曾三仙米綫 (花園街)

Open Now

Now Closed

平時一向都係食開啲辣嘅米線，今次來到太子呢間曾三仙米綫食返碗唔辣嘅川渝米線！餐廳有提供多款唔辣嘅選擇～✨蕃茄黑豆花牛肉米線黑豆花嘅特別之處就係餐廳自家製嘅，口感好似一舊海綿，一咬落去就有爆汁嘅效果，帶有一種好獨特嘅煙熏香味！牛肩肉比平時嘅更柔軟嫩滑！仲有海量海帶絲同埋木耳絲襯托住啲米線！蕃茄湯底味道天然，酸甜開胃～✨滋補三仙米線三仙即係有齊哂多款嘅招牌配料，個人最鍾意豬肝同肉絲，口感特別嫩滑！而午餐肉、鵪鶉蛋、竹笙、木耳絲、蕃茄、蟲草花同黃花就令到成個米線嘅口感更加多元化！米線偏幼身，掛汁能力高！藥膳湯底清澈，飲落去當歸嘅味道比較突出，有種好滋補嘅感覺～✨糍粑油條香脆嘅油條包住軟糯嘅糍粑，趁熱食，口感超正～✨重慶現炸小酥肉小酥肉新鮮炸起熱辣辣，酥脆可口，點埋辣粉食得更滋味～✨紅糖豆花豆花與別不同，食落去有啲似有濃厚豆乳味嘅布甸，配搭紅糖甜而不膩！仲有桂花杞子做點綴～✨小吊梨湯帶有雪梨嘅自然甜味，仲飲到粒粒雪耳添～✨生椰拿鐵入口順滑，咖啡同椰奶嘅比例剛剛好～

最近試了間川渝米線店，短短一餐之間，讓我對「米線」的世界有了全新的認識。相比我平時常吃的雲南米線，這間川渝米線不論在味道、配搭、甚至餐廳格局上，都與別不同。一走入餐廳，那種大陸風格濃厚的裝潢會讓人以為自己身處成都街頭。紅色標語、簡體字、甚至牆上的宣傳語都非常「大陸」，不過食物出品相當有驚喜。餐廳還設有自助配菜區，有醃蘿蔔、芫荽、蔥花等，當中的醃蘿蔔清甜爽口無澀味，記得試下。川渝米線來自四川、重慶一帶，顧名思義，它主打的就是那份地道的「麻辣風味」，更強調麻辣、酸香等味覺衝擊。不過，這間店的湯底選擇多達八款——蕃茄、滋補、雞汁、酸湯、藤椒、泡椒、酸菜、火鍋，無論你是否愛吃辣，都可以找到合適的湯底。配菜選擇多到眼花繚亂，如果不知選什麼配菜好的話，這裡的「三仙」配搭更值得一讚，包括鵪鶉蛋、豬膶、豬肉絲等，再加上木耳、蕃茄、韭菜、竹笙、蟲草花，營養豐富又滿足。其中我們試了：- 🏅滋補三仙米線（$56）：湯底濃郁香甜有輕微當歸味，配料超豐富，半碗都是餸，性價比極高。- 🏅藤椒鮮魚米線（$56）：麻香十足，魚片滑溜，勁有層次。除了主食，這間小食和飲品選擇也非常有誠意：- 🏅涼拌木棉豆腐($22)：

最近去咗一間同事們推薦嘅米線店，真係一試難忘！佢哋主打米線，仲要係一鍋鍋咁上🍲湯底同配料都超有心思，今次食咗幾款招牌菜～  🍅蕃茄鮮魚米線（加嫩肉絲）湯底超級鮮甜，蕃茄味濃郁得嚟唔會太酸，鮮魚片嫩滑得嚟完全冇腥味！加咗嫩肉絲之後，口感更加豐富，每一啖都係滿足！  🐔雞汁三鮮米線（加牛肉丸，黑豆花）雞湯底好濃郁，飲得出係真材實料熬出嚟！牛肉丸彈牙又多汁黑豆花口感滑溜，帶淡淡豆香，同米線好夾！  🥬酸辣海帶絲酸酸辣辣好開胃！海帶絲爽脆，調味恰到好處，食完米線再食佢，感覺好清爽～  🐂牛肉餡餅外皮煎得香脆，入面嘅牛肉餡多汁又入味，咬落去仲有少少肉汁爆出嚟，正！  🥖糍粑油條呢個真係驚喜！外脆內軟嘅油條，蘸上黑芝麻碎糖食落去有啲似甜品，但又唔會太膩，好特別！ 🥤百香茉莉茶果香同花香好夾，酸酸甜甜，飲落好fresh，夏天飲一流！🥤小吊梨湯梨湯清潤，甜度啱啱好，飲完成個人暖笠笠，喉嚨乾最啱。💕性價比高，湯底同配料都用心製作，環境都乾淨舒服，絕對係會再encore嘅餐廳！唔掛得出面咁多人等位🤣如果你都係米線控，一定要試吓！  

