東苑魚翅海鮮酒家

Open Now

Now Closed

就嚟過年，就同家人一齊出去食晚飯。平時多數嚟呢度飲茶，今次就夜晚嚟食團年飯，估唔到都唔錯，嘢食新鮮夠鑊氣，最緊要係唔太鹹，又唔使限時交枱，食完可以傾吓偈。我哋嗰晚食咗1. 白灼蝦: 新鮮，熱辣辣，仲要大隻爽口2. 煎蓮藕餅 : 乾身唔油膩，仲有鹹魚香味3. 乳鴿 : 佢有炸乳鴿同埋滷水，我哋要咗滷水，好入味又滑4. 鹽焗雞 : 半隻都幾大碟，點沙薑食一流5. 椒鹽鮮魷 : 非常惹味好送飯6. 家鄉豆腐 : 正常味道，啱老人家食7. 大班兩味 : 有炒球同埋蒸頭腩，即劏即煮，只係魚味淡左啲。。。食完仲有飯後甜品(雪糕或芒果布甸)送，正👍

聽聞呢度有好多懷舊點心，好想試佢地個炸鮮奶，不過遲左去變左食晚飯，兩個人食左4百幾蚊，d姐姐好nice食完飯仲送左飯后甜品，有綠豆沙 馬拉榚 芒果雪糕 同 細個好鍾意食既芒果布丁！！！！

最like東苑蒸飯平靚正，牛肉飯有隻流汁荷包蛋跟，仲有金菜肉餅飯都好好食。蝦餃有5粒蝦爽配豆瓣醬好食 #次次必叫咖喱蒸土魷，咖哩汁似放lunch傳統港式咖哩 #蒸魚雲係大魚頭新鮮好食，超級抵食。 元朗傳統街坊老店真係冇乜幾間要珍惜。 睇到openrice 留言，話佢哋招呼唔好，我又唔覺得喎 ， 叫佢加水攞嘢都好快， 地方細細最緊要水滾茶靚。 如果你攞佢同美心比嘅，我覺得佢呢度好食，咁嘅價錢畀足料你，同埋美心d服務員你叫佢斟水都唔show你， 淨係理佢啲熟客，畀錢佢哋嗰d人一定好快手斟水比佢。

同另一位留言一樣，俾位其他人都唔知點解唔俾你，但見到有吉枱，問只係只係話未有位，唔鍾意可以唔等。環境亦非常舊睇落亦不太乾淨。所以最後去咗翠湖酒家，多謝佢地既不知所謂態度，反而搵到間好食既酒樓。

到咗門口我哋取咗飛等位，一會四個出老闆問幾多位佢哋答四位，即時有位入坐，我就行埋去問點解四位有三位冇，佢答我大枱黎，咁我問點解我哋唔坐得，佢話訂咗枱，我話明明聽到你問幾多位，我話要公平先啱， 跟住佢用好差既態度對我講咁而家叫佢哋出黎畀你坐你坐唔坐呀! 咁我話你做生意態度咁㗎 ，跟住佢就話我做生意定你做生意呀! 之後有人出嚟勸交跟住我就唔食走喇， 其實幫襯咗好多次， 之前好多人排隊等位 今次去到得我哋喺度等 可能因為咁嘅態度所以冇曬啲客，真令人失望應該唔會再幫襯

呢間酒樓都算係元朗比較懷舊嘅一間…我相信佢哋都係家庭式經營我媽媽告訴我..她在這裏飲茶超過20年…從前我媽媽都喜歡在這裏拿布甸甜品給我今晚我又同工人姐姐和媽媽一齊來吃晚飯😁😁叫咗呢碟蝦$68呢個就係我媽媽最鍾意食嘅時菜炒班球通常黍到要叫尼一碟餸…108元…都算幾大碟😁😁 只係略嫌菜心粗咗少少再叫多呢個粟米炒斑塊…真係好夠份量也是98元🥰🥰🥰最後有酒樓送嘅免費甜品呢個芒果布甸我由細食到大呢個真係好好味

