旦王

Open Now

Now Closed

收工想吃d開胃既菜，而且糧尾，只好食平d。我就選擇左去太子重慶酸辣粉，雖然店面外表簡陋，無裝修，只有枱比客企係度食，但佢係全港數一數二最好吃既重慶酸辣粉。我就點左一碗小辣重慶酸辣粉。辣度剛好，麻辣得來好開胃。有炸菜、肉碎、芫荽、花生配料，樣樣齊，好開胃，員工好窩心，會問聲邊一樣配料多與少。食食下覺得有點熱同辣，就過左隔離買椰汁冰。椰汁奶解辣一流，好好飲。

提到酸辣粉，以往梗係覺得係天氣凍嘅時候一大恩物，食完成身興合合。不過對於好鐘意酸辣粉嘅人黎講，係無分四季的。雖然而家好多食店都有供應酸辣粉，可以涼住冷氣食，但好似我呢啲咁犯賤嘅人類，就係鐘意有陣國內風味，見到個重慶酸辣粉紙碗特別有親切感，仲要企喺度食，問你死未。店旁有個鋪位可供堂食，店外都有幾張高枱，一律企位，平時我就企出面都照食，當日三十幾度， 我都係隔硬逼逼逼入去，開住私家風扇食都出哂汗。但有好多人同我一樣，都唔介意流住汗食！正宗重慶酸辣粉 $24比對上一次黎加價一蚊，仍然係可接受範圍，酸辣粉果個位好似換左個男店員，佢有佢講國語，我有我講廣東話。酸辣粉分大、中、小辣，點左中辣，唔會太辣，一般食到辣嘅人都應該接受到。（不過次次食都有少少唔同，手勢唔一樣）配料有榨菜、肉碎、花生、香菜，都算大方啦至於薯粉就睇運氣，有時會好腍，今次不錯，幾煙韌

前幾日，行去火車站途中見到旦王，就唸起中學個陣成日同班姊妹去食，貪佢夠平黎得旦王，當然係叫酸辣粉，雖然現加已經加到$23一碗，但我覺得都合理配菜依舊係好多，有肉碎，花生，炸菜，香菜好大方！薯粉份量好多，但係太淋，而且個湯底太濃啦，越食越咸越口渴，個阿姐加醬料重手左個人就比較鐘意之前既味道

立食是一種風氣，亦是一種風味😌彎住腰一路食一路流汗，彷彿碗麵更有味道，再望望身旁的食客，個個狼吞虎嚥的樣子，突然覺得很和諧溫馨。P.S湯底唔夠酸辣，不過薯粉煮得剛剛好，夠嚼勁煙靭🤤～（$23/碗，中辣，加餸$10款）好味指數😋：7/10翻啅指數🙆🏻：6.5/10人均消費💰：10-99服務態度👨🏼‍🍳：6/10乾淨指數🌝：5/10------------------------------

喺附近番工，經常都經過呢間旦王，其實幫襯過幾次，魚蛋燒賣果啲都係普通過唔普通，唯獨我就鐘意佢地嘅酸辣粉。今日收工行到過去，依然都係咁多人，位置比以前闊落，我先黎多左咋，以前得個小鋪位，人多起上黎都好逼。而家門口有幾張枱，後巷又有幾個位。點左酸辣粉，少麻少辣，天氣唔係好熱，喺條街食野都可以接受，遲啲熱少少，我諗我再想食都唔會企街嚕。酸辣粉喺香港食就點都唔平，但我覺得呢度起碼多料，廿幾蚊已經好過好多小食檔。酸辣粉個碗都用大陸果種，一模一樣。肉碎、花生、酸菜都幾大方。揀左少麻少辣，至在刺激下。薯粉彈牙煙韌，份量正常，我自己就好鐘意食。

