榮記(東成)飯店

Open Now

Now Closed

去親鵝頸食大排檔都一定食榮記因為試過咁多間之後發覺近電梯個d係比較好食愈係埋邊一二角個d愈唔得八點幾九點6個人上左去人唔係太多~唔駛等位坐底就即刻叫例牌既芝士焗鮮尤脆卜卜既尤魚沾住d芝士咬落佢口感正就不在話下舖底既粉絲又係一大堆芝士痴住一上檯就要同d fd爭魚香茄子煲上檯個時勁香我以為d肉係用豬肉原來係咸魚!!!!唔怪得咁香啦炒蜆亦炒得好入味不過次次都一半開口一半唔開唔開口個d怕唔熟冇食道好似好哂咁其次既炒通菜同椒鹽扒都合格啦冇咩咁特別6個人食到飽哂都係二百幾蚊一個人四十幾真係好抵冇咩錢又想一班朋友出黎食飯呢道岩哂啦

是日晚餐, order 如下:椒鹽豆腐 - 不過不失, 椒鹽味未算太勁, 所以唔係太鹹, 專登叫來送酒 gei 話可以鹹多少少添.水檸蒸烏頭魚 - 好味 gei 蒸魚. 烏頭雖然肉質較實, 但蒸得岩岩好, 冇過火, 所以入口唔鞋! 個人好喜歡用檸來蒸, 好過豆豉. 條魚俾我地食到光脫脫!薑蔥爆子雞 - 好香好惹味! 又係送啤酒一流! 食完個口好大味! 太多薑太少雞.overall,食物好味, 符合一般大排檔 gei 條件 -- 有獲氣.平! 好抵食! 見到蒸包魚仔 6 隻都係 $68, 下次會試下.大排檔 gei 衛生..... 自己諗啦!上菜都幾慢, 可能多人掛?!好多種啤酒都冇, 只得哈爾濱同嘉士伯, 有 d 失望.

黎開e度都知得榮記最多人食因為出名又平又好味!7點半去到已經人山人海!! 見d 阿姐一見人黎好落力招待原來係隔離檔既間碟!!好彩冇上檔!一坐低先叫左個羊腩煲,比我地好快攪掂左!大概等多大半個鐘其他2樣送先黎!!等到人都燥燥地!羊腩煲 : 貴左10蚊! d肉唔夠腍! 其中有d 仲好"so"添!! 退步左!!鼓汁蒸膳 : 好入味! 送飯一流不過d 油多到可以做推油推暈全身! 3個人食太多了! 好大碟微菜炒餓腸 : e度d 餓腸係好正的!每次黎都必食!! 今次都冇走雞! 同d 咸酸菜味好夾+埋有青椒,洋蔥炒!d味道食落有d似咕嚕肉!好開胃!成晚見其他檔果d人黑口黑面，好似好慘咁:*(因為客人既對比大概係 10:1

the walk into the building past the wet market area was not very appetising (try to hold your breath) however once you take the lift up to 1st floor, it's not so bad. tables with white and red plastic cloth covers, chairs with backs, dry floors were all unexpected considering the location. service was decent, better than tsui wah. don't feel rushed, no attitudes for not being a regular. food was fast and good. great recommendation on dishes. the fried "nine stomache" fish was heavenly, big

椒鹽豬扒豬扒乾到好硬西蘭花斑腩D魚完全無魚味以為會好好食, 點知失望而回或者係我唔好彩啦

本來下月頭才上演的窮鬼飯局,突然提早上畫,皆因這夜愛上一個不回家的人,她說不想太早歸家,我唯有二仔底死跟.叫得窮鬼,Budget自然tight,今次六個人來到鵝頸橋街市"東成",每樣菜式平到$2x,貴極都係$5x.一人叫一個菜,一定平得發笑.椒鹽雞軟骨香脆可口,吃落帶有點點南乳味,送啤酒為佳,蒜茸蒸聖子$45一碟,聖子新鮮肉質嬌嫩,用蒜茸蒸顯出其鮮味.XO醬爆鮮魷,椒鹽骨,沙爹牛肉煲,四季豆,都不錯.而且六道菜之中,有三味都是送粉絲,連白飯也可省回.六道菜,一支藍妹,一支可樂,埋單每人夾$47.平過去茶餐廳.哈哈,都話經濟不景.

