欽記粉麵

Open Now

Now Closed

大埔這個美食天堂，各式美食比比皆是，單是一個大埔墟街市及熟食中心，已有數間街坊食肆廣為老饕稱許，而這間獨沽一味，只售魚蛋粉麵的「欽記粉麵」，正是其中一間。其實在偌大的大埔墟街市及熟食中心內，有魚蛋粉麵可吃的店舖，起碼有四五間，但這一間「欽記粉麵」，卻是其中一間生意最好的。這一天，我在早上八時多來到，已是一位難求，需要稍待一會才能擠進其中一枱顧客之中，與同桌的三位食客，互同共享「搭枱」之樂。這間「欽記粉麵」確是甚有個性的，獨沽一味只得魚蛋粉麵售賣，牛丸、雲吞、牛腩、豬手，一律沒有供應，顧客唯一的選擇，就只是吃河粉、麵條還是米粉而已，而每碗魚蛋粉麵內，都有五顆細細粒、雪雪白的魚蛋、三塊魚片和兩件炸魚皮。這兒的店舖可是甚有互助精神的，雖然「欽記」沒有售賣飲品，但旁邊的「蘇記」的老闆娘卻會主動的問「欽記」的客人是否叫飲品，兩個檔口互相補足，互惠互利，正好反映了這兒舖頭與舖頭之間的互助情誼。說回主角「魚蛋粉」，湯頭好，夠清甜，河粉浸在湯中，吃時河粉沾上湯的味道，再蘸點隨「魚蛋粉」奉上的小碟自家製辣椒醬，少許的辣味更能把食慾提升。魚片呈長圓形，魚味不差，魚蛋就更好了，口感爽彈，魚味濃郁，一咬下去，

十點多去到， 人山人海， 坐底一落單亞哥已經話要等下先有， 因為太多單， 咁我一個人都無咩所謂， 無問題啦， 等左大幾分鐘， 魚蛋米到啦米粉 同湯底都淡淡的沒特別， 但魚蛋同魚片確實係幾彈牙同有魚味， 唯一唔好係太細粒囉， 粒魚蛋細粒到大粒波子少少， 賣價成碗 $26。當中名氣佔了不少錢吧

我每星期到大埔買菜，第一件事，當然是吃早餐。早餐首選魚蛋粉！用朝聖的心情，趕緊在八點半之前趕到，其實早已高朋滿座!找個位子坐下來，然後向家姐報告食乜。今天淨系食魚蛋粉，咁就要“粉＋餸”。然後期待我美味的魚蛋粉送來。好好享受，幼滑的河粉，是用海魚打成的鮮味魚蛋、魚片，仲有炸魚皮，我鍾意厚皮！浸一點湯，管它會變死肥婆。點D多辣椒油，咁我就充滿力量喇，可以開展一天的艱辛工作。這個早餐冇餐飲，盛惠HKD31。如果有約人一齊食早餐的話，那麼欽記是上集，魚蛋粉可以唔加餸，食完，再去食平記蝦子雲吞撈麵！或者發記食腸粉。

又係幾十年老字號，不過咁多年只幫襯過一兩次，事關本人由幼稚園開始就係洪記粉絲，可能因為細細個未懂事，屋企人就經常帶我去洪記，有少少情意結掛。欽記既味道、用料、食材、手藝、辣椒油都跟洪記有八、九成相似，但依家全部變晒，越來越差。都唔記得左上一次黎係幾時，好似年幾兩年前掛，今次係第 3 次幫襯囉 ﹗第 1 次好滿意，好味 ﹗好似洪記，第 2 次，麻麻地，今次放工專登過黎大埔街市買海鮮，順道再試，多一次機會您 ﹗依家兩點幾，好快就有位。魚蛋鴛鴦加底走蔥，跟多碗清湯咁得意既？莫非佢地既清湯係招牌菜？試啖先，無咩特別乍喎，清湯一碗囉，味道略濃。魚蛋鴛鴦加底走蔥，當然先試個湯底啦，好淡口喎，又完全無香味，帶出唔到食客再想飲既衝動，失敗 ﹗點解額外比多碗清湯我呢？而且味道仲濃過依碗湯底，咁奇？係咪比食客自己調較湯底濃淡呢？我會唔會諗多左呢？湯對碗麵講係絕對重要，如果湯底做得唔好，真係無咩心情繼續食落去囉 ﹗白雪雪既魚蛋好有魚味，勁彈牙，但彈得黎假假地。河粉同熟麵不過不失，還可以啦，烚得都滿意，過關。總括黎講，麻麻地，應該都唔再黎喇，抱歉。自家辣椒油，點解咁咸既？唔香唔辣就試得多，但唔辣而偏咸既都係第