餐廳：曾三仙米綫地點：太子花園街菜式：四川米綫餐牌：超多湯底配唔同配料既米綫，湯底包括番茄、滋補、酸菜、籐椒、酸湯、泡椒、雞湯牛油配料有午餐肉、肥腸、蝦滑、酥肉、腰花、嫩肉絲、豬肝、鮮魚片、全素、黑豆花牛肉。可以加菜。另外都有特色必點、霧都粉麵、小食、甜品、飲品。落單用QR code。肉臊土豆泥拌米線 $40第一次食拌米線，米線底上面加有一半滑溜原味土豆泥，唔少夠味肉臊同少少酸豆角碎。用成個鍋上枱，滑溜米線再加上又滑又綿密土豆泥口感獨特。酸豆角帶少少辣，味道唔錯。酸湯鮮魚片米綫 $56酸湯即係比冬蔭公風味酸少少嘅湯底，有油姜辣、大蒜、番茄、檸檬、山棃做出酸度。個人覺得好特別，真係好似冬蔭公，但係湯底係有好濃厚鮮茄味，食到好多新鮮番茄肉。酸湯除左鮮番茄，仲有韭菜同海帶，口感爽脆。幼身米綫分量足，非常滑溜。鮮魚片有幾片連魚皮，嫩滑鮮甜唔會太薄切。黃金炸手打蝦滑 $35黃金炸手打蝦滑用傳統款式碟上枱，好特別。一客7粒，雖然細細粒，但係炸得外脆內彈牙，同甜酸醬同食更好味。五香腐竹 $20呢款小食係新品上市，一客多片，味道唔錯，唔會太辣或者太鹹，健康好味。糍粑油條 $18糍粑油條係一條脆皮小油條

唔講唔知曾三仙米線都有飯食架，唔食米線都可以陪朋友食😂滷水雞髀肉燥飯套餐雞髀非常入味，雞肉鮮嫩，與肉燥搭完美。酸辣海帶絲清爽又開胃，而冰糖山楂凍消暑又解膩。特色四仙米線配料非常豐富，包括木耳、黃花、鵪鶉蛋、午餐肉、蕃茄、蟲草花、豬肝和肉絲。米線幼身彈牙，酸辣湯底唔會太刺激。泡椒雞什雞什鮮嫩，辣味適中。重慶現炸小酥肉非常香口既小食，外酥內嫩，炸得剛剛好。紅糖冰粉涼蝦這道甜品口感滑嫩，甜甜地又能解辣。

呢間米線店真係有驚喜！主打正宗川渝風味，湯底濃郁得嚟完全冇落味精，飲完都唔會口渴，仲有多款湯底可以揀，啱晒唔同口味嘅食客！必試藤椒三仙米線，湯底麻香十足，配料有蝦滑、豬膶同午餐肉，鮮味層次豐富，食完成個人都暖笠笠！如果想清淡啲，滋潤養生牛肉米線就啱晒，湯底清甜帶藥膳香，牛肉嫩滑，飲完成碗超舒服。小食方面，磁粑油條外脆內軟，點湯食一流；香蔥炸肉丸香口彈牙，蔥味突出；最後以三仙冰粉作結，清甜解辣，完美收尾！湯底真材實料，配料足料，價錢合理，鍾意食辣嘅朋友絕對要試！

係香港食咗十幾年一式一樣嘅米線，終於俾我遇到驚喜滿滿嘅 曾三仙米線 ！重慶過江龍爆開800+分店真係有原因，佢哋嘅米線： ✨️粗幼度剛剛好✨️入口爽彈✨️掛湯力超強💯 暫時香港真係冇乜邊間做到呢種質感！🔥 必點招牌米線▫️ 滋補黑豆花牛肉米線 $70 👉🏻 每日現磨東北黑豆花！天然膽水點製，豆香濃又滑溜，帶啖啖煙燻味👉🏻 黄牛肩肉，肉味香濃👉🏻 藥膳配方湯底🔥熬足8小時煲到奶白色，當歸味比較突出▫️ 蕃茄蝦滑米線 $57番茄湯天然酸甜🍅，蝦滑每天現場人手手打，爽彈鮮味足！ ▪️ 泡椒木耳 $20酸辣泡椒醃得透徹！脆口程度似食緊「雲耳版拍青瓜」🌶️ ▪️ 香蔥炸肉丸 $25咬開肉汁湧出💦！入面有豬肉、雞肉、馬蹄蔥粒，外脆內軟 ▪️ 糍粑油條 $18外層好似油炸鬼咁，中間夾住麻薯，上面鋪上黑芝麻碎，入口香甜軟糯▫️ 三仙冰粉涼蝦 $26 配料豐富，有桂花，杞子，馬蹄爆珠，椰果，提子乾，紅糖，清涼解辣✨ ▫️ 紅糖豆花（$18） 豆乳味濃厚🍮！紅糖甜度輕柔，正餐後一碗超滿足 ☕ 飲品驚喜位▪️ 小吊梨湯：微甜清潤，夏天飲啱哂▪️ 山椰拿鐵：椰奶×咖啡黃金比例🥥，順滑唔苦澀

