林記小食

Open Now

Now Closed

放工時間去到，排隊是必然，揀左辣魚蛋及腸粉，魚蛋入味，腸粉爽滑，食完好滿足，咁又一餐喇。上次都係食魚蛋腸粉，選擇包起攞走，唔知點解感覺無咁好味，都係用碟食最原汁原味。

終於感受到秋天有涼既感覺😳 呢間係紅磡既魚蛋檔我食左十幾年（應該有），幾乎每次經過都要買串食，有時餓既話就會叫$10蚊腸粉魚蛋（雖得三粒魚蛋，但都夠食既）要多麻醬，單食魚蛋就會加小小甜醬，好食好多。同埋佢既魚蛋係我中意食個種有d彈性個隻，如果你地經過一定要去試，好好味😍如果今日唔係有好多人排隊，我都會食腸粉😭 因爲腸粉雖然唔係新鮮手拉，勝在熱辣辣，調醬又調得好味。但凍凍地既天氣食番串辣辣地又熱既魚蛋，好幸福既感覺🤔好多人食林記一定會食燒賣，因為魚肉有胡椒粉味，有魚味，有咬口得黎唔似粉做。識食既，達達教你食兩溝，三粒燒賣三粒魚蛋，記住！燒賣要落咖哩汁，會好食啲！食過好食既，味再買囉，$8食到兩樣野，係抵食既！呢種味道既魚蛋，現在已經買少見少！出面無得食嫁啦😂💡現在的小店已經好多都因租貴，因物價貴而支持唔住。一間好食既小店，要靠大家既支持先可以繼續保留屬於大家的味道。請支持小店😉

本人係一個燒賣愛好者亦都係一個紅磡居民，所以林記對我黎講係非常重要既。林記既燒賣並唔係個d 1 pack pack買返黎個d燒賣，佢地d燒賣係自己整既，皮薄餡靚，唔會一"pak"粉。魚蛋都非常入味，所以可以成日見到林記大排長龍。

［多食也不壞肚皮］林記既三寶（$24），系小食之最，邊三寶？就系腸粉燒賣加辣辣魚蛋點尼個系不二之選，魚蛋汁加甜醬芝麻少醬油不過想食就要排隊，林記一般分二條，一條專賣燒賣隊，另一條系腸粉隊。想吃腸粉唔好排錯隊唔單止有懷舊之味，更有淡淡香港人情味，好吃

腸粉好滑好薄又層次分明,燒賣同一般平時食開吾同。形狀不一嘅自家製魚蓉燒賣吾會好似一般食到果D甘得粉味,而係魚味好濃好彈牙,見小買小嘅牛肉燒賣亦好彈牙,絕對值得一試。

以前在紅磡附近地區居住，搬家後就更加懷念紅磡的美食，而林記小食正正就是當中最為惦記的美食之一。閒日下午四時許，遠遠已經看到林記門前大排長龍，不過效率快其實並不用久等。售賣的食物不是甚麼鮑參翅肚，更不是甚麼珍饈百味，只不過是簡單平凡的魚蛋、燒賣、腸粉等，是甚麼原因令林記街知巷聞，是甚麼原因吸引客人一次又一次光顧？ 燒賣+魚蛋+腸粉+螺肉 ($31)這個組合是我每次到訪的必點之選，百吃不厭！腸粉共有四條，而燒賣和魚蛋則各有六粒。不過因為螺肉即點即煮的關係，店員著我先吃著「三寶」稍等，後期才加入螺肉。先在牛油紙上掃上一層油，然後再在腸粉上淋上份量慷慨的甜醬、麻醬、辣醬及芝麻，質感滑溜，絕無半點糊口，配上各種醬汁是簡單而出色的美味。魚蛋可以選擇辣與不辣，我挑選了店方招牌的蠔油咖哩味，彈牙入味。林記的燒賣據說能夠吃得出魚肉味道，因為魚肉的比例較高，但是其實與魚蛋、腸粉等小食的醬料放在一起，醬汁尤其是辣醬的味道已經有點遮蓋燒賣的味道，但是燒賣口感絕對煙韌，並非坊間一般麵粉燒賣所能媲美。而螺肉同樣可以選擇辣與不辣，下單後放到魚蛋鍋中共冶一爐，辣味即是魚蛋的蠔油咖哩味，十分爽口。林記的小食以平凡的美

