新贊記點心皇

Open Now

Now Closed

一入去問佢拎位大聲咁叫你等 冇同你講等幾耐明明入面有空位 但唔比你坐問佢有冇飛就唔答 反而比個阿姐大聲趕番出去但兩個大陸旅客後過我就比直入就有位坐問佢點解唔係我等先 反而比佢地入先就比佢大聲叫我出店外企食物唔算差 但偏油個蒸飯啲飯好硬只係收cash 同支付寶 坐位好迫 好多遊客 去其他分店都唔好去旺角呢間想俾人黑面 俾人鬧可以去對大陸人就笑笑口網路搜尋地圖 啲人留言話係新移民如果係咁好似比人逆向歧視咁 串過澳牛啲員工🙂

今天來到旺角街市附近的新贊記嘗試點心。我們去到的時候已經大概1:30 ，店面人頭湧湧，這間小店的位置幾乎都被坐滿。等了一會兒便入座作為流沙包之狗的我當然點選了流沙包。特別點評：新贊記新記的奶皇流沙包包皮厚度適中，奶黃流沙顏色鮮明，呈鮮黃色。奶黃流沙質地較稀，將包擘開兩邊時，有流沙在中間流出，這是值得讚賞的。然而，流沙雖然成功較出，但是質地較為稀疏，蛋黃味略嫌不足，有待改善。但我認為整體值得3.8分。作為點心之王的燒賣，蟹籽、豬肉和蝦的成份足夠，看圖可見是大大粒的。味道亦十分足夠，值得推薦。店舖中較有驚喜的是這個蝦餃潮州粉果雙拼。我們坐下時，坐對面的遊客看到也忍不住問我們這是什麼菜式。蝦餃的紅和潮州粉果的綠正好拼成一對，顏色不錯，而且份量足夠，遠遠看來已經令人垂涎三尺。蝦餃皮薄，中間的蝦球猜測大概有兩粒，份量足夠。潮州粉果的料亦十分足夠，令人吃得津津有味。新贊記的蘿蔔糕是有三件的，但是上菜時已經香氣四溢，我男友已飲不住先吃一件……蘿蔔味十分足夠，當中的黑椒將蘿蔔的甜調出，口感亦得宜，值得一試。北菇棉花雞是我一向喜愛的，不過雞件稍嫌略乾，仍有改善空間。不過我吃東西向來吃得較淡，新贊記的食物

點心小廚,呢度食午市幾抵 一個人70蚊食飯點心同菜心一碟坐低即送一碗老火湯 豬骨湯,足料又順口 無味精好飲唔太咸咸魚肉餅飯,鮮肉打肉餅加片咸魚去蒸,味道帶咸鮮 肉餅夠鬆有肉汁飯身唔會太濕仲幾爽身 灼菜心夠甜 份量多最後係合桃包 咬開食到桂圓香甜同果仁粒,個麵包好鬆軟仲有黑糖甜味消費$70旺角深圳街8號

嘢食還可以，但是最大問題係長髮阿姨對客呼呼喝喝西口西面，好似欠咗佢咁，比錢食飯還要受氣？老闆用好低人工請佢？容許佢鬧客？還是巿道太好難請人！落錯單還理直氣壯問為何唔早講，但明明已經講了，回了一句，馬上西面，還粗聲粗氣！影響食物的味道

旺角街市，深圳街，新贊记。活了幾十年，都不知道香港有一條深圳街，原来是廣東道的副街。日前有朋友提到這家新贊记，於是就來試試。＊ 流沙炸饅頭。不錯，不太甜，有咸蛋黄味。現在少見有炸饅頭。＊ 鴛鴦燒賣。正常味道。勝在是新鲜蒸的。＊ 姜汁千層糕。不太甜，有姜汁味。…… 另外，照片看到的燒汁嚷茄子。不是我叫的。是搭枱阿姨的。看来也不錯。這家店的點心好吃。看得到它的厨房。有新鲜拉腸粉。點心即蒸的，要等耐些。蒸飯便宜。而且一早就有例湯。今天是粉葛湯。不過，店很窄小，坐不了多少人。但是，最慘一點，上厠所要跑到後街，而且地面太濕，很有厭惡性。

蒸鯪魚球差有陣布味炸包大大粒，但如果可以提供煉奶沾醬就好豉汁蒸鱔算滑，但要小心骨牛仔骨差好難咬開但個豆卜配佢個汁惹味黑糖糕甜度似紅棗糕叉燒腸都足料，注意內有芫荽炸鯪魚球同蒸個隻味差唔同，但呢隻無布味鮮竹卷內有我憎既芹菜茶係用茶包的最後間野都幾細，又少位又窄，地又滑

愛飲茶的肉肉🦊又要給你們推薦寶藏早茶店了，說真的，這家店好小，人好多，都是附近的老居民。他家有別家都沒有的凍菊花茶🌼，一定要試試，六元一杯抵茶位費，甜甜爽爽還能去火氣🔥，我們兩個人消費170，但是有兩份都沒吃完，所以人均60到70💰就差不多了，一分價格在20💰左右！我點了7個都好好吃，墜愛❤️腐皮蝦卷，黃金奶黃包，蟹子皇燒麥，北菇蒸🐤！.

