東京站日式小食餐廳 (Closed)

呢期特別想食煎釀三寶， 經過見到佢個定價比其他嘅小食店貴啲望一望，個樣又好似唔差，所以就買左$20 六件嚟試食下煎釀三寶擺得咁井井有條， 以為實無死啦， 點知中曬伏， 叫左4 件魚蛋， 2 件魚餅個樣正正常， 不過size 比其他小食店細少少都係個句，重質不重量，大細唔係重點， 重點係佢微温， 其他小食舖起碼都扮曬嘢，幫你炸一炸，稍為翻熱下， 但佢完全無， 算， 係我無主動提出， 係我問題， 自己見到仲有咁多，自以為係啱啱炸起， 點知係因為無人問津溫度唔講，只論味道同口感都完全唔得， 炸魚蛋嗰外皮偏硬有啲韌， 完全唔係脆， 魚蛋又唔多彈， 少實， 仲要零魚味， 其他舖買， 粉多極都食到有少少魚味， 而佢係零不過最恐怖都係佢個魚餅同上零魚味之餘，佢係 凍嘅，附加係又硬又實， 今次唔係少少實， 係直情實的的， 要有返啲牙力先咬得開，基本上我唔知自己食緊咩。最後都有嘢讚嘅位， 就係佢個豉油唔錯， 唔會死鹹， 多謝晒。其實食品同餐牌

椰絲車輪餅😋$7@1 (?) ✨：8/10行過見到冇人幫襯，但係個menu其實幾吸引喎😂，所以就試下。個價錢咁平，其實都冇乜特別期望。(買4個會再抵啲)揀咗椰子口味嘅車輪餅，估唔到又幾好食。雖然唔係即整，不過都係熱嘅。😋入面嘅餡都唔少😋食得出椰子口味。👍當然就唔係話好自然嗰仲椰子味啦，不過我幾鍾意😋。個價錢咁平，幾抵，而且唔使排隊，即俾錢即有😂行過都會想再買。🤤仲有雞蛋仔同格仔餅睇落都ok👀

$20一碗，都預咗唔係鯪魚肉咁嘅質感，但冇諗到難食到咁離譜，除咗啲魚腥味令人知道佢係「魚肉」之外，好似食緊一舊粉漿凝固咗再浸返淋咁嘅嘢，口感唔彈牙都算，直情衰過煲脹咗嘅魚蛋，咬完仲有啲生粉粒微微黏住啲牙嘅感覺，剛好入冬，難食到打冷震未試過食唔哂一碗「生菜魚肉」。生菜得3塊仔剪碎，多謝哂。

呢間嘢好似都幾出名咁，叫咗個章魚小丸子嚟食，雖然咁嘅價錢的確都真係算好抵食。但佢嘅麵粉糊太多了，章魚肉又勁少，好似食緊一個麵粉團咁，雖然價錢真係平但質素真係好一般

晚上1:00收工行去坐N車，途中會經過東京站，通常收左工或者清潔緊，但今次佢仲營業中….營業嘅係右邊嘅‘ 麻辣屋‘ $40 可以揀4個餸，店員話揀多個都得😜😜，八卦傾左兩句😂😂，原來落咗成日雨冇咩生意所以開到咁夜，做多一陣得一陣！🥺🥺辛苦啦！大家都辛苦啦🥲🥲～～～酸辣涼皮+雞腎+豬肚+豬大腸+支竹～～～一大碗份量好多，滿到上蓋頂😋😋涼皮勁大塊😙😙，起碼有兩三隻手指闊度，記得撈勻先好食，攞到返屋企醬汁去曬底部😜😜，我叫左小辣唔會好勁，下次試吓中辣先😝😝花生🥜同青瓜絲都幾新鮮🙂🙂，雞腎好味唔會好硬，豬腸有咬口冇怪味😁😁

一份$28嘅魷魚鬚入面係一條”鬚”都冇係魷魚翼切到又細又幼又薄再用粉漿炸大3倍完全唔知食緊乜係咪可以告佢違反商品說明條例？？真係好很7嬲！！你唔係鬚你事先講明就話啫當人白痴呀？！下圖係咬出來的粉第二張係魷魚鬚嘅真面目

久唔久去荃灣都會食呢間雞蛋仔，仲有車輪餅、章魚燒等等既小食。基本上次次我都係叫雙重朱古力雞蛋仔懷念下小時候既味道😌。雞蛋仔有時預先整定一兩底，不過如果無都係等幾分鐘，仲會吹一陣先俾我。雖然試過吹唔夠耐雞蛋仔係腍🙈，不過少人排隊唔急既吹多陣就會好脆。🔅雙重朱古力雞蛋仔 ($10)雖然唔知點解係雙重朱古力味，因為會expect雙重可能有朱古力粒😂，不過得粉漿係朱古力味黎講都算濃，都有少少蛋香味。💬依家好少見仲有$10一底雞蛋仔😍，幾好食又夠平😋，性價比高，行過成日都忍唔住食返一底😝。

這間小食十分值食，特別推介紫薯味雞蛋仔，雞蛋仔有濃濃的紫薯味，更有十分吸引的「色水」，單看外表已是使我食慾大增，吃下去綿綿的軟心，非常好吃只售$10另外芥末章魚小丸子也十分好吃，有木耳、紫菜碎、芥末、沙律醬舖面。

