榕樹棧

Open Now

Now Closed

入長洲食冰凍綠豆沙。價錢係$12。碗冰凍綠豆沙好冰凍。綠豆沙唔算好厚身。綠豆同埋水份比例剛剛好。個綠沙好甜。D綠豆屬上等食材。食落青新可口。地方清潔。有室內空調。

去長州睇飄色，睇左一部分已中途離場因為實在太熱又焗 根住去搵間有冷氣既地方坐睇食下野咁行左無耐見到呢間野，就入左去我妹同個朋友要左紫米露同西米露 ，因為我見唔係好抵食，所以無叫紫米露我試左啖都ok既，不過西米露就無試到。臨走果陣，我妹居然話肚痛~_~ 究竟係佢自己問題定點??

尋日入長洲玩，咁o岩平時食開o既天然甜品無開，就轉o左食呢間。我一心諗住食芒果涼粉，點知老闆娘話無；算啦，咁要芒果西米露啦，老闆娘話西米露得熱o既；極之無奈，點會連呢兩樣咁基本o既甜品都無o架？當我死死地氣再睇餐牌時，老闆娘又開口：「凍o既得返豆腐花，而且得最後一碗！」講完仲指指個雪櫃，果然，雪櫃入面除o左一碗豆腐花之外咩都無......無計啦！唯有叫個芒果豆腐花。o的豆腐花食落都o.k，有少少豆味，但係......o的芒果真係酸到爆囉！我已經比好多人食得酸o野，但都係接受唔到，酸到忍唔住縐哂眉！成世人都未食過咁酸o既芒果！雖然$11係幾平，但都唔係咁o既質素o卦？呢個價錢，長洲有好多舖頭好過佢！至於朋友叫o既木糠布甸，味道唔錯，但正如上篇食評所講，o的口感好怪。仲有個朱古力糯米糍，無咩餡不特止，口感又比較硬，奇華o個o的好過佢多多聲。$10三個，我同朋友一人一個，完全無意慾食埋淨低o個個，結果又浪費食物......不得不提o既係，由我同朋友坐低開始，老闆就無停過咁洗o野抹o野，仲要好似有心趕客咁，整到o的o野勁嘈。結果我o地頂唔順o的噪音，唯有快o的食完走人......下次點都唔會再

因 為 住 東 灣 個 邊 ， 而 且 岩 岩 退 左 房 ， 又 唔 知 食 乜 好 ， 就 去 左 最 近 既 榕 樹 棧 食 lunch ， 我 同 男 友 都 好 肚 餓 ， 所 以 特 登 叫 左 飯 黎 食 。 我 叫 左 一 個 什 錦 飯 ， 可 以 揀 三 樣 餸 ， 好 似 幾 抵 食 咁 ， 25$ 包 埋 野 飲 ， 揀 左 吞 拿 魚 沙 律 ， 鰻 魚 同 玉 子 ， 本 身 諗 住 有 大 大 碗 飯 可 以 食 黎 飽 餓 ， 點 知 一 黎 到 ， 碗 飯 真 細 ， 如 果 男 仔 食 既 話 ， 我 諗 一 定 兩 三 啖 就 食 得 曬 。 賣 相 核 突 ， 又 唔 飽 肚 ， 突 然 好 掛 住 屋 企 附 近 既 大 排 檔 ， 呢 個 價 食 咁 既 野 真 係 好 唔 抵 囉 ！ 而 男 友 就 嗌 左 個 吉 列 豬 扒 飯 ， 呢 個 係 就 係 即 叫 即 整 ， 但 等 左 廿 分 鐘 都 有 ， 黎 到 我 碗 飯 已 經 食 得 七 七 八 八 。因 為 唔 飽 肚 ， 仲 叫 左 個 木 糠 布 甸 同 手 卷 。 男 友

又係長洲....依間店...毫不起眼...但係..佢既奶皇糯米糍實在令我...驚為天人!!!!!!!!!本來我地唔知佢好唔好食的...我眼到佢放係門口擺賣...望一望佢既糯米糍, 好平呀..好似係...10蚊6粒...我睇多幾眼, 望到佢個奶皇糯米糍個皮超薄, 因為我睇到...佢個餡..黃黃地色... 就咁樣...我買0左一粒奶皇, 一粒花生...我食奶皇, 當然係一如所料, 超薄皮!!!!!!! 個奶皇超香!! 好正呀................佢個皮薄到..好似你大力d夾佢, 佢都會穿咁呀....至於友人食的花生糯米糍, 佢話好普通wor....唔理佢啦..我一口氣買0左..好似8粒奶皇糯米糍番屋企俾屋企人食..佢地都一致咁話好`好好食呀.....

我去過長洲兩次，兩次都黎呢度食lunch．．．我貪尼度食野夠平，又幾好食！姚過好多野，串燒、雞脾、啫喱、、、(唔記得lu)..如果想食得平既朋友都可以試一試...不過就唔係話尼度既野食好突出@@ps...鋪頭出面有棵大榕樹，幾爽架，哈

成日都落住雨, 實在係冇乜MOOD, 都係因為就腳所以都有去呢間, 麻麻地, 壽司我冇興趣試, 甜品亦好一般, 至慘就係買了支變味豆漿, 下次真係唔好懶, 要行遠D, 不過都唔知幾時有下次

在這四天o既長洲之旅中,足足來了這裡三次。原因不是因為不是這裡特別好食,只是因為這裡近我們下榻的地方。在這裡叫了煎腸粉,玉子手卷, 鹵水雞亦, 木糠布丁。木糠布丁:雖然我不太喜歡食甜食,但也覺得不錯。煎腸粉:即叫即煎,香脆好味, 加上甜醬、花生醬, 不俗!鹵水雞亦: 煮得很入味, 但肉質已變得很"梅"。玉子手卷: 無什麼特別, 一般la

所有野食都平,有壽司、手卷、日式飯、拉麵、小食同甜品。雖然每種類唔多選擇。我去果陣食左碗刺身飯同豉油雞脾,雞脾好細隻,以價錢黎講可以接受既! 刺身飯我要左三文魚,共金魷魚同螺肉, 都幾OK! d飯堆得整齊d會更好睇! 下次會去試埋d甜品

有壽司,甜品,我地一行五人選擇壽司,有三文魚, 北寄貝, 蟹子, 八爪魚, 螺肉, 海蜇, 中華沙律, 好多款式, 唔花巧,樣樣都超水準, 好好味,價錢亦相當平,香港一定搵唔到!

有壽司,甜品,我地一行五人選擇甜品,芒果布甸,豆腐花,木糠布甸,芝麻糊,芒果奶皇糯米糍,砵仔糕,茶果,唔花巧,樣樣都好好味,價錢相當平,香港一定搵唔到!

呢間鋪頭有日本野食,又有甜品糕點食,果日點左腸粉、餃子、蟹子、木糠布甸、雲石芝士杯......工場交貨果d唔多講,講下果2款甜品.....木糠布甸：我之前未食過,唔知佢正唔正宗,我淨係知好似食緊忌廉....好"漏".....雲石芝士杯：呢樣反而唔"漏",仲覺得唔係幾夠芝士味.....雲石面做得好求其......