新蔡潤記魚旦粉麵 (Closed)

老公上次去食過話幾好食, 佢唔甘心上次去食時啲辣油冇渣(我老公係一個辣精), 之前聽朋友講要自己出去攞先有渣, 所以今次特地去試多一次, 因為我老公實在太欣賞啲辣油啦!我住咗大埔咁多年都係第一次去食, 2點去到滿晒座, 不過好快就有位. 我叫咗個牛筋河, 老公叫魚蛋河, 跟住佢二話不說就衝出去攞辣油啦! 我咁啱喉嚨唔舒服, 所以兩碟俾晒佢食.我本人食河粉有三大原則: 一、河粉要薄身及完整, 唔好碎濕濕. 二、湯頭要夠濃, 因為河粉本身好索湯, 如果個湯淡, 食到咁上吓成碗粉變得冇味. 三、碗粉要夠熱. 主角到啦! 個賣相都幾好, 覺得個湯應該幾濃味, 一試, 唉! 啖湯唔熱又淡味, 河粉厚度還可接受, 但一束束唔散開, 失望到極.老公嗰碗魚蛋河落咗兩碟辣油, 我只係試咗粒魚蛋, 唉! 冇味, 失望.總括而言, 佢碗河粉除咗個公雞碗可取之外, 我真係唔認為要再去食囉!

今天途經大埔壚由於有點肚子餓 .看見一間在網上有什多好評的食店 "新蔡潤記".於是就去試一試.剛入到店內發現地方不什清潔地下油脂多不大好走.心內已經打了折扣.抱着既來之則安之的心情想看一看食物的質素,叫了一碗牛腩魚旦河.三分鈡後到,速度好啊!.數了一數魚旦共三"小"粒.(真的細細粒).牛腩四片每片有三份之一是肥牛油.賣相什差,和我在openrice看到的相片有所不同.試味後發現魚旦唔差而牛腩則無肉味.19元來講都算一般水平.唯獨衛生環境極需改善.(臨走之前看見工人放在地上的一盤河粉真是倒胃....

招牌辣椒油，味鮮、勁辣又香口，每次無兩大碟都唔夠我食碗麵呀，主菜當然係辣椒油裡面既渣啦，其他所有都只係配菜。連同事朋友們都托我幫佢地買返幾樽看門口呀 ﹗今日舊蔡又爆場，無位坐仲好多人等緊，咁唯有退而求其次，黎新蔡睇吓有無驚喜啦。魚蛋鴛鴦加底加皮走蔥，魚蛋今日返左黎，魚味重而且鮮，口感彈牙，good ﹗不過魚片依然死屍咁，同上次一樣腍劈劈，無牙都食到。湯底今日好濃好郁好香好清甜噃，熱騰騰正呀，一滴不漏飲晒去。待炸魚皮吸夠湯，脆卜卜好味道 ﹗河粉滑、麵嚥靭彈牙，兩種口感一齊送入口，美味超爽 ﹗

又到星期六，放工返到大埔唔係新蔡就舊蔡 ~ 先去舊蔡，見人頭擁擁，想企係度等位都唔得，唯有轉去新蔡啦，唔洗等就有位坐喇，希望有驚喜啦 ~自製辣椒油，夠香夠辣，每次都要兩大碟先夠我食一碗麵，其實真正既主角係辣椒油。唔知點形容嗰種吸引既味道，好鮮、清新、濃郁、蒜香、辣椒香、刺激、勁辣 ﹗魚蛋鴛鴦加底加皮，啲魚蛋真係一次比一次差，口感又腍又散，就算無牙都食到呀，依家連魚片都一樣，點解變成咁架？真係食材價格高漲，要偷工減料、加多少水？質數、好食最緊要，為左保持高水準出品，我諗食客都唔會價意加價，最緊要好食。依家每食一次，評分就越低，有咩可以幫到手呢？粉麵都係批發提供，所以質量一向都保持，只係睇吓師父啲煮麵手藝到唔到加啫。粉口感滑，但幾硬淨吓，無左以前棉滑既口感，其實將湯既溫度稍為提高，烚多幾秒已經做到，貪快係咁意拖一拖，點會煮到好河粉。熟麵就煮得幾好，嚥靭彈牙有趙口又保持蛋香，正。好多食家係食評度話炸魚皮又燶又硬，其實依個係正常傳統既炸魚皮，同薄薄一塊似薯片既完全唔同。依隻淨啡色硬屈屈係要先放湯，將部份浸軟及吸湯，食既香脆又夾雜住軟軟既口感，索晒湯既精華，剛好平衡返佢既咸味，係好好食架。