大埔，絕對是魚蛋粉的兵家必爭之地，名氣大的魚蛋粉店，各據一方。在大埔墟街市熟食中心，也有至少三間老字號在競爭著。平日食開《洪記》，知道他是一間獨沽一味，只賣魚旦粉的食店，而且多年來，在街市，我只吃《洪記》，從來沒有同其他同場的魚旦粉店作比較。而是次，我回來大埔尋食，不再吃食慣的食店了，我要新嚐試，吃我本人從未去過而又人人說好的《欽記》。本以為只有《洪記》咁寸，獨沽一味魚旦粉，原來《欽記》也是一樣，甚麼都不賣，也是獨沽一味魚旦粉，賣晒就收檔，同《洪記》，不相伯仲。魚蛋粉，真的比起《洪記》更加的獨沽一味，只有魚旦，沒有魚片。而《欽記》的魚旦，粒子比較細，入口彈牙結實而且很爽口，河粉幼細，入口有很香的米漿味，感覺一流。多點了魚皮，可是我們來時已晚，厚身魚皮沽清了，我們只能吃到薄身的，但味道一樣的香，入口比起厚身的更脆，只是薄，吃得不夠爽而已。美味，感覺同《洪記》的確是不相伯仲。以後在大埔街市吃魚旦粉，不再孤獨了，有《洪記》、有《欽記》，兩者都是非常之可口。

二月份因為要去親戚屋企拜年,所以星期六放工後要入大埔晚飯,時間尚早,不如早o的入去大埔行下,當日中午放工後第一站諗住黎大埔熟食中心欽記粉麵食招牌魚蛋粉大埔熟食中心雖然落成好多年,但係之前都未上過去,當日中午放工入到大埔已經要1:30pm,見到熟食中心有多達80檔 ,可能係全港最大規模,熟食中心通道會有其他檔口店員叫你食其他野架! 我係專程黎欽記粉麵,梗係唔會坐低啦,週圍睇下先搵到欽記粉麵,好彩黎到見到仲開檔其實呢個熟食中心有七至八檔賣魚蛋粉,大埔街坊話欽記及洪記最巴閉,欽記做左幾十年,佢地o既招牌只有粉麵兩字,冇寫"魚蛋",證明佢地唔會刻意標榜魚蛋係佢地招牌食品,相信識食o既人先會黎食黎到欽記見到週圍都坐滿人,唔太識得點分邊張枱屬於邊間,檔口旁邊有人排隊,第一次黎到有o的不知所措,點解要排隊呢?佢地又唔似買外賣,唔通搵到張枱坐低後要再出去排隊落單? 見到兩位阿姐好專心地輪流用一個鐵盤將粉麵送到食客枱上,於是問阿姐邊張枱係屬於佢地,聽人講落單後要等幾耐先有得食,咁就梗係快o的搵到位坐低落單,如果唔係魚蛋真係會賣晒架! 好彩我只係一個人黎,阿姐安排我坐遠處一張枱,真係估唔到原來o個張枱都

入開黎大埔探親（派帖），呀姨同我來到這間食魚蛋粉。佢同我講本來「洪記」好食過這一間。但係現在既魚蛋己經唔得，所以佢地轉O左黎呢間食。真係好多人等魚蛋粉，應該OK既！ 果然好食過外面既 「香港X魚蛋粉」。哈哈！湯底好清甜，魚蛋係手打，所以有彈性，同外面既機製魚蛋差好遠，好食好多，配埋脆口既炸魚皮。真係美味人間。

是我覺得最好吃的魚蛋粉,湯底又好味,每一次回到大埔必會吃一碗~雖然河粉不是太滑,但魚旦很好吃,而且不會腥,魚片又好吃,最重要的是每碗都有魚皮,再加上蔥花及辣椒油,真是美咪得不得了,每次吃完都很滿足,因為一般的粉麵店我都不會吃魚蛋粉,多是味精很重,二是魚蛋很腥又不好吃~~~

魚蛋，可能是廣東菜中最平凡，卻最講功夫的食材。一顆小小魚蛋，雖不外乎以魚肉打成，但當中可能滿載幾十年心血。大埔，不知是否從前靠海，正所謂「靠山吃山、靠海吃海」，小小一社區，竟有三數家以自製魚蛋自詡的食店，可謂百家爭鳴。不止爭鳴，更甚有風骨。天未光開檔賣魚蛋，限量發售，午後沽清便關門大吉。任你多少客人，任你多遠趕來，貴客，明天請早吧。蔡潤記是一例，在街市熟食中心也有一例，欽記。愛大埔，愛美食，不妨走一趟。今年夏天腳步好像來得特別早，六月初，已有盛夏感覺。雖在大埔區內，還是忍不住跳上的士，吹着空氣施然到達大埔街市熟食中心。上了熟食中心幾百次，不外乎東記豬排，林記點心，再者可能是有記茶果，欽記？連店子在哪邊都不知。左轉右轉，走到最角落才發現欽記在三小姐旁邊。星期六早上，十一點多，人還不算太多，排個位坐好，阿姐便趨前。第一次來的我不敢亂點，問：「是不是點魚蛋、魚片魚皮？」「你點粉麵就好。」難得阿姐細心答我：「每碗都有魚蛋魚片和魚皮。」比蔡潤記更有性格，獨沽一味，魚蛋魚片魚皮一拼上，食客只可乖乖點粉麵。「來兩碗河粉吧。」點菜後，等，又等，再等。今天人不算多，也等了足足超過二十分鐘才上菜。但見一碗

