榮發風味美食餐廳

Open Now

Now Closed

隱世屋村下午茶平時經過呢度成日見到呢間茶餐廳外成日排滿人 除咗附近街坊幫襯之外絕秀茂坪或者喺聯合醫院工作嘅人都會過嚟食所以成日都人頭湧湧 之前我聽問佢份量大碟種類多每日嘅午餐會轉款又比較多咁今日呢我哋就有時間去試下個下午茶喇下午茶呢佢平日同埋假日係唔同嘅收費嘅同埋有唔同嘅款式 咁我哋就試咗呢個最肥仔嘅款式有西多吉列豬扒薯條 吉列豬扒個size大到好似我塊面咁大 全部都係即叫即炸 最為人驚艷嘅就係杯飲品 我哋又試咗杯正常同杯特大 杯特大嘅紅豆冰就好似有幾倍熱阿華田嘅size 咁大杯都只係加五蚊 淨係食完個下午茶都未飲嘢其實都已經飽飽地飲埋就飽到爆炸 兩份下午茶都係大概100蚊落樓呢個 性價比極高

【茶餐廳出雞煲！不錯喔】 看見poster宣傳，特意去試！心想茶餐廳的雞煲應該大致像啫啫雞煲？不過就算像啫啫雞煲，也想吃了，配白飯一流。好像不是天天有，要打去餐廳問問看喔。製作需時，熱上，未到已香氣撲鼻，小辣，剛好。配料超多，芫荽、洋蔥等，很惹味，而雞的數量也不少！雞不算太嫩，但是雞皮很煙韌，不錯，味道不錯，也不像啫啫雞煲！另外叫了一杯🍹大菊花蜜糖茶，太甜，不過侍應很好，送來水幾杯，可自己斟酌加，越飲越好飲，解渴一流！ 榮發風味美食餐廳 (觀塘)觀塘秀茂坪曉光街21號曉麗苑商場205號舖

👨🏻‍🍳榮發風味美食餐廳 (觀塘)📍觀塘秀茂坪曉光街21號曉麗苑商場205號舖 「惹味茶餐廳炸雞髀🤤」 超有雞味！！🥹皮、肉都好夠味，炸粉吾多🤤保持原有個層雞皮，但系咬落好脆口😝勁juicy!!間吾中就過去食個炸脾下午茶，配個特大紅豆冰😝可以揀1-2樣小食，有西多士、薯條、沙律、薯餅🤤$35-45下午茶好肥😝😝 不過紅豆冰偏甜，我都系少飲為妙🙈美味雞髀扒大塊D，配有醬汁，但系無炸脾咁有雞味🙈🤣其他都系茶餐廳風味，正常發揮，主推炸脾😝😋 #觀塘茶餐廳 #榮發風味美食餐廳

好耐冇食過咁有水準嘅鑊氣小炒，以前細個同屋企人去食大排檔嘅回憶即刻返晒嚟！呢度啲小菜好夠鑊氣，食物一上枱果陣香味已經令大家急不及待起筷。呢度啲煎炸嘢鬆化得嚟又一啲都唔油膩，我哋食完碟椒鹽白飯魚，都忍唔住要叫多碟椒鹽鮮魷。海鮮嘅火候都啱啱好，不過想食海鮮的話，記要預早同餐廳講，等佢哋預備食材。另外一提，就係呢度嘅乾炒牛河非常有水準，一定要試雖然係茶餐廳，但堂食嘅位置都好闊落，除咗靠牆嘅卡位，中間仲有幾張大枱，一大班人柴娃娃去食飯都唔會話好迫。

依家好多茶餐廳又貴啲嘢又唔好食，但係呢間嘢我真係要表揚下佢，平民價錢，款式多，而且高水準。今日同同事嚟，order左星洲炒米，佢嘅星洲炒米係我嘅第一推介，好少有茶餐廳整得好食過佢。佢係用銀絲米粉炒嘅，夠鑊氣，唔油膩，啲米粉唔會黐埋一株株，又上色又濃味，料又多，堅係好食嘅，而且每次都保持到一定水準，所以好多時候我哋黎榮發都會嗌星米。另外上次嗌左個瑤柱蛋白炒飯，出奇地好食，賣相同味道同酒樓有得揮，可惜唔記得影相。中午食人均五十幾蚊，抵到爛啦⋯

咖喱雞扒·司華力腸·蔥花蛋飯🫳雞扒脆🫳咖喱汁唔係辣嗰隻，但係舊野味🫳司華力腸係切開半邊🫳蔥花蛋搞笑地被埋喺雞扒下面整體來講 可以乾炒斑腩河粉🫳平時食開粟米班腩係淋既，炒河係脆既 搞笑🫳喺呢度炒嘢係好食啲，所以河粉都夠鑊氣

週末中午：👍🏻粟米班腩飯粟米汁唔會太杰身，斑腩好脆炸皮較薄👍🏻下午茶 炸脾沙律加半份西多炸雞髀唔算好大隻，但算新鮮炸西多正，但中間冇花生醬既沙律一般，紅蘿蔔青瓜菠蘿下午茶可以加大紅豆冰♥️♥️超大杯兩人飲都冇問題

