新蔡潤記魚旦粉麵 (Closed)

一個人去食野，最緊要快、靚、正去返細細個曾經成日去既麵店雖然，沒有靚既裝潢，地板又黑黑暗暗，但細個就家人成日帶我黎，所以有情意結叫左碗牛腩粉腸河粉加魚皮一定要加底，如果吾係一定吾夠飽。牛腩軟林，肥膏吾算多，粉腸，外形吾討好，但都幾爽脆。河粉夠滑，吾易斷，但湯就油左少少。我就最鍾意佢既自家製辣椒油，必試！但魚皮真係太厚皮，同有d硬，浸完湯都係甘硬，同層表面吸到好多油，所以食幾舊已經好油膩、好*製*，吾係my favourite！

趕時間之餘又要食啲野醫下肚 好耐冇黎 醒起就黎食返碗魚蛋粉 呢度通常唔洗點等 坐低落單之後好快就有得食就算平日既午飯時間 流動性都好高 通常都會攝到位不過份量比較少 食量較大既朋友就可能要叫加底喇魚蛋魚片河 ($28)

呢間鋪頭細細個就嚟過啦，佢嘅粉面係好有特色，唔係一般喺出邊會食到㗎今日再同老公嚟試吓，睇下佢有冇變到味，果然老字號真係老字號，都冇令我地失望我哋叫咗一個炸魚皮魚片粗麵，一個牛筋牛肚河粉，雙併每碗$28，不過份量就唔算好多，佢嘅魚皮係出邊食唔到㗎，自製嘅，好脆好好味，不過就真係得幾塊，而且佢嘅湯都幾特別清新，整體感覺都真係好唔錯，而且佢嘅辣油自家製，唔算太辣，調味幾好黎到一定要飲番支支裝汽水，因為唔係好多地方仍然保留，味道真係好過罐裝好多可能我哋去嘅時間比較晏，已經過咗中午，所以唔使等位，人亦都唔多，坐得幾舒服，有興趣可以去試吓㗎

好耐好耐冇去新蔡潤記食 " 魚旦魚片河粉 "了, 很懷念。  今次, 很好彩的是平日的星期三, 只有10分鐘時間食午餐, 就在這一刻諗起新蔡潤記食嘢。 入到去, 不是太多人, 好快搵到位坐下, 下單叫食了很想吃的魚旦魚片河粉。 再配了辣椒油, 但唔記得叫埋炸魚皮, 不過記叫了支可樂飲。 食很多次, 也給予很多次機會, 仍然食不到以前的新蔡潤記的魚旦魚片河粉, 食完很快忘記。  哪大埔的魚旦魚片河粉的味道好像隨著時間流逝, 真的一樣流走了。 

聽就聽得多，朋友中都話好食，味道特别，全大埔都冇一間做到佢個湯味，鱼皮又脆，咁就特登去試下。叫了碗鱼蛋面及鱼皮，鱼蛋面湯底特别之處係用左大量鱼露，不過不失但算唔上好味，鱼蛋雖然细，及少，但份量剛好，因為咸到我唔想食。到鱼皮，我食之前，只係輕輕望過一眼，见佢厚及啡色，諗住找對了，係我想食既鱼皮，点知原來係加左好多粉浆炸成的，入口完全冇鱼味，不對，係完全冇味，似蛋散既口感但冇味，係我食過第二難食既鱼皮，第一會係点？林又益的，才是第一難食。我有食牛腩，公平D講，望落應該可以，但我冇下次了

