新華園燒臘粉麵茶餐廳 (Closed)

韓國朋友首次到港,一心想試地道菜, 因為時間關係帶他去最近的新華園燒臘粉麵茶餐廳吃砂煲飯, 誰知吃到一肚氣.!!!食物不是太油, 就是太咸, 砂煲飯又超濕, 甘都不止, 外加服務態度極度惡劣, 你話, 香港比外國人的印象差, 不就是比呢的人累, 唉!希望無論是服務態度或食物質素都大大改進!!!

曾幾何時, 新華園的煲仔飯在北角區是數一數二的, 可惜因員工的懶惰, 美好的煲仔飯頓時被摧毀是日點了排骨煲仔飯, 為了提升味道, 故此要求加入豉椒加 $4 不是問題但當看見侍應把熟的豉椒排骨 (即碟頭飯的豉椒排骨) 放進生米中煲, 已知大事不妙一如 "預期" 排骨和飯味道完全分離, 再加上火候控制失宜, 沒有煲仔飯的精髓 - 飯焦懶惰, 摧了一窩本應有極高評價的煲仔飯徹底的失望

This time, I want to share my experience on dining on this Siu Mei restaurant, altohough it is taken away, and the quality is not quite good, the meat is not fat and sweet enough, but the price in $16 is very economic.

今天是人日，剛巧放假，一如既往，放假日的晚餐本應由我親自下廚，可惜因親友到來探訪，延誤了我往街市的時間，太座叫我勿為晚餐籌謀，上館子便是。天寒地凍，令人想起吃火鍋，但得三個人，不夠熱鬧，又不可點多幾款，轉而求其次，吃煲仔飯也頗不錯。這店除了賣燒臘外，一到冬天便在門外擺煲仔陣，令路人望而生愛，我們也來一試。因小伙子愛吃叉燒，先點一碟燒肉叉燒飯，又點了時菜斑腩飯和北菇田雞飯，還有例湯送。例湯是金銀菜煲豬骨，湯味濃郁，入口清潤，每人有一碗，大可飲得夠喉。燒肉叉燒飯，有些炒椰菜伴碟，叉燒看來不錯，一蹍一蹍的，應是柳枚部份，小伙子搶先吃一件，頻頻話好，我也要先試為快，果然肉質鬆軟多汁，蜜味不算太多，是上乘的叉燒，燒肉的皮很脆，肉質、肥瘦看來均勻，但燒肉太鹹，這隻豬白白犧牲了。時菜斑腩飯，斑腩炒得很夠鑊氣，入口像有一團火，魚的肉質潔白甜美，茨汁薄薄的，很有水準。北菇田雞飯因製作需時，是最遲送來的，熱騰騰的瓦煲，雖然有蓋蓋著也在冒煙，開蓋後，飯香四溢，北菇和田雞佔據了飯面不少位置，淋上豉油，連隨攪拌，飯煲底的飯焦也混成一體，田雞肉質結實，雖然其味道並不突出，也吃得出是新鮮的，飯焦方面，祇是淺嚐深啡色

返工前去食個早餐，揀左近地鐵站o既新華園，我自己未食過呢間，但趕住食完返工所以揀左呢間。8點35分入去坐，得小貓三隻。要左個最basic o既早餐A，即係火腿通粉，牛油包及腸仔煎雙蛋。先黎火腿通粉，冇乜特別，食完咁滯，杯奶茶都仲未到。等左10分鐘，杯奶茶先到，但杯奶茶好難飲，飲落口係苦o既，又冇茶味，飲飲下我都放棄。食曬通粉，但腸仔煎蛋都仲未到，果陣已經8:55，我返9點。見到得一個人，煎野又係佢，收銀又係佢，落單又係佢，但我真係趕時間，於是同阿叔講，佢話: "嗱，煎好喇，你坐返埋位先喇"....既然佢咁講，唯有坐返埋位。一食，真係好難食，連腸仔煎雙蛋呢d咁簡單o既都整到咁難食真係好少有。條腸一般，我都煎得出。隻蛋，冇蛋味，淨係食到一陣油"益"味，而且蛋黃已經係熟透，我都冇話要熟蛋，仲要係全熟.....連食都唔想再食落去，埋單走人，返到公司聞到自己一陣油"益"味，呢餐早餐真係食到個人好冇精神。

雖然話經濟麻麻地，但老實，又唔覺得出街食飯有幾平，閒閒地都要$3x食個lunch。今日冇乜心水，所以揀左$14的燒味飯 - 燒肉飯。如果話有驚喜，都係呃你既。但老實，都唔算差丫。太多飯，根本食唔哂。燒肉都好多舊，仲有條菜，仲想點?! 是是旦旦又一餐。抵食!!!