今日同媽咪兩個人嚟到呢度飲茶食點心，叫咗一個豉汁豆腐蒸魚腩飯套餐，要加辣🌶🌶唔知係咪因為用蒸籠來蒸嘅關係，啲魚滑到不得之了，而佢個豉汁亦都係自家煮，豆腐蒸起上嚟都係好滑，配埋個汁一齊嚟食真係好正，個套餐仲包左一碗例湯，今日嘅例湯係木瓜雪耳煲豬骨，飲得出唔係味精湯，另外仲有一個蒸砵仔飯，啲飯係一粒粒蝦米仔咁樣，超正🥰👍🏻因為係平日嘅關係，仲有得叫孖寶，叫咗一個棉花雞㗎鴛鴦燒賣，棉花雞入面嘅棉花超厚身，抵讚👍🏻👍🏻，鴛鴦燒賣係兩粒正常燒賣+兩粒牛肉燒賣，正常水準

勁耐冇食過點心又突然好想食，於是上網搵下邊間好🔥飲茶食點心通常都係朝早，但係上班一族又點會咁得閒，星期六日又多人，唯一嘅辦法就係去啲點心專門店食，最後揀咗旺角呢一間🥳呢間舖多數都係啲老一輩去食，後生仔女比較少，而且都幾嘈下，個feel有啲似大排檔💥.🥧各款點心啲點心係幾好食嘅，大大份又唔貴，味道甚至比一般茶樓好😳最好食係蝦餃 (冇影到🤥) 同個排骨飯，蝦餃有超多蝦，排骨入曬味🤤燒賣同奶皇包就正常水平，略嫌個奶皇包唔夠流心🥴至於咸水角同金錢肚都唔建議叫，咸水角層皮太厚餡料太少，金錢肚過厚，好難咬得開而且太重黑椒味😯其實仲有好多款點心都想試，可惜兩個人食唔到咁多野，唯有下次再去食啦🤪.🍽味道: 2.9/5🏙環境: 2/5👨🏼‍🍳服務: 3.5/5💧衛生: 2.5/5💰價錢: 3.5/5

朋友話呢間點心店幾好食就黎試吓，佢既位置係旺角街市附近唔算難搵，但間店鋪就比較細間，所以坐落都有少少逼蝦餃拼粉果$25好開心可以咁拼唔係個個地方都會咁做蝦餃皮薄粉果足料而味道好好食燒賣$29 我估係佢地自己整既，因為夾落去食易散開蝦味好重點埋佢間鋪既辣椒油好好食鳳爪$20 個醬汁同平時個啲唔一樣，好好食北菇滑雞飯$25 呢個價錢黎講非常優惠味道黎講都正常好食酥炸奶皇包$20 炸到咁金黃色好似炸饅頭一咬落去直頭炸饅頭咁外脆內鬆化睇下幾流沙我地本身想叫叉燒腸，點知夜晚唔做腸粉，所以食唔到喇另外個店既辣椒油都好好味，大家去既話都可以試吓

見到最近有唔少foodie介紹哩度嘅點心，不過今晚黎到就見到多數人都係嗌餸食飯，尤其是係佢嘅蒸魚，有白鱔、龍躉等等，烹調方法亦多，有豆豉、枝竹等，反而點心就冇咩人嗌整體點心質素平平，冇太大驚喜，係贏在價錢合理。鮮蝦腐皮卷炸得太油同乾，食左一舊就放棄左不過最唔開心都係流沙包一啲都唔流沙，麵包皮好薄就咁睇都見到入邊嘅餡，不過包好鬆軟，味道唔錯，但係只係奶皇包🤦🏻‍♀️反而值得一讚係土魷蒸肉餅飯幾香，魷魚嘅鹹香配埋多汁肉餅唔使豉油都好夠味，蒸飯嘅米濕度剛好，有陣竹嘅香味，睇嚟呢度嘅小菜同飯先係主打🙈

話說每次去親大角咀，我都會行返去旺角搵食😋 喺旺角街市附近總係會人山人海，落天橋行前少少見到有間平民點心小店，見價錢都算幾平，所以走左入去治肚😚·同朋友叫左以下幾款點心，質素相當唔錯👍 仲要即叫即蒸，味道同大酒樓差不多😻贊記蝦餃皇  HKD$29皮薄餡靚，入面隻蝦🦐好大粒，好好味！·鮮蝦燒賣皇  HKD$29好大粒好紮實，咬落啖啖肉，份量十足。·四寶雞札  HKD$24略為遜色，火腿以芋頭代替，不過不失。·蠔皇鮮竹卷  HKD$20芡汁同鮮竹卷好夾，鮮竹卷上灑上蔥花，食得出係自家製，有誠意~·鳳爪排骨飯  HKD$25份量都幾多，鳳爪同排骨都蒸得好腍，倒少少豉油都好夠味。·黑椒金錢肚  HKD$23整得十分軟腍，好易嚼開，味道亦唔會太辣，很不錯呢~·🍵茶茗每位6蚊，唔飲熱茶仲可以揀凍鮮菊花茶🌻，一杯都係$6。特別一提，見到menu居然有豉汁蒸鱔🐟 好特別下次要試下。

