新花清湯腩餃子專門店

Open Now

Now Closed

午飯時間，嚴重選擇困難症又發作，在這邊兜兜轉轉時，發現了這個小店，但小店裡似乎擠滿食客，應該一位難求吧？於是再四處走走看，還是決定不了吃什麼，於是拆返這裡，幸好這時有位了。用餐高峰時間，四處也擠滿食客，這裡也不例外。首先吸引我入座的是眼簾的是魚湯。選食店難，進入食店也要過五關斬六障，人一個卻心多多啊！野葛菜生魚湯好不容易決定食什麼了，首先送來的是清澈的湯水，入口熱呼呼的，帶著鮮甜，非常好喝。點了的套餐附送湯浸芥蘭，超粗身的，很爽脆。客家鹽焗雞飯幸好要求少飯，少飯也那麼多，正常份量會傻眼吧?!客家鹽焗雞飯雞翼加雞胸，雞胸不會太嚡口，鹹度頗重的，加點薑末佐吃更滋味。

一個人下午食晏 叫咗個米粉餐， 見佢有啲碟仔就叫事頭婆攞個碟仔用吓， 用嚟點辣椒油 個事頭婆 攞個碟仔過嚟就即刻黑面， 跟住就鬧喇( 個個人都用碟仔点辣椒油， 辣椒油冧上你食啲嘢度咪得囉， 而家請人洗碗都唔知幾貴呀……） 不停係 咁閙， 餵大佬你唔想俾人用你咪話冇囉，系咁鬧人做乜嘢呀， 喂我都要畀錢㗎， 我又唔係團購 我都要畀錢㗎嘛， 加上老實講啲嘢就唔係咁好食，( 我叫咗個牛脷米粉， D牛脷腥嘅 ， 啲餃子又唔好食 )呢啲咁嘅事頭婆 呢啲咁嘅舖頭 執到錢都唔好去呀

先前看到，某討論區，有人介紹這一家餐廳的牛腩，看來相當之吸引，所以今天涉雨也要來試試。原來，到來新填地街，的確有點兒危險，因為門口，還是附近的地方，有很多人會摟生意。有時候，看見她們，在大雨滂沱的時候，仍然那麼專業的摟生意；怎麼有些同事，當上司甫離開辦公室一步時，立即放下工作，伸懶腰聊天廢話，難道沒有人看着你的時候你就不會工作嗎。鳳姐尚且專業，請問你如何對得住自己。新花，這個名字有點兒老土的感覺，然而看到室內上方有一塊玻璃，說是「新光酒樓敬贈」的，難道「新花」與「新光」真的有什麼關係嗎?牛腩麵，我吃了一個有嘢飲的餐。這個餐，有招牌清湯腩麵，再加飲料。落單時，店員阿姐已經問了我要不要「半肥瘦」的牛腩，我也說好。因為第一次試，不知道如果全肥的話有多肥膩。但是這碗麵來到的時候卻有點兒後悔，因為牛腩好像的確比較瘦，半肥瘦只有少許肥膏，但是還好，因為麵內還有喉管。這是外邊其他牛腩麵店，比較少見的。湯底的味道也有點兒鮮甜，當然不像大埔群記那麼甜及稠杰。牛腩都味道不錯，雖然有一邊比較瘦，難免會造成痴牙的問題。但是肥瘦均勻的部份，相當之鬆軟，也非常入味。麵條不多，就像普通的生麵，非常之幼，但是有點兒彈

佐敦呢間唔太起眼嘅店舖，原來都幾多人幫襯架喎，星期六下晝黎，食客都源源不絕。我叫左午餐A（$42）招牌清湯牛腩河+野葛菜湯我覺得湯頭都幾清，冇晒爽腩咁牛腩都唔錯啦，食得出店家嘅用心。老婆食常餐C+2（$40）番茄豬潤米線+煎餃子4隻+野葛菜湯老婆話豬潤米線就普通質素啦，不過個煎餃子幾好味喎，有幾款餃子可以揀，老婆要韭菜豬肉餃，我都食左舊，外皮脆、皮又夠薄，仲有餐廳自製辣菜脯，好夾煎餃！跟餐嘅野葛菜生魚湯唔算太濃，當係一杯餐飲都還可。呢度餃子同牛腩確係較出色！

