Video
6-min walk from Exit B, Causeway Bay MTR Station
continue reading
Telephone
25743870
Opening Hours
Today
06:00 - 02:00
Mon - Sun
06:00 - 02:00
Above information is for reference only. Please check details with the restaurant.
星期五晚上6點2嚟到，當時已經好多食客，成個場已經半滿。到7點尾，我地食完離場果陣全滿之餘，仲有人等位😯完全FEEL唔到所謂香港餐飲業有危機呢件事。睇左好多食評，絕大部分人都一定會點兩樣野，分別係XO腰果蝦乾銀魚同埋椒鹽鮮魷，聽聞有時鮮魷仲會賣哂，而改為魷魚鬚添，所以想食嘅話，真係要趁早!! 😏其次比較多人推介嘅係豉油皇炒麵、炸蠔餅、鎮江豬仔骨，由於實在太多野想食，加上價錢十分相宜，所以兩個人叫左四樣野，最後食唔哂，要打包😆XO腰果蝦乾銀魚$118雖然佢個樣同配料都似小炒王，但大家小心唔好叫錯🤓。 個人覺得呢個小菜無小炒王咁鹹；XO味唔濃；炸到脆卜卜嘅銀魚幾大條；另外仲有蝦乾、腰果。唯一缺點係韭菜花切得太短，有D難夾。椒鹽鮮魷$118呢個小菜上枱果陣真係好香魷味，食落亦不負所望，鮮魷雖然唔厚肉，但真係好魷香!! 😋炸粉唔厚，食落油膩感唔重；略嫌鹹左少少。咕嚕肉$78呢個小菜熱到辣口😳個汁偏酸，份量幾多，而且食落唔會成舊炸粉，依然食到大大粒肉。豉油皇炒麵$58呢個略為遜色左少少🙉，無乜鑊氣，但勝在大大份，最後食唔哂果個就係佢。四款食物另加一罐可樂，合共$382。嚟呢度食野一定要有心理準備，街市熟食中心環境嘈吵、地板少少跣，但夠光猛、乾淨程度算唔錯、冷氣都夠涼(當然坐近出入口就未必夠涼)，喺港島食到呢個價位嘅小菜，相當經濟👍。
continue reading
尋晚喺灣仔搵宵夜食，就黎左鵝頸橋街市上面大排檔，先叫啲野食送下酒😅😅沙薑雞腳，沙薑味夠，雞腳夠淋👍🏽椒鹽九肚魚，椒鹽鮮魷，下酒一流👍🏽👍🏽👍🏽仲有炸大腸，夠脆夠香😋😋星洲炒米都好食，夠晒鑊氣，仲有個好惹味既，XO腰果蝦乾魚仔，入面有啲蝦乾、魚仔乾，好香口，好好味，不過可能太夜先黎到，有幾樣想食既餸都沒有了🤦🏽♂️🤦🏽♂️唯有下次早啲黎再食過，飲左好多枝啤酒，飲飽食醉，回家好好訓😂😂
continue reading
一行5人行完山去到銅鑼灣上去熟食市場搵飯食，7點上嚟已經坐滿場，好彩等咗一陣就有位，呢到勝在有冷氣，鑊氣夠，價錢合理，分量都正常，係地方坐得迫d, 同環境比較嘈吵同貼地d😅 今晚叫嘅每樣餸都覺得好食👍叫埋啤酒汽水都係$800太抵食啦😍蠔餅$78蠔仔大粒唔腥👍 炸得好鬆脆入口好輕身😋鎮江豬仔骨$88先炸香口，再沾上香濃帶酸酸地的鎮江汁，十分香口惹味👍XO 腰果蝦乾銀魚 $118銀魚仔腰果炸得超脆香口，整碟菜炒得夠鑊氣又唔覺太油膩😋 少辣不咸味道惹味👍咕嚕肉 $78食到大大粒肉，炸粉好少脆口，唔會成舊炸粉包住食粒粉咁，個汁酸酸甜甜好開胃😋椒鹽鮮魷 $118炸粉好薄好脆，魷魚肉厚但不韌👍豉油皇炒麵 $58見好多枱都有叫呢款，碟碟出品都好大碟🤩 就叫一碟試下，又真係炒得入味得嚟好乾身，食落一d都唔會覺得油膩😋椒絲腐乳通菜 $58菜炒得夠惹味，食落有d辣。 呢到可以成為我地日後港島區行山後嘅飯堂😝
continue reading
間餐廳久負盛名，終於搵到機會過來一試究竟。嗌嘅都系正路野，小炒皇、椒鹽鮮魷之類，餸啤酒一流。小菜味道方面，鍋氣十足，新鮮熱辣，但以笠個價錢同份量來講，性價比略顯不足。環境方面，可能系晚市，人頭湧湧，非常吵雜，雖然預左大排檔系差不多情況，但喧囂聲之大都超過預期，最好食完即閃。總而言之，路過可以一試，但無需專門過來。
continue reading
鵝頸橋街市日頭係由咖哩羊腩飯，燒鴨，魚餅同埋牛雜各領風騷。而晚間搖身一變，全層都變成榮記嘅天下~嚟到必點 XO 腰果蝦乾銀魚！表面上好似小炒王，但佢嘅蝦乾鮮味唔太乾，銀魚夠脆身，好食！（呢個係貴過小炒王20蚊㗎~）椒鹽鮮魷 經典大排檔小菜，脆口又鹹香用嚟送酒一流薑葱生蠔煲 份量足大大隻，夠惹味又有鑊氣，啲生蠔仲係脹卜卜肥肥的~ 😍呢度竟然有少見嘅砵仔焗魚腸！蒸起熱辣辣加少少胡椒粉一齊食，令我完全改觀冇晒以前嗰種腥味壞印象，外脆內嫩又帶點魚肝嘅鮮香，不錯！椒絲腐乳通菜牛肉 好 raw，個人覺得啲菜就老咗少少豆腐x魚湯 - 無乜味，飲了個寂寞價錢實惠，開到兩點，宵夜好去處（悄悄話：有冷氣~）
continue reading