今日超熱，lunch很趕得番好少時間食飯，最後決定買飯盒。因為冇乜胃口，所以冇乜idea食乜好，結果是但四圍行，竟然見到有$14一盒既飯盒賣!!!反正不太餓，本住一試無妨的心態，要了個叉燒飯外賣。師傅仲加了1條菜，仲有汁，都算係咁。叉燒不算好好味，但都唔係差，係略為硬左少少。飯個汁就幾好，唔會太咸又有味。總括而言，$14，仲想點? 早餐都唔得啦!!!

今日一個人，悶悶地，去左食個煲仔飯。間餐廳以燒臘為主，門口一煲煲的煲仔飯，很有風味及特色。叫了臘鴨、臘腸煲仔飯，味道不錯，夠熱又有飯焦，不錯不錯。時間係要等耐D，但都係值得既。唯一，係D超級9流服務，真係有少少背脊骨落。

雪菜火鴨絲炆米 ~ 好耐之前成日都叫呢個黎食 , 因為材料豐富又炆得香 , 相隔左一段時間冇食 , 今日諗住回味一番 , 結果換黎既係萬分失落 , 味道雖然好似冇咩點差到 , 明明係叫雪菜火鴨絲炆米架嘛 , 但係竟然一條雪菜都搵唔到 , 而且顏色亦冇以前咁有色澤 , 相信之後都唔會想再食返呢度既外賣囉。 紅燒豆腐飯 ~ 打開盒飯買係見到好少餸 , 3塊豆腐再加d椰菜肉絲仲唔靚既冬菇 , 有冇搞錯呀 , 咁樣就已經收成$30一個 , 話明係紅燒豆腐丫嘛 , 豆腐份量仲少過現菜 , 炆得又一d都唔入味 , 最終放棄左食d餸 , 淨係用汁拌左半個飯黎食就算啦。

幾次上完堂經過呢度，見到D煲仔飯好似幾靚咁，下次要試試係度食過幾次燒味飯，覺得幾好食，燒味水準幾OK而佢地既例湯好好飲，果種質感絕對不是求其放材料滾一滾出黎既湯好多地方的燒味好多時都水準不定，時好時壞，一時好乾咁，但係呢度食過約十次都是好味的

前言：兒時在附近居住，還記得書局街的舊樓在清拆前，有一間與這裡名字相同的燒臘舖。什麼枚頭叉燒、燒腩骨、何謂琵琶鴨、好與壞的乳豬、鵝鴨之別、油雞的挑選、各式燒臘小吃，都是小時在家母在那裡的玻璃窗前，逐一跟我介紹的。所以從來選燒味，不用信牌子﹝一如什麼「再興」的叉燒一定好云云﹞，不用看飲食雜誌介紹或討論組的什麼推介，無論去到那裡的燒臘舖，也懂得自己挑選好的。是日辦完事，也正好經過這裡，看著這大招牌，想起不如在這裡吃點東西也好。也不知這裡是否以前的那一間舖，而除了燒臘，也是一間茶餐廳。看門前的燒臘，也仍然對辦。不過是日不吃葷腥，與燒臘無緣，要了件茄蛋治加杯熱咖啡。蛋治賣相一般，麵包薄薄的，蛋是原隻下鑊煎而非事先打散，煎得實實的，沒有什麼可吃之道，不過配上鮮茄，還算清新。咖啡有茶記水準，挽回一點分數。埋單16蚊，也想不到我會來這裡吃，下次來，會吃燒臘吧。後話：坐著坐著，想起以往種種，有說不出來的納悶感覺。門外正好下起大雨，尤如此刻心情。