收工1730，餓時必來這裡吃個常餐。40元，有飲品（可選湯/茶），另一碗粉麵，再加小吃。必點是生魚湯，超甜。然後今天強了蕃茄牛肉米線，大大碗，牛肉淋滑，湯頭亦清甜。小吃選了尖椒，即煎夠熱不會差到那裡去。40元而已。小吃還可選煎餃四隻，可選不同味，也有魚餅，甚至西多也可以。整体上上。

今晚沒認真選的食店，到門面都有點猶疑，好在有個願意試的朋友，先至無走寶！無論爽腩米粉，雙拼煎餃，同雙拼餃子野葛菜湯，都好好食！結果野葛菜湯要加湯，好好飲！牛腩湯都正！有胡椒味，不過我好熱氣，唔敢飲太多。煲湯要時間，誠意十足！一定無味精～唔算多人幫襯，但係入親嚟都唔少人整碗野葛菜湯，食得番某餃子店以前的味道～腩都好食，餃好大隻足料。馬蹄…餃子估唔到好好食，個名好長，哈哈。朋友愛吃辣，她稱讚辣醬，我點一點吃，嘩！！！辣係滲出嚟，要飲幾啖湯先得。係香嘅！可以更好的是，蘿蔔唔駛煮得咁甜，煎餃而家都脆，但可以更香口。努力啊！

今次團購有去過啲餐廳，興奮地買咗10張，點知當店主知道是團購，面容態度即是扭曲，語氣差，態度差，食品少（比之前幫襯時），一次比一次態度差，大佬呀我比錢又受氣。，如果想透過團購做宣傳，唔該態度好啲，如果不是不做也罷，以後不再幫襯。

係groupon買左2人餐去到見到根本只係平左10蚊, 話醉雞停賣 局住要鹽焗雞...食落去同白烚無分別。清湯腩…牛腩好淋不過好多肥膏，蘿蔔甜得好過分，湯落左好多味精。大家咪中招~

如果不知道新花背後的故事, 區外客經過門口都會走寶! 來這𥚃是為著找會新仙牛腩的味道而來.前新仙米芝蓮- 新花清湯坑爽腩彈牙入味, 肥瘦比份恰到好處, 湯底一流!魚湯自家製餃子 -餃子皮厚度適中,料很多, 必試馬蹄豬肉, 馬蹄大大粒爽囗, juicy ! 魚湯鮮味十足!

聽說這裡的老闆大廚是出身自清湯腩名店"新仙"。專道而來的我本實應試一下她們家的牛腩的，但怎知面前端來的卻是一大碗餃子河粉....一嚐底下，才赫然發現餃子並不是重頭好戲。最出色的，反倒是那個野葛菜生魚湯底....記得多年前在太子的餃子店都喝過這般的湯底，但當時喝到的是又濁又不天然的劣質作品令人氣餒。今天在這裡喝到的，卻是一口清甜老火而全沒妖邪味，極家常的好湯....用匙一羹羹掏來喝，不知不覺便喝至碗底朝天，來個"美人照鏡"可也....這可是近年少有呢....說回那隻本身為主角的馬蹄香莤芹菜豬肉餃，一睇就知是自家包製的。餃皮算是薄身不黏口；餡內最突出最搶味的當然就是明符其實香味獨特的莞莤菜以及切得大大粒又爽又甜的馬蹄。個人覺得可作改善的是肉饀的調味可以稍淡一些，現在是有點偏鹹了....初時還害怕不夠吃，加了錢添加了河粉底....但誰料到光只食那九大隻包得像元寶般飽滿的餃子就差不多飽到反艇了....最後還吃了一碟菜葉翠綠而莖爽脆夠甜的芥蘭，這樣不飽死才怪....對這兒的出品累積了信心。下次再臨時，必定要放一大碟清湯坑腩或爽腩在檯上才得以滿足我這牛魔王的大慾....

因為好喜歡食餃子, 更喜歡喝湯, 於是便來到"新花"潮聖了, 星期六下午約兩點, 爆多人, 小店座位不多, 可能要等一陣位。好像說是牛骨湯浸的芥蘭, 底湯勁咸....芥蘭就仍翠綠, 爽嫩無渣。煎餃、湯餃的組合叫了餐, 所以有多一碗湯, 野葛菜生魚湯, 有清熱、消炎、滋養潤血、養心寧神等功效, 有美容作用。試一口第一感覺是很甜, 像是紅蘿蔔的甜, 然後有野葛菜味淡淡滲出, 不太覺生魚味, 所以也不會腥, 湯很濃, 好滋味。餃子要雙拼, 白菜豬肉餃拼馬蹄香芹菜豬肉餃, 餃子餡料較清淡, 皮薄, 相比湯, 餃子便顯得較為平凡了。很滿足可以喝到兩碗湯, 這麼美味的湯, 多多我也能喝。

