東方小祇園菜館

Open Now

Now Closed

今次同朋友行山, 行東澳古道, 即是由東涌行入大澳, 行左5個鐘, 又唔算好難行, 不過第二日腳痛, 可能行得太耐=.="每一次去大澳都一定會食呢間, 又唔貴, 又好食, 水準穩定~呢個荔茸酥卷必叫, 非常之好食, 不過要小心熱量太高, /5, 滿分5分我比佢7分, 絕對推薦大家去試下~咕嚕肉, 真係用排骨去整, 食落有骨又有肉, 酸甜度剛剛好, 粉唔會太厚, 合格之選~/5羅漢齋炒麵, 因為d餸始終都係濕嘅, 所以出到黎都唔會乾, 相對呢個就唔會咁好啦~/5, 唔合格拼盤(大), 呢個有好多樣我都覺得好食, 第一位係齋鴨, 非常之薄身, 香口(因為佢炸過), 正~/5, 又係爆分~第二位係豆腐, 入味之選, 又健康~:/5第三位都係同豆腐叮噹馬頭, 蠔油齋, 又係喜歡佢入晒味~/5同場加映酸到冇朋友酸齋, 但係同行朋友因為喜歡酸, 食左好多=.="最後叫左個豆腐魚肚羹, 濕濕地, 非常之足料, 非常之清爽, ~/5, 滿分~

平日黎都有3,4台人,可見佢既魅力所在!豆腐粟米羹足料又有雪耳!羅漢齋多年不變既味道拼盤(大)下面仲有酸齋腐皮卷最好味!豆腐都幾入味荔茸酥卷黎到必食架啦,一班人就岩,如果唔係會好漏白灼蝦(自攜)不得不提佢個辣椒豉油較得岩岩好!蘆魚(自攜)白灼墨魚(自攜)薑蔥炒蟹](自攜)自攜佢幫你整$40一斤唔錯啦因為係平日,等出菜都好耐如果係假日都一定仲耐

今年聖誕過得好開心，一行8 人,到大嶼山一天遊，乘坐360纜車到昂坪，昂坪市集中逛逛，於昂坪直接乘巴士往大澳，大澳漁村午餐(東方小祗園)，上次來吃不到鹽焗雞，因要預早一天定購，今次有準備預早定購，鹽焗雞吃出他們用活雞泡制與別不同，有雞香嫩滑口感，荔茸酥卷香脆可口，生炒骨蒜香美味，蝦醬炒飯芳香撲鼻，紅燒豆腐香姑味濃郁，三絲炒麵(香脆既麵底),xx時蔬一般不過不失，份量比一般大碟，好美味的聖誕午餐，全部必需吃清光一件不留，下次要預定多一隻鹽焗雞外買，帶回家中再慢慢品嚐，鹽焗雞無與鄰比，大澳東方小祗園繼續保持水準。

好得意, 你會見有食評歸顃佢係"素食"但又好多人食雞.回想初次幫襯佢, 係好多年前大班朋友行完山, 行至尾聲, 其中一位牽頭話要帶我地去食齋, 那一餐真係留下深刻印象, 好好吃! 之後既日子, 來大澳一定會幫襯佢, 吃過佢既雞, 係唔得既, 所以食齋一直係我心目中對佢既印象.由於佢地既碟頭大, 所以最好一大班人來吃, 必點一定係荔茸酥卷!! (香糯, 由於有腐皮既關係, 比芋魚好吃很多) 再來一定係豆腐(有多種做法, 無論那一種做法, 一定係係話"好滑呀"), 羅漢齋炒麵(香脆既麵底), 再來一定係炒碟菜啦(我覺得腐乳炒好吃過蝦醬), 仲有不是齋既咕嚕肉或生炒骨.其他如羹湯, 一般啦, 哈哈, 順帶一提, 假日人多會好嘈下, 夏天時冷氣係唔夠既, 不過都不影響我對佢既好印象.

在到達的前幾天已預訂好盬焗雞，我們一行三人一心要試試這「名菜」。由於食量不大，只叫了雞及加一碟菜。可能我們叫的餸不多，老闆娘也有點失望，要她讓我們要半隻，她又不肯，我們只好要兩個餸！等了很久，盬焗雞終於來了，非常失望！隻雞又「梅」又出水，而且無味道，一定要伴隨之沙薑粉！可惜他們連沙薑粉也不願多給！以後都好難要我山長水遠行入去！

大澳獵食之旅尾站由於要趕尾班船,需在七時半前折返碼頭所以五時許食晚飯,未到晚飯時間,人客不多加上一早訂了位,很快便獲安排入座位處大澳長場的另一邊,有隱世味道識途老饕會自携海鮮到來加工,我們沒時間逛海鮮檔,點了他們的小菜1. 北菇豆腐時蔬,豆腐夠滑,菜芯爽脆嫩綠,茨汁厚薄適中2. 荔芋卷,我不喜歡酸甜食品,但東方小衹的兩樣酸甜食物我也覺得不錯.荔芋香軟,不過多吃會膩3. 生炒骨,很滿足,我知道傳統生炒骨是骨多過肉,但我還是喜歡這裡用肉排去製作.排骨炸得脆口,酸甜汁薄薄的一層掛在外面,一吃就知是即叫即製了4. 腐乳唐生菜,夠鑊氣,唐生菜又夠爽甜,我真的很喜歡這裡下的茨,份量剛好不會太厚5. 鹽焗雞,製法不錯,很入味,但香港的雞始終不如大陸,鹽焗製法可稍為掩蓋雞味不足的缺點.東方小衹出品質素很高,有機會會試試自携海鮮來此加工,辦去大澳玩唔好剩係去大街,也走過來吃吃小衹的生炒骨,會有驚喜!