以前同男朋友經常番大陸揼骨食飯，本人嗜辣，最鐘意就係食串燒、麻辣燙、酸辣粉，又平又惹味。近年都比較少北上，加上腸胃變差，偶然都會好想食酸辣粉，但又怕難消化。而且我仲好怕熱，最怕一路食辣野，一路標汗，所以食酸辣粉嘅阻力都幾大。琴日收工喺附近行過，天氣唔熱，酸辣粉癮起，忍唔到了。講起旺角嘅街頭小食，點數都會數到旦王，除左酸辣粉，仲有腸粉、魚蛋、燒賣、魚肉湯等小食。店外有兩張高枱，旁邊亦都有個鋪位可供堂食，一律係企位。食酸辣粉又真係好難一路行一路食，有企位我都心滿意足啦。價錢方面，以旺區黎講，都唔算貴喇，不過黎得又點會剩係食碗酸辣粉，夾夾埋埋都夠至經坐低食餐飯架喇。正宗重慶酸辣粉 $23我知，喺大陸食幾蚊，呢度香港嘛。呢度賣廿三蚊，辣度有五級，可以加錢配其他餸，例如芝士丸+$8、肥腸+$10。酸辣粉湯底唔夠熱，由於男朋友唔係好食得辣，所以只係點左少辣，對我黎講，就唔係好夠配料都算大方，以榨菜為主，其餘有肉碎、花生。（我走左香菜）薯粉比較腍身，彈牙講唔上，好在份量適中。小食三拼 $22/腸粉、燒賣、魚蛋齋食酸辣粉又點夠？見到呢個三拼都唔算貴，點左一份。腸粉三條左右、魚蛋6粒、燒賣4粒，基本上都

呢道原本係賣魚蛋起家，後來佢地既酸辣粉仲出名過魚蛋！佢地更有立食鋪位，入面幾乎個個都係食酸辣粉架！呢道既酸辣粉，口味就好撞手神，大部時間我覺得都唔太夠酸同麻。不過仍然都係好好食。通常我都走莞莤，咁佢地就會比多D炸菜同花生我。炸菜就略嫌多根，不過花生係好新鮮好香好脆，大家不防要多花生！個粉有時會煮得太林，人多做唔切麻。。。豬肉碎湯底都好香，唔會覺得肥。大家想加餸都可以架！但我就喜歡淨食。小辣中辣我都食過，辣道都係好撞手神，睇你遇到邊個煮比你啦！

黎到旺角東，見到呢個招牌都會俾佢嚇一下，單單兩個字，就已經吸引到我嘅好奇心。究竟呢間有幾咁好食，即管來試吓先！雖然我哋冇叫魚蛋，但係見到個汁就已經忍唔住當你食咗第一啖，就已經後悔唔係後悔唔好食，而係後悔落得太少汁佢呢個咖喱汁，出奇地夾燒賣。越辣越想食下次一定要整串魚蛋嚟食下

每次行過花園街, 都想食碗酸辣事實上八年前, 我經常光顧. 購買的人龍一直都在, 起碼12-20人, 買好就企著食。其後因為顧客多, 所以才有隔離店讓顧客立食。但至今已看不見人龍, 立食店又企不滿, 而且食完離開的都是國內人雖然味道的確很吸引, 但可惜由一開始的$13碗到目前已經$23碗人很簡單, 覺得貴了, 其實不吃也有其他選擇。今日趕住買外賣, 又見無人排, 所以買碗食下約半小時後, 一打開成碗已經變得好杰即是原來薯粉都吸湯的, 但依然保持煙靭, 很QQ這次我要求中辣, 不是很辣, 可以接受全碗最香其實是肉碎, 像台灣的魯肉一樣, 甜的。而湯底很正宗, 複雜的重慶香味可惜太唔抵食

咖哩魚旦，細粒，8蚊一串有六粒，又腥又唔彈，我督三十年魚旦，最難食的一次！一串有6粒，我食左半串就掉左！仲好意思改個名叫蛋王…😖😖😖😖😖😖😖😖😖

貪吃的我有時候經過太子至旺角的通菜街都會「掃下街」有次約了朋友在太子附近食晚飯 早放工的我在附近行逛的時候初遇旦王見和食晚飯的時間仲有d距離愛吃麻辣燙的我牙癢癢就買了一串燒賣和一串招牌麻辣魚蛋點餐時店員會問我堂食還是外賣原來旁邊有另一個舖位提供一些高枱供食客立食😯最重要係有冷氣🌬😂所以我選擇了堂食🙈一串份量有6粒 份量都算合理🤔但味道則覺普通見店家把麻辣魚蛋浸泡在佈滿紅辣椒的麻辣汁裡心想魚蛋味道必定是相當有辣勁😳但卻失望而回😟魚蛋太粉 辣味只有外皮有 但還是不夠辣對食譚仔小辣的我 辣勁完全不過癮🙄反而燒賣幾有彈性 魚香味不錯

