曾記

Open Now

Now Closed

夏日炎炎晏就成日都無咩胃口食飯，是是但但又一餐，最緊要唔駛煮，熱死人咩所以經過開石塘咀街市，就嗱嗱臨去買個外賣，攞返屋企食基本上茶餐廳應該有嘅飯類，曾記都有齊，應有盡有，不過唔經唔覺原來大排檔食個頹飯都要40幾蚊啦<粟米肉絲飯$41>最後揀咗個粟米肉絲飯，其實想食粟米肉粒多啲，但係冇粟米肉粒大排檔嘅份量不嬲都係毋庸置疑嘅大，打開個飯盒已經知道自己應該食唔晒，最後都真係食淨少少粟米汁超級多，嵌着成個飯，所以食到最後都有汁送飯肉絲都係冰鮮肉，冇咩特別味道，不過去得大排檔食都係但求平、靚、正姐

我一向都好少投訴，明白大家各有難處，盡量將就。但今日真係火滾🔥本身好鍾意係依度食胃，都有介紹朋友來，大排檔你都唔會有太大期望，做到人情味好服務出品唔差都收貨。次次來都叫粉麵多士三文治，散叫都會叫，但今次竟然話無三文治。我明白原因可能係人太多做唔切，因為早餐係照跟多士出，所以唔係冇麵包。到後來人少咗，仍然都話做唔到，我就覺得好奇怪。係咪生意旺得咁緊要連件三文治都做唔到。係咪開始揀客做。食到冇晒心機，失望在於自己一直支持既店，自己做衰自己。我應該唔會再來，因為仲有好多選擇。

有時經過石塘咀都會去曾記 食個🍽早餐😋依家熟食中心愈來愈小見🙈🙈食店位於石塘咀市政大廈2樓熟食中心凍奶茶少甜少冰🍹（真係會少甜同少冰👍🏻👍🏻）好多時出面餐廳叫左少甜少冰等同冇叫❄️❄️🐮牛油多士🍞多士香脆👍🏻仲有好香既牛油味🐽火腿奄列🥚👍🏻👍🏻🍳奄列吾會熟得過熟，煮得岩岩好，仲會有小許蛋汁🍳😋😋🐽豬扒公仔麵🍜🍜麵吾會熟得太淋，麵質比較爽口👍🏻👍🏻

是日到石糖咀先到石塘咀市政大廈熟食中心食早餐米粉硬左少少不過都OK既炸豬扒係炸得幾香口,同埋豬扒都夠淋,味道都有肉味唔會太有雪味太陽蛋都OK唔錯多士,夠乾身,食落味道唔錯凍檸茶正常野

今日早上需要好早去到石塘咀見客人,所以一早坐地鐵去到香港大學站先上去石塘咀市政大廈2樓熟食中心曾記食個早餐先.常餐沙嗲牛肉米線牛油夠淋,味都算可以凍檸茶正常野冇咩特別多士夠乾身幾香口煎蛋油左少少,不過都OK既

六月上旬‧晴雖然這裡空調嚴重不足，雖然是日非常熱，也雖然這裡沒有電源供應。但是日下午也是來了這裡工作，因為這裡有免費wifi。當然另一個原因就是可以喝杯咖啡。這裡的熱咖啡幾香，不過不太濃郁兼有一點點酸味。坐至打烊，人家洗地才走，五時也不夠。

幫襯曾記多年，見證他們的早餐由十幾蚊加到廿幾蚊，現在一般碟頭飯也要$27，炒粉麵飯亦加到$32。不過，無論是早市和午市，石塘咀這個熟食市場，曾記始終是最旺的。點解咁旺？除了份量夠大，炒粉也夠鑊氣。今次我和少奶來這裏，只叫一碟干炒牛河($32)，另加一碗炸菜雙蛋湯米($20)，兩者都連冷熱飲品，牛河好大碟，夠鑊氣(當然也有點油膩)，但牛肉有咬口，不會醃得太冧，加點辣醬，實在好味。炸菜雙蛋湯米一般啦，但很大碗，兩個人吃得飽飽，實在大件夾抵食。之前也不時在這裏叫豉椒排骨炒麵，份量也不少，麵底炸得脆而不燶，也不會過油，排骨也不少，也是抵食之選。不過石塘咀這個熟食市場沒有冷氣，夏天都幾熱，所以通常只會在冬天來。

要返hku開工，返去前梗係要食個lunch先啦。之前特登睇下西環有咩好食，原本想去KC大佬推介係石塘咀街市既泰國菜，但唔知點解去到佢無開門，唉.... 好唔開心 >< 咁我都一場去到啦，廢事又走黎走去，咁就搵第 2 間食啦，見呢間曾記比起其他食店特別多人，所以我就坐低左啦。眼見其他顧客通常都係一大班年青人或者中年男士，個度D阿姐見到我一個女仔坐低都好似好愕然咁，佢地D眼神真係好搞笑! 想食芙蓉蛋飯，耐何佢無，我揀左好耐好耐終於決定要個雪菜肉絲炆米。我知佢一定係好大碟，我已經叫左佢炒細碟D俾我，唔駛咁多，但黎到都係成座山咁高。我知一定食唔哂，食一半都夠，真係想問下個阿姐可唔可以下次要細一半，佢收平我一半呀? 不過呢個當然係講笑啦，但份量真係超多架! (仲要係叫佢細碟左架啦)不過我覺得佢幾好食呀，D肉絲切到粗幼適中，好淋好入味，好鍾意食。佢除左雪菜仲有冬菇蔥青椒等等，個米粉唔太淋又唔太硬，真係剛剛好。成碟野都好入味，又唔油膩，我已經好努力食架啦，但真係食唔哂，無計啦，原本想包走，但因為我又好夜先返屋企，所以都係放棄左。杯咖啡唔太苦，略帶微酸，唔係好濃咖啡味，一般啦。我見到佢