Video
Opening Hours
Today
11:30 - 15:30
18:00 - 21:00
Mon - Sun
11:30 - 15:30
18:00 - 21:00
Above information is for reference only. Please check details with the restaurant.
Video
Photos
【豬扒、滷水豬大腸、鮮牛肉、米線、膠質豬骨雞湯】
【雞扒、生菜、米線、膠質豬骨雞湯】
+282
+17
星期五晚放咗工，同朋友嚟試下最近元朗谷熱話嘅方太小鍋米線，地址寫喺教育路，但原來要轉入條內街度，唔留心嘅話都有少少難搵㗎。七點半嚟到全店滿座，望落個個似係啱啱坐低食咁，唯有出去兜個圈再返嚟啦，大概七點十左右返黎，今次就好啲喇，有兩個門口位唔使等😆店內係寫紙仔落單，湯底有六款口味同一款乾撈，餸選擇唔算多，麵底只有米線或紅薯粉，但就有台式特飲，睇下食咩好先。⭐膠質豬骨雞湯朋友揀咗豬骨雞湯，要唔辣的，餸就揀咗爽口牛丸、蟹粉包、同惹味炸雞扒，而個湯底本身已經有芽菜、鮮腐竹、金菇、雞絲同炸醬，上枱時熱辣辣大大碗，湯頭濃郁鮮味，飲落真係會黏住個嘴唇，幾正喎。⭐皮蛋芫荽藤椒湯自己就點咗皮蛋芫茜藤椒湯口味，餸揀咗麻辣巴沙魚片同溏心蛋，但可惜溏心蛋賣曬了。而呢款湯底本身有芽菜、鮮腐竹、皮蛋、炸醬、芫茜同油菜，上枱時已聞到藤椒香，真係色香味俱全㗎。辣度要咗小辣，加埋藤椒麻麻辣辣咁幾惹味，魚片好滑兼且無骨啖啖肉，越食越上癮，最後差唔多飲曬啲湯，正喎😋⭐鴨屎香檸檬茶 & ⭐可樂飲品跟餐有優惠，自己點咗呢個鴨屎綠嘅檸檬茶，茶底幽香，微甜啱啱好👍朋友話佢對台飲冇興，所以踏實啲叫咗罐可樂就算了🤣湯底真係唔錯，下次嚟試下其他口味先。
continue reading
門面似Cafe再望招牌原來食米線見幾多人食 米線控趁熱鬧又去食😂藍白色設計 環境較細容納人數不多但開放式廚房擴大空間感 無乜油煙大 中 小辣 亦有米線 紅薯粉可選每款米線都已有特定配料而芽菜 鮮腐竹係每款必有的有其他餸自由配搭 每款+$𝟖/$𝟏𝟎༯ 惹味炸醬干撈（米線）$𝟓𝟎不愛芫荽直接走青 小辣食落唔辣一上枱見到大量炸醬(˶‾᷄ ⁻̫ ‾᷅˵)餐廳秘製的花椒芝麻醬幾香口咸度剛好但花椒味不太明顯內已有不少雞絲（可以話係雞肉）牛丸+$𝟖 正常發揮咬落爽彈鮮牛肉 +$𝟏𝟎 十分嫩滑軟腍༯ 膠質豬骨雞湯（紅薯粉）$𝟓𝟎睇名個湯底好豐冨好濃飲落都算清甜 味精不太覺膠質感係有但唔重 少失望( ･᷄ὢ･᷅ )個人認為如可走辣 味應該更佳內已有炸醬 金菇 雞絲蟹粉包+$𝟖 以為係特別/自家 實質普通丸川味豬腩肉 +$𝟏𝟎 都幾大嚿😳味濃肉質軟 肥瘦可接受不太膩🍜整體來講好大碗且本身已有配料另唔另再加配餸都好夠食👍🏻+$𝟔有可樂或雪碧其他特飲跟餐$𝟏𝟓 單點$𝟐𝟓༯ 芝士奶蓋炭燒烏龍奶茶深愛芝士奶蓋的我見有當然要試吓口感綿滑奶香 奶蓋略少芝味一般奶茶加分 甜度可以炭燒味濃香༯ 鴨屎香檸檬茶入口香氣較強帶微甘 微酸而不澀感覺卻少了份茶香◡̈ 以上食評乃個人意見僅供參考◡̈ 價錢僅供參考一切以餐廳為準
continue reading
呢間的撈米線有別於其他名氣米線連鎖，麻醬+花椒辣粉，5分鐘就比我KO了，食到停唔到口，好特別的口感，好濃郁香口呀！雞肉仲好滑，完全唔似食緊"雞絲"。估唔到仲有長州巨型魚蛋，好耐冇食，好夾的配搭，真係一試上癮，要出食評大讚，香港小店加油！
continue reading
香港人岀名鍾意食米線，但食黎食去都係連鎖就食到悶，係元朗發現左呢間有珍珠奶茶飲既米線喎！好，坐低睇下有咩好食先。方太家傳糯米酒米線，試一啖湯底先，個糯米酒幾香，好少食米線呢個配搭，食落又幾夾，加上蟲草花，食米線都可以養生。麻辣酸金湯，湯底集合麻、辣、酸，連個魚都有獨立麻辣味，鴨胸肥瘦匀稱。炸鮮蝦雲吞，即叫即炸卜卜脆，皮脆，餡料足。惹味炸雞扒，炸很好香，雞肉嫩。朱古力珍珠oreo碎碎，上面舖滿oreo，有朱古力又有奶味。炭燒烏龍黑糖珍珠奶茶，珍珠都夠彈，奶茶都夠茶味。
continue reading
叫左撈面加台灣腸，由落單到食起碼需時20分鐘，黎到原來條腸係水煮，我諗如果做多少少，香煎下會好食啲。個撈面汁唔夠重味，辣味又唔夠，杯珍珠奶茶淡茂茂，完全飲唔到佢講既炭烤烏龍味。中午放飯時間勁多人，佢都夠膽死得一條友煮面，等到天荒地老佢仲要送錯枱，餐廳又唔係大，得10個位，有哂號碼都送錯，隔離得番兩三個位，佢仲應承個客，俾佢4個大男人坐，搞到勁逼，坐得好唔舒服，野食又貴，完全唔值。總之，餐廳有待改進
continue reading