林記小食

Open Now

Now Closed

點解我要食啲咁難食既早餐！仲要大汗疊細汗坐街邊食二手煙食沙塵，以為夠鐘開船急急求其食少少野。那來的智障人渣船河搞手，十點開船叫人家九點集合又唔出聲！我還以為九點開船！等到齊人成十點半先出發，依個搞手係朋友既朋友完全唔認識。我唔係遲到既人，離晒譜！食物質素比疫情前一落千丈，插水式下跌的地獄料理。腸仔⭐️怪味大咸滾水烚。辣魚蛋⭐️腍啤啤滿口麵粉，辣水味只留在表面。混醬腸粉⭐️⭐️平傭普通唔難食。滷水雞髀⭐️⭐️乾乾硬硬而不嫩滑，外濕內乾充漬普通豉油味，中咸無雞甜味，隱約的雪藏味，免強仲食得到。滷水雞中翼⭐️嬸嬸真的十分好客，無啦啦話送多隻雞翼我食，多謝多謝。立即成隻塞入嘴仔在舌頭上打滾，皮滑肉乾大中咸，硬著頭皮吞晒，不想浪費。豉油皇炒麵配沙嗲汁⭐️雖然看似濕腍散碎都照塞入口試試！大大咸的豉油味，甜甜的沙嗲汁有少少辣，吃不消掉去垃圾桶。

雖然西貢好多嘢食，但係林記好近巴士總站，空肚入去，一落車就衝過去食！腸粉好滑，醬汁好多！燒賣好煙韌，個汁都好好食呀！炒麵正常，唔會好淋！下次一定會試埋其他小食！

夜麻麻喺西貢搵宵夜食，同老闆娘吹水得知喱到開到凌晨2點！等我仲擔心夜左無野食！因為好少入西貢，記得十年前食過喱到既砵仔糕！係好好味！所以今次入黎，都一定要幫襯！事關喱到既砵仔糕係好夠熱，因為係長期放蒸爐，但又唔乾！加上佢係用傳統做法，用玻璃碗裝，並非岀面用膠盒裝住既現成貨！所以真係手工野！最重要係超平！10蚊有2大個呀！好可惜，我今次未影得切相就食左落肚，分享吾到俾大家！除左砵仔糕，今次仲試左佢既腸粉同其他串串！魷魚，生腸，牛柏葉，豬耳同1份腸粉，共$50！買滿40蚊就有個盒，吾洗加錢！老闆娘好好人，落重汁俾我地！食喱D串串！汁先係精華所在！食物都係配角😂喱到既汁吾會好油，稀傑程度岩岩好！實在和味！

自從認識了這間小店之後，每次來西貢都會來買燒賣。今次買了腸粉，由於是平日下午時間，店舖沒有其他食客，可以坐下來慢慢吃。腸粉都算滑，價錢亦合理，燒賣唔會只得麵粉味其實這間店賣的食物種類都算多，假日往往大排長龍，希望可以一路保持食物質素，價錢亦不要愈加愈貴

同朋友行行下，突然間好想食腸粉難得仲有位就買左坐低食佢腸粉係熱辣辣，幾滑幾好食，仲加左大量醬汁，好好味魚蛋就好普通，反而豬皮係比想像中好下次行完山餓每地，都會過黎食腸粉

好耐冇食腸粉！今日食咗少少嘢先入嚟西貢，所以就唔坐低食一碗粉咁樣啦平時都會買下嚟食嘅腸粉燒賣， 今日難得西貢冇咁多人有位坐低同媽咪一齊食腸粉最低消費$12.4條， $15就有五條如此類推！我哋呢度係四條嘅份量，再加一份六粒燒賣再加佢所謂嘅秘製醬汁！真係好正！但係，其實覺得佢啲秘製醬汁同平時嘅醬汁味道差不多，都係甜醬辣醬麻醬再加辣🌶️辣椒油醬但係阿媽覺得佢啲辣椒油麻麻哋，雖然有少少辣，但係一啲都唔香非常之普通當然唔算差，但係絕對唔係特別好佢仲有好多唔同嘅小食，喺旺角呢啲旅遊區唔算特別貴反而門面好多其他粉麵店都好似成$50口痕好好嘅選擇

腸粉 熱辣辣好正，襯 朝 早冇多人時買定去行山 時食一流。試過行完山返來五六點太多人冇位坐食吾到。醬汁調味岩岩好，麻醬系食過甘多腸粉最香，芝麻有炒過脆香，吾似出面食開軟林林。廿幾蚊大大盒好飽肚，平靚正之選。

知寫黎都冇用，都係要寫，總之好差。見呢度30個食評都冇，不過六，日分分鐘都幾廿人排住隊食，就知大家都唔太care佢啲嘢嘅味道。咁行完山，攰攰地，落車到總站，想即刻食啲又平又熱又類似comfort food嘅嘢，真係得佢一間。叫做食過3次，態度越黎越差，腸粉燒賣就越黎越糊，籤都唔俾支，燒賣已經唔知用咩漿，完全唔似有魚係裡面，不過又食到腥味。只能夠講，西貢有咩好食嘅燒賣腸粉大家分享下，呢間嘢真係堅冇下次。

係西貢由細食到大, 食物質素好, 服務態度都好好, 今日趕時間過黎食, 係第二度買左個包順便食埋, 有個姐姐態度勁差咁講”呢度唔食得其他野呀!” 咁重有一啖想快手食埋, 佢就勁大聲喝我”重係度食呀, 你唔係下!!!!”最後食完執返隻碟俾佢, 重一手搶左去再啤住人講真, 帶外來野食入黎係唔岩, 好聲好氣講句我都即刻收埋走人, 唔使態度咁差, 重要喝人, 絕對唔會再食!!

