明星茶果店

Open Now

Now Closed

花生糯米糍（$18）：糯米皮厚薄適中，口感煙韌。有花生，椰絲，唔會太甜。開心果糯米糍（$20）：開心果滿滿的，味道濃郁，但有啲甜。芝麻卷（$18）：唔太甜，卷內有唔少黒芝麻醬10蚊一粒開心果糯米糍性價比ok。遠在元朗嘅小店，都算多人排隊。買嘅時候話賣晒花生餡，老闆都好好即刻做啲新，大概等咗5-10分鐘。

由於係客家人嘅關係，所以我同屋企人都好鍾意食茶果，估唔到喺元朗小街竟然就有一間隱藏茶果店😋因為唔係成日經過，所以每次去都會買幾款食最常去買眉豆同蘿蔔茶果（鹹派anyone😍？！）佢地嘅內餡唔係Hea你的！有特別效果同埋調味😋佢嘅外皮都係煙煙韌韌（記得如果唔係即日食就要蒸返熱♨️嚟食啦~)除此之外，我哋仲買咗冇豆嘅砵仔糕，蒸糕，黃豆糕同椰汁紅豆糕（呢兩個記得唔食要放雪櫃）鍾意食茶果嘅，你記得唔好錯過啦推薦指數：💖💖💖💖/5

明星茶果，以為食茶果就一定唔會中伏，點知都係中晒伏，衰貪心， 一次過買咗兩個茶果一個砵仔糕。眉豆茶果$9眉豆茶果已經算是不差，內餡有炒過，味道有鹹香有點肉碎，皮也算軟熟，但不是煙韌口感， 最多只是正常水平。至於蘿蔔茶果$9餡也炒得香，但餡不多，而茶果皮就超難吃，又硬又乾又實。極重糯米粉味。伏砵仔糕＄７明明問了店員，店員表示是煙韌口感，我才會買，因為我知道有些店是走淋的路線，所以才特意一問，怎料還是被騙，其口 感是札實，極挺身，跟煙靭一啲關係也沒有，難道是走淋的米香路線，但她也沒絲毫的米香，只有淡淡的的黃糖甜味。紅豆不硬，不是硬梆梆的，但總體絕對不是一個好吃的紅豆砵仔糕。幸好只淺嘗了３款出品，沒有大手入貨。

第一次去咁岩話放暑假無開，惟有等下次！過左幾個星期專登去元朗買當日都要排寒隊先買到我就買左砵仔糕，芝麻糕同埋糯米糍糯米糍皮薄餡偏甜，好香嘅芝麻味，質地較淋身砵仔糕豆味香！下次會再買

今日去流浮山度睇日落，由於喺元朗搭小巴先至去到，咁啱見到有人喺度食茶果。因為條隊唔係好多人，我哋就乘機去咗明星茶果店度買茶果。我哋買咗三款茶果，當中最好味嘅喺眉豆茶果，大家如果未試過，一定要食呢度嘅味眉豆茶果，因為真係好好味。眉豆茶果雖然佢係眉豆，但佢煮到溶晒，仲有啲肉碎嘅質感同香味，個皮又非常之薄，煙煙韌韌，令人一試難忘。紫薯雞屎藤呢個紫色嘅雞屎藤，外型好似朵花咁，見到都想食。有淡淡的紫薯香味，食完都真係幾飽。黑芝麻卷黑芝麻香氣濃郁，而且唔係太甜，入口淡淡的芝麻味都幾香㗎。 因為佢個芝麻卷煙煙韌韌又有口感，鍾意黑芝麻嘅朋友就唔可以錯過啦

美中不足，並非日日開門，家人愛吃原味砵仔糕,甜度適中，我愛綠豆茶果.味道一流，日日新鮮，價錢合理。其他就冇試過,我見仲有其他口味的茶果.附近仲有間網紅店,未試過,因為門口衛生麻麻，未有勇氣試。

🇭🇰明星茶果店·我哋嗰日原本係諗住由河背水塘行到去荃灣嘅 諗住難得出去做多少少運動 但係因為元朗真係好遠 我哋又想試多幾間餐廳 最後差唔多四點先去到河背村🤭🤭所以我地就咁圍住河背水塘行左幾個圈 佢超級易行 99%都係平路 得少少梯級 同一開始行去個水塘有少少斜路😈🤣佢個水糖比我想像中靚 而且佢個竹林都真係幾有feel嘅 喺嗰度望住日落都幾寫意🌄·芝麻卷 $15呢間其實就係喺去河背水塘嗰個小巴站前面嘅 超方面😎因為我哋超鍾意食芝麻卷 見呢間有就買左一盒黎試下😌佢呢個芝麻卷中間係再有一個芝麻餡嘅 所以芝麻味好濃 不過佢個卷本身就唔算話好煙韌 佢係淋身少少既 所以口感冇咁好🙊🙊·📍元朗元朗泰衡街2號地下B舖

明星茶粿店我同家母都鍾意食茶粿，所以呢間茶粿店我都經常幫襯。跟住會介紹下2款我比較鍾意食既😂咸香糕未係其他地方見過，以前係叫咸芥糕，唔知幾時改左名，撈左d花生碎同芥菜粒，口感有d似咸咸地既馬拉糕。個人黎講好鍾意食😂眉豆粿煙韌既外皮包住咸咸地有少少五香味既眉豆蓉，食落幾特別，家母最愛。蘿蔔粿呢樣今次第一次買，蘿蔔餡係一絲絲，味道係咸咸地，個人覺得冇乜特別😂

