村爺爺龍蝦湯.泡飯.燉湯專家

Open Now

Now Closed

是日早左少少收工，傳說村爺爺出名多人排隊，18:20同frd子經過...見到暫時4個人排緊隊終於可以試下，排隊期間 店長哥哥比定餐牌我地睇差唔多入座時 會先幫我地落單 所以坐低好快可以上菜極上海鮮龍蝦湯泡飯 $78一上枱就比隻龍蝦頭吸引左，望真D 佢地落左好多海鮮料 扇貝+大量蜆+魷魚圈+青口(都有2個品種)，湯頭入口濃郁鮮甜而清 飲晒成碗都唔覺膩花膠龍躉雞煲翅 $138一個鍋上菜 有半隻雞+花膠+龍躉件+好多梳翅 仲有元肉 杞子等等材料，湯頭飲落 滲出淡淡的金華火腿香，兩大件龍躉件 厚肉彈牙 再加上QQ龍躉魚皮，店家主動提供一次性手套 我一開始就手撕晒雞肉 放返落湯慢慢食 肉質依然有咬口 熟度岩岩好鵝腸皇拼黑毛豬片 $68白灼鵝腸同豬腩片都新鮮爽脆，沾上佢地既自家製辣椒豉油就一流，微微辣味 更帶出肉香石榴梳打 (跟餐)$187成滿既石榴果汁 玻璃樽裝雪碧另上 可按個人口味慢慢加入，驚喜左 唔係現成糖漿開梳打水 有誠意❗️爺爺鮮果冰茶 (跟餐)$36鮮果味濃 唔會好甜 絕對唔係糖漿味 好飲過X芳既水果茶*自家煲既湯底 飲得出唔係味精水 (食完唔會口渴)*大大碗 份量相當抵食，+$15成套

有無諗過平平地都可以食到好嘢呢？係油麻地有一間叫村爺爺嘅車仔麵，佢主打用平民價錢吃到高級食材，我今日就帶閨蜜來食下嘢傾下計。😚😚我哋叫咗花膠·《龍躉》螺片海鮮龍蝦湯泡飯、鮑魚花膠蟲草花雞煲翅、鵝腸皇拼黑毛豬、石榴梳打……就算叫到又花膠龍蝦又鮑魚雞煲翅咁，每款都係講緊幾十蚊，真係非常抵食😮😮 難怪門口長期排隊啦~~我個人首推鮑魚花膠蟲草花雞煲翅，雞湯味非常濃郁，雞肉好滑又彈牙，仲有排翅食，呢個價錢仲抵過澳門果啲啊🤣 🤣料又足又食得飽，仲洗鬼去澳門食咩……碟鵝腸皇拼黑毛豬都有驚喜咖，佢個鵝腸好脆好爽口，配埋佢哋嘅醬汁真係好野味，而個黑毛豬就切到好薄，好似蒜泥白肉果種薄度，點埋醬汁一齊食，個肉味好出眾。石榴梳打都唔錯咖，唔會好似出面啲果汁咁，只得死甜嘅口感，飲落個感覺好fresh😚唯獨個花膠·《龍躉》螺片海鮮龍蝦湯泡飯就唔算出色啦，湯底太多菜，個湯就好似變咗菜湯咁，浪費咗啲咁好嘅食材……😟😟下次都係主打食返鮑魚花膠蟲草花雞煲翅，呢個真係可以無限encore 😜 😜又平又抵食。

村爺爺餐廳位於九龍繁華鬧市砵蘭街72號地下,餐廳裝修簡約,餐廳主打湯泡飯,冬天好多香港人會食湯泡飯,可以暖身又暖胃,還有多款秘製鹵水撈麵,多款足料古法煲仔湯,多款鮑魚花膠蟲草花雞煲翅,車仔麵和多款梳打飲品供客人選擇。極上海鮮龍蝦湯泡飯$78套餐十$15絲苗白飯,泡飯有蜆貝,扇貝,青口,龍蝦頭和生菜。花膠龍躉雞煲翅$138配絲苗白飯,有半隻雞,配蠔油生菜。爺爺三寶$45(冬菇,炸雞翼,魚腐),冬菇夠淋夠入味,三大隻炸雞翼,炸到皮脆肉嫩,魚腐食落香口。飲品有熱情果梳打$18石榴梳打$18