去開西貢玩水上活動,太早出發唔想食太飽,想搵小食黎醫下肚,都一定會食林記,滑嘟嘟嘅腸粉真心推介要食,加埋甜辣醬同芝麻粒,好味道!魚蛋同牛丸亦算大粒夠爽口彈牙,呢類街頭小食真係食極都唔會厭啊!

茶葉蛋上色不僅不均勻，而是幾近沒有上色，但卻十分入味，調味有層次，吃得出花椒、八角、桂皮等多種調味料的味道及香氣，並有茶葉味，比很多小店好。魚蛋不是咖喱魚蛋。醬汁調味好，不會過甜或過鹹。魚蛋不算非常彈牙，但並不是不彈牙。有濃烈的魚味，感覺真材實料，只是每粒的尺寸比較小。質素屬中上。「烚腸」（水煮雞肉腸）煮得剛剛好，軟淋易咬、微彈牙，沒有overcooked，比很多小店好。可樂不夠凍。上面有很多水，要抹過才能喝。

為食貓食過巷仔呢間小食店都好幾次雖然價錢唔係好平，但d野食都幾好食嘅👍🏾西貢無咩小食店，所以佢都算係一個唯一而又唔錯嘅選擇✅為食貓食過佢嘅燒賣、腸粉同炒麵，呢3樣野都幾好食😋燒賣嘅魚肉味好重，加埋佢個辣汁，真係好惹味。至於個腸粉雖然唔算太滑，但加埋d混醬都好好食不過，為食貓就有2次找少咗錢嘅不愉快經歷😒1次當佢唔小心，但第2次就係有心！第一次為食貓買咗幾樣小食，計計埋埋應該30幾蚊左右，唔問佢找錢，佢就當啱數😡為食貓同店員講唔啱數，店員就話幾蚊雞加多幾粒燒賣比我…..ok…..我接受，但佢咁樣講，係咪承認自己知道收多咗錢？！第二次為食貓去買炒麵，$11，我比$21（今次係另一個店員），其實20蚊紙同10蚊紙都有好大分別結果，佢無找錢比我我問佢先攞得返食物質素好又如何？做生意做到咁唔老實……呢間舖都應該做街坊生意為多，信譽咁差，為咗少少錢，可能會失去更多

Lam Kee absolutely makes one of the best fish siu mai in town!As one of the most beloved street food in Hong Kong, not so many food stalls still make their own because of the high cost and manpower needed. Lam Kee is one of the old shops that still wrap their own fish siu mai. Really appreciate it. And they're only charging $10 for 6 pieces! Chewy, well seasoned, super hot. Add as much chili sauce as you want.I've also tried their fish balls before, which were flavorful enough. Rice roll were si

😋 腸粉$11/4條好少食到腸粉係咁滑嘟嘟！ 每條腸粉好似自己滑入個口到，加埋啲醬料同芝麻粒夠惹味！😊 粉果$11/2個小妹中意食粉果個皮夠煙韌，呢款粉果都算煙韌，不過餡料少咁啲潮州風味，平時食開會有少少辣味，但係呢款得個甜味😕🙂 燒賣$10/6粒燒賣真心失望，之前食落係煙煙韌韌，今次完全痴埋哂，食落成舊粉咁🥲🥲 大家可以叫老闆比啲咖喱汁，辣辣地夠過癮Ps:小店係巷仔入面，座位吾多，衛生環境就吾算好啦，中意乾淨既建議外賣啦抵食程度：⭐️⭐️⭐️⭐️食物質素：⭐️⭐️⭐️員工態度：⭐️⭐️⭐️環境裝飾：⭐️⭐️衛生情況：⭐️⭐️食過返尋味：⭐️⭐️⭐️（滿分：⭐️⭐️⭐️⭐️⭐️）

夜麻麻嘅西貢好多舖頭都閂咗門，唯獨呢間舖開到比較晏，宵夜之選👍🏻食過一次就上癮😂👉🏻腸粉。魚蛋。雞翼。標準配搭😋再加牛丸 ⭐️⭐️⭐️一定要加秘製辣醬⭐️⭐️⭐️ ⭐️⭐️⭐️一定要加秘製辣醬⭐️⭐️⭐️ ⭐️⭐️⭐️一定要加秘製辣醬⭐️⭐️⭐️-混醬腸粉夠滑，唔會蒸過龍，啱啱好😋-魚蛋爽口彈牙👍🏻-滷水雞翼煮到好入味，一咬就骨肉分離👍🏻👍🏻-牛丸就係平時食到果啲，唔會太粉食到最後”飲”晒汁嘅腸粉不得了😋😋兩個人$40幾蚊宵夜啱啱好👍🏻滿足😙😙