Video
4-min walk from Exit A3, Wan Chai MTR Station
continue reading
Opening Hours
Today
10:30 - 19:30
Mon - Sun
10:30 - 19:30
Above information is for reference only. Please check details with the restaurant.
作為麻糬波波控，成日都會留意邊度有麻糬波波推出。小至街坊麵包舖，大至受歡迎排隊長龍店，都會去試。目標係搵到性價比高，有好食嘅麻糬波波。呢間梅窩麻糬王，成日見到有人介紹，初初以為要專登去到梅窩先有得買。但係原來佢哋港九新界都有好多唔同分店。今次咁啱路過，即刻買黎試試佢。麻糬波波有好多款式，全部都已經入晒袋包裝，單一口味賣緊$25-$35/ 六粒，混合味道價錢會貴少少。不過聽講佢特色味道係會有包裹內餡，唔同一般既麻糬波波，所以就揀左mix 既口味食完其實都有啲失望，麻糬個面比較硬，咬落去雖然有內餡，但係唔夠煙靭。由於鍾意食煙靭口感嘅我嚟講，真係有啲失色。就算焗熱咗都唔算煙韌。個人覺得抹茶紅豆味比較出色，食到紅豆粒。朱古力味較為鬆軟而肉鬆味就偏乾身。總括而言，性價比欠奉，試過一次就可以。追求煙靭口感嘅麻糬波波就未必會揀呢間。
continue reading
實在太過分，太心痛。明明第一次食嘅時候係幾咁好食，基本上每一日都會好想食多一次梅窩麻糬波波。今日喺灣仔呢間分店再食，老闆娘話係新鮮出爐，但係一拎上手係凍嘅，我就心知不妙。結果一食，簡直驚為天人，我完全唔係食緊一個麻糬波波，佢只係一個餅皮裏面有一舊圓轆轆嘅肉鬆。而且個肉鬆係完全唔黐實個麻糬，佢可以自由活動，好瀟灑。我真係好嬲，好嬲。希望灣仔分店唔好再侮辱梅窩麻糬波波呢個咁好食嘅品牌。另外就係服務態度，我買咗肉鬆口味唔夠10秒返轉頭，想問可唔可以轉做朱古力，佢話你離開咗就唔可以換㗎啦。我都明，但我其實真係行前咗兩步咋，會唔會太不近人情？
continue reading
見到有新口味吞拿魚粟米，所以一試本身以為$35蚊6粒但佢基本上pack好哂，未必有想要嘅口味所以我散嗌點知佢話多過三隻口味就要逐粒計最後$42蚊6粒一開始我無聽清楚如果有咁嘅安排可以貼張紙，白紙黑字寫返清楚咁客人揀選口味之前就會考慮埋呢個要求prepackaged流程上方便左一次過買同一隻口味嘅客人但多數啲人都係想試幾隻口味多過3隻口味就要逐粒計真係第一次見包身較硬冇其他舖頭麻糬嘅煙韌口感芝士較出色，抹茶紅豆多餡，其他一般但價錢尚算可以
continue reading
最近食咗一間超好味嘅麻糬波波，就係「梅窩麻糬王」，已經回購咗好多次!! 之前以為得梅窩先有，但原來係有幾間分店!!! 師傅每日都會即場製作唔同口味嘅麻糬波波， 每一粒都圓碌碌脹卜卜，外脆內軟，仲要煙煙靭靭😍私心最愛係爆餡紫菜肉鬆$35/6粒半融朱古力雙重芝士原味芝麻
continue reading
前日(30-9-2023 Sat)追月晏晝,同老公帶亞姨行完灣仔回程途中,記得灣仔嘅麻糬王就喺呢喥,於是走嚟買,亞姨話爸爸鍾意食,嗯,係,自從爸爸食過後,自己都係咁買嚟食.我哋嚟到睇,見到有抹茶紅豆,我就揀紫菜肉鬆同呢個,店員就買樣拎一包,我問可唔可以mix?佢拎起pack好咗嘅,講咗3個味道.我問唔可以自己揀mix嘅口味?佢答pack好晒.我又問,有冇一袋係有呢兩隻味?佢答冇.咁我哋就用$70.00要呢兩隻味啦,不過我記得5月喺筲箕灣買嘅時候,係一包兩隻味各三粒(食評係2023年6月1日刊登嘅呢篇:https://www.openrice.com/zh/hongkong/review/%E6%96%B0%E9%AE%AE%E7%86%B1%E8%BE%A3-e4841904),算啦.返到屋企食完晚飯同生果後,就食一個抹茶紅豆味,一食,抹茶味好甘,甘到我覺得唔好食,紅豆蓉正常嘅甜.睇返,原來我喺7月已經食過(食評係2023年7月26日刊登嘅呢篇: https://www.openrice.com/zh/hongkong/review/%E7%94%A9%E9%A4%A1-e4907486),嗰次唔覺得咁差呢.味道:2分翌日朝,我食一個紫菜肉鬆味嘅,鹹係意料中事,不過呢喥嘅餡都幾多.味道:3分抵食係2.5分
continue reading