早排喺旺角搵嘢食，好耐冇食過點心所以去咗新贊記點心皇食點心。舖頭唔係好大但係坐滿人，坐低即刻點咗北菇棉花雞、鳳爪排骨飯、香茜牛肉腸、同埋贊記蝦餃皇。先講蝦餃皇，入面舊蝦超巨大而且超鮮甜，出面塊皮又薄我鍾意，點少少辣椒油你食係必食之選。而另外牛肉腸就好有驚喜，因為入面啲牛肉超厚超多而且啲牛肉入面有香茜但又唔係話好濃嘅香茜味，啱啱好超正。鳳爪排骨飯點埋個秘製豉油食比起平時食開嗰啲好食好多。北菇棉花雞棉花超厚超大嚿，而且有好幾嚿絕對抵食，其實性價比非常之高，叫咗四樣嘢都唔使一百蚊，而且每樣嘢都係即叫即蒸全部熱炙炙，講真比起平時酒樓食嗰啲好明顯高一籌。

是日中午帶咗最鍾意食點心嘅媽咪黎到旺角深圳街呢間「新贊記點心皇」嘆返個中式下午茶。小店面積不算大，但好多街坊幫襯，好受歡迎呢贊記蝦餃皇一客有四粒，大大件，外皮稍厚，口感Q彈。內裏包著啖啖鮮蝦肉，爽口彈牙又鮮味鴛鴦燒賣兩款燒賣分別有：乾蒸牛肉燒賣&鮮蝦燒賣皇。牛肉燒賣味道似牛肉球，每啖都係牛肉同香茜味👍🏻鮮蝦豬肉燒賣就充滿豬肉鮮香四寶雞札嫩滑嘅腐皮包著魚肚、雞件、芋頭同冬菇，魚肚吸收晒雞札及香菇嘅精華！芋頭口感超粉糯，不得了；雞肉同冬菇都好嫩滑juicy呢韮黃鮮蝦腸腸粉外皮晶凝通透，軟糯有米香，包住大粒蝦肉同韮黃，味道清新珍珠糯米雞呢度嘅珍珠雞一啲都唔珍珠，都幾大件～糯米飯吸收左荷葉嘅香氣，仲有冬菇、豬肉片、鹹蛋黃等等餡料，非常滋味三色蒸餃一次過可以試晒三款蒸餃：蝦餃皇、潮州粉果、鮮蝦韭菜餃。潮州粉果裏面有沙葛同花生，口感同味道都好豐富～鮮蝦韭菜餃就充滿韭菜香，好香口！蠔皇叉燒包叉燒餡料甜甜鹹鹹的，肥瘦適中，肉質香軟，同鬆軟嘅蒸包係絕妙配搭

早排喺旺角街市買餸見到有新店開張，位置喺深圳街，有少少隱蔽，主打點心同蒸飯，今日買餸前同媽咪嚟嘆茶。點心選擇唔少，大致上同一般茶樓差唔多，仲有優惠價點心孖寶，而且只收六蚊位嘅茶錢，唔使加一，非常化算。除咗點心之外，仲有各式各樣嘅砵仔飯，我哋嘅座位對面有位老人家食緊豉汁蒸魚食得津津有味，非常吸引。牛肉腸非常足料，腸粉拉得非常薄，口感好滑溜。牛肉餡料非常多，而且牛肉味濃郁，配上芫荽同蔥末，食多兩件都唔覺得膩。鴛鴦燒賣就最適合二人世界，一次過滿足兩個願望，一邊係鮮蝦燒賣，另一邊係牛肉燒賣，兩款都好新鮮，各有千秋。棉花雞份量足，雞肉嫩滑鮮味，冬菇亦夠哂軟腍入味。豬皮非常厚，吸收哂湯汁嘅精華，口感亦好鬆軟。蒸飯份量唔細，肉餅比例亦算多，相當抵食。肉餅夠惹味，餸飯一流，但面頭嘅土魷粒就略嫌淡咗少少。西生菜份量好大，油份夠，入口新鮮爽脆。飲茶當然唔少得我最愛嘅薑汁千層糕，千層效果好平均，賣相唔錯。食落薑味夠香濃，而且甜度適中，口感煙韌有彈性。芒果布甸賣相撲素，但味道唔錯，芒果味夠重之餘仲加入新鮮芒果肉，真材實料。呢度嘅點心真係超抵食，兩個人食到捧住肚皮走都只係百幾蚊，平時上茶樓冇二百幾都唔使指擬落樓