今日又走咗去陪我嗰個好鍾意飲茶嘅屋企人出嚟嘆早茶，好早起身呀😅 佢最鍾意去一啲舊式茶樓試點心，我諗如果有睇過我幾篇食評嘅人都應該知道 ╮(￣▽￣"")╭ 「日日都飲茶，你估真係人人都鍾意飲茶咩？」 (🤪🤪🤪希望我屋企人唔知道我喺度寫佢) 今次我哋就上咗一間好古舊而且冇乜額外裝修嘅茶樓度(明顯係做街坊生意，唔打算殺出一條年輕人嘅出路)。上到去，可能係太早嘅關係，啲職員都未返，得一個阿叔喺度幫我哋斟茶擺茶具。 當時去到目測得三枱客。 佢哋冇優惠時段㗎。不過睇返，原來呢間野都真係幾大件夾抵食嘅，蝦餃燒賣比五粒你，食完都飽啦，老人家食一個點心就夠🤭 蝦餃啲蝦冇乜味，燒賣你會食到係手切肉，都算有啲咬口。但實屬普普通通，完全俾唔到啲乜嘢深刻印象我哋。 鳳爪，熱辣辣咁上枱，炆得好淋，算係我幾鍾意嘅一隻口感(唔係硬骨骨爽口嗰隻)。 鹹水角只係暖暖哋，不過好彩都係新鮮炸起。 佢哋嘅牛肉腸粉我就嫌佢唔夠熱，雖然啲腸粉皮都好滑，腸粉唔夠熱係會有啲失色。 其實而家我去親食灌湯餃，都冇乜特別期望，因為好多舖頭嘅灌湯餃，都只係好似粒加大版燒賣咁(得啲豬肉)，唔會好似以前咁~用金華火腿煮個湯，完全冇乜質素可

唔知大家鍾唔鍾意食盆菜🍲😍我同屋企人都好鍾意食😆所以成日得閒想食就去訂盆菜🤣屯元天嘅盆菜都差唔多食過哂🤣今次就咗訂元朗一間都好耐歷史茶樓嘅盆菜🍵係好傳統嘅舊式茶樓嚟㗎☺️平時上去飲茶就飲得多🥰飲完茶臨尾仲會送糖水😋最鍾意就係佢哋個芒果布甸😆就係咁啱有一次飲茶發現原來佢哋都有盆菜食㗎😍一見到就忍唔住又訂咗嚟食🤣咁啱仲有兩個星期就到農曆新年🧧新年就梗係唔少得食盆菜啦🍲所以食完就拿拿聲出返個post介紹俾大家😝因為真心好食✨真係自購唔係贊助post嚟㗎！ ！ ！✔️今次買嘅呢個盆菜係4-6人份量✨不過一睇個盆就知係唔止6人食😝多2個人都絕對ok🥳呢個盆菜有：新鮮雞、燒鴨、珍珠鮑魚、乾煎大蝦、家鄉腩肉、乳香土魷、蠔油北菇、醬油枝竹、甘香芋頭、南乳豬皮、爽脆魚蛋、清甜蘿蔔、西蘭花✨雖然同普通嘅盆菜材料係大致上一樣😝但係個味道唔會好似其他盆菜咁一式一樣🙌🏻建議食嗰陣滾耐少少🥳咁就會好入味同好香😍蘿蔔吸晒啲精華軟淋超好食😋而且仲要係用新鮮雞🐓真係一食就食得出☺️冇花冇假👍🏻其中入面覺得最好食嘅就係乾煎大蝦🦐係茄汁蝦碌做法🍅酸甜好好食又開胃😋今次食唯一一樣有啲瑕疵嘅應該就係乳香土魷🦑因為可能發得唔夠🙏🏻所以