濕冷既天氣 好想食熱野暖胃家姐提議去川爺爺食泡飯上次去已經一段時間 生意仍然好好 我地排咗一陣隊終於入到去食我地叫咗唔少野食 (咩都想試 ⁎⁍̴̆Ɛ⁍̴̆⁎🔺鵝腸皇拼黑毛豬 $68搭配咗佢地既辣椒豉油 夠哂提味鵝腸好乾淨 唔會有味黑毛豬肉肉身爽口 唔係太肥🔺花膠·《龍躉》螺片海鮮龍蝦湯泡飯 $108配料超足 一個泡飯有齊好多料 花膠幾入味同軟身龍躉一大片 鮮甜龍蝦頭裝飾岩哂打卡 螺片 蜆肉 魷魚 都好新鮮有埋生菜 翠玉瓜 個湯健康鮮甜 🔺鮑魚花膠蟲草花雞煲翅 $128套餐包白飯 辣豉油同 油菜有齊花膠 螺片 蟲草花 同鮑魚 仲有翅份量大 對女仔黎講應該好夠食大半隻雞可以用手套協助撕開慢慢食雞肉幾嫩滑 配埋辣椒豉油夠哂味🔺熱情果梳打 $18加入雪碧汽水 大大杯香甜解渴🔺鮮果冰茶 $36用料幾豐富 有唔同鮮果芒果橙檸檬熱情果同火龍果可以邊食果肉邊飲甜味黎自鮮果 唔係死甜又凍又解渴⸜( ´ ꒳ ` )⸝♡︎

自從搬左屋有段時間冇食過村爺爺了🤗今晚突然想食就到來了！來到見到已經開始要排隊，餐廳除左頭盤小食、泡飯、雞煲翅、煲仔湯、撈麵及車仔麵等美食😋每次黎到必點爺爺三寶 ☺️裡面有手製魚腐外脆內軟😋有啲油炸鬼感覺🤩南乳雞翼炸到脆卜卜帶南乳咸香味道🤤冬菇肉厚入味有咬口☺️🦞花膠龍躉螺片雞龍蝦湯配米線☺️配料有養顏花膠☺️大大舊膠原滿滿☺️加埋啖啖肉龍躉螺片、海鮮龍蝦湯底未食啲米線光食餸都非常滿足😍龍蝦頭加上多種海鮮煲埋啖湯勁甜😋🤗鮑魚花膠蟲草花雞煲翅配白飯濃郁雞煲翅鍋中材料好足🤩黃金色既雞湯上有半隻滑雞🐥整隻雞皮及肉質仍保持嫩滑口感😍配料鮮嫩有彈性鮑魚☺️ 軟嫩花膠及魚翅☺️而蟲草花味道突出又不搶去雞湯既鮮味🥰🍹熱情果梳打及石榴梳打都配左支細雪碧汽水增添氣泡😊

終於食到村爺爺啦，真心掂，唔怪得晚晚都排長龍，值得嘅。坐低先嚟兩杯梳打，【石榴梳打】【菠蘿梳打】都大大杯，食住湯飯大大啖飲，真係chill～頭盤【鵝腸皇拼黑毛豬】鵝腸有手臂咁長好誇張，肥美又爽脆，隔籬枱見到我哋食得咁滋味都跟住叫。【花膠·《龍躉》螺片雞海鮮龍蝦湯泡飯】個龍蝦頭好吸睛，龍躉肉嫩滑，螺片爽甜，仲有翠玉瓜、生菜、蜆、魷魚圈、花膠、青口、雞肉等超多配料，用料十足。【鮑魚花膠蟲草花雞煲翅】金黃色嘅花膠雞湯味道香濃，戴上手套撕開雞肉大啖食，雞肉新鮮嫩滑，一路食一路飲湯，超滿足呀！每碗都咁大碗，材料咁豐富，都只係一百蚊左右，點解可以咁抵食！

