榮園麵家 (Closed)

同媽媽行旺角，行過榮園媽媽話呢間佢細細個就開始食，想懷念下好少見咁樣擺辣椒油最特別係呢枝荔枝醋👍🏻呢隻醋真係同紅醋有分別一碗既份量還可以啦，相信女士就可以食飽男士就未必可以食飽魚片正D，好彈牙，仲好大舊添相反魚蛋就冇乜口感，仲有骨刺好地地一碗清湯俾我加左四分一支醋變成咁😂😂但我一定要咁食魚蛋麵先過癮食完之後，媽媽慨嘆老店都有退步的一天

講到旺角的魚蛋粉，榮園麵家相信不少人都吃過。皆因一開始這間魚蛋粉都很便宜由十年前的十幾元，吃到現在三十元，叫做正常價錢。雖然魚蛋依然彈牙，不過味道好像沒有以前這麼香口。至於粉面，我們都加了腩汗，會比較入味。魚片米魚片依然夠香滑，這個味道跟以前一樣。米粉也不是粗糙質素的，可以一試。魚蛋河魚蛋河會有四粒魚蛋和兩片魚片，可以一次試兩款 魚蛋雖則爽口彈牙，不過味道的不夠，好淡。印象中幾年前吃的更好味。至於河粉是幼滑那種，不錯吃！不過加了腩汁，還不算很入味道。至於牛腩，以前也吃過，肉質腍腍的不會太硬！也很香牛肉味。不錯啊！因為太久沒來吃，加上這裡上菜速度很快所以來回味一下。雖然有點可惜，比較懷念以前的味道，不過要吃不貴又快的粉面，這裡是不錯的選擇。

5個人叫5碗 可以冇碗啱！？咁我哋重申再講多一次 居然俾個大陸女人好話我哋咁大声喎 !?!?!?我話已經有兩位女侍應mark低咗 上枱冇碗啱先重申清晰一次 正常order咗又重覆咗十幾次喇!(個心諗佢哋有好多款式咩？) 講真 千萬唔好入舗食 新舖就係舊檔斜对面運動舖隔離 永遠唔會再去

呢間巷仔麵真係由細食到大, 前排佢裝修, 我幾驚佢係結業呀, 好彩佢而家又開番鋪. 其實呢間鋪, 就好似日本人食拉麵咁, 食完個麵, 飲埋個湯, 好快咁就埋單走人. 其實佢每樣野都係值得推介, 如牛丸, 牛腩, 魚蛋. 我最鐘意佢既米粉, 叫埋碟菜一齊食, 真係好好味, 簡簡單單又一餐. 如果你叫魚蛋粉, 亦都可以叫佢地加腩汁, 咁都會好味加分既. 再想講既係, 佢既秘製辣油仲係頂級辣, 我見過有位大媽唔知, 係咁落, 可能佢本身都好食得辣, 結果佢一啖食落去, 叫左出聲...... 最後佢都頂硬上咁食晒, 當然佢食到面紅耳熱啦. 所以如果大家第一次黎, 又鍾意食辣既時候, 就好似煮送咁, 少少咁加上去試下先喇

今日下午我們去咗旺角奶路臣街嘅「榮園麵家」食下午茶！我們叫咗雲吞麵、魚蛋粗麵同墨魚丸牛丸米粉！雲吞麵嘅雲吞皮都幾薄身，但餡料就豬肉多過蝦肉，而且肉質相當粗「嚡」！魚蛋粗麵嘅魚片同魚蛋係極之腍身，一啲都唔爽口彈牙，肉質亦都唔新鮮，食落有啲霉嘅感覺！墨魚丸牛丸米粉嘅墨魚丸又係極之腍身，食落嘅感覺好似「空心」咁，一啲都唔爽滑彈牙，牛丸都幾爽口彈牙，但味道就比較「騷」！幼麵同粗麵嘅麵質都係非常腍身，完全唔爽韌彈牙！

很多時去到旺角我都會去這裡食一碗魚蛋河加色（腩汁）🍡🍜，魚蛋都幾彈牙，而且很有魚味🐟河粉口感種類有很多，我就是喜歡這裡滑而不油的感覺，順帶一提就係佢啲辣椒油香辣兼備👍

旺角無時無刻人流都這樣地多.....趕時間關係，與友人在巷仔的榮園麵店食晚餐！選擇不多，只有丸、牛腩、雲吞、魚蛋，不過偶爾食一食，都會感覺到箇中的美味！雲吞牛腩河 - 河粉很滑身，索了濃郁的腩汁食份外惹味～牛腩雖不算太稔身，但食落質感不嚡。雲吞漲卜卜，皮薄之外蝦亦爽口！PS:效率十分快，落單後兩分鐘內便送上粉麵！

平時路過都有留意到這老店，今晚一個人，決定來一碗做晚餐。第一次來，收銀叔叔見我一舊雲似的，大大聲叫我坐下來再想。看見有五碗麵的相貼了出來，還寫上一至五號，想太多的我在想會不會是最受歡迎的排名，哈哈。就點了一號魚旦試試，配了米粉。魚旦和魚片份量夠多。魚旦彈牙，算有魚味。加上辣椒醬和醋，簡簡單單又一餐。