有朋友住喺紅磡，同我講呢一間豬油渣燒賣係一定要食嘅，我最鍾意食小食，最鍾意掃街，梗係要試吓啦叫咗一串魚蛋，一串燒賣，魚蛋味道偏甜，個味有啲似傳統嘅蠔油咖哩魚蛋，但係口感就普通啦，不過好味嘅魚蛋多數都係靠汁黎調味，我覺得魚蛋必食。燒賣超好味，一邊有少少鹹香嘅豬油渣味道，味道一流最後我食完呢兩次都唔夠，食咗老闆娘推介嘅三寶，即係有腸粉燒賣魚蛋，夠大夠抵食，腸份都好滑，加埋芝麻同麻醬，好滿足呀。

經常揸車路經差館里，都見到人頭湧湧，今日收工有d肚餓，忍唔住真係要去試一試 。行到門口見到有五六個人在（堂食），就排隊購買，前邊學生哥買腸粉勁加辣汁，唔知咁樣食係咪好惹味？我都係穩穩陣陣點個腸粉（四條$9），加左豉油，甜醬，麻醬，芝麻，腸粉勁滑，醬汁混和得很好味，甜醬沒有偏咸感覺，一分鐘就ko成碟 ，見到其餘食品魚旦，魚肉燒賣都好似幾正 ；下次一定要試埋佢

搬到九龍城區後發覺呢區有太多隱世美食家維邨對面差館里上的林記小食值得推介他們只開星期一至六下午到夜晚10點(一般9點幾就收爐，會唔再蒸腸粉)不過作為性格小店，有時又捕捉唔到佢開放時間縱然你黎到佢有開，你都要同好多街坊一齊排隊通常排5-8個人左右啦係到食慣就知排到第4時好睇定要叫咩小店同一時間會做兩個order如果要食腸粉，就要行去腸粉果邊叫如果嗌魚蛋/燒賣/牛肉，就可以排到隊頭就叫如果係食其他野，例如魷魚/腐皮卷，就要叫完再企前啲等啲料熟(呀哥會提你要等)你可以揀係到食定拎走以前我都會即食(風味啲嘛)不過見到出入大廈啲人好似好介意又見大堂加左不准飲食咁嘅字眼所以宜家多數都係買走如果真係現食，食完可以將托底紙包住枝簽擲入小店嘅垃圾桶再將隻碟放返係枱就可以猴年起，每樣食物都加左一蚊價不過都仲係物有所值嘅以前三寶$21 宜家係$24三寶係魚蛋燒賣腸粉魚蛋可以揀辣定唔辣(可以要多汁)腸粉可以揀要唔要豉油、甜醬、辣醬、麻醬、芝麻雖然都唔係手打料不過個汁真係寶加上實在好多人幫襯啲魚蛋唔會煮到漲哂熱辣辣嘅料全都蒸煮得剛好仲有全店嘅老老嫩嫩好齊心，工序好有系統希望街坊繼續支持😊

行過、路過、吃點東西 魚蛋、燒賣、腸粉魚蛋、燒賣、腸粉全都撈在一碟, 芝麻醬、甜醬、辣醬、芥末, 芝麻 .... 什麼也溝在一起, 為本來已不健康且滿是味精的 魚蛋、燒賣、腸粉 更添色彩真正五味雜陳, 外表樣衰, 極不健康, 味道非常混亂, 但相當好吃 ~本篇完 ~

紅磡真係匿藏住好多平靚正嘅美食今次就專程黎到紅磡 順便食下林記一黎到嘅時候就已經見到一條人龍但老闆手腳都快 唔洗等好耐就已經排到不過老闆手腳再快 啲人龍都keep住唔斷應該真係好受附近街坊歡迎蠔油咖哩魚蛋 $6首先當然係要嗌最出名嘅咖哩魚蛋蠔油咖哩魚蛋真係好少地方可以食到架啦仲要6粒魚蛋只係賣6蚊?! 係香港地可以仲可以食到呢個價錢真係好感動魚蛋口感好實在 係個種啖啖肉 好實身嘅口感呢度嘅魚蛋真係帶有少少魚肉味 而且辣度只屬微辣 真係好值得一試同埋好值得番兜！燒賣 $7燒賣都比起出面市區嘅黎得大粒而且7蚊呢個價錢又真係無得輸點都要叫一串黎試下先得但呢度嘅燒賣味道方面就比較遜色魚肉味並唔係太出 口感方面都只屬一般腸粉四條 $8腸粉都算係中上嘅水準雖然無某啲好出名嘅小食店嘅腸粉黎得滑但已經比起好多市面上嘅好好多至少質地真係滑身 而且唔會鬆散除左真係去睇出曬名嘅小食店度食之外應該都真係好難週街搵得度