今日同朋友行街經過一間油麻地泡飯店叫”村爺爺”, 門口有部大電視介紹緊龍蝦湯泡飯, 好吸引咁就排隊去食,我哋叫咗兩款湯飯, 同埋一份小食, 分別係花膠龍躉螺片海鮮龍蝦湯泡飯、鮑魚花膠蟲草花雞煲翅、爺爺三寶同埋叫咗2杯飲品。花膠龍躉螺片海鮮龍蝦湯泡飯, 都快速上枱, 趕時間既人可以揾呢間舖頭快食。望落去係好足料同大碗, 如果細食啲既女仔可以Share一碗再加個小食就已經足夠, 真係大件夾抵食, 講返個味道先,佢啖湯好鮮甜好濃味, 可能個湯底已經埋藏咗好多隻龍蝦所以好好味,佢配咗D海鮮料, 有蜆,魷魚同埋龍躉, 龍躉魚啲肉好結實好鮮味同埋夾雜咗少少名貴食材, 剩叫$108 真係好抵食。另外一款係鮑魚花膠蟲草花雞煲翅,都配咗碗白飯俾你做泡飯, 佢個湯好濃郁好好味, D雞汁精華都係湯入面, 有少少結結地湯質, 我估啲花膠融化咗入面造成呢個質感, 女士們可以補充返D骨膠原養顏, 呢排天氣凍可以補下身。同埋D料同樣咁足, 食落啲雞肉都好嫩滑又可以當飯食又有湯飲, 啱啲屋企少湯水嘅人士。爺爺三寶, 裡面有冬菇,南乳雞翼,炸魚腐,佢即叫即炸, 嚟到熱辣辣。冬菇方面佢做到好琳同好滑, 有D 似阿媽過時過

喺旺角六點零鐘收工，就睇吓有咩嘢食，竟然見到咁早時間都要人排隊嘅餐廳，橫掂都未肚餓住，就順便排埋隊試一試吓😚呢度個老細非常好服務，喺我哋排隊嗰陣都已經落埋單，咁我哋基本上坐低就會省卻一啲等候嘅時間⏰🙏🏻呢間主要係食湯飯，啱晒而家咁嘅天氣😚我就揀咗要花膠雞煲翅都係$138，豪一豪佢，咁我個人就揀咗龍蝦湯泡飯，驚唔夠食，所以我哋再叫多個鵝腸拼黑毛豬做小食🤤咁首先個雞煲上嚟就非常誇張，佢係半隻雞完整咁上😆再加埋濃厚嘅花膠雞湯，就咁飲啖湯都覺得值回票價了😍除咗有香濃嘅雞湯味仲有厚厚嘅質感，基本上感覺就係骨膠原爆燈😝而且隻雞仲非常嫩滑，再加上佢呢個自製辣椒豉油，兩者加埋真係天衣無縫😚而另外嗰個龍蝦湯泡飯都非常足料，除咗有多款海鮮之餘，仲有食極都有嘅雞柳😋個湯都基本上有龍蝦嘅鮮味，撈埋飯食勁快可以食完一碗😚鵝腸拼黑毛豬雖然係白灼，但係只要加佢呢個自製辣椒豉油，就可以將呢樣小食昇華幾倍，所以基本上呢度應該好少中伏，難怪咁早已經排晒隊除此之外，呢度啲嘢飲都超級大杯，唔使慳住飲大啖大啖飲就勁爽😜到我哋食完嘢出面都基本上仲排緊長龍，就知呢間嘢喺旺角都有唔錯嘅地位了，下次經過都會繼續想食👍🏻👍🏻

