新蔡潤記魚旦粉麵 (Closed)

表弟話呢間野好食，買了碗淨"送"，魚蛋、魚片、牛腩同粉腸。我覺得魚蛋、魚片同粉腸還算過得去。魚蛋、魚片都算彈牙，但有碎骨，或許是證明真材實料吧！而且魚蛋好細粒。粉腸夠淋，但無味，不知是否白灼，而且有一、兩舊是苦的。牛腩最唔掂，好碎好碎，好少會見到完整一舊牛腩，就算俾你見到一舊完整ge牛腩，都好難，好似柴皮咁，唔知食緊咩，一塊黑啡色的肉，無牛味，且十分韌。

又是一間在大埔區人頭湧湧麵店,主打魚蛋及牛腩,與鄰街另一近似名字蔡潤記未知有否關連?一般單或雙併只是$16,另再加要$6,牛腩以往試過,不大了了,還是選了粉腸併魚片河,如果要我選魚蛋式魚片,我會以魚片作為首選,只因為喜歡經炸過的那一朕香氣,而粉腸並非一般麵店有售.此店跟粉嶺群記一樣,辣椒油是另上,只可以說夠香辣,並無特別之處,魚片一如想像,雖不太彈牙,但魚味濃郁,而且略為再炸得香口一點更好,至於粉腸只是普通貨色,而且清洗得不太乾淨,河粉算是少見的滑溜,澆上少許牛腩汁,更覺冶味.以魚蛋粉而言是比上不足,比下有餘,以大埔來說,至少比平記及新樂園好,難怪咁好生意.

由小學時期已經幫趁，所以對呢間嘢係有點情意結，今日下午買咗個外賣魚旦拼炸魚皮鴛鴦，令人滿意就係今日嘅魚旦好彈牙，但喺呢間粉麵店嘅魚旦唔係日日都咁有水準，可能係喺啲魚嘅問題啦，曾經食過啲魚旦係林pat pat，好難食！而我最愛嘅就係炸魚皮，如果我去幫趁時見到炸魚皮賣光的話，我情願唔食，因為呢到嘅炸魚皮係自家製，唔同一般粉麵店嘅交嚟嘅炸魚皮，呢到係大大件，好好味！所以今日好滿意！講開服務就唔駛提啦，不嬲都係差架啦，環境唔係好，所以太家期望唔好咁高嘅服務同環境，所以我如非必要我都會外賣的！

一個月keep住都會去幾次...有時行過都會入去食,牛腩湯低超正...+低都係廿蚊唔洗已經食到飽飽...d魚旦都唔錯ga...總好彈添^^~~雖然冇咩態度可言...但總算係食得過既一間粉麵店啦~~^^

不經不覺已係度食左十幾年喇，由中學到現在。舖頭名都話明魚蛋粉麵，當然招牌菜係魚蛋啦。由當年只得魚蛋、魚片、炸魚皮及油菜賣，到今天多左牛腩、粉腸、丸類賣；由當年巧奪天工，到今天粗製濫造；由當年只開到晏晝兩點多、沽清就收檔，到依家開到晏晝五點半。無可否認質數係差左，但都依然好好食，希望唔會再差落去啦。我多年來最主要都係食魚蛋河，間中會拼下其他料。近年有熟麵供應，所以轉食魚蛋鴛鴦，即係粉麵兩溝。熟麵，口感似蝦子麵，咽咽哽哽、彈牙、不會有鹼水味。河粉，幼幼的河粉我最喜愛，因能帶更多湯汁，粉棉棉滑滑的，溫度剛好不會散、不會糊。粉麵一齊食，兩種不同的口感，很豐富、很特別。自製的魚蛋，有時見員工們或老闆在廚房內混魚膠打魚蛋。魚膠用多種新鮮魚柳混合打成，當然係家傳秘方啦。奶白色的魚蛋、很彈牙、極有鮮魚味，其他舖頭做唔到如此的鮮味。牛腩，做得不太好，有渣、鞋口、略肥、唔夠腍、腩汁頗油，但都算炆得夠入味。炸魚皮，不太正宗，炸粉太多、厚厚的，都算脆、但不鬆化，味道都唔錯，浸透湯先食會比較好。豬粉腸，口感較實、唔粉，可能無肥膏、太瘦的關係，唔滑。其他丸類，一般味道，無咩特別。油菜類，普通的烚菜，較淡口、不夠嫩

食牛腩粉麵, 我一向去開群記。有一天有人介紹我吃新蔡潤記的蛋腩米, 趁行開就試吃一下。星期日中午四時, 人山人海, 看來蔡生都幾多fans。找兩個位坐低, 餐牌都未睇, 亞姐就來問我食咩... omg, 此舉多見於潮式粉麵店... 問題係, 拜託唔好以為個個一入來就係熟客, 知道要食咩至得架。此舉動可能只是小事, 對我而言, 我覺得被施加無比壓力。睇勻同檯食客, 多吃魚蛋牛腩牛筋粉腸及魚皮, 基於好吃的魚蛋, 大埔多的是, 所以叫了牛腩魚皮河及牛筋粉腸河。$15/碗, 雙拼同價, 多一款加$6。以$15而言, 份量算好大碗, 但粉居多, 料只得幾舊, 有d唔夠喉。牛腩是柱侯牛腩, 算鬆化; 魚皮質感似緬甸"魚湯粉"的一舊舊魚皮, 惜不夠鬆化, 硬倔倔一舊, 不好吃; 粉腸得4小段, 少得可憐, 煮得死實, 一d都唔粉, 有一舊硬得咬不開; 整體上牛筋是最可取, 味道都只是不過爾爾。河粉量多, 但好似一早淥好的感覺, 一舊死實的, 不好吃。衛生情況是嚴重不潔, 筷子筒上supposed清潔的筷子, 上面竟然有條菜, 匙羹盒內的湯匙, 有一大片"醋漬"。地面檯面更不消提。恐怖。以$15而言