這年福佳特別多﹗我寫咩關您屁事咩，當自己係編緝定判官呀﹗雖然心裡不甘受辱，但我不會理會這些無聊又無品的惡意評擊，會繼續中肯地百份百如實報導。寫一編食評真的花很多時間、很多心血處理，還要好好地將食物拍得靚靚呢 ﹗所以只能夠在工餘時才能夠做啊。轉眼老闆都離開我們好幾年了，跟他摸住酒杯風花說月、談笑風生仿似不久前之事。在我學生年代中一開始已經常常幫襯新蔡潤記，時至今日光陰似箭，不經不覺將近三十個年頭，真係睇住我大，我頭髮都白喇 ﹗後生時每星期總幫襯兩三次，到依家一年才幫襯兩三次，雖然味道及品質均下滑，但依個情意結係解不開的，間中在腦海都會有蔡潤記的畫面閃過，無論如何都要食碗魚蛋魚皮粉腸鴛鴦加底走蔥，再淋上兩大碟獨門辣椒渣，正正正 ﹗昨晚飲太多，又爆左喇 ﹗好暈，頭痛，想嘔，都係食個懶遲先講，食碗麵暖暖胃﹗舊蔡潤記無開檔呢，所有食客擁晒黎新蔡囉，塞到水涉不通，排晒隊等位呀。突然發現想當年加底只需要 $2 蚊雞，原來依家已經加到 $7 蚊架喇 ﹗而且就算加左底都依然好細碗喎，唔加底又會點呢？回想後生時都要食一碗大及一碗細先夠飽，縮左水都幾難滿足到我胃口咯。最衰都係您呀，晨早溜溜係 faceboo

假日又係大埔行一轉，傳聞蔡潤記都幾出名，都好想一試，但有分新蔡潤記及蔡潤記兩間，本身想去蔡潤記，但又咁岩經過見到呢間，於是就幫襯左新了。 下午時段唔算好多人。 正常價格。 天氣熱，$8，飲返支樽裝冰凍可樂，爽呀。 牛腩河，$26，牛腩份量好少呀。 牛腩炸魚皮河，$26，雙拼，都係同價，只係份量少點。 湯底味道濃郁，不俗，幼身河粉夠爽滑，牛腩好細件，份量好少呀，口感鬆化，牛味不太濃，不夠鮮美，味道一般。 炸魚皮，浸左係湯到淋左冇咁正，唔算好脆口，可以用硬來形容，不過有魚香味，建議分開上或另叫一碟較好呀。 食物味道普通，份量少，正常價，下次去蔡潤記試了。

如果有個”最差粉麵排行榜”, 依間一家一定榜上有名十幾年前成日同屋企人食, 果陣又平又好食,如果係一家3口小朋友得8歲10歲,嗌2碗2-3餸, 其中一碗加底就夠哂飽之後去左外國就好耐冇幫襯過上次有次同屋企講起, 又去食下重拾下童年回憶點知, 直頭將我既美好回憶破壞埋!食得廿幾三十蚊一碗野, 你都唔會預有d咩好服務但係依間野既” 服務”直頭係用差黎形容!不過志在黎食野, 唔理咁多啦嗌返細個最鐘意既魚蛋牛腩河一上到枱, 真係眼都凸埋…(屋企人嗌左咩我已經唔記得…不過睇我果碗都夠哂嚇人…)牛腩??!! 牛腩絲4條…真係一條條架, 4條加埋都冇平時一舊咁多, 仲要又瘦又乾, 唔講以為係牛肉乾魚蛋, 有3粒, 但係會唔會細粒左d?用匙羹做比例, 4分1都唔知有冇?!2粒加埋都等於出面既一粒…河粉, 得3啖, 個口細d既話可能可以分4啖既…..一碗都唔會夠一個8歲10歲既小朋友食唔好話大人, 分分鐘2碗先覺飽….味道? 普通到唔普通…個人大埔人多數都知依間野有幾唔掂希望區外人會上黎睇食評, 唔好中伏!

呢間由細食到大，因為搬左屋，但每次去大埔都會特登入去食，自從廚房轉了人己經大不如前，都繼續幫趁但今次再幫趁，份量極不合理，完全離曬大譜！我叫了牛腩和牛肚河，牛腩有四小粒，牛肚有四小條絲!阿姐服務又差又慢 永不再幫趁

🐮牛腩牛丸麵牛腩so call有四粒 有兩粒係100%肥膏有兩粒係仲幼過我手指尾既牛腩雖然話$26 但會唔會都過份左少少？食完好似冇食咁 我仲要買多個包食😟算啦 唔好貪平😷