上次去過，不錯！佢有現在市面上再好少見到嘅雞屎籐！不單如此，仲有紫薯味！今次要專誠一試上次未試的，今次要食下！買左花生糯米糍（佢另外有紅豆味嘅）一盒三粒，$14大大粒，餡多到瀉出來不過略嫌太多砂糖，少d就完美。皮嘅厚薄適中（我不喜勸太薄皮的），托得住d餡，不容易瀉到成枱都係！另外必試佢獨家嘅紫薯小丸子（雞屎籐）$8晶瑩像紫水晶，很可愛。吃落是輕輕的紫薯味，煙韌度剛剛好！相信整熱少少更好食這個價錢不算太平，不過見佢獨一無二，好啦

我是大福控，茶果糯米糍等等都不例外之前上網，如果有人介紹明星茶果店，今日有少少時間，專誠到訪一下！款式有好多啊！但一個人 一次過試唔到太多，最後揀咗黑芝麻卷和雞屎藤$14 兩條。都差不多手板咁大。口感十分q彈，中間輕輕掃上一層黑芝麻醬架！唔係話就咁一大舊糕。好香，又唔會太甜太膩。雞屎藤口感十分軟糯，味道清香，當中夾雜不少花生碎，令口感更好了。最好唔好放涼後才吃，咁樣佢就會變硬無彈性了。下次要試埋其他茶果和糯米糍！

🥜花生糯米糍($13*3粒)🔻推薦指數:🌕🌖🌑🌑🌑甜度:中等🌕🌕🌕🌑🌑質地:皮軟糯 餡顆粒粉感🔺本身想去元朗間驊記買糯米糍，但實在太太多人了🤦🏽‍♀️🤦🏽‍♂️仲要排左15min條隊郁都唔郁，再等落去我諗1hr都仲原地踏步🤣唔緊要✋🏻食住前少少間明星茶菓先，個姨姨都好熱心介紹🙈不過我就只對花生餡有興趣😂佢不停推薦紅豆~唔知由幾時開始對紅豆慢慢興趣不大，糯米糍係一貫傳統嘅花生碎+砂糖，偏顆粒粉感嘅內餡一般都好多餡，一路食一路跌個種，因為無醬餡咁少少粘著，但問題在於個花生碎個色澤極淡黃，好似完全無炒香過咁，又唔算好香脆，我覺得麻麻地，外皮有厚度都煙韌嘅，但軟身，反而佢個花生茶果好食好多，不論塊皮定餡😬

今日午餐後路過，就俾［蘿蔔絲茶果。7元］吸引住😬，因為真係好少有。行近啲再睇，原來仲有眉豆茶果、咸香介糕呀👀👏🏻咁就買咗蘿蔔絲茶果2個，諗住今晚同老公分享。結果，下午茶時間就KO咗一個，咬落質感真係好軟滑呀！饀料不死咸，好好味！哈！嗰刻好想打俾老公話我食緊正嘢🤪放工後再行去嗰度，啲茶果及其他食品已經俾人買晒😫，剩返兩盒花生糯米糍⋯⋯不過都幫襯咗一盒, 原來糯米糍都好好味呀！又係質地好軟滑，仲有🈵️🈵️花生饀添👍🏻有相為證架！📷

本人小時候最鐘意食綠豆茶果同雞屎藤，永遠只有媽媽在街市擺地攤既圍頭婆仔整既茶果先係最好味，鐘意食既人一定覺得茶果既傳統風味絕對可以入米芝連，但近年都好難見到啲呀婆，發覺已經冇人識整好食既茶果時，又俾我搵到明星茶果店，希望佢可以一直開落去，堅守傳統茶果既味道。食評: 皮夠煙韌 餡多又靚，當然有人喜歡皮薄，但佢既皮好香糯米味又好食飽肚，適合我當早餐，價錢又公道，雖然沒用傳統葉墊底，但用麵包墊底紙食落更方便，只係缺了一點荷葉香。。。

暫時都未做到明星睇飲食x女，條link飛左去舊店安寧路地圖，好在地址是對的，最後再查openrice，最update都系openrice。去到泰衡街，老闆介紹曬有咸有甜，包括眉豆、綠豆、豆沙、花生、紫薯和蘿蔔。我選擇了眉豆和紅豆，都系買6蚊。但突然想起老婆一起食開好似系綠色，老闆話系雞屎騰，7蚊。所有皮都真系十分煙韌，哩個知道贊。雞屎騰能睇到好似有D草系裡面，但食落又無乜味道，吾似大奧果D大大個，有草味，又話自己去採摘，可能品種吾同掛。眉豆味比較特別，不懂形容，但因為感覺哩個應該系甜品，所以不太喜歡紅豆吾系太甜，幾好。

好耐冇食既椰汁砵仔糕， 因為食過其他鋪頭都唔夠呢間好味， 所以就冇再食~ 好彩呢間小店又再開業， 等我可以食到呢種咁好味嘅小食， 可能係其他鋪頭都買到呢隻白色嘅砵仔糕， 但食落同啡色嘅砵仔糕味道一樣，完全食唔到有椰子嘅香味。 真係好好味㗎😋仲有要試埋佢個介糕， 好多地方都有茶果賣但係冇得買呢個介糕， 但我覺得介糕更好味， 有甜有鹹任君選擇， 所以嗰排食得多甜嘢或者本身唔係好鍾意食甜嘅朋友， 就可以試下呢隻鹹嘅介糕啦😎😍