🍴極上海鮮龍蝦湯飯78 蚊 轉套餐加15 蚊個湯底極濃龍蝦味🦐 有蜆肉 魷魚 全部海鮮都好新鮮 湯底鮮甜 配埋泡飯 好味🍴鮑魚花膠蟲草雞配白飯128 蚊蟲草花 螺肉好彈牙 仲有排翅 雞好滑彈牙 有成半隻 雞油同其它料既味變成好香甜既湯 正🐥🍴鵝腸皇拼黑毛豬片 68 蝦鵝腸好新鮮彈牙夠肥味 黑毛豬薄切夠爽彈🐷🪿🍴鮮果冰茶36 蚊有芒果 百香果 火龍果 酸甜開胃 大大杯正🥭🍴石榴梳打18 蚊梳打水本身汽夠 石榴個汁好濃 落足料 配埋梳打中和番啱啱好Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~村爺爺龍蝦湯泡飯燉湯專家油麻地 砵蘭街72 號地鋪 ====================任何美食😋歡迎inbox 我 , 等我食完開心share！🤓

好耐都冇食村爺爺喇，今日難得出到旺角砵蘭街，梗係要排隊等開餐。本身諗住食真盛海鮮龍蝦湯泡飯，但係見到隔籬枱食花膠龍躉雞煲翅有啲吸引，所以今次就決定食呢個，雞煲翅未嚟之前就叫咗個小食過口癮。鵝腸皇拼黑毛豬片 ($68) : 鵝腸洗得好乾淨少少異味都無，口感 Q 彈有嚼勁，兩款小食記得要點埋餐廳超級好味嘅秘製辣椒油。鮮果冰茶 ($38) : 真材實料嘅冰茶，有新鮮火龍果，百香果，而且底下仲有芒果肉。花膠龍躉雞煲翅 ($138) : 跟餐會有油菜一碟，雞煲翅湯底清甜之餘帶點膠質口感，而且仲有非常厚肉嘅龍躉片，骨膠原豐富養顏一流，嘆完半隻滑雞飲埋個湯飽到上心口。

最近試咗油麻地呢間村爺爺龍蝦湯.泡飯.燉湯專家，今次都係第二次食啦依然都係超級好食，真係唔得唔讚啦！呢度嘅自製魚腐拼越式春卷，實在令人驚艷。啲魚腐夠彈牙，新鮮嘅越南春卷皮，一啖就感受到豐富嘅感覺🙆🏻‍♀️❤️‍🔥龍躉螺片海鮮龍蝦湯泡飯，啲海鮮都咁新鮮，湯汁濃郁，一飯一啖，令人回味無窮😆啲螺片同龍蝦仲係兩全其美，仲有好多其他海鮮，送飯真係一流❤️🙌🏻真係覺得飽足又滿足😎鮑魚花膠蟲草花雞煲翅，啲鮑魚大大粒都幾好食，花膠滑嫩，啲雞煲翅更係入口即化☺️🙌🏻湯底濃郁，滲透晒啲食材嘅鮮味，令味蕾都留連忘返🥰🥰呢間餐廳長期都係好多人嘅心水之選，唔難明白點解。佢哋嘅菜式唔單止靚好睇，仲係味道一流😆值得一讚係，雖然人流好多，但係舖頭裏面各位嘅員工態度都超級好🥰實在係唔可以錯過啦！

著名村爺爺，高質湯飯專門店，超飽肚又好味，回味無窮😆 食物選擇好豐富，食材高質 價錢好親民～ 晚晚都好多人排隊，好受街坊歡迎，不設加一服務費👏🏻🦞花膠《龍躉翅》螺片雞海鮮龍蝦湯 配絲苗白飯大大隻龍蝦頭，好正呀😆 滿滿的一大碗海鮮，有青口、元貝、扇貝、魷魚圈等等，非常足料👍🏻 湯底鮮味十足，配飯食一流！底部有好多生菜 吸收晒湯汁，好味又健康🤤🐔鮑魚花膠蟲草花雞配絲苗白飯、蠔油生菜、秘製豉油濃郁雞湯滋潤清甜 不會油膩，半隻雞份量十足，雞肉同龍躉都好滑嫩，配上花膠、龍眼肉、元貝、杞子等食材，十分豐富又滋補🥰 雞肉配上秘製豉油好好味，鹹香微辣！🐖鵝腸皇拼黑毛豬 配秘製豉油好正嘅冷盤！爽口鵝腸好大條，黑毛豬片軟腍 肉味濃郁，配上自家製辣鼓油一流😍👍🏻🍹石榴梳打🍹鮮果冰茶鮮果冰茶有新鮮熱情果、火龍果、芒果及檸檬，口感清涼豐富，石榴梳打酸酸甜甜😚 兩杯都好解渴，超大杯😆

