東方小祇園菜館

Open Now

Now Closed

行去大澳終點站前, 順道經過見到亞蘇介紹而我又想試好耐既齋! 兩點幾接近三點, 人唔太多, 只有三, 四枱客人, 侍應叫我們等一會, 原來先清潔再安排我們坐一張十二人的桌子 (不用搭枱), 我們見到餐牌只有賀年套餐, 最細份的也要5人/$368, 但我們可在當中挑選!酥炸雙併 (荔茸酥卷 + 煎腐皮卷), 前者一圈是芋茸, 一圈是炸粉, 老公叫時我也有點猶疑, 生怕自己只是一件起, 一件止, 怕油怕硬, 入口時芋頭味不濃, 但炸粉炸得極出色, 沒有半點多餘油粉, 脆度剛好, 不會硬脆是鬆脆, 附上的錦滷雲吞汁不點也罷, 我應該也吃了三四件! 腐皮確實薄, 餡有芽菜, 冬菇, 西芹等, 料足伴上喼汁, 味道鮮美, 唯一不好是腐皮面油份多了一點!四寶時菜, 竹笙, 金菇...扒生菜, 為了健康一點而叫的, 一般人會覺得偏淡, 但我們剛好, 獻汁點多!家庭式經營, 個個也很親切, 室內室外可容納很多人, 廁所亦乾淨! 希望下次可再試埋其他齋菜如江南酥甫, 素釀生筋.....

原來坐巴士落大澳都好快，只需十零分鐘，不過班次疏落一個小時得一班車，去到大澳就先去醫肚，由巴士站行去南涌村都幾遠，不過天氣好條路又直都幾好行，行到村口有箭咀指示都好易揾。外邊睇唔知係餐廳，去到都幾full不過都揾到位。好多食客響大澳買咗海鮮拎嚟煮，不知收費如何？人數少只叫咗生炒骨、荔茸酥卷同八寶佛湯，生炒骨D排骨係即炸入口仲熱辣辣同脆口，水準算高，荔茸酥卷一樣係係即，雖然幾多油但係夠晒香口，八寶佛湯裡面有好多材料，個湯好清甜，無落味精飲完唔會口渴。地方較為偏僻但價錢與一般食肆無異，不過水準就比起市區好多食肆都高一綫。

假期日子請勿到東方小祇園菜館(大澳)吃飯我們一行10人吃到一肚氣當日的日程如下:13:00到達,因為沒有訂位,所以要等一小時(OK,因為我們沒有預計到會咁多人)13:55有位,點菜,因為其中有一位朋友趕時間返工,所以我們叫了最快最簡單的菜怎料到了15:03才有第一碟時菜上檯(足足等了一個小時)15:10叫了六碗白飯,服務員只拿來一碗,因為賣完,其他未煲好!15:15第二碟豆腐15:28上了五碗飯,卻沒有餸15:30炸芋頭,蒸雞15:37西芹15:42拼盤15:45咕嚕肉15:47鮮竹卷終於吃完了埋單時忍不住問為何要等如此長時間,原來有一位師父甩底,所以如此情況,下次再有此情形,應告知顧客,等都有個知字,因為心情不佳,連食物的美味都沒心情享受

為auntie慶祝生日, 一早訂左6人'木台'及一只鹽焗雞.星期日早上10:30由荔景出發; 經地鐵東涌站再轉11大嶼山巴士到了大澳, 由於修過路; 巴士又比較新淨, 車程比年前快左好多!條路也沒有以前咁'櫈', 舒服好多!沿碼頭直去轉左行入去, 好大風, 又看看橋下塊'濕地', 有疑似白鷺的鳥類在棲息; 天上又有一只鷹在飛...好靚好舒服的環境...我們行下又停下咁...行左大約20-25分鐘, 終於到了.之前我在openrice做哂功課, 6人點了:-鹽焗雞: 只雞size不小, 但完全唔肥, 不會過咸, 好好味, 最後只吃剩得個頭&尾. 雞頸都食鬼埋.-粟米魚肚羹: 一窩7-8碗左右, 好足料, 除了粟米及粒粒魚肚, 仲有瘦肉, 青豆及金菇等. 好好味, 係食唔到有咪精既!-生炒骨: 排骨好脆口, 又不會好多肥豬肉. 個汁味道好適中, 好醒胃, 真係冇介紹錯!-荔芋卷併腐皮卷: Uncle大讚荔芋卷好香好好食. 腐皮卷內是芽菜及東菰絲等, 同平時在齋鋪買的完全唔同味.-北菰扒豆腐: 豆腐好滑好好味. 北菰就一般質數, 主要是不夠香.-蒜蓉白菜: 一般, 其實本來想叫蝦醬炒XX