這間餃子專門店雖然係地舖，而且有大大的招牌，但因為位於小巴站旁，好容易就會被停泊等候的小巴所遮擋，今次反而由好友極力向我呢個佐敦地頭蟲推薦，就姑且一試啦能夠用喧賓奪主這詞去形容呢碗野葛菜餃子就最好不過了！因為餃子的氣焰已完全被清甜正氣的野葛菜湯搶過了，當然皮薄而多汁的菜肉餃子也是水準之上常餐$39，除咗有米線多士外，仲有一碗葛菜湯豬潤湯米線~可能啱啱飲完碗咁正嘅野葛菜湯，所以急不及待試一啖呢個湯又係乜嘢味道、當然比較遜色啦，但有少少的酒香，應該係用酒醃製豬潤時混和了入湯中，豬潤爽夾滑，絕非又硬又乾之流，值得推薦半溶的凍牛油碰上熱多士，亦即解讀何謂'冰火'了，但當放進口中預期是咸的時候，卻偏偏會是甜的？？？原來多士的底層掃上了薄薄的奶油，這多士令到我味蕾的感覺絕不簡單呢

出了名，中了米芝連魔咒便沒有幾間小店能維持水準。新仙的老闆娘脱離了集團，便開了這間小店。我收到這個消息後便立馬趕來。.一坐下便毫不猶豫的向靚姐講：爽腩河啊，唔該。這時老闆娘從廚房裏叫到，好肥架喔爽腩，諗清楚先好叫啊，怕你唔慣。.我話我知，爽腩河，肥無問題丫。點知老闆娘又提多我一次，靚仔，真係好肥架喔爽腩。.哩個時候我心中默念，__你，我就係鐘意食肥腩，我仲怕你太清淡啊！.不過，我壓制住情緒，好有禮貌地講：食開架喇，你未攞米芝連果時，我已經常日食喇，老闆娘。.就係噤，當碗野送到我面前再食落口時，我知道，從前既新仙終於番咗來。熟悉既求其斬法，多肥油，湯清而濃，仲有淡淡既胡椒味，相當之有水準。雖然未去到群記噤重牛味，但如果以清湯來講，味道質感上一定好過淡麗風既華姐。對於唔鐘意湯頭太油既人來講，你一定會好鐘意。致於爽腩本身，軟淋而不柴，加上連在一起的油脂筋膜真係味道與口感既完美結合。係我來講，暫時係九龍區最高水準既清湯腩之一。.係，仲有。老闆娘，舊腩如果再肥d，我其實仲鐘意啊。😂

無意中在寧波街發現一間新開的餐店，招牌寫住清湯腩，於是和老公入內一試，老闆娘推介二人套餐，有清湯腩，客家咸雞，煎餃子，釀尖椒及兩碗麵及野葛菜湯，還強調牛和雞都是新鮮，見老闆娘誠意推介就一試。牛腩是坑腩，帶有一點肥，炆得很入味，很腍，味道很鮮味，果然係新鮮肉，客家咸雞也非常嫩滑，比一般巿面食開的雞勝一籌，驚喜的是野葛菜湯，非一般例湯，就像回家喝阿媽的靚湯一樣，非常足料煲，整體上都滿意，份量充足，若不是大食之人，可夠三個人吃。

我們一家三口行經佐敦寧波街，見有間清湯腩新開店，見門口圖片的牛腩好正就入去試試，老闆娘見我們一家就介紹個套餐，話一定夠食又可以試到幾樣招牌菜。我們就試了個B餐，有招牌清湯腩、招牌滑雞、招牌野葛菜湯、餃子、煎尖椒、配飯(可轉麵)一食就知是用新鮮雞做，所以特別滑及有雞味，牛腩都是一樣，是用新鮮牛腩做的，問過老闆話每日6 點專人到街巿取牛腩，過時就給他人取了。真係好清香的牛肉味，肥瘦適中入口軟滑，令人回味。而我太太就最喜歡這個野葛菜，話好味過佢煲，用料足，夠鮮味。順帶一提，店內有秘製醬料，喜歡食辣的朋友一定要試。