樂園粉麵專家

Open Now

Now Closed

幾年前因工作關係，差不多晚晚都光顧，因為收工收得夜，好多食巿都收工，這家收得夜，而且試過食物可以，所以常常幫襯。時隔幾年再度光顧，水準依然，價錢合理有餘，今晚叫左套餐$47，牛腩魚片頭河粉，腩汁通菜，凍好立克，牛腩硬軟適中，入味，水準之上，魚片頭極為爽口，最欣賞是這家的自製辣椒油，真係香辣具備，十分突出，感覺不錯。未夠喉，加多碗紫菜淨四寶，紫菜份量不少，有鮮味，四寶丸爽口彈牙，今晩大滿足，埋單$85，味道都有85分。

夜收工既晚餐，成班同事一齊就當然食好啲啦，自己一個就食啲普通野啦。樂園好似開到十二點幾打後都仲有得食，叫個雙併魚蛋雲吞河。魚蛋有四粒，好彈牙，正雲吞亦有三粒，鮮蝦彈牙冇雪味。同傳統粉麵檔一樣，自家辣椒油調配得好好味！

天氣開始凍就想食d牛肉暖下身 雙拼撈麵- 牛腩魚角撈麵+凍飲 $43 -牛腩差唔多鋪滿全個碗 , 好淋有少少肥膏位, 一咬落去好腩嘅香味, 超推介-魚角係白色嘅同平時嘅唔同(午餐時間好繁忙唔感問店員點解係白色), 但同樣彈牙 -麵就好爽口, 如果師傅可以撈咗先比客人就會方便食d, 自己撈就會搞爛咗d牛腩牛什湯河跟餐連飲品$32個湯太多味精, 牛肚都爽口嘅, 腸就因為太多脂肪有d羶味, 朋友就覺得一般

經常夜收工就來這，差不多每星期一次今晚又收好夜，宵夜時間又一個人叫了粉麵套餐：1個墨魚丸河1個付乳通菜，仲有一杯凍咖啡墨魚丸都幾爽口同彈牙河粉都好滑口，而湯底都幾好味至於付乳通菜個付乳汁夠多，最緊要係通菜青青綠綠凍咖啡夠濃充滿啡味，提神最好環境好舊式粉麵檔，幾張圓抬由細幫襯都成十多年了，食開有感情而且呢度勝在平靚快，套餐三樣39元不過凍飲加兩元，例牌合共41元

岩岩訓醒諗住落街睇下有咩食..比我見到有間港式魚蛋粉..岩岩起身又唔想食咁飽既我就諗住食下粉麵啦..之後我就叫左個牛腩墨丸米線..拎完就即刻返返屋企嘆冷氣食野喇..打開碗野仲係好熱..好香.牛腩有咬口又有脂肪位夠淋..墨丸又好香墨魚丸味..唔會好似有d我食過有陣臭味既咁..米線又夠多..唔會硬好淋d料同米線底真係好夠多..食完即刻飽哂..湯底又唔會好咸或者好味精..真係好食..不過係店面比較缺乏裝修..不過又平又好食..下次都一定再幫襯

今晚霄夜去樂園,牛筋麵有好幾塊的牛筋但牛筋不夠腍韌韌地，係硬硬地先啱而且蚊得不夠入味又唔香,今晚非常失望麵條都好爽口彈牙,湯底就普普通通唯一 最喜歡的是芥蘭菜.香脆爽甜,配蠔油好好味呢度地方唔大但都算乾淨同坐得舒服價錢經濟,連凍飲連碟菜$41都會嚟幫襯

正所謂好又一餐，唔好又一餐，有時隨便逛逛，行到邊食到邊，我喜愛這種逍遙自在。逛到牛頭角小店「樂園」，超級肚餓，點了「牛筋撈河」及「牛丸水餃米」前者滑嘟嘟，牛筋炆得入味，後者吃得出真材實料，水餃很足料，加些自家製辣椒油，美味即時升 cup 一倍。吃後飽飽，浪子繼續逍遙。我覺得呢餐好味喎！

唔想煮飯但又唔係好肚餓嘅日子，黎食碗牛雜粉係一個好選擇，今晚晚餐就黎左呢度解決。每次行過啲牛雜味都撲面而來，刺激味蕾呢。是晚叫了兩碗麵加一碟菜，仲有一杯野飲。牛雜河每一樣都有啲，入味且沒過鹹，湯清不油。牛肚牛肺麵份量足，不韌，麵有咬口，好吃。蠔油時菜青綠鮮甜，蠔油比例剛好。凍檸檬茶不過不失。

九月下旬‧晴在確定了有爽腩的情況下，才行入來，要了碗爽腩米扣底。一看之下，已知不炒，爽腩的樣子，不太「爽」。吃起來，大件事，又實又韌，是完全咬不入的，吃不下。炆得未「夠身」，遠離水準。其實如果給煮的吃回這件所謂的爽腩，會有什麼感覺？連凍咖啡一杯，也只是25元，便宜，就是真的。

早兩日由於食左好多油膩食品,好想食d粉麵清吓,咁就特登由公司行左十分鐘過嚟樂園食.呢度d粉麵好大碗,不過如果有人好似我唔食牛既話就記得叫佢哋走汁,不過我d同事話有牛腩汁好味d 水餃米,-我通常會叫佢哋既水餃米,隻餃有好多料,一口食唔哂咁大隻,我會先用辣醬加豉油嚟點水餃,好正,油菜,有好多款有九菜,芥兰,菜心好大碟對於我呢d好少煮餸主婦就覺得可以食番d纖維都幾好.

經常在此店食雲吞, 因為又大粒又好吃. 今日轉下口味食牛肚河+腐乳通菜+熱檸蜜 ($29). 媽媽叫了牛筋米 ($17). 牛肚同牛筋都好"林"同入味. 腐乳醬好味又夠多, 菜夠嫩, 仲係爽口的. $29一個有菜有麵又有餐飲的餐十分抵食. 食飽飽!! 如果一碗麵+餐飲就$25.環境一般, 普通麵檔. 人客亦多, 快來快走, 亦好多人叫外賣自取.** 最好加部電視機比客人睇, 哈哈

原本諗住食日本野，太太見個舖面唔似樣，唔buy。行前o的，見個名咁似旺角間好o野，就入o左o黎。諗唔到竟然有麵餐，$23蚊有麵有o野飲，$29蚊有埋油菜添。於是叫o左牛腩河，魚旦河，腐乳通菜，奶茶檸茶各一，最後加碟魚皮添。牛腩竟然係清湯腩，夠淋夠入味，只係肥o左o的，掂。魚旦唔夠爽口彈牙，粉唔夠滑。不過，兩碗份量都係足料之作！通菜有o的硬，好彩腐乳味道幾掂，仲少有地大碟。奶茶、檸茶有水準，茶底唔錯。魚皮有驚喜，入口夠脆、鬆化。好食又飽，仲只係每人$30蚊左右喎，抵食！