Weekday 去昂平360 之後搭巴士去大澳, 12:45pm 到東方小祇園, 室外坐著2-3檯, 我們2人所以坐室內, 侍應先開冷氣 (得我們2人, 雖然我們話唔使開, 侍應話遲d都會有人, 所以照開冷氣, 服務好)2人點左1. 荔芋蓉卷 -- 1碟有大約14-15件, 芋頭香, 酥脆, 不容錯過2. 豉椒排骨炒麵 -- 麵脆, 排骨非常多3. 羅漢齋-- 料多, 但個人感覺汁太多, 3碟之中相對一般3碟 Total $170, 2人飽到不能再吃, 打包左半盒炒麵+幾件荔芋蓉卷所有菜式都好大碟, 並且好熱好新鮮, 即叫即煮, 服務又好, recommend

之前去大嶼山渡假睇過食評就知道一定要黎拜訪一下一早就查中原地圖...都若膜知道位置..但去到大澳..搵路都搵左10mins -_-未計行入去..加加埋埋..至少搞左25 mins -.-"真係太偏僻下午一點幾入到去 沒人@@冷氣都未開...但我地一黎到..d叔叔,呀姐就好熱情咁招待我地即刻開晒d冷氣呀~燈呀咁..又好笑容又有禮貌..市區真係很難找到咁既服務態度點菜~- 生炒排骨 好味! 豬肉是吃得出既新鮮. 熱辣辣,脆卜卜, 是新鮮即做的。 酸酸不會過甜,很開胃, 送飯良品。- 蝦醬炒通菜 正!!! 大澳蝦醬, 無得呃人,,碟菜未入到門口已經聞到濃濃蝦醬味! 食落簡直極品, 好濃好濃既蝦醬香味,但又唔會勁咸, 一絕!- 粟米豆腐羹 好足料! 又夠熱 襯熱食..唔好多攪, 否則湯羹會愈攪愈稀。 兩個人三個菜~本來想打黎訂隻鹽焗雞的, 但奈何得兩個人..又想試多d..唯有放棄隻雞 ~_~等遲d多人d去時先再補數 =p呀姐服務認真不簡單,卙水快, 又自動幫我地倒水我食到臨尾跌左隻筷子..諗住算啦..都食晒咁滯..都廢事叫佢比過對筷子我點知呀姐好快又好熱心咁主動幫我拎過對筷子真係..

落左大半個月雨、終於可以重見天日,在三十三度加酷熱天氣警告下,試左其待以久既東方小祇園菜館・可能因為D人驚山泥傾瀉過後、星期日都無人!是日菜式:冬瓜八宝湯(好清、好消暑)鹽焗雞（openrice有人話係走地雞,不過我覺得係冰鮮雞、但係都好好味、肉質嫩滑、皮有D脆)腐皮卷荔芋卷双拼(腐皮卷用料新鮮,冬菇好香、荔芋卷香口但不膩)椒鹽豆付（尼個我就肯定山水豆付喇、好味)蝦醬生菜青島啤埋單四個人共$420

係我阿婆介紹,入親大澳都係幫襯佢,係熟客先至會去到果個咁隠閉既鋪頭,所以佢地煮餸比較有心機,鹽焗雞($160)一定要食,但係要提早打電話訂,如果無預訂可能要等一個鐘以上,同埋佢d生炒骨,腰果肉丁非常正,佢地d豬肉好新鮮,出面街一定食唔到,見議各位有機會入大澳就要去幫襯下,係巴士站果邊海滨長廊行入去,問下當地d阿叔,阿婆就知路

本人和朋友於復活節假期第一天到大澳悠閒一半天遊,於是我提議到此店光顧(因看到open rice 很多好評)我們由於吃了少許食物,所以很晚才到(約3:30左右),去到已見差不多坐滿客人,我們唯有坐到近門口的那張枱,等了很久才有人招呼我們(這也算了),我們點了2個菜(四寶時蔬&菠蘿素卷)等了又等.....等了又等...卒之足足等了一個小時才有得吃...唉!ok!又算了..但太令我失望了,四寶時蔬..都ok,但菠蘿素卷就...實在差差差(唔脆很油),總之,太失望了> <

同朋友去大澳行0下, 搭完一個鐘又焗促又dun 的巴士, 入到0黎成1:30pm, 0黎呢度食個lunch 醫醫肚, 叫了個細份什錦拼盤($80), 加個什錦炒飯($50) share 食.兩樣一齊0黎, 原來份量極澎湃! 拼盤係全齋, 有素鵝, 粟米仔, 腐皮卷, 酸齋, 仲有另外兩隻唔知乜0野名的麵根... 咁多樣以素鵝最好食, 雖然朋友食了一件即話「嘩, 成口油!」, 不過係炸得好熱又極脆, 好好食! 酸齋都唔錯, 同一般市區買到的唔係好同, 呢度的一粒粒cubes 咁樣, 賣相似好似生炒骨, 雖然個人覺得唔多夠酸; 其他的味道一般, 腐皮卷就真係太油. 原來細份都咁大份, 結果我0地都係食唔晒.炒飯賣相同食味都一般, 好在炒得夠乾身, 而且入面d 冬菇粒好惹味! 又係因為太大碟, 我0地係食剩了一半有多, 唔0徙0野0既我0地打包了拎了返屋企, dinner 翻叮了0黎食, 竟然leftovers 都夠2 人份量! 建議大家0黎食的話, 可以叫一碟4-5 個人share 都得!唔好睇佢舊舊0地又殘殘0地咁, 環境同衛生都幾好的; 招呼都唔錯.山長水遠入到0黎, 呢度係