今日吾知食咩好 突然諗起同事之前乘日買開哩間重慶酸辣粉好似好正咁Lunch走落去買 弼街 又近我公司 吾系好多人排隊 前面有4個人等緊都快到我叫左重慶酸辣粉 冇加餸 $23 外賣加$1叫左中辣 返到公司食 一D都吾辣🙄 又吾酸 只糸有好多辣椒油 開頭我驚好辣 所以吾敢叫大辣不過入面花生ok 吾會*淋*

今日出左旺角旦王買重慶酸辣粉食, 雖然好想食小辣 但喉嚨有少少唔舒服..所以只敢叫微辣食, 幸好微辣都有微辣的好味!配料份量足, 碗中有大量榨菜, 花生, 芫茜, 仲有D肉碎! 食既時候花生都仲係脆既! 薯粉口感煙韧有咬勁, 如果份量可以再多D就仲好 (因為食完一碗都有少少唔夠喉)..而最重要的一環:湯底煮得好香好濃郁, 淨係聞落去已經令人流口水...味道夠麻夠香, 我估應該有用多種材料製成的好好食!令人食既時候都一邊食薯粉一邊飲左好多啖湯..不過這些重口味的食物真是間唔中食一次就好了, 畢竟太濃味都唔太健康呢!!

旦王的酸辣粉一直都是我的最愛。想當年有相熟的阿姨在旦王做，我試吃了一碗後就一試難忘，從此掉進酸辣粉這萬劫不復的深淵裏再也沒能出來。轉眼間幾年過去，酸辣粉也伴我走過了甜酸苦辣幾個年頭，從相熟阿姨到陌生臉孔，從曾經的16,7元到現在的22,3元。縱使偶爾會對物價奔騰帶點微言，但還是忍不住地隔三岔五就去買一碗。十多種調味和配料，湯底濃郁，還加有肉碎，輕輕一攪，肉香味和多種配料混合的特殊香氣撲鼻而來，讓人食指大動。此外，薯粉彈牙不易斷，口感十足，榨菜和花生亦香脆可口，絕對有點睛效果。越食到底越有味道，又辣得過癮，最難得店家能準確拿捏每一碗的份量，吃一碗略嫌不夠，吃兩碗又太多，使得食客離開時總覺得稍微有點慾求不滿依依不捨，更能鎖住舌頭上的味道和感覺，然後下一次再一嘗其滋味！當然味道是很主觀的一回事，有人讚不絕口，也見過有人吃兩口就直呼難吃而忿然離場。我沒有到過重慶，因此對「正宗」二字無法作出任何評價。然而我也嘗過坊間大大小小不同的酸辣粉，不是肉香不夠就是味道全然不對勁，稍微有點得我心的不是結業了就是不再售賣酸辣粉，甚為可惜。所以始終是旦王那一小碗最能栓住我的心和胃。每隔一段時間那股香辣的味道總會

放工相約好同事，陪佢去金魚街買龍貓用品。去到我倆都勁肚餓，都食啲野醫肚先。我地食兩碗酸辣粉，佢食BB辣，我食小辣。呢度既辣，比外面的粉再辣一度，BB辣已辣到朋友滿頭大汗，平時食開中辣的我，今次小辣都幾乎飲晒成樽水解辣。薯粉煮得肥肥，十分煙靭，有咬勁，又夠滑，可好好地“黏”埋啲辣汁！ 見到店主腸上近十種調味料去製成湯底，最勁的係夠麻，食完唔止個咀唇麻，成個口腔都麻,麻足十分鐘！ 個粉個面有很多莞茜，增添碗野既香味。我地每次食完都勁回味！不過咁重口味的，不宜常吃啊！