新鴻峰餐廳

Open Now

Now Closed

幾年前黎到筲箕灣工作，食過佢既豉油王炒麵，咦！有驚喜喎….鑊氣十足，少有食到嘅豉油王炒麵咁好食😋😋！過左幾年…..又再返到嚟筲箕灣工作，水準依然無變😋😋👍🏻👍🏻

一星期最少叫兩三次外賣，每次都keep住水準，炒麵和炒烏冬有鑊氣，常餐的炒蛋奄列煮得剛好、很滑，連儂普通的牛油麵包也很新鮮。很欣賞這些小餐廳用心煮好每一道菜，繼續支持希望這些餐廳可以一直營運下去!

選擇多，價錢平，驚喜係外賣盒靚仔，乾淨。焗豬抄底粒粒分明，外賣送到過黎依然乾身，如果芝士再多啲，再燶啲就完美。常餐有少見嘅米通同奄列 味道唔錯跟嘢飲居然有菊花蜜 柑桔蜜 多選擇

滿分，好好味😋讚讚讚時常叫Lunch外賣，有湯又有紅荳冰👍🏻中湯、紅白湯都好好味，我最中意佢地既紅湯，好開胃，又足料！加上筲箕灣叫餐會有送餐服務👍🏻一間用心服務，店鋪乾淨企理既餐廳👏🏻

Le個早餐好好食好滿足～少有地方凍奶茶都咁好飲～因為佢用左黑白奶，奶味好像滑好濃～個太陽旦又煎得岩岩好～唔會太生或太熟～地方坐得舒服～可以好好咁嘆番個早餐！又唔會太多人～非常推介～

今日上班晚了一點來，所以在公司附近趕緊吃一個早餐於是來到這間餐廳點了一個沙嗲牛肉麵，這個沙嗲牛麵沙嗲味香氣十足面有彈性牛肉潤滑真的不錯，還有香腸雞蛋三文治，當然仲有我喜愛的鴛鴦茶，這杯茶咖啡同茶味道非常之平衡又濃郁有香滑。

晚上來說, 這裡晚餐非常抵食. 呢區好多茶餐廳, 都要去到50、60蚊個餐的時間. 呢到晚餐只係32, +2蚊仲有紅豆冰, 而且仲有炸帶子免費贈送. 餐湯金銀菜豬骨湯, 對於我地一班成日外出食飯又無咩煮家湯飲, 這一碗湯已經係好好既欣慰.雖然係例湯, 但材料都好足菜乾好香. 好清甜.至於送既炸帶子亦 唔會令人失望., 炸得金黃無油, 明知係冷藏貨式, 但亦食得開心.我點左黑椒牛扒腸仔意. 份量驚人, 黑椒汁夠濃, 幸好意粉唔會太淋最估唔到牛扒都味道唔錯明知都係用有梳打粉, 不至於太重手尚算保留到少許牛肉味至於同事個係白汁芝士焗雞球意同樣出色, 上枱時已經有微微既芝士香,同事話味道都唔錯.

近期在附近工作都會有機會係這一帶食飯, 前幾晚試過此店既蒸魚..相比金城真係好味好多, 梅菜蓋鯇魚，明顯配料多，但其實魚量都唔少的，味道真係都幾正，甚至，我個人比較喜歡呢間。有時真係覺得金城係咪俾亞so吹噓得太勁呢?味道真係不及一間唔多起眼既茶餐廳.

前幾天和朋友來了這間餐廳食下午茶,由於我非常肚餓,幸好這餐廳的下午荼餐提供中式炒粉麵,所以我立即叫了一客楊州炒飯楊州炒飯不用等很久就來了,楊州炒飯的用料同味道都相當好,蛋炒得入味,叉燒味道好而唔鞋,蝦好咬口,飯更是溫暖爽口整體感覺一流份量方面,可能我當天太肚餓吧?份量有點不足,始終這是下午茶餐就沒辦法了總體來說,這餐廳食物不錯,套餐的選擇幾多但坐位比較擠迫,作為街坊生意來說,算是不錯的一間餐廳