前晚來了鵝頸熟食中心這間榮記海鮮飯店，見到隔離清真惠記的馳名咖哩頗吸引，就買了一碗$37的咖哩羊肉來試試，點知坐下來便看到榮記的餐牌寫明非本檔食品每款要收附加費$30，係每款收$30，真係非常嚇人！熟食中心也會有這樣不合理的收費嗎？ 向清真惠記查問之後，知道熟食中心只有這間榮記會收附加費，所以我們五人決定幫襯其他食肆！

師傅都有一段時間冇黎呢度食野, 但既然踏入例數階段, 當然唔可以放棄每個食野嘅機會啦, 所以師傅就揀左呢間食店, 因為從來都未試過!行到埋去坐底即刻睇下有咩食, 橫睇掂睇呢間食店始終係以燒味飯做主打, 所以師傅就柯打左一碟叉燒紅腸飯, 凍檸茶一杯!等左一陣例湯先上, 味道一般, 唔會太淡但又唔會太咸, 最主要係冇味精, 可以啦; 而主打叉燒紅腸飯嘅賣相幾靚, 叉燒半肥瘦, 入口鬆軟, 唔會過咸幾好味, 而紅腸份量都幾多, 加上都幾軟熟, 味道唔錯; 而白飯份量都唔少, 絕對夠晒師傅d咁大食嘅人食啦; 而凍檸茶味道都頗好, 飲得過!總括黎講食物質素令人滿意, 環境就一般, 服務都係一般啦, 但價錢就幾抵食, 一碗單拼都係廿一, 雙拼廿二, 而一碟單拼都係廿二, 雙拼廿四, 再加飲品都係加三雞, 埋單廿七, 絕對抵食; 仲有冇機會黎呢? 師傅相信短期內都好難再番炒, 皆因仲有其他食店要試, 但如果真係有機會, 呢間食店絕對黎得過, 所以笑臉當然值得一比!

夜晚黎鵝一頸橋食飯都係第一次，試下呢間榮記。叫兩個菜，一個海參鵝掌、一個椒鹽魷魚鬚；本來叫椒鹽鱔片，不過佢話係黃鱔，聽落麻麻，所以無要。好快黎左海參鵝掌，裡面仲有冬菇同勁多生菜墊底，足料。味道好好，海參當然唔係高價貨，不過稔，好！鵝掌唔係急凍料，唔知係咪朝早清真惠記D燒鵝有剩D掌，都係好好味！到椒鹽魷魚鬚，炸得唔算，好火候，最正係配甜酸醬，好特別，好過點汁。叫多兩碗飯，加支大啤，總共$106，抵!

等左接近半個鐘先有位! staff太忙, 要自己等位, 出現爭位情況 @@"餸就一個個上, 几好~ 等我地差不多食完一碟至再黎, 唔駛攤凍哂~一行4人叫左:1. 炸蠔餅 - 蛋漿太多, 同埋係煎而唔係炸, 但竟然ok油o下, 唔好食2. 炒蜆 - 原本想叫蒸蜆, 佢話冇, 提議我地叫炒蜆, 好搞笑lor~ 辣辣地几惹味~ 算係多肉ga lar~ 十個shell有7個有肉~ 3. (蒜香?)蟹飯煲 - 以$52價錢黎講, 算ok多蟹膏~ 蟹膏同d汁都好好味~ 有2隻蟹腳食o下~ 飯係..蛋炒飯黎o既. 4. 香蒜田雞煲 - 田雞肉好滑, 味道清清地, 好多蔥, 正~ 5. 西蘭花炒班塊 - 班塊(唔知係咩魚啦), 都係好滑好腍, good~ 叫左3支beer, 啤酒姐姐几靚女, 又好笑容同禮貌, 見佢就不時俾人撩tim, haha~環境都几乾淨~ 冷氣充足~ 不過嘈左d~ 傾偈要好大聲lor~