呢間#酒樓 幾#得意喺#元朗 #開心廣場#東苑 #細細間#星期日 去#飲早茶都唔洗點等位叫左D#基本嘢#蝦餃 竟然有五粒第一次見都唔細粒架#鳯瓜 好鬼大碟#鵪鶉蛋燒賣 又有四粒D點心比一般酒樓大碟但冇特別貴左👍🏼味道就#一般冇邊樣特別出色只係數量得意#吃貨 #周圍食

飯後評語，叫了炸子雞，收費好像＄380左右，吃後感覺不值，不似新鮮雞，至於叫了蓮藕餅，超咸，其它出品，感覺㕑房做工很隨便，本來叫西蘭花炒鮮魷，侍應話無西蘭花，要用西芹代替，可是當時才7點40分左右，食物已經不齊，鮮魷炒得超咸。

呢間黎過食好多次啦系同屋企人飲茶常去既地方之一食物好好味 比較鐘意舊式既點心燒賣蝦餃都有5粒👍🏿咖哩魷魚🦑 牛柏葉都系必點☺️仲有右手既蒸紅棗糕都好食 唔會太甜感覺健康 岩哂老一輩食鮮蝦腐皮卷入面有大隻爽口蝦🤤咸水角皮脆香口🤤

在剛剛過去的假，當然少不了的就是飲下茶，食過包包咁～今日我就試左呢間茶樓～是朋友介紹之下知道的呢！一試就覺得呢間茶樓不得不題呢～～好正的係 佢蝦餃同燒賣 一籠係有5粒的！可惜我掛住食就冇影到～仲要質素是很不錯 由其係蝦餃皮唔會好易爛～入面又夠多蝦！燒賣是有菇的那種，現在又是很少見了～重點是有5粒！哈這裡的腸粉都好不錯～唔會痴埋一舊舊咁！配埋粥就係冇的彈～仲有現在好少酒樓有的大包！新鮮即蒸！入面仲有鵪春蛋燒賣同臘腸～正

老街坊。來東苑很多次，覺得平靚正有性價比。今年來吃團年飯，個4-6人餐1388，其實一d都唔貴。不過一般一樣的菜式平常才600-700埋單。都無所謂，落單出來的分量比平常都少都難吃。阿姐重厚顏無恥話“過年係要賺錢”。我覺得貴無所謂，你起碼比平常質量的野我食。最後五個人1700落樓真係唔係東苑的價位。以後過節一定唔會來。

星期六晚和家人去街食，度度都好多人呀，行經開心廣場見有兩間酒樓，我地隨機揀咗呢間東苑試試。估唔到仲有呢款舊式酒樓d菜牌、裝修都好有懷舊feel。剛剛到的時候唔係好多人，但走時已有八成滿座。小菜、炒粉麵飯、海鮮等種類都唔少，有d小菜都幾抵食。不過家人點的菜都唔算太平😓。乾炒牛河，正常，唔算太油膩。砂礓雞半隻，半隻都要$198，頗貴，但侍應話係新鮮雞所以咁貴，我個人認為係有雞味但不值這價錢。滷水BB 鴿，有dd酸味，應該個汁係甘？香炸BB鴿，$25，呢款炸的都幾香口。西蘭花炒牛肉。京都骨椒鹽醬爆豆腐，$38，呢味好抵食，份量多而且炸得好脆。蒸魚水果款式都幾特別。。但不是每個人都喜歡食。另外有個侍應一見我地差不多食完就快快趣收哂我d野，想飲多兩啖茶都唔得

今日一行五人入嚟元朗探親食晚飯， 親戚推介 這裏乳鴿好食抵食， 店內環境裝修很老派 ，但啲姐姐很熱情安排入座。 我們點了炸乳鴿 肉質都好嫩滑入味，及鹵水乳鴿， 味道都唔錯， 但個人都係喜歡炸的好味魚香茄子煲， 味道還可以但很多油粉絲雜菜煲，正常。 咖哩牛腩煲，正常野。最後仲有生果盤送， 生果種類嚟講都算幾特色 整體嚟講得啲乳鴿靠得住