本身都經常食，最近啲野食份量少左都算，都繼續幫趁。但今日再去真係不知所謂。星期日人多等耐少少已經預左。一坐低即叫魚旦河，一碟魚皮，一支可樂。可樂30秒內即有，之後一直等。。。等左20分鐘，問下睇下會漏單。阿姐答話無，人多要等下。。再等多10分鍾。同枱遲過我嘅人order左嘅魚旦牛腩河都黎左（其實佢都坐左20分鐘），佢都望左我一眼，然後同阿姐講遲坐低反而有野食先?！算，我約左人，去埋單走人同阿老闆講等太耐唔等，老闆黑晒面。總結:老店雖然擁有一班長期捧場客，但都需要經營者用心經營。完。

呢間由細食到大，因為搬左屋，已經2年無去。今朝一早特登入去食，成間舖得我一個客，落完柯打後久久都未有得食，原來阿姐掛著吹水，仲未開始淥麵。好啦，過了15分鐘終於黎碗麵，我叫牛腩牛丸熟麵，份量極不合理，那4條牛腩，每條仲細過我尾指頭，完全離曬大譜！我要熟麵又同阿姐講，佢仲話：你又唔係叫牛腩麵，係咁㗎喇，你唔夠咪加牛腩咯！我咁多前都係咁叫，都知道牛腩會少D，但絕對唔會將細過麻雀size 的一小件牛腩仲分開條上！一句完，老字號自己趕客，唔會再幫襯。

一間嚟晒大譜嘅食店，從來冇試過咁樣批評麵店，呢一間真係要講下！叫嘢食需要時間又要好耐，淨牛筋價錢又貴到飛起，一見到佢嘅份量簡直O晒嘴！！！大埔街市樓上熟食中心任何一間麵店嘅牛孖筋，都俾佢好味，俾佢份量大得多。咁點解我要幫襯佢？無錯佢啲牛孖筋好＂林＂，係入口即溶，但係我啲汁好似白烚咁，冇味道小小咸咁，我食黎做乜呢？仲要俾佢呃錢，份量細到飛起，嚇死人！唔使旨意我有下次幫襯。牛筋你可以搵價錢貴呀小姐但，係咁碟菜呢？得＂一住＂油菜咁多收拾＄15？嚟晒大譜！主店係點，我冇試過，但新呢間下會有下次！

昨天都去民華，今日去到門口想轉吓。卒之走左去新蔡潤記， 一坐低就極似係會中招， 點解門口麵檔咁少蒸氣嘅？叫左牛腩米，芥蘭，魚皮。碗牛腩湯好大碗囉，好少牛腩，好少米粉。牛腩切得好細條，凍的，係需要用熱湯浸吓才可吃，米粉有軟有硬，好奇怪，似熟非熟， 卒之明白麵檔冇蒸氣的結果，同咁大碗熱湯的用途。芥蘭好細碟，煮到黄晒，其實只有兩條芥蘭剪斷，20元，都好貴啫! 夾硬食完!真正出位嘅就係炸魚皮， 以前食嗰兩款魚皮一款係薄薄一片嘅， 一款係用厚炸粉有肉有骨一齊炸嘅(方榮記嗰種), 佢呢間用薄薄一片嘅魚皮用厚厚嘅粉漿去炸，我真係第一次見， 一片薄薄嘅魚皮炸完之後，變成一條魚咁大條，再剪碎兩條俾你， 畀返一碗你，你以為好抵，其實你畀佢呃咗 ，入邊只得兩塊平時的魚皮， 仲要萬年油炸嘅! 唔敢食。 呢位老闆真係聰明，賺到盡。一句，食唔飽，立即回馬-(民華)食多次，以後睇清楚openrice先至去試新嘢!

久唔久一定要去食新蔡潤記魚蛋河 基本上除咗大埔區嘅魚蛋粉之外其他嘅我唔會叫嚟食魚蛋河我最愛 重點佢地隻辣椒油真係好香好好味 感覺唔會好似平時嗰啲辣椒油咁成口油 我嘅大埔情意結