第一次寫食評...如有不足請見諒聽同事介紹左好幾次話好好食...因為佢係大埔人,今次係食晏時候來..人流一般...入到去..環境有點點兒破舊....唔理..跟同事叫了一個片腩河(魚片牛腩河)+大可樂...我冇加底...(原來加底都係 2 蚊,落單時呀姐仲話我仲乜唔加 =.=)一食... d 湯夠味...牛腩夠(林)魚片好鮮..第一次食咁好味既魚片..............加 d 辣油 正 !!!!另外一個同事叫了魚蛋牛腩河 , 我搶左粒來食...一樣都係好鮮味... !!!同事冇介紹錯 !!唔好理佢環境最緊要好食

逢星期六日總有一天會幫趁，通常外買，一來可以在家慢慢食，二來可騰出多個位比所謂慕名而來的食客吧！但今日想快快食完做下場的東西，所以一個人堂食，一個人搵位就容易很多，又是爆滿的場況！要了一碗牛腩魚片鴛鴦加炸魚，個個阿姐都係老伙記，所以動作快，記性都很好！點解唔食魚旦原因是魚旦又準好唔穩定，真係食過爽口到不得了，但又試過林patpat咬落去要吐返出黎，所以要魚片就穩陣了，而且近排轉食牛腩係發覺很林，都頗入味，而且鍾意佢切片，o岩晒唔鍾意大大件牛腩的我！仲有第一位最愛的炸魚皮，浸少少湯，好味到不得了！但因為好油下，所以一碗係可以飽好耐囉！

係度食左廿幾年，啲質量一日比一日差，以前 top 1 既魚蛋，到今時今日經常被食家們批評，論為劣級，到底當年頂級既魚蛋河幾時已返來呀？﹗見到啲客越黎越少，連星期六中午、下午個場都唔爆，以前只係開半日，依家每日延長時間到五六點、星期五六仲到八點，就算咁樣都於事無補架，最緊要係食物質數同服務呀，老闆 ~魚蛋鴛鴦加底加皮走蔥，照舊食依個配搭，咁先可以試到有否不同。啲辣椒油唔同左喎，好似有啲炒舊蔡潤記，依家啲辣椒磨得幼細左好多，而且辣度比以前微微勁左，口感鮮左。今次個湯夠濃夠味，但係溫度唔夠熱。粉麵都煮得好好，河粉滑、麵質彈牙。不過點解啲魚蛋可以打到腍劈劈既，一點爽口或彈牙既感覺都無，魚味係有，但口感劣得緊要，以前既超級彈牙靚魚蛋去左邊呀，失晒水準。炸魚皮，乾吔會有啲硬及偏咸，但浸湯可以啦，夠香脆。依家用少左好多脆漿，有改善，讚。但其他方面要繼續改進，好懷念以前既頂級魚蛋粉。

今日下午吃得很飽對老公仔說晚餐吃點light的,如粉麵最後回到大埔本想吃陳漢記的,原來它現在已揚了名,很多人排隊不想等位,就到了新蔡潤記曾幾何時,是大埔很有名氣的粉麵店但是我一次都未試過店內裝潢比較陳舊,但坐得尚算舒服牛腩牛丸河其中的牛腩外表很攪笑,貎似燒鵝(還是有皮的燒鵝!)味道算合格,但肉質不明顯,稍欠質感牛丸細粒,不彈牙,頗結實的魚蛋都是細細粒的,味道一般大埔區的魚蛋,我喜歡海達和學利炸魚皮用了很多麵粉去炸的,沒有加鹽感覺比較油膩,但較久脆口當晚比較冷我們分享一枝熱麥精維他奶很窩心的!!!四樣東西,埋單不用六十食物算是過得,不枉此行

粉麵老店幾十年，招牌菜自制魚蛋，必食。另外有時好時壞未研發成功即牛腩，好時就嫰滑入味、差時就淡而鞋口，值得一駁？自制辣椒油，夠晒香辣，淨食渣最正 ﹗魚蛋水準穩定，但牛腩真係勁差參，但真係無咩幾可係好食 ~ 食材屬其次，師父始終最重要，好懷念十幾年前既老師父呢 ~ 以前連牛腩都未有得賣，魚蛋粉同麵係頂級好味架 ﹗咁多年師父都轉左好幾個，有時仲有啲女仕負責出品，見到女仕煮麵既時候亦係質量最恐怖既時候，完全唔係應有既味道、應有既口感 ~依個就係我第二最愛的新蔡潤記辣椒油，夠晒辣又夠香，淨渣當飯食都得。不過最愛始終係舊蔡潤記辣椒油，比新蔡更香更辣，味道更細緻，但係非賣品，只供堂食。魚蛋鴛鴦加底加皮走蔥，第一次咁晏五點幾黎食，當晚飯，無咩客、無咁忙，出品好返少少啦。湯微暖，不夠熱，免強收貨，味道都夠濃。魚蛋保持彈牙爽口，魚味鮮甜。多年炸魚皮都未能徹底改進，始終粉太多喇 ~ 魚皮本身係炸得好香脆的，浸湯同食一流。粉算滑但不棉，水不夠熱又烚既時間不夠。麵幾好，嚥嚥靭靭，蛋味仍在。