我最欣賞是腸粉，不是每個地方都能夠把腸粉做到皮薄滑溜，林記小食就做得到啦。好味！魚蛋聽說是非常有名的，品嚐過後我覺得好食，但味道沒有覺得太特別。下一次經過都會再食。

又黎拮幾串當 lunch！有無咁多 fans 呀？排晒長龍買腸粉囉。Lunch 巷仔油雞髀加兩串魚蛋一串水魷搞掂！叔叔阿姨服務超 nice，啲客煩到嘔又勁多要求，但都耐性地做好每一細節，讚！如果係我一定黑面著火，但面排隊既食客就慘啦，有排等！依家仲有 $6 蚊 6 粒魚蛋，勁抵食！仲要係高質蠔油辣魚蛋，物超所值，比得上油麻地通達魚蛋。招牌魚蛋夠香辣，辣中帶點溫柔甜味，彈牙有咬口，美味！今日辣魚蛋有點腥喎，從來未試過！味道保持色香味美，微辣中帶點蠔油甜香，肉質有彈性，滿意。水魷夠晒爽脆，但機乎無味喎，咖哩味浸入唔到魷魚之中呢。螺頭有別於其他小食店，脆卜卜架喎，食得過癮，推介。

lunch 拮幾粒魚蛋算喇，留肚今晚去半島酒店食好野 ﹗食過翻尋味，第二次幫襯。上次黎見到係兩個背心壯男看舖，今次係轉左公公婆婆喎。絕代雙驕，一個負責烇烚烚、一個負責腸粉，非常合拍。服務有善，不慌不忙、悠然自得招呼食客們，大家要耐心等多陣喇。望望啲美麗魚蛋先，聽得到佢地熱烈地呼喚我呀！睇落仲以為前面淺色魚蛋係唔辣，後面深色係勁辣魚蛋，點知剛剛倒轉。辣魚蛋兩串、一條腸、一串牛柏葉，lunch 咁就一餐！辣魚蛋辣味夠，感地結實又彈牙，而且辣中帶香甜，因為係蠔油味啦。咖哩味已完全攻佔整粒魚蛋，灌滿咖哩既圓碌碌魚蛋一咬爆汁，感覺超爽！牛柏葉雖然灼耐少少可以更入味，但變得唔夠爽脆，韌左少少喇。本來牛柏葉都好索汁架啦，伯伯怕唔夠熟？定係唔記得左呀？ 腸仔熱辣辣，juicy 多汁，唔係腍劈劈怪味腸，滿意好食！我自己就終意將腸仔烚到發賬，差不多爆最好味！湯汁已浸入腸仔之中，正！

食完八寶清湯腩個搵鬼笨淨牛腩，但都唔夠飽既，價錢貴而且份量少，點會夠我食呀！經常過過依間小食店都睡排晒長龍架喎，有咩咁巴閉呢？同街幾間小食店都拍烏蠅。走去八吓有咩好野食先﹗又係叫林記？到底係咪林仔既 franchise 特約經營黎架，咁多區都有既？我知大埔、西貢都有囉！首次幫襯唔知有咩食，眼見有魚蛋、燒賣、腸粉、牛柏葉、腸仔、螺肉、水魷、橙魷、等等。趕時間唔慢慢睇喇，是但 3 串魚蛋唔該。 蠔油咖哩辣魚蛋，原本我只係要 3 串架，哥哥話不如要夠齊頭廿蚊啦，無所謂。魚蛋口感結實有咬口，咖哩味夠晒香辣，辣汁濃郁，亦有點魚既味道，正噃 ﹗ 跟童年時魚蛋既色香味非常接近，繼油麻地通達後，依家只係我遇到既第二間，依家真係買少見少，大多數都係一般既咖哩魚蛋，腍劈劈既假魚蛋、爽到出奇既假魚蛋。仲有間較美味既咖哩魚蛋係尖沙咀寶勒巷，行過實忍唔住拮兩串。