以前來過很多次, 每次都讚不絕口。今年是第一次來, 5人點了荔芋卷、鹽焗雞、菜、紅燒豆腐和羅漢齋炒麵, 個個捧腹而回。水準依舊咁好, 只是人太多(星期日), 荔芋卷賣相有少少鬆散, 並沒有影響質素。記得每次必吃荔芋卷, 炸得很脆、芋頭又香, 外面很難食到。紅燒豆腐的豆腐又滑又有豆香, 冬菇似足日本花菇。最後一讚是鹽焗雞, 以前是用鮮雞, 非常鮮美。相信現在已選用冰鮮雞, 味道是少了一點鮮美, 但雞依然肥美和味道十足。5 人食哂所有餸, 一件不留。此店雖然遠離市區, 價錢亦不算便宜, 但絕對值得山長水遠去食一趟。

從石壁水塘遠足至大澳共17多公里，主人與奴隸獸用了差不多5個多小時才到達大澳。身水身汗，腳仔軟，好辛苦啊！！決定要好好犒賞自己。到東方小祇園覓食去也。1. 生炒排骨（HK$52）：排骨入口酥軟，甜酸汁調味適中，很久沒有食過如此好味的生炒排骨。2. 酥炸雙併（HK$68）：煎腐皮卷併荔茸酥卷。荔茸酥卷炸得非常香脆，但不油膩（食後發現碟面只有極微量的油。），芋頭味香濃。腐皮卷的腐皮新鮮，餡料亦爽脆鮮甜，好正呀！3. 白飯（HK$5.0）埋單計數免茶芥，免加一，超抵食。

東方小衹園菜館呢間野話就話食齋，不過唔知點解會有啤酒同有肉食，由於今日唔係公眾假，一個人都無，我地就包左場囉﹗點了齋拼盤，份量好多，食極都食唔哂，不過由於種類有好多，所以都覺得好充實，味道一般啦﹗招牌生炒骨，好彈牙呢，炸粉唔多，食落好鮮味，骨肉分稱，好難得可以食到咁好食的炒骨呀﹗如此寧願下吃齋，是人生一大快事﹗

坐巴士到了大澳, 之前找了資料關於有咩好食, 第一個多笑臉的是東方小袛園, 其次是隱姑茶果及車站豆腐花. 在市集時已經打左電話去東方book枱, 接電話的應該是老闆娘, 好有禮貌, 由於只有兩個人, 我問佢有無半隻鹽焗雞book, 佢話只可以book一隻, 但可以一半堂食, 一半攞走, 到左先叫要等一個鐘, 考慮了一會, 好啦! 死就死, 點都要試下. 食完街邊魚蛋(細細粒、唔會發到豬頭禁大的, 好味!), 隱姑茶果的雞屎滕, 車仔檔砵仔榚, 夠鐘去東方了. 第一次都幾難找, 要跟碼頭的海濱長廊(真係好長! 不要懷疑, 一直行) 到尾望左手邊, 便看到.人不多, 兩枱都是六七人的行山客, 佢地自己買海鮮來加工, 勁正! 我地依開飯啦介紹叫左鹽焗雞、鼓油王炒麵及咕嚕肉.咕嚕肉–沒有外邊做的濃味, 少d色素, 少d鹽, 少d糖, 正! 但如果人不多, 我提議可以試下芋頭魚先, 下次有機會先試這個鹽焗雞–正正正! 好好味, 唔會好似外面的酒樓或燒味店整到得個鹽字, 皮是脆脆地, 有半隻我地第二日”叮”番都重好好味.鼓油王炒麵–我比佢正正正正! 4個正! 底都無油, 又唔會好鹹.

我係一月尾行山後來幫襯一行八人連海鮮共叫佐十個菜呢度本應係齋舖但唔知點解有肉食走地雞, 生炒骨都係招牌菜炸既齋菜類都好好味除佐蝦醬炒菜同炒飯覺得唔夠味外其他菜式都好滿意同埋可以買海鮮去畀佢地整(油料錢$30@)個次試過白灼八爪魚極之回味至今都搵唔到代替但係記得訂位... 佢地八點收工http://home-and-garden.webshots.com/album/557145425TJCNji