藤椒三仙米線 $60 藤椒湯底微麻微辣但唔嗆喉，米線彈牙順滑，配料豐富－爽脆木耳、軟糯鵪鶉蛋、清甜蕃茄竹笙蟲草花，加埋午餐肉同肉絲，份量夠晒飽肚！番茄蝦滑米線 $57 新鮮蝦仁手打成滑，配埋酸甜番茄湯底，清爽開胃又有蝦鮮味，加埋香菜青蔥提味磁粑油條 $18 即叫即炸嘅創意小食！熱辣辣油條包住年糕一齊炸，外脆內軟，撒上甜甜芝麻粉爆漿芝士雞排 $30 2大塊炸至金黃嘅雞排，切開嗰一刻滾熱芝士醬流出嚟酒釀豆花 $9三仙冰粉涼蝦 $13 特色甜品，每樣都係香港少見嘅川渝地道美食！

🍅番茄黑豆花牛肉米線 $70之前都有食過豆花撈米線 覺得滑捋捋咁幾好味見到呢款加入黑豆花嘅米線梗係要試試啦😋黑豆花口感滑嫩 牛肉都好嫩滑 配埋熱湯米線就係好順口蕃茄湯底好香甜 仲食到啲番茄蓉 口感豐富真材實料🐟酸湯鮮魚片米線 $56上次都有食過呢款 今次就再encore咗佢酸湯依舊酸香爽 帶啲酸菜嘅鹹甜味 魚片每塊都幾厚身 唔會話薄衣衣好似張紙咁👍🏻🦐蝦滑 + $32跟餐加咗蝦滑 一份有7粒 每粒都脹卜卜圓碌碌好鍾意佢蝦肉含量真係好高 咬落去唔係一啖肥豬肉咁蝦肉鮮甜味浸落湯底令味道層次更豐富🍬磁粑油條 $18終於食到呢款經典甜品小食啦！呢個配搭真係“絕了”！磁粑軟糯拉絲 油條就香脆唔油膩配搭紅糖漿香甜但唔膩Perfect ending🤤

今日係花園街買完野， 終於等到放lunch la ， 梗係約埋同事去花園街食曾三仙米線，街頭人聲鼎沸，入到舖頭即刻聞到濃濃湯底香，肚仔都自動打鼓！🍜酸湯蝦滑米線嘅湯底酸香開胃，酸度有啲似冬陰功，帶微辣，飲落清爽又刺激味蕾；蝦滑食得出佢係新鮮手打出嚟嘅超彈牙，咬落仲有粒粒蝦肉，鮮味十足，米線滑溜，掛湯一流，食完成個人都醒晒！磁粑油條外層炸到金黃酥脆，咬落煙韌又帶微甜，油條吸晒湯汁，外脆內軟，層次感好豐富！

以前喺太子返工，都成日會幫襯呢間米線，琴日經開太子又忍唔住走去食，見到佢做緊限時優惠：米線+小食+飲品都只係$60 ，一於試吓先。今次試咗雞湯米線，湯底好鮮甜，雞肉都幾嫩滑👍🏻👍🏻。呢度仲有好多款唔同湯底，真係選擇困難啊，下次再嚟試過。