好耐都無黎探吓老闆喇，還掂今日得閒就落吓黎棒吓場啦。落到去唔見老闆係度喎，咁唔緊要啦，食碗麵就算啦，十二點幾有啲冷清，任坐，奇怪地星期六都無咩人，心覺不妙。魚蛋鴛鴦加底加牛腩，到底發生咩事呀？﹗搞咩呀？﹗我係度食左廿年，從未試過碗野難食到令我想掉低筷子唔食，比錢走人就算 ﹗啲牛腩好似人地煲完湯啲瘦肉咁鞋烚烚、又無味，瘦肉一啲脂肪都無，點會香滑。比較吓今次張相同上次五月差幾鬼遠，見到啲牛腩白潺潺，都無炆到入味，又未炆腍，未食已見到啲纖維硬掘掘 ﹗我係叫河粉架 ﹗唔係叫河粉碎上呀 ﹗碎到完全夾唔到，我已心情沉一沉，有啲火，要用匙羹先食到，好似食飯咁，難晒譜 ﹗湯又淡又多油，想點呀？﹗只有魚蛋保持水準，仍算好味，無問題。今次令我非常非常地失望 ﹗

今日去咗大埔行街. 跟住搵野食...我地去咗 "新蔡潤記魚旦粉麵" 因為聽講幾好味. 所以就去試下...牛腩河 $17 - 我覺得啲牛腩唔太林. 但味道 ok 牛筋米粉 $17 - 好好味...因為啲牛筋好林, 好入味...正呀芥蘭 $8 - 啲菜都 ok. 唔太老 炸魚皮 $16 - 呢個麻麻地, 所以食唔晒汽水 - 大 $6, 細 $5 -----抵飲呀...

粉麵老店幾十年，招牌菜自制魚蛋，必食。仲有研發成功，好味、嫰滑炆牛腩，值得一試。自制辣椒油，夠晒香辣，淨食渣最正 ﹗魚蛋鴛鴦加底加牛腩，嘩 ﹗無限驚喜，終於等到今日喇 ﹗碗麵一放上枱，第一眼望落枱度已察覺有唔同，好好好味既牛腩，肥瘦適中、恰到好處，炆得嫩滑、非常入味，個人黎講只係略厭果皮味稍重。但已經再唔係以前啲無味、鞋烚烚、一口渣、硬掘掘既牛腩，弟老闆做得好好 ﹗魚蛋彈牙，好鮮好香魚味。雞湯底加埋香濃腩汁好配合，剛好。賣相一流，粉麵同配料都放得好有調理，食得好開心，多謝 ~魚蛋鴛鴦加底加粉腸，由細食到大，食左十幾年，一直無變既係辣椒油，依舊香辣十足，我比較喜歡走油淨渣，當飯食，正呀 ( 冒汗中 )。仲有無變既係無味精雞湯底，成碗飲晒都得，真材實料唔口渴。自製魚蛋爽口彈牙又鮮味。雖然有陣時都會失手，口感比較散、有魚腥味，但咁多年基本上都保持一定水準 ﹗試左咁多次粉腸，始終都係有苦澀味、而且過林唔彈牙。都係食返最拿手既魚蛋啦，有保證。都唔知點解每次一兩點後啲湯就淡晒，而係忙既鐘數啲粉麵又煮得唔夠時間，唔夠熱只暖、唔夠軟滑似滾水浸一浸就攞出黎，唉 ........ 質量最緊要呢 ~

漫遊大埔聽朋友話蔡潤記好得於是今日見到"新"蔡潤記應該就係呢間掛入左去叫左個墨守魚蛋粉朋友叫左個牛筋河湯：極為清淡丸：熟牛筋：有咬口到非常結果應該搵唔到理由再去

這天和媽媽一起到蔡潤記回味一下，是日人不多所以一到就有位啦!一如既往點 牛筋粉腸河還要加大，再來個小可樂哈哈...早餐....我真的很大食的!!!還是比較欣賞這裡的辣油，一人一小碟!吊下你的引~牛筋肥美，蚊得林....但粉腸味道有點怪 整體上都比以前差了。同檯的食客說道:「嘩!魚蛋怎樣比以前都小的一半啊!!!」我想: 原因物價都漲了很多，但它沒有加價!唯有偷工減料算了吧~不過不失!希望不要愈做愈差算了~

工友食評周五在大埔，特地來試試呢間新蔡潤記。叫了個魚旦粗麵，魚旦自家製，形狀極不規則睇落都知手製，比平時吃到的細粒，入口全沒有鹹味精死味，咬落彈牙極煙韌，滿口魚香，超好食﹗魚片沒有魚旦咁有彈性，不過經油炸過後更香口，魚香味鮮濃，這兒是我吃過最好味的魚旦及魚片﹗店子細細老店格局，來吃個麵準沒錯﹗