那兒平日去沒有人的~~~雖然那天吃飯的時候沒有甚麼氣氛可言，但食物真是十分好吃!!!!推介吃豆腐和荔茸酥卷﹗必食﹗我已經很久沒有吃過像豆腐花般嫩滑的豆腐了!!!!!那兒的豆腐實在太好吃呀!!!!

在大嶼山book左渡假屋，星期日中午交屋後，有見時間尚早，既然長途跋涉入到黎大嶼山，總要編排吓下一個節目，免浪費時間。一大班人決定乘一小時車程，到大澳一遊；當然還要考慮午餐地方..........所以即刻致電訂位，最緊要係隻雞....鹽焗雞由於比預定時間到了大澳，所以大家先漫遊大澳大街先；順便大家要準備一下，是因為烈日當空，要到訪此隱世食館，必需經一條無遮無掩的村路，為免中暑大家便要打點一下，有些買帽、有些買扇、飲品當然不可缺少.......... 為15分鐘路程，大家準備好便出發。太陽伯伯真的沒有偷懶！好彩沿途景色怡人，影吓相，傾吓計便到達目的地，鹽焗雞，你等緊我地... 是日午餐 1. 實在太開心，唔記得係六人還是八人套餐再加餸 - 套餐已包括好多主打，有生炒骨、齋併盆、炒麵、芉頭魚、荔茸酥卷... 2. 鹽焗雞 - 需預定3. 素菇釀山根 4. 粟米魚肚羹 5. 再加例牌春卷實在太美味，已忘記拍照了.........只拍得數張留念.回程時選擇沿長廊漫步，景色不錯呀! 食飽做吓運動，下次可選擇呢條直路，不過記住同太陽伯伯傾下計，叫佢找白雲姐姐拍吓拖，咁我地會舒服d

在香港離島各地方，大澳是一個特別喜愛的地點，每隔一段時間，便會再到訪。此地其中一間在搵食名單內的食店，就是「東方小衹園菜館」。此店的荔茸酥卷是一個主要因素令每次也要來朝聖一番。早上十一時半到達，店員正在用膳，等了十五分鐘左右，便向店員下單。當然有荔茸酥卷($56.00)，另再加多一碟生炒排骨($58.00)，再來多一碗白飯($6.00)。以二人份量來說，已足夠有餘。人客開始多，相信廚房會越來越忙碌，在當中眼不少客人自攜海鮮來加工。先來荔茸酥卷，即點即炸，熱力仍然不斷冒出來，要等一會才敢試一口。芋頭味濃郁，外層炸的鬆脆，芋茸亦夠稠，伴一點酸汁來吃，實在是醒胃兼醒神的菜色。生炒排骨雖與荔茸酥卷同屬酸味，但用來伴白飯則最好不過。茨汁剛好包著每件排骨，令排骨的炸皮不會太快變腍，酸味不濃不淡，不用狂吞飯來中和。唯獨豬肉味不太香，如可配合肉香，必定更加完美。環境在鄉郊地方來說已合格，服務亦滿意，再加上不用加一，絕對吃得過。

荔茸酥卷炸得十分之鬆化,一d都唔油膩!一脆一軟的口感,配上酸甜汁很醒胃生炒排骨內有菠蘿,青椒,洋蔥等配角,主角炸得好脆口,好juicy!,好味!係出面食果d一係汁太多,一係唔脆口淋曬~但呢度d生炒骨處理得好好,掛汁仍保持脆身!羅漢齋炒麵有甘筍,冬茹,木耳,雪耳等材料,好豐富~麵乾身但略油!

