Video
Telephone
26728501
Payment Methods
Above information is for reference only. Please check details with the restaurant.
陪男朋友 🙎🏻♂️ 晨早入去大西北探親威，🙎🏻♂️ 借家人嘅車，練返久疏戰陣嘅揸車技術。練完車同一大班親威喺古洞熟食中心搵間茶記，坐下來食啲嘢先～ 由於疫情關係只可二人同枱，我地包起咗大半間餐廳 😂 其他古洞嘅街坊食客好好人，主動搬去另一張細枱等我地可以聚埋一齊坐。夥記姐姐亦好友善，見我揀到心大心細，親切推介餐廳嘅食物～喺我細閱餐牌之際，「唔洗睇餐牌㗎，鐘意叫咩就叫咩啦！」呢個時候舅父對我講。呢啲就係街坊老派茶餐廳嘅好處，帶有滿滿嘅人情味 😌 基本上佢有材料嘅，想點煮點mix and match好flexible，唔似得而家大商場嘅茶記，煎蛋想轉個炒蛋都隨時呢樣唔得，果樣唔得！😕 說時遲那時快，我地已經揀好野食～========================= 奶醬多 $27咬第一啖，咦塊多士散開嘅 😮 原來我一手攞起咗兩塊超薄多士！「薄多士」係餐廳招牌，看似普通，其實已喺中間片開，塗上煉奶、花生醬。刀工利落準確，每邊多士只有2-3mm 厚，比5蚊銀仲要薄。內層麵包仲有少少鬆軟，外層香脆，略嫌烘得唔夠火候。個人比較鍾意食厚多士，有厚度會更突顯外脆內軟 🤨雞翼薯條 $39雞翼有三隻，過咗火燶咗啲，好彩肉質冇乾哂。薯條係急凍嗰種，新鮮炸，熱辣辣，估唔到炸得岩岩好，唔會過火又不失香脆，點住茄汁食多兩條都冇咁覺熱氣 😆🙎🏻♂️ 嘅親戚住喺古洞嘅舊式牌照屋，就著呢區已規劃嘅發展，政府隨時可以收地，將原有嘅牌照屋清拆重建為新型大廈。眼見街坊之間嘅相處，食客碰面時噓寒問暖，鄰居彼此亦會常開大門，安心請鄰居大哥哥為子女溫習功課，甚至到街坊家借蔬菜，彷彿見到父母口中，昔日六、七十年代香港嘅鄰里情誼。希望古洞熟食中心，抑或舊區嘅老派茶記，都唔會因為社會發展伴隨嘅清拆計劃，而被時代淘汰，可以保留到每個小區獨有嘅色彩，而非去到任何一區都一式一樣。=========================東華記粉麵📍 上水古洞道古洞街市1樓S1及S5舖
continue reading
雖然呢度出名蒸魚飯，但今日試食西多，即叫即整。味道不錯 ，個皮煎得幾脆，入面的花生醬份量剛剛好，唔會太多搞到遮住蜜糖同蛋味。連大樽裝可樂要$26。仲有奶油多都好好食！佢係將平時既一片方飽中間打橫切開，然係在裡面加入奶油。咁樣就唔使烘到燶哂先有脆既感覺，食落口感不錯!
continue reading
我叫的, 是豬潤煎蛋公仔麵, 早晨套餐, 包奶茶, 再多一片多士. $22一個早餐, 咁既配搭, 覺得非常之豐富.奶茶同多士, 只是配角中的配角. 不過都做得不錯. 是值得一讚的說. 加上, 豬潤做早餐麵, 而且是配上即食麵, 真的是比較少吃. 而正因是用了豬潤, 湯底也把灼豬潤的湯汁一併倒埋一齊. 連湯底都有豬潤的香. 味道不錯. 而且麵是福字麵底, 令味道更加之香, 更加之有味道.
continue reading
第一次幫襯都好好，份量超多！但依家每況愈下，配料多過主角，例如蔥段、芽菜、洋蔥.....今次最令人火爆，就係送外賣時間，由落單到送到公司，需時要90分鐘，無錯係90分鐘，超離譜！(正常路程只需15分鐘)由於落左單已經有成個鐘，所以打去問下送到去邊，接電話亞姐，竟然玩Cut線唔會有下次~
continue reading
繼續去古洞試菜. 今次既target, 是一間叫做安和冰室的茶餐廳. 泊好車上到樓上, 就直指這一間小小的街市冰室坐下. 坐底, 只見到一個女工在廚房洗菜, 旁邊有食客一個....服務的人呢? 之後, 奇奇怪怪的, 有一個阿姐從東華記走過來為我寫單. 叫了一個豬潤麵早餐後, 再拿隔離檯的菜牌看看, 有少少恍然大悟了, 原來安和只是一家已結業的小店, 其門牌什麼都沒拆, 該店就直接被東華記用了. 結賬時, 我也要行過去東華記找數, 姐仔正式的對我說, 安和就是東華記.是日我叫的, 是豬潤煎蛋公仔麵, 早晨套餐, 包奶茶, 再多一片多士. $22一個早餐, 咁既配搭, 覺得非常之豐富.豬潤做早餐麵, 而且是配上公仔麵, 真的是比較少吃. 而正因是用了豬潤, 湯底也把灼豬潤的湯汁一併倒埋一齊. 連湯底都有豬潤的香. 味道不錯. 而且麵是福麵底, 令味道更加之香, 更加之有味道.奶茶同多士, 只是配角中的配角. 不過都做得不錯. 是值得一讚的說. 古洞街市既報導應該係咁多, 下一集...回到貨櫃場, 一間係古洞路...我一直漏眼的飯堂仔...
continue reading