早幾日收工後 我同朋友黎到油麻地一間專食龍蝦湯泡飯既餐廳覓食🍴其實呢間餐廳早年前都同同事食過幾次 經過總會見到有人係門口排隊🤣 原因都有幾個-價錢親民貼地 而且食物用心製作 份量十分之多.我同朋友就點左幾款食物🥘🦞極上海鮮龍蝦湯泡飯呢一款我個人係十分推介. 唔係講笑佢既龍蝦湯底味道係好濃郁入味. 要花好多時間去熬製而成。而且佢既份量就咁睇都知道 一定食得飽😂 成個龍蝦頭做裝飾. 有青口 扇貝 魷魚 同埋蜆 再配上一碗白飯 大件夾好食🤤🐓花膠龍躉·雞煲雞煲好足料都係 有半隻雞 大大舊既龍躉 同埋螺肉. 湯係清清地 可以撈落個飯到一齊食 或者當湯飲😋 餐廳好貼心咁準備埋手套比我. 方便我用手慢慢撕雞食.鮮嫩既雞肉再配以自家製既辣醬 真係好好胃口 好好味道😍 🔥爺爺三寶分別有炸雞翼 炸魚腐同埋炆冬菇魚腐炸得好好食 好香口 . 冬菇超入味 炆到好淋 好好食🤤🍍菠蘿梳打梳打一支同果肉分開上👍🏻很加分 成大支自己倒 . 大大杯又解渴

成日經過都見到大排長龍，原來親民價就可以食到龍蝦，今日午餐就要去食豐富一些!🔸鮑魚花膠蟲草花雞煲翅份量十足，有半隻雞，仲有鮑魚、魚翅、珍珠帶子等等配料，好豐富! 雞肉好嫩滑，湯好鮮甜，滿滿的花膠和蟲草，鮑魚煮得夠腍。有手套提供，可以手撕雞，再點埋佢地秘制辣豉油，perfect! 不過食完雞都好飽，碗白飯真係食唔晒!🔸爺爺三寶有炸南乳雞翼，炸魚腐各三隻和一隻炆冬菇。第一次食炸魚腐，微微的脆邊仲有鹹香味，好好食! 炸南乳雞翼好大隻好香南乳味，冬菇超入味好好食。🔸花膠•《龍躉》螺片海鮮龍蝦湯龍蝦頭好吸晴! 龍躉仲好大塊! 仲有大大舊花膠，魷魚、青口、蜆等等。湯底非常鮮甜，食配料已經好夠飽! 我就揀左米線唔要飯，米線索左龍蝦的鹹鮮味，食完好滿足!🔸鮮果冰茶大大杯，好大新鮮芒果肉，入口好清新!🔸熱情果桂花烏龍冬天飲好正! 桂花烏龍茶味香，加埋熱情果酸酸甜甜，不錯!

見咁多好評，Honey 又鍾意龍蝦湯，所以同Honey 都記低左一定要搵日去試，但係都幾失望去到見有人喺門口排隊諗住無伏啦，但係首先服務態度已經令人覺得好odd，排到就快有位時，職員已經比定餐牌揀定餸落order，餐牌寫到好亂，咁揀都要時間，職員好急又催催貢，想揀嗰樣無，又唔寫清楚，點完先話無點左花膠螺片雞煲，半隻小雞完整上，螺片得兩片，半隻雞完整上，睇落去係幾靚，比埋手套同刀叉，但係我會鍾意切件，同埋個湯偏淡味，隻雞又唔滑跟住叫埋 鮮雞豬肚龍躉龍蝦湯泡飯，食落去個湯比個雞煲仲淡味，龍躉比龍躉魚頭，完全無肉，餐牌好似有得揀菜，又無問就上菜，鍾意飲湯既Honey 都只係飲左一半其實唔明點解咁多好評，對我黎講係無下次