由細到大幫襯左咁多年， 我同屋企人都好鐘意食呢間啲魷魚鬚， 只係後尾加左幾次價就買少左， 今日行過見到諗住好耐無食， 就買左份大既$35， 拎上手覺得份量都ok wor， 點知返到屋企食先知原來係炸粉多過魷魚， 重要全部都係魷魚切件， 係完完全全一條＂魷魚鬚＂都無。 如果＂魷魚既鬚＂成本真係咁貴的話， 我真係情願你俾少啲我， 都總好過一條都無咁過份， 仲要粉䊢多過魷魚， 雖然我都明白最近疫情嚴重， 生意艱難， 但都唔係咁樣架囉。

今日行經東京站，認真一望，有類似我好鐘意食既可麗餅賣，呢度叫”Q餅”於是我order左芝士紫菜肉鬆味，加辣醬同沙律醬！等左幾分鐘就有得食啦！原來Q餅既餅係脆片來的，好味！但好容易咬到成地碎，要食得好小心！食到去Q餅既中心，我真係覺得好好味！本來易碎既餅底，因為有辣醬同沙律醬，所以變得無咁易碎，融合埋芝士紫菜肉鬆，超match! 好正啊！雖然今日好熱，一路食一路出汗，但因為真係好食，所以企喺舖頭前面食完都覺得好開心！😀

細個已成日去呢間買煎釀三寶、椒鹽魷魚、篤魚旦燒賣，好多時都系呀媽湊我一齊去，後來呢間店愈做愈大，又重新裝修，亦多左嘢賣就更愛👏🏻一碗$10魚旦佢嘅魚旦系細細粒，食落粉較多應該系拎貨番來個種魚旦，但系個汁就比較出色，如果你話食辣，佢會配一種類似沙嗲辣汁，帶少少甜而辣得過癮，會比起其他街邊辣魚旦更辣，我就系中意佢嘅辣🤤🙋🏻‍♀️俾多啲機會唔同食店，只要樂意比機會，通常進步空間可以好大，時日有加會愈做愈好，香港人太健忘急速，對一般評價或要等既食店都唔會返轉頭，相信大家可抱著支持本地食店想法，成長對每間餐廳都十分重要，請一齊多一分抱容之心❤️。👍🏻

街頭外賣小食店在荃灣有不少，但大部分都千篇一律，離不開雞蛋仔、咖喱魚丸、牛雜等等，但如果你想吃特別一點的街頭小食，「東京站」會是你的不二之選！今天經過大河道 (即路德圍) 她們的總店，見到有顧客在排隊等買「Q餅」，我也從來未嘗一試，因此我也一起來排隊「Q餅」可以選擇的配料十分之多(見附圖)，總有一款適合吧？心想基本上有芝士的都不會差得去那裡，所以本人點了芝士黑椒火雞扒，看到它即叫即整的制作過程，真的很吸引很想吃。拿到後咬了一口，既熱又香亦足料，加上溢出的芝士，美味極了！另外，還推介大家點日式章魚丸，雖說章魚不大粒，但味道亦算是正宗，值得一試！

又話說岩岩食完米線同豆腐花，但難得黎荃灣真係要食埋佢呀，上年聖誕節發現呢間小食店，見雞蛋仔幾平，雖然唔係最平(油麻地有間18蚊兩底，但只限原味)，雖然呢到10蚊，不過特別味道都可以揀，仲可以即整添，等左陣已經有得食啦，又唔可以話勁好味，但性價比高過下口癮一流呀

和朋友經過口痕，見到十蚊底雞蛋仔C9心態便買來試試。現在香港還有十蚊一底雞蛋仔好難得💪咖啡朱古力雞蛋仔👌新鮮出爐滾熱辣，拿上手暖呼呼。但只求其用風扇吹了了兩下，所以軟淋淋，口感飽滿似朱古力蛋糕鬆餅，但係都幾抵食。👍落朱古力粒都幾重手，份量多👎朱古力粒分佈不平均，有啲邊邊位冇甚至空心，不過 $10朱古力夾心雞蛋仔算係咁啦。👎咖啡味聞落去有，但食落去冇。見幾多人買去貨都去得幾快，下次都係直接買佢放喺上面嗰啲，可能比較脆🤔抹茶味雞蛋仔朋友認為抹茶味不算太甜，幾脆挺好吃都有少少抹茶味回甘，但是小妹身為抹茶控表示濃度不滿意。😋如果下次再經過冇加價的話就試下原味或者雙重朱古力味。😓阿叔用手起雞蛋仔，同一隻手接錢，然後起另一底雞蛋仔，衛生有待改善。

行經荃灣嗰頭見肚餓，咁啱見到男友大愛嘅章魚小丸子同望落幾好食嘅朱古力豆沙餅😆，一於各嗌一份啦。嗌完唔洗1分鐘，店員已經pack好啲野食俾我地。雖然唔係即叫即整，但啲野食都熱到辣口😯。先講小丸子先，大愛章魚小丸子嘅男友表示味道正正常常，冇乜特別之處🤔。我自己就覺得啲小丸子太過淋，夾都夾唔起，太易散開曬😕。食食下仲發現食到成手都係汁，因為個盒個設計太衰，啲汁係側邊縫隙漏出黎👎🏿。到朱古力豆沙餅喇，$6嘅價錢食到呢種水準嘅豆沙餅都認真唔錯😁。一咬落去都食到朱古力味，但略嫌唔夠濃味。對於唔太好豆沙味嘅我黎講，呢個豆沙餅冇乜豆沙味，幾啱我口味，但對於鐘意豆沙味嘅朋友黎講，就應該相當失色喇🤔。有機會經過下又口痕可能會再食，特登去試就不了👋🏼。