東方小祇園菜館

Open Now

Now Closed

由東涌行山去到大澳都是為咗食好西，朋友介紹我地食這間小菜，有肉有素好豐富，因為我地人比較多可以點多幾樣餸，行到好攰乜都叫，食食食。點了一隻雞肉質都好滑，生炒骨好味道，芋泥卷真係好出色，大澳豆腐特別滑特別好食😂薑粒炒飯好重薑味我鐘意，炒麵夠乾身好正，生根菠蘿賣相十足生炒骨一樣，分不清😅酸酸甜甜好開胃。飯後感樣樣都好足料好夠火候，成班朋友都食得好開心，普通價錢都算底食，有機會再去大澳一定要再食過。

很多游客懂得游览大屿山的大澳，但很少人认识这老素食馆。之前他的经营方式是素食馆加民宿(可以说是民宿的老祖宗)，配合附近的水乡和红树林，绝对是度假的好去处。小编也接近30年没有来过，今天一帮香港老朋友提议来走一趟。现在这店已没有民宿服务而且也不单单提供素菜，他的盐焗鸡也非常精彩和出名。为了怀缅过去，点了他几道招牌菜。味道一点都没有变，绝对是儿时的味道。PS：物转星移三十年，今见鱼火依旧绵，竹马寻梅历在目，怀情重游小祗园

同囡囡乘巴士去大澳睇下風景，行下大澳放鬆下。到了巴士總站下車先食個午餐，東方小祇園菜館就在巴士總站側，沿着一條長長的小徑入行10分鐘就到，沿路都會有指示牌。對上一次同太太到大澳打算在此吃晚餐，但原來要先訂枱，所以吃了另一間，今次終於得嘗所願，一早BOOK打了電話來預約。這次點了一個素食套餐(羅漢炒麵、北菰豆腐、荔茸酥卷、雜錦拼盆)，$390/位用的份量，但怕唔夠食，因為有三大人兩小朋友，但原來份量很多，每碟都大大碟的，抵食，剛剛好食得晒。下次入黎一定會再食。

久聞大澳吃素的美好體驗，總想親自來一趟，沒想到卻是這種春雨綿綿的天氣。然而仍是差不多滿座，而且有老有幼。今次幫襯的是小祗園，因為口碑較好。訂位時已預訂半隻鹽焗雞。才來到即安排入座，接待員笑容滿面，而且超級有效率。由於同行只有二人，便叫了茘茸酥卷，蝦醬炒飯和已預訂的鹽焗雞。這裡其中一款最出名的食品，便是茘茸酥卷，果然出色。首先份量十足，絕不欺場，炸得十分香脆可口，茘茸軟糯甜美，沾五柳汁來趁熱吃，我一個人也解決了六，七件，真正名不虛傳。鹽焗雞則覺得廚師重手了些，太咸了，而且太乾身，沒有肉汁。這半隻雞要價180元，可不便宜呢！有點失望。最後上的蝦醬炒飯，有很濃的蝦醬味，但配菜只有菇粒，吃來較單調。但我真是太懷念大澳蝦醬的老味道了，還是將小山一般高的一碟炒飯，生生的送進肚子裡去。聆聽著小雨的淅瀝，呼吸著鄉村的純淨空氣，這頓飯吃得真有意思。下次來真要試試這裡的芋頭魚…找個沒幾個人的假期，坐個狗都懶理你的角落…

郊遊大澳 黎到呢間東方小祇園 唔好睇佢打正旗號食齋 入面嘅走地雞原來先係皇牌 肉質好似真係彈啲咁🐤（$300/隻）另外特別推薦鍾意食芋頭嘅你一定要試吓荔蓉酥卷😍 新鮮熱辣啲腐皮趣卜卜 jeng! #大澳

很多時在大澳行山也會到東方小祇園吃飯，一大班人，有時甚至要分兩圍，可以點很多菜式，嘗試不同的口味，原以為這裡只有素菜，原來也不是的😅。這次我們點了咸蛋蒸肉餅，羅漢齋，芋頭魚，粟米粥，咕嚕肉，油菜等，全部都非常美味，咸蛋蒸肉餅上的咸蛋更是大澳特產，生曬而成的，之前曾跟大澳居民學習製作，所下的功夫也不少。這𥚃的環境也很特別很有大自然風味，可選擇坐室內有冷氣，外面有個小小的花園，洗手間也是在外面的。

