關係,冇精神又冇胃口,清清地叫左碗粥食下!!$16 一碗皮蛋瘦肉粥,價錢好合理,都幾大碗下 但係粥底係白粥黎,淡而冇味!! 皮蛋同肉既份量都較多,但d皮蛋有少少異味,肉好似平身冇醃過咁,都係冇咩味最唔中意既係: 一路食野既時候,有陣陣既怪味傳出,所以冇食曬就走左

閏五月初二‧悶熱 小時在這附近住，不會對這裡陌生，如果想吃牛雜麵，來這裡是錯不了。因為靠近街市，先不說其鹵水的水準如何，至少拿到的貨是比較新鮮的。時至今天，當然不能以此量度店子的水準，因為牛雜已經不在街市買的了。 是日想起這裡，來吃碗麵，不要牛雜，要了咖喱牛肉豬心麵。都是熱辣辣的上檯，在這大熱天時，難免吃得一身汗。牛肉是沒有用疏打粉招呼過，咖哩汁雖然下得不多，也夠香夠辣，如果下次來，吃個咖哩牛肉撈麵，都很不錯。豬心吃起來新鮮爽脆，也美味，而這裡的湯式是鹹鹹的，多喝無益。麵質爽身彈牙，品質不錯，是附近春秧街市內的麵廠的出品吧。吃起來帶一點點的鹼水味，是過水不足。這碗麵，賣19蚊，在這裡而言不是便宜的價錢，但都吃得過。 不要看這裡只是小麵店，但服務也不錯的，要多蔥真的幾多蔥，而要什麼也都立即拿來，值得一讚。 連熱咖啡一杯，埋單25蚊，都經濟的。

依檔野食左＋幾年 , 幾年前裝修過光猛咗 ,牛什汁夠味 , 麵身有料到 , 可以先食餸後食麵都唔會太淋 ,牛什整体上合格 , 但唔算特別標青 .牛腩唔知係唔係轉咗供應商 , 有D雪氣味 , 佢裝修前過切腩就真係一流 .

2009年03月30日，14:00繼續燃燒年假，到北角尋找B貨硬碟錄影機。走了一圈未有發現，便到這裡來碗牛筋麵。麵灑上了蒜酥、蔥花、芹末，牛筋極粗壯，賣相對辦。再來一口湯，花椒、八角味香濃，吃完麵兩、三小時才想喝水。清湯腩的鮮甜和她是兩個模樣。麵底爽而鹼水味淡。主角牛筋大大件，腍中帶彈牙，好復雜整體高水準同檯的電訊員工，能瞬間幹掉兩碗雙拼麵，真有點妒忌 (食得是褔)再來兩夫婦，他們的牛雜麵上檯時，我眼睛發亮牛雜呀牛雜，請等著我回來。

皮蛋豬心粥($18) ~ 呢排實在食得太多熱氣油膩野 , 所以lunch既時候要食返碗粥黎清腸胃加熱氣先得 , 順便要減下肥先得 , 阿姐既態度好好 , 叫佢比多d皮蛋都肯 , 而且粥底大碗夠綿 , 又冇咩味道wor , 材料份量多 , 我仲手痕加埋醋落去食 , 估增添左幾分鮮味。之前都試過食呢度既牛雜 , 幾好食架。

今日好凍想食熱粉面,同daddy去呢間食粉面暖胃~舖面有D細...坐得好迫,不過值!2個人叫左牛筋粗:牛筋好滑,滑得黎彈牙!牛雜粗:牛雜好多呀!尤其係肚,雖然個人鍾意腸多D牛雜煮得好稔,唔咸,應該無乜落味精,但係無怪味!好正!湯好清,唔咸,飲左唔駛飲有味野都得!粗面:好彈牙!好正!連我都忍唔住清晒!阿姐好好人呀!隔離阿婆問佢攞杯水都無俾面色人睇,超好服務呢!$18咁大碗好抵!下次一定會再食牛雜!

很久以前我一位在東區住的老同學推介及帶我來這處吃牛什麵，印像中覺得水準不亞於幾間城中名店，今天晚上有事路經北角，正考慮吃什麼時，腦中突然想起這間在電車總站旁的麵店，多年後重來看看是否能保持水準。 今晚我進去時只有兩、三檯客人，店雖老但翻新後的店面頗整潔，我要了一碗五香牛肚麵($18)及一杯凍啡(跟麵只加七蚊)，上檯後才發覺下單時忘記了要粗麵，我個人覺得粗麵的表面較閣用來配香濃湯汁如腩汁便最理想，大湯碗內盛著十多條切得很工整的牛肚，牛肚看來都很乾淨，相對牛肚的份量麵量反而偏少，甚至我吃光了碗內的麵，碗內還有很多件金錢肚。這店的特式是在湯麵灑一些炸蒜蓉增加香味，味道能夠保持成記憶中的好味道，今天不枉我專誠老遠的走過來尋找記憶中的牛什麵，各位食友如路過北角不妨去試食印証一下。

9-2-08 (六)路過又給店舖傳出的香氣吸引入內，還是牛腩米和牛肚河，牛腩仍然又腍又夠份量，牛肚是這裏的招牌貨，水準穏定。曽外賣這裏的牛丸回家打邊爐，牛丸頗彈牙。

之前未轉手時, 它的粥是非常之好味, 但轉了手後,超難吃~ 好失望. 其他粉麵仍可保持水準,或許是因為那個師父還在.

30-11-07 (五) 午餐偶爾想食牛腩麵的時候，會想起天后？中環半山？筲箕灣？竟然忽略了身邊的傳統老店。那天帶Ｔ來這間小店，吃了牛肚河和牛腩撈麵，Ｔ說比起天后的名店，這裏不但份量合理，牛腩更好吃。

幾年前收工成日去食，多年後因上堂關係有緣再聚，果然無失望。裝修過，算乾淨左。單叫１６，雙併１９我就叫左腩雜河，上桌後發現佢，份量：算多，抵食湯底：改良左，用多左炸蒜頭，令個湯香口左，雖不是清湯，但尚算鮮味。牛雜：無得頂，入味，但仍保持牛鮮味，必食。牛腩：中上，夠嫩，小肥有油香無味精，食完唔口渴。５蚊加支可樂，非常滿足的晚餐。