係旺角明明好多野食，但好多時候揀黎揀去都揀唔到最想食，選擇多有時都係個煩惱黎，與其左揀右揀，今次就揀返最簡單既街邊美食，魚！旦！粉！榮園既魚旦粉一向有保證，客流量係任何時候都多，能夠係旺區咁貴租依然屹立不倒係有原因既今次都係叫個人最愛既魚旦粉，$30碗（$33雙併／大碗）,見到成碗面都係魚旦，未食都已經feel到今餐會好滿足啦哈哈一咬，彈彈彈！一如以往魚旦非常彈牙爽口，食魚旦有人中意實淨既口感，感覺好似真材實料啲，我個人反而最中意爽口既魚旦，食落超過癮，但爽口唔代表唔真材實料喎！食完粒魚旦魚味依然係口中，魚片同樣爽脆高質，份量多同樣係賣點之一，咁多粒唔洗慳住慳住食嘛哈哈平時出去食可能得4粒，食完真係好似無食咁架！黑洞表示滿意友人叫左牛腩河，同樣價錢，但牛腩比既量唔比魚旦少架！炆得淋身，但朋友略嫌牛腩太多瘦唔夠肥，各花入各眼啦！健康啲囉咪！河粉幼滑份量多，但食哂成碗都唔見朋友覺得好漏喎加$15有碟菜，菜就無咩特別，唔太爽脆既生菜但都清清淡淡咁叫下都無妨既

經過旺角，四周圍咁多嘢食，突然有點肚餓，不知不覺行左入榮園叫左個牛筋河，多腩汁 牛筋又腍又入曬味，湯係加左牛腩汁，特別香濃的牛腩味，入曬d牛筋同河粉入面，連湯都成碗飲埋。河粉又幼又薄，食落份外滑溜，滾得少少腍，配合腩汁，正到暈。牛筋亦炆得好腍，膠質仍然保留住，好嫩滑

哩度食物選擇選少，只有牛腩，雲吞，魚蛋同牛丸；當日油菜都只有生菜魚蛋米：試一啖湯底，只有好微大地魚味，可以話淡而無味；魚蛋冇彈性，粉粉哋，冇乜魚味就預咗牛腩雲吞河：加咗腩汁又如何？都係淡而無味, 唔覺有腩汁味；牛腩有舊好瘦嘅位置，好鞋好韌；雲吞算正常，較傳統猪肉比例較蝦多無防，但有啲鞋口相信係位置人流較多，如果以為要排隊先有得食就係好嘢，哩個理論哩間用唔著

已經有一段日子沒出旺角，但反正要買過兩天的戲票，因利乘便吃碗粉。麵家開設在後巷，衛生環境當然一般，但是工作效率一流，基本上由落單到有得食，前後不到兩分鐘。魚蛋雲吞河今次依然有加色，牛腩汁可以令整碗麵活化了，變得更可口，魚蛋彈牙而有魚味，多年來保持水準，而雲吞是金魚尾，論質蜈及不上劉森記等老店，但已經比起不少濫竽充數的粉麵店認真，包得紮實，而豬肉的比例恰到好處，而辣椒油夠香，不妨落少少，味道更香，絕對值得一試。

近年想找好一點的魚蛋粉麵店真的是賣少見少，仍記得香港仔的山窿魚蛋，最後的幾天是何等風光。榮園位處旺角近銀行中心附近的一條橫巷，客人來自不同地方，既有本地人，又有內地遊客，當然外地遊客亦會經常見到，而且有部份人懂得使用筷子。店內食物種類不多，個人偏好魚蛋及雲吞，再配上河粉底另外叮囑加牛腩汁。由落單到碗麵放在眼前，不到兩分鐘，速度快得驚人。魚蛋鬆軟而有彈性，魚味濃郁，而雲吞是一口一件，用上金魚尾的包法，相當對辦，河粉加入了牛腩汁非常惹味，落兩滴辣椒油更開胃，除了座位較逼之外，整體而言令人滿意。

I always wanted to try this noodles shop because I always see lots of people queuing up. So I finally line up today. It took me around 15 minutes to get a seat. I ordered beef brisket and won ton with rice noodles. The sauce of the beef brisket was just amazing! It was so yummy. The beef brisket was very soft and tasty. Each of the won ton had a prawn inside and the rice noodles were very smooth.My friend ordered a beef and fish balls noodles. The beef and fish balls were so yummy. They were ver

很久沒去榮園了。今天因事要到朋友的店舖，途經旺角，吃了個QUICK LUNCH。之前的摺檯換成了訂製的仿麻石桌，價錢加了少許，但依舊感覺很擠迫，依舊撈麵沒有雙拚，依舊見到一群粗線條，但很有默契的店員。許多人認為這班阿叔沒有禮貌粗聲粗氣，但真的，他們沒有惡意，而我去了那麼多年，從沒受過不禮貌對待。本來叫個雲吞魚片湯粗麵，但叔叔送來了牛腩魚片粗......無所謂吧。麵身尚算彈牙不會過腍，牛腩炆得軟糯入味，魚片則一般，腩汁惹味。三十元左右的價錢，算是如此了。有機會，還是會再來的。