因為行山關係, 我己經係第二次去呢間東方小袛園食, 記得第一次去時, 果天色陰陰果度外圍又殘又舊,心諗都應該不可以有太大期望, 點知一入到去都幾多人喎, 個日仲要係平日, 都見到有些人係行山前或後唻食午餐, 好在有朋友一早睇食評訂定隻雞, 今次因為第二次食當然醒目D訂雙雞, 可能因為走地雞所以佢係比較唔肥, 連雞皮都見佢好薄, 但雞味濃郁, 入面都好有味道, 所以記得訂咗先喇第二款佢個雜錦拼盤一定要叫, 佢炸到火候好好, 唔會話因為油唔夠熱嘅問題令到件炸物唔夠脆口, 而且春卷都非常入味另一道菜係五柳素魚, 其實係炸芋頭,但有不少鋪頭己經無咗條魚樣, 可能變咗芋頭卷呀咁咁粟米魚肚羮方面佢真係幾足料, 都有好多魚肚係度

2018年6月7日。超大雨。大澳。工作關係，呢日來到大澳食晏原來大澳除咗平時遊客遊走嘅棚屋，仲有完全唔一樣嘅風光間餐廳位於南澳民居之中，車係入唔到嘅，必需行入去，距離街口大約5分鐘路程沿路見到好多行山指示牌，南澳似乎係熱門行山路徑，有路牌指示去萬丈布路線，同事話係好靚嘅瀑布咁一定要搵天氣好嘅日子再行去見識下～～當時傾盆大雨，見到餐廳招牌真係好感動未入到餐廳就已經聽到狗狗吠啦，不過佢哋好乖，淨係會喺屋入面，無走過去餐廳嗰邊雖然掛緊3號風球，但餐廳已經有一枱行山客餐廳入面嘅裝修，擺設都比較簡單有六七張枱左右落單嘅時候完全由同事發板，聽到老闆娘問有無訂到鹽焗雞，如果無，要等2個鐘好彩同事精明，訂枱嘅時候已經訂埋最早上枱嘅係我最欣賞嘅粟米魚肚羹麻油香味滿溢，湯羹質地幼滑，鹹淡適中，再加上有咬口嘅粟米同煙軔嘅魚肚，非常好味令人欲罷不能，爭啲想叫多一煲滿分！！跟住上嘅羅漢齋勝在用料種類多，有木耳、雲耳、粟米仔、筍、菇等等，而且唔會好似好多齋舖咁多油多鹽，味道唔錯餐廳嘅炸物亦非常出色荔茸酥卷同五柳素魚都香脆但一啲都唔油膩！荔茸酥卷入面嘅餡香甜唔膩，食落好似蘋果批，好有驚喜而五柳素魚即係芋頭魚，入面嘅

早4/5日前打黎訂位 點知去到無我Booking 當時用固網打 所以都無法証明我有打我只能話係個男士接聽 不過最後都安排左張檯俾我地 我地4個女子叫左3人餐加芋頭魚 最後食唔曬 因為份量真是不小 每碟都熱辣辣 紅燒豆腐好滑呀 好味生炒排骨酸酸甜甜 又係好好味酥炸雙併 新鮮炸起架蝦醬炒飯 呢個D飯都炒得粒粒分明 不過就淡左D個芋頭魚好似係90幾蚊 不過其實比係街市買到既size 大好多厚好多 最少一倍厚一倍大 芋頭夠粉 呢到環境絕對唔係sell靚仔 不過服務都和善親切 食物又OK 價錢又合理有機會會再去