唔係講笑 真係正宗劣食 唔知食咗啲咩落肚 好後悔入咗去😵‍💫😵‍💫人生第一次 唔開心到要寫食評喺香港食飯冇期望呢個唔使講 唔係太難食 食物份量同質素唔係太離譜都算數當贏 今日夜晚大概六點同女朋友去太子附近搵嘢食 想食米線就入咗去 點咗佢哋個雞湯米線同埋雞髀飯 開始嚟負評 啲木筷子匙羹污糟邋遢 先唔講摸落去半濕而且油淋淋 真係最憎餐廳用呢類型唔會洗得乾淨餐具 人哋食完啲湯汁索晒入啲木度 跟住又用啲唔知過幾多次嘅鹼水去清潔 諗起都嘔心 問店員有冇即棄餐具 唔比只提供比外賣 唔緊要自己攞入廁所洗 感覺叫做好少少 但成件事都係核突🤢 跟住嚟到碗米線 湯夠熱嘅味道都可以 但係就係大陸食飯嗰啲科技味道 未必個個接受到 我第一次試唔抗拒 但啲餸嘅份量真係少得可憐$60有米線有嘢飲再加個小食(三粒鼻屎肉丸) 可能你會話都算合理 但米線我五啖食晒 啲雞粒我諗我食咗六嚿倒 冇錯我用「雞粒」 啲雞好似廚餘咁 全部細細嚿好似就係啲雞殼連皮 好後悔冇影到相 成餐飯都sad到核爆 女朋友碟雞髀飯就正常但就係一定唔會再返嚟食嗰種 我同女朋友成餐飯食緊嘅時候都好靜 完全係冇交流 因為大家都有個共識唔評論唔批評 唔想令

🔥酸湯黑豆花三仙米線 ($72) - 酸辣控必嗌一上枱就聞到酸湯嘅霸氣香氣！湯底用真·野山椒熬製，酸得嚟帶微微麻香，唔會嗆喉👌 主角「黑豆花」滑到夾唔起，吸盡酸辣湯精華，咬落爆汁💦 三仙配料勁足料：鵪鶉蛋、豬肝、肉片、木耳絲... 啖啖都撈到寶！米線掛湯力MAX，嗦到停唔到口～ 🍗雞湯米線配炸肉丸子 ($60) - 暖胃之選怕辣嘅朋友要試呢款！奶白色雞湯熬足8粒鐘🔥 飲落超濃郁仲有膠質黏唇👄 炸肉丸子係驚喜位✨外脆內軟，咬開爆肉汁！浸湯半脆半軟仲正～ 🥔什醬肉土豆泥（$30）綿密薯泥淋滿肉燥醬，鹹香帶微辣，一啖接一啖！ 鍋巴土豆 （$22）即叫即炸💥 外皮脆過薯片！內芯軟糯，撒咗孜然粉同辣椒麵，香口到癲～ **_💡貼士：土豆泥撈米線湯食，邪惡度爆燈！_** 🍹冰糖山楂凍飲 ($10跟餐)酸甜冰涼！食到山楂果肉粒，消滯一流💫 茉莉茶凍飲 ($10跟餐)清新花香沖走油膩🍃茶凍QQ哋好過癮～

太子曾三仙米線泡椒黑豆花牛肉米線湯底濃郁帶點微辣，泡椒的香氣很突出，黑豆花口感滑嫩，牛肉片也煮得剛好，不會太老。米線本身彈牙有嚼勁，吸飽湯汁後更入味，這碗米線的份量也很足，吃完很有滿足感。 磁粑油條這道小點心讓人驚喜。油條外酥內軟，搭配的磁粑甜而不膩，口感綿密，兩者搭配起來非常和諧，既解膩又增添風味，適合當作餐後小點。 小吊梨湯這款飲品清甜潤喉，梨子的香氣很自然，喝起來不會太甜，剛好可以中和之前泡椒米線的辣味，非常適合搭配重口味的餐點。 價格方面也算合理，環境乾淨舒適，服務態度親切，值得再訪。如果你喜歡吃米線，這家店是個不錯的選擇。📍元朗西菁街10號好順泰大廈地下16-17號舖📍太子花園街228號地舖📍天后琉璃街7號地舖@tsang_sam_sin.hk

街頭豬肘拌飯豬肉份量好多，有好多片，味道好似東坡肉咁，但薄切，啖啖肉，食完有少少罪惡感😂鐵鍋米線你都見到一Pat豆泥，仲擔心會唔好食，點知食勁好味，配合埋肉碎，成個米線好出色，而且米線比平時譚仔嗰啲更加幼滑，唔怪得知話出名食米線😍爆漿芝士雞排食嘅時候要小心，原來外層係雞肉，好似麥樂雞咁，入面包住芝士汁，雖然冇拉絲，但芝士嘅味道滿滿☺️磁粑油條平時鍾意食紅糖糍粑嘅人一定唔可以錯過，估唔到用油炸鬼夾住糍粑，加上黑芝麻糖，又鹹又甜嘅感覺好夾🤩家人認為呢個必要， $18超抵食！三仙冰粉涼其實都係好似冰粉咁，但再加咗其他嘢簽過材料，令口感豐富啲，樣貌好吸睛，但都係比較推薦上面嘅糍粑多啲😎香辣木棉豆腐唔覺得辣，係凍食嘅豆腐，有啲似台灣豆乾零食咁樣，甜甜地😌