雖然點菜至上菜要成個鐘架,但真係物超所值架~~生炒排骨：係我至愛之一，當然要試試啦。排骨炸得好脆口酸酸甜甜正。餸內既菠蘿，青椒和洋蔥都比我同男朋友通通被食晒!荔茸酥卷：係亞蘇介紹完，仲於可以試到啦，荔茸酥卷用腐皮包芋頭茸再炸熟，又脆又軟口感一流同個汁仲好襯。羅漢齋粉麵：蔬菜新鮮又爽甜碟碟都大大碟仲好有分量添,食過仲好想食多幾次架~~

上月爸爸拿到了爛頭巴士(Lantau Bus)的免費單程車票四張，於是便打算星期天大家都放假，到大澳和梅窩走走散散心去年到大澳已經想到這間小菜館試試，可惜始終找不到，恰巧姐姐說她來過吃飯，這次便靠她作我們的盲公竹了甫下車便會看見指示牌沿著直行到經過海韻素食館便會看見，或可以走較新的長廊，是啡色的一條橋，看著一大片的紅樹林走進去更是寫意走到餐館附近其實有很多招牌，所以不難發現小館子。一到樓上主理人便問我們有多少人，我答道四位留了座，她便這天來吃飯其實早已有心水選擇，大家都讓我拿主意，先點了三餸一湯，後加一碟炒粉麵*粟米魚肚羹($62)：本來沒有預計點湯類的，因為喝上兩碗已經飽漲了......但姐姐又擺出一副非喝不可的樣子，唯有要個清淡的粟米魚肚羹吧。份量絕對不少，每人都分了兩碗多一點。材料用上新鮮粟米和魚肚，另有青豆和金菇，每一口都吃到材料，爽脆的粟米和魚肚令這個湯生色不少*椒絲腐乳炒生菜($42)：在這裡點青炒時菜也教人玩上好一陣子，多種炒法加時菜的配搭，如何才是「你碟菜」呢?真要花點時間想像一下。這次媽媽選了椒絲腐乳炒生菜，份量適中，換著是平日的我一定三爬兩步便快快清碟，但這幾天都被

第一次來大澳. 就事前搵定呢間野~去到個時都兩點. 雖然個度地方好大. 不過都真係好多人~ 咁本來諗住坐低先點菜，不過個姐姐同我地講明點菜後要一個鐘先有得食~ 咁所以我地同個姐姐落左單先. 一個鐘後先返來攞位~ 佢都話無問題! 一個鐘之後就留埋枱比我地~ 坐低無耐就食得~~鹽焗雞.紅燒豆腐.酥炸雙併 (荔茸酥卷 + 煎腐皮卷), 素翅. 生炒骨. 最好味既係荔茸酥卷. 真係好有特式. 平時唔鐘意食呢d野，不過呢個炸出來又唔會好油. 唔會太甜. 剛剛好~ 反而鹽焗雞同生炒骨就無咁特別. 無乜驚喜~ 呢度叫人好麻煩. 埋單都搞左好耐. 人手不足呱. 總之要來呢度食一定要預多d時間. 至少兩個鐘喇. 未計加單wo~ 加單既話又要等好耐~ 來大澳食下唔錯. 不過要得登入來食就大打折扣~ 應該無下次~

一坐低用左15分鐘點菜, 個幾鐘等菜, 每碟菜上臺之後唔駛10分鐘就可以完全被消滅,成餐用左2個鐘, 好唔明, 點晒d菜之後見到人地帶海鮮黎煮, 但係海鮮竟然係最早上既, 收40蚊一斤既加工費原來貴在唔駛等... 訂左既雞, 要點完菜先煮... 但係隔離臺點得遲過你又可以快過你食... 問小姐點解又會被人串話要訂, 總之就會駁你咀, 真係十萬個為什麼啊... 翻桌率高既餐廳可以得到大眾喜愛係因為食物水準高, 多人等就會桌如輪轉...但係呢間可以訂位, 訂雞既菜館比到另一個意思我就係等到想反臺....人既心情絕對係會影響到食物既口味.. 火滾既時候, 小菜全部只得焦味... 六個人叫左四菜一湯一麵三汽水, 每人要$85- 八寶湯, 紅燒豆腐, 咕嚕肉, 酥炸雙併 (荔茸酥卷 + 煎腐皮卷), 鹽焗雞 ($200隻), 炒麵就算d野再好食, 要等咁耐又有要受氣, 下次唔駛錢都唔會黎... BLACK LIST真係要呼籲各位想食呢餐朋友, 要唔怕等, 唔好係假期入黎..

上星期日, 趁還是新正頭, 與家人齊到大澳行一行大運, 因老公是吃素的, 順道到東方小祇園吃齋。早一天上網找一找有什麼好吃, 才發現原來這裡跟灣仔同名的那兩間不同, 這裡不是只有齋吃, 還有很出名的鹽焗雞, 於是馬上打電話預約兼訂菜~ 我們6大1小十二時到達, 幸好有訂位, 因為有包團的關係, 沒訂位的要二時後才有位呢!我們點了素翅、菜薳素雞、素炸雙拼(素釀生根,腐皮卷)、蝦醬生菜、還有預訂了的鹽焗雞與甜品腰果露~素翅: 味道不錯, 料也很豐富~菜薳素雞: 素雞份量很多呢, 內裡的豆腐很滑~素炸雙拼(素釀生根,腐皮卷): 素釀生根very good, 酸甜汁很醒胃, 腐皮卷的餡清清的~蝦醬生菜: 非常惹味, 必試~ 鹽焗雞: 名不虛傳, 很入味, 5個人+1個BB, KO了一隻雞~腰果露: 很好, 有腰果香又不太甜~整體上, 大家都很滿意!