復活節假期，大澳超級多人，我哋去完觀音廟，直接落大澳，都已經3點於店內享用下午餐已經是下午3點，店舖內還有超級多人，所以一定要訂位😅6個大人，4個小孩，午餐叫左6人餐加雞一隻。D食物十分好味， 食物水準跟以前一樣，份量亦十分多，大滿足店舖沒有特別裝修，家庭型式經營，感覺溫暖洗手間都清潔。店內有4隻大狗，都乖乖在地上瞓覺。跟店主閒聊，狗狗都是浪流狗，所以比較怕人，大家見到狗狗時不要太熱情，如果唔係會嚇親d狗狗。

很喜歡到大澳遊玩，雖然地方不大，但每次到來到都覺得心情很愉快. 最愛到茶果伯伯那裡吃眉豆茶果，也愛到東方小衹園吃小菜~ 我們來到已經接近下午2:00，客人不多，與父母坐着一張大圓桌，實在太好了. 這次我們選了3人套餐，$308 已有4款食物，份量十足，如果胃納不大，相信4人吃也夠飽的. 紅燒豆腐 豆腐嫩滑就不用說，當中也有不少冬菇以及白菜，獻汁也調得剛好，很美味~ 酥炸雙拼 指定的雙拼組合就是荔芋酥卷& 煎腐皮卷. 前者早前吃過，覺得驚為天人. 香脆腐皮包着幼滑芋蓉，鹹香惹亦不油膩，可以說是為了它專程到來吃. 這次出品同樣有水準; 至於腐皮，也炸得夠乾身，內裡包着素菜，但個人還是偏好前者. 生炒排骨 碟頭相當大，可惜排骨不夠香脆，比起素菜差一點! 蝦醬炒飯 大大碟的蝦醬炒飯，飯粒分明，且油份不多，是頗有水準的~ 寫文至今，依然很回味當日吃到的荔芋酥卷，我又好想食了 大澳南涌9號地舖

幾星期前已約定家人在平安夜當天去大澳走走，順道看看咸蛋黃的日落美景。之前打算去海韻，但見到食評話服務態度麻麻，雖不知近排有沒有改善，又不想家人吃得不順心，諗來諗去，終於俾我記起呢度有東方小祇園。我記得2年前行完山去食，食物質素及態度也不錯，一於翻炒。打定電話 book 定檯，咁就萬無一失~~琴日坐巴士入到大澳，見到大澳長廊建好了，於是我們走這條長廊直去恬靜既村落。在烈日當空下走長廊，當然幾熱，不過看到右邊既海，左邊既灌木及1、2隻白鷺，又幾正~~走到長廊盡頭已見到前方石牆上已漏色既“東方小祇園”5隻大字。我們向左走，不消幾分鐘已到達。我們被安排坐在室內，裡面已坐了8成客人。我們靠窗坐，清風吹入來，又望住前方綠油油既樹木，真係好想小睡一下，哈~~接待的女士很 nice，連落單及派碗筷的員工 (我估係家族成員吧) 全部都友善又殷勤。我們一行5大人2小童點了6個餸，不敢點太多，諗住一陣去大澳市集掃街嘛~~1. 荔茸酥卷 : 有芋茸味道，腐皮捲得不厚，不錯!!!2. 五柳素魚 : 叫咗小 size，上檯係一條脹卜卜既芋頭魚。如愛好勁芋頭味，呢條魚就勁啱~~3. 鹽焗雞 (半隻) : 雞無乜肥膏

大澳位于香港新界大嶼山西部，是香港現存最著名的漁村，村落部分位處大澳島上。大澳的水鄉風情獨特，故有“香港威尼斯”之譽。我覺得一點不為過。由東涌到大澳，交通工具有纜車、巴士，基於大澳乃是禁區，故此私家車出入必須備有禁區紙，否則難免白走一趟，我們趁纜車停使保養之前，前來感受一下坐纜車進入大澳的滋味，纜車入大澳必須在昂平轉接巴士。當你進入大澳，仿佛來到另一個國度，海風吹拂，海浪歌奏，居民簡樸的漁村風情。令你忘憂，生活上、工作中、感情的煩憂像被風吹散，一切那麼自然，那麼飄逸⋯如此別樹一格的地方不但吸引各方遊客前來，也是香港人假期好去處。這里沒有煩憂，只有快樂…大澳文物酒店，前身為大澳警署。由1902年興建，至今已超過一百年歷史，忽然瑕想如果可以小住一晚，他朝必成大器。可惜今次行程沒有安排，始終還是緣慳一面。大澳為人所熟悉的還有街頭小食，包括拳頭般大的魚蛋、粗壯威風的魷魚、火焰紅唇般的魚春等。特產還有名貴花膠、香濃蝦膏、飄香咸魚、水晶蝦米…各式魚產，應有盡有，可供送禮自用皆宜。除了食，還可以坐當地居民的游艇出海用眼睛捕獲野生中華白海豚。海豚不時在海上遊憩追逐，仿佛在招呼遠方來的朋友，在海面若即若