兩點鐘行過時見舖內勁多人，所以無入到去，到四點幾再去時人流已散，叫個墨魚丸麵，都幾好食，麵夠彈牙，墨魚丸就林，但有墨魚粒度，叫做有咬感咁啦！家姐就叫個魚旦麵，不過魚旦並非想像中及傳聞中咁好食！待我同家姐食飽只見他們已收爐做清潔，嘩！時只係五點到，真係快收工！食物尚算okay，不過環境就真係差，不夠衛生，可能始終係舊舖！

呢頭好出名~魚蛋真係好香魚味..唔彈牙但有d煙"un"..魚片..好香架!!好好食添呀~d河粉唔糊..好好食!!d辣椒油都唔錯..好夾架!!最好+楠汁，好香的~好平..$15一碗~學生+$3有汽水~又底又好食可惜..環境好窄..仲超污糟!!地板好濕..木台又黐立立..d waitress送野黎..d手指甲好似掂到d野食添!!好野食真係要付出代價!!=[

新蔡潤記大大話話都食過十次以上又唔覺得好似你地講得咁差勁wor 無錯,呢間鋪頭的招呼真係麻麻地,果地下永遠都好似肥淋淋,但又鬼死咁多人去幫襯,一定有他的道理呢度一碗麵都係$16, 雙併是同價錢,加底都係加2元,其實都真係幾平下,又可以同老細講叫佢畀多d蔥,呢度出名的是辣椒油,一人一小碟,辣得黎又唔會話無黎香味,幾唔錯的調味品野食方面,魚蛋其實都ok,不過可能是由於整定再加熱的關係,新唔新鮮就要睇你彩數,牛腩其實幾好味,起碼唔會太過肥膩,亦都唔chi牙粉腸呢家野就真是各有各口味,我個人是like呢味,又唔覺得好難食wor,以前汽水$3枝,而家變左$6 ,係貴左小小,不過就真係幾凍(唔好星期日叫汽水,一定唔會凍得去邊)我欣賞呢間野夠晒地茂,和大埔好match,亦都欣賞他們只開幾粒鐘,只做午市,你估間間食市都可以架

係附近一間茶餐廳食左個好難食既餐之後,陪家姐黎食因為我已經好飽,所以只係叫左碗牛腩河加底同剩魚蛋魚蛋同魚片都重ok牛腩係一貫既瘦腩,瘦得黎都幾淋湯底係無湯底可言人依然係咁多環境依然係咁狹窄以前讀中學時期,lunch成日黎食,重要加底先夠,事隔數年,唔知係人大左口味變左,要求高左定係質素差左??我覺得無以前咁好食lu

服務差,食物咋,環境迫,一無是處,又唔知點解d人咁鍾意去食根本就毫無可取之處..失望..

唉!我自細都對鱼蛋粉忠心不二,見咁多雜誌介紹過呢間,咪試吓囉,又係失望而回,d湯無鱼蛋粉應有既湯味,食到味精味就大把,加咗d粉腸就更怪,d粉腸又唔係特別好味,河粉唔在講,大路貨色,辣椒油得個"辣"字,全無香味,係d鱼蛋ok咁啦,過$72斤外賣係咪貴咗d?心唸鱼蛋有乜特別,唔通我唔係飲食界高人,唔識欣賞?

原來有人覺得佢咁差ga，但咁多年都仲咁多人幫襯.魚蛋幾彈牙，牛腩、牛什有口感又入味.仲要好抵食，雙併唔使加錢wor。其實雙併係唔應該加錢ga，但唔知點解而家好似度度都要加錢?!你每樣餸都少左wor!加底都係加1.5，多好多.仲有好多不同ge樽裝汽水(如白檸)，不過有d個樽好dirty......

我住左喺大埔23年,我去過不下十次新蔡潤記,我完全唔覺得佢\好食喎,每次都無同朋友去,個個都係同一個答案,好難食,地方又污糟,要去就去對面街既蔡潤記啦,會好過新蔡潤記,馬會則邊係新蔡潤記,單車舖後面先係蔡潤記...

以前既新蔡潤記係好好味架。我食左差不多六年，經常在星期六或日總會去幫襯，就算搬了，亦會專登駕車去食。不過近一年來，不知怎的，愈來愈差，而我去食的次數亦愈來愈少，我每次都會同自己講，比多次機會佢喇.....最近一次去食，唉！直頭係垃圾，我亦決定唔會再去食喇。希望佢有機會回復以前既水準喇。