同老闆一早講左我地要食得平d攞d錢去捐,所以原本想去南蠻亭食晚飯...改左去鵝頸橋街市上面食...hohoo次次都同南蠻亭無咩緣咁...不過我地都係扮吓野慳吓啦點會忍到呀..我可以忍但有人此終都會不斷投訴投訴啦...好啦..其實我地一心一意上去街市上面係食咖哩羊腩同埋燒鵝飯, 因為我成日睇openrice都有介紹, 所以上星期上完堂就去食啦.點知上到去先知佢只係做午市仲有一間都差不多買果d食物一想坐底佢都同我地講我地要收舖無野可以叫來食.最後我地就亂去左一間叫小炒食啦..最後我地叫左炒聖子同埋啫啫雞...嘩..估唔到佢咁好味, d聖子唔算肥但就勝在無沙啦, 個雞煲都好正..其實2樣野都好好味加上味精唔算多..下次我地都有另一處地方食飯啦...P.S...此街市熟食舖地方都唔錯又有冷氣都幾乾淨架...

收工同兩個工友來到呢度食晚飯，都好少有呢個組合出街食野呢﹗先來一個至愛的椒鹽魷魚，炸粉不厚不過唔算乾身，食落膩膩的味道一般﹗再來潮式蠔餅，蠔仔很多夠口感，很香很滿足﹗少少一啖用來送beer不錯不錯﹗最後來個魚頭煲，我雖不吃不過見兩個工友成個食哂應該味道不俗﹗食到成十點幾都仲有好多人，可能好多人來吃宵夜﹗呢道味道都ok不過由於室內關係實在太嘈了，吵得打對面坐想傾下計也有難度，離開時隻耳仲有點嗡嗡作響，好似去完disco咁.....

與男友簡單晚飯:1. 蒜蓉炒豆苗$402. 蒜蓉蒸中蝦$703. 咖哩羊肉$35 (不過在隔離舖外買過黎食)反而我最欣賞外買個咖哩羊肉, 哈哈!

三條友去搵食，到了街市一看，找來此大排檔，因早來不是太多人，但七時多就全滿了．０者０者白鱔煲──熱辣辣，很有火喉，朋友覺得不錯，但我就覺“鞋”一點，不過味很好，料也很足．蒜香蟹飯煲──很香啊！很吸引，蟹雖不大但不錯，而且又平平的，飯就一般，因有點淋．金銀蛋炒荳苗──普普通通，荳苗幾嫩，勝在大碟蜜汁豬仔骨──賣相一般，外面很甜，很有蜜味，但內裡全沒味兒，完全沒有調味．再來汽水也不太貴，而且食得飽飽啊！

從網友的日記上得知此飯店，還大讚其生炒骨為極品，所以今日同阿媽來一試真偽。點左生炒骨($40)，芝士西籣花($35)，古法蒸烏頭($35)。生炒骨:好失望，排骨應該係一早炸定，食落好硬，唔得鬆化，先打個六析，而且酸甜汁過甜，份量又少，唔合格。芝士西籣花:毫無芝士味，我覺得佢\應該無落芝士，個汁只係牛油加忌廉加面粉，不過西籣花都爽口翠綠，唔錯啦。古法蒸烏頭:呢個好好食，古法蒸係豆豉加蔥，好惹味，條烏頭又夠大條，加埋d蒸魚豉油，飯都送多碗。加埋白飯埋單$115，好平，如果只求飽肚，呢度係一個唔錯既選擇