好多人以為大澳東方小祇園只係食齋的食店, 其實灣仔東方小祇園才是齋鋪, 大澳東方小祇園除左齋出色, 肉食也很不錯, 我己經食過 N 次, 最愛佢地既鹽焗雞及荔茸酥卷, 今次行完山又和一班為食友來晚膳。鹽焗雞 ($300)這裡的鹽焗雞有佢個人之處, 擁有獨特的煙燻香味, 鹹鹹香香, 很惹味, 雞肉嫩滑, 連雞胸也不覺嚡口, 最緊要係雞肉唔梅又唔肥, 成隻雞99%落肚。 雜錦拼盤 ($230/大)很豐富的雜錦拼盤, 有齊腐皮卷、素鵝、酸齋、鹵水齋及粟米芯。煎腐皮 ~ 煎得乾身脆口, 外脆內軟, 食多2件也不覺油膩。酸齋 ~ 最好味, 夠酸夠甜. 開胃醒神。鹵水齋、素鵝、粟米芯 ~ 好一般, 下次可以分開叫齋鹵味及煎腐皮, 一來平啲, 二來可以 KICK OUT 啲無謂野。腐皮卷 ~ 以腐皮包住餡料; 豆干、冬菇、木耳、椰菜等, 爽口清新, 味度又適中。五柳素魚 ($140/大)東方小祇園的芋茸食品很不錯, 芋泥鬆軟有芋香, 酥皮薄薄一層很鬆化, 點少許五柳汁食, 酸酸甜甜, 入口完全唔油膩, LIKE, 佢地既芋茸酥卷都好正架, 可惜今次無人叫。生炒骨 ($75)炸漿夠薄, 排骨唔乾硬,

向來到大澳，都習慣到海韻用餐，既有齋菜提供，葷食也了得，而且粥水相當濃郁，唯每次總是人山人海，流水作業式工作。無所謂，我們吃的是食物的質素，會將就將就。一年大概到訪大澳六至七次，掃街時間較多，這次想在開學前吃頓齋菜，與朋同行終可多試幾款。沒料到經過巴士站後始發覺標示「海韻休息一天」=o= 算了吧，反正村內有兩間菜館，就試試東方小祇園的出品 兩家就在毗鄰，幸好東方小祇園照常營業，三數台客人坐在冷氣充足的房間，在大澳的小漁村，是奢侈的享受，就是愛這種人少又慢的節奏，還是偏愛平日的大澳。這裡也同時供應齋菜與葷食，但今天只想食齋，就簡單點了羅漢齋炒麵、芋茸卷拼腐皮卷，再加一碟椒絲腐乳生菜，已足夠兩大兩小分享，連帶汽水在內，也只是二百頭。羅漢齋炒麵是小孩嚷著點的，只要一提起「脆卜卜炒麵」相信沒多少個小朋友會拒絕，炒麵炒飯都是魚子醬的飛佛。麵底不算太脆，因有獻汁之故，但配料滿滿的，也不油膩，大家也努力清碟了。酥炸雙拼，芋蒜卷內外酥脆，是每次吃齋菜必點小吃，還可沾上甜酸汁解膩，多吃多滋味是也。腐皮卷相對被比下去，外皮未夠香脆，餡料不乏芹菜，怕大味的朋友要避一下。下次再來或會拼椒鹽豆腐本想點腐乳通菜，