週末午餐常餐偏貴沙嗲牛肉要額外加錢，另加一個餸再加錢要奶油豬沙嗲牛味，唔夠勁公仔麵，唔算粗糙奶油豬，夠脆，奶油夠平均奶茶中上，唔算好甜，可以encore炒野偏好食

尋晚除夕去左朋友屋企玩遊戲同countdown。 通宵過後😴，我地晏就黎左曉麗苑依間街坊茶記醫肚仔。依間茶記無論咩時間都好多人棒場，今日都唔例外，要等位呢。 早、午、下午茶及晚餐都多選擇。 我點左份香茅豬扒配通粉。豬扒即叫即炸，金黃香口，大大塊！肉質都算鬆化； 還有火腿奄列煎蛋！ 大大份好抵食！有紋通粉最岩我口味；仲有半塊厚切烘底牛油多士！ 好飽足😋 配埋最愛既熱朱古力！ $38 抵食又好味，令人滿足既好開始。

今日同女朋友去咗呢間嘢，想叫個下午茶香茅豬扒蛋飯。因為之前叫過一次呢碟飯，但隻蛋好生，而我好怕食生蛋，所以就請樓面幫我寫熟蛋，點知個樓面好串咁話，我哋整成點就點，冇得要求！我聽完真係呆咗，第一次聽到咁嘅嘢，咁請問係咪你整完畀隻生雞蛋我，我都要食？只係反一反隻蛋係咪好過份嘅要求呢？呢間嘢以前喺秀茂坪商場開鋪時連二十蚊都肯送外賣，到而家連好普通嘅要求都唔肯幫客人，正式發財不立品！咁嘅餐廳你食埋我嗰份，永久blacklist！

因呢度啲食物咸味比較重,所以好耐都冇嚟,今朝呀妹話好想去食豬扒沙津,所以同阿媽一行三人嚟呢到食早餐。阿媽同阿妹,叫咗個豬扒,蛋,火腿,沙津+蒜蓉多士,細妹話個豬扒,沙律好味,多士熱,但比較燶。而我個自制回鍋肉米粉,只有兩片肉片加幾片荀,個湯就咸到一個點,我諗又要過一排,唔再記得個味先會再嚟

觀塘 呢個屋苑嘅商場其實好細，除左3間粉麵小食外，仲有兩間茶餐廳，榮發係其中一間，地方算幾大，除左兩邊卡座外，中間亦有幾張大圓枱，逢星期六、日 假期都有好多一家大細幫襯晚飯，等位亦是常識吧！呢度晚飯小菜種類選擇多，冬天更有打邊爐，可惜本人覺得水準唔多穩定，試過兩次d餸就鬼咁咸，所以晚市都好小再幫襯😝今日貪佢就腳，食完出門口就有小巴落觀塘，就入去叫左份歐陸早晨全餐🤣豬扒醃得幾好味嘅，煎得都幾香口，又易咬開，冇嘜雪味，可惜個汁杰撻撻咁😖隻煎蛋應該預先煎定，凍嘅，死實實咁😤好彩d沙律🥗就正常d，仲有塊多士雖然燶左小小，但係就好鬆脆嘅。總括黎講，屋村歐陸早餐連杯凍飲三十幾蚊算收貨啦🤣

呢間係我平時放lunch會食既有時會落漏單落錯單 聽錯野咁不過人之常情蒸飯會耐少少味道唔係好出色 平時常餐都麻麻好食 唔夠獲氣女仔黎講 飯量太多 叫少飯都比好多飯我太唔惜食了重慶香辣薑絲雞 好食豆腐火腩飯普通 個汁就如生粉汁咁冇咩特別 feel到好求奇整咁

一支公最鍾意去茶記！ 星期六冇約會，珍貴既 me time , 做下自已想做既野都幾爽。 去茶記歎過快靚正既lunch. 點左香茅豬扒拼火腿奄列配通粉，仲送上厚多士同飲品，三十幾蚊街坊價都真心抵架。 仲要份量唔少！ 睇下塊豬扒幾咁大塊！ 成隻手掌咁，炸到金黃色，但d肉一d 都唔「un 」， 仲有淡淡既香茅味，都幾惹味！ 火腿蛋奄列大大塊，火腿又足料，個蛋又炒得夠滑！ 👍🏻通粉係用有紋那款，口感更好配埋烘過既牛油多士，夠哂飽肚😬

作為街坊既我，平時局住都不時要幫襯。但係都唔好咁離譜啊！價錢年年加，但係份量就比起以前少咗1/3。啲肉 la 到都分唔出係咩野肉。啲汁雖然個名唔同，但係啲味竟然可以一樣。矇住對眼食，你係唔會知自己食緊咩嘢嫁！啲野又成日洗唔乾淨，杯碟啲油多到可以攞嚟炒菜，杯熱檸水次次面頭都有層油嫁喎！街坊茶記都預係街坊式服務，但係都唔使越來越差嫁。啲阿叔阿姐例牌全日粗聲粗氣，黑口黑面。落單又成日落錯/漏落/上錯野，真係食到一肚火。唔係街坊野會有人情味啲既咩？！所以有時候寧願行遠啲，去寶達食，起碼有餐正常飯食下。