終於的起心返大埔尋找兒時魚蛋粉回憶, 自從出黎工作, 已經10多年無食了...先到"欽記", 食完先知朋友記錯名...anyway, 依度的魚蛋麵包括魚片, 魚蛋依然彈牙, 有人話無以前咁彈, 我覺得ok喇, 個麵依然保持淋身, 係呀, 佢一向都係淋的, 唔會好似出面的雲吞麵咁爽口, 魚皮只是街市買的普通貨色, ... 不過一路食一路點辣椒醬加豉油, 實在回味無窮!!! @$22/ p.s. 2點幾到, 落單無耐就無魚蛋了.

早前曾經發表過一篇有關蔡潤記的食評，數名住在大埔的友人，不約而同說： (蔡潤記的魚蛋，水準只是一般，要吃一碗水準的魚蛋粉，請移玉步上熟食中心。)大埔熟食中心，我想是全港最大的熟食中心之一。很奇怪，不論是平日的上午，中午，永遠食客不絕。假日的更不用說，簡直如賓墟一樣！當然我對此地不會陌生，雖然我不是大埔人，但也來過很多次。年前曾在熟食中心內的三小姐，連下五圍，一大班朋友更對著三小姐的老闆，前歌手黃翊，高歌一曲其經典作最愛的你，到今天還是記憶猶新。這裡有數間魚蛋檔，當中有兩間性格巨星，一間是洪記，另一間，是欽記。多年前來過洪記，是日來到碰釘，欽記則一早開門營業，上年曾經來過，我給予過不俗的評價。沒有選擇，只得魚蛋粉，極其量是要麵／米，或者，是加底，加料，就是如此。細小，圓渾的魚蛋，外表有點。。哈哈，像衣櫃上的臭丸！一吃之下，魚味濃郁，質感挺滑的，魚片亦夠彈牙，另外魚皮嘛，蔡潤記還好一點，湯底的味道明顯偏淡，加些辣油伴著吃，未致於單調。久沒到過洪記，很難作出一個比較，但欽記魚蛋的水準，絕對稱得上名列前茅。

忽發雅興一家三口遠征大埔，目的只在到面積偌大的海濱公園讓小友放電。在去之前當然一夥人也要先充一充電，太座建議到街市熟食中心一行，久未重來的我，當然是十分樂意....只打算為肚子打打底，故此一早鎖定了目標，先向"洪記"進發。一向招積又惜買的她當然又要令自己摸門釘。無計可施之下，唯有退而求其次，拐個灣到了"欽記"打躉。唉....只想吃一碗稱心滿意的魚蛋粉啫，為何要如此的勞師動眾呢 ?原因固之然在於那細細顆得來又充滿魚味的魚蛋。質感雖不是爽彈兼且是軟軟淰淰的，但魚味又的而且確毫不花假；魚片的情況亦是一樣，是咬每一口也是滲透着魚香及鮮；至於附送的兩三塊炸魚皮，雖只是起肉做魚蛋魚片後物盡其用的產物，但是既炸得香脆沒油溢味之餘也見魚味濃郁；河粉相對來說就充其量只屬填肚之物，與主角相比自然有點相形見絀了；湯底喝起來沒甚麼味道，好處是不太重的人工味，不會讓人很喉乾而已....不過光是為了那魚蛋魚片及魚皮，未試過的，專程來吃也算值得.....

大埔街市覓食第二站：欽記魚蛋都係雜誌介紹，食完撈麵就過黎食魚蛋河。但呢邊勁多人，地方擠迫，想揾個位都唔易。佢本身得好少位，隔離舖蘇記個姐姐仔話如果喺佢地度飲嘢就可以叫欽記魚蛋粉…廢事等位，唯有用呢個方法啦！獨孤一味，魚蛋河，$22。阿姐話要等半個鐘，頓時O咀，魚蛋粉要等半個鐘…山長水遠入黎，飲品又嗌埋，不能不等啦…等到頸都長，終於黎啦！有魚蛋、魚片同魚皮…仲有一碟辣油。河粉普通，無特別。魚皮好脆，咸咸地幾好食…魚蛋細細粒，唔彈牙，但魚味幾濃;魚片反而彈d, 都有魚味…個辣油強勁，點少少都已經好辣！整體而言，絕非雜誌所言咁好食，比佢好食嘅大有人在。經過一試無妨，但特登黎就唔洗lu…

### 不要人講你就信 - 各人有各不同喜好、口味及準則 ###我每星期總會幫襯欽記2、3次，是個人在大埔區最愛吃的魚蛋粉。在大埔，人氣食肆很多，馳名魚蛋粉店也不少，單在熟食中心有魚蛋粉吃的也不下十間八間。欽記比其他店舖稍稍貴一點，但也是最多人幫襯的，反映了大眾的味覺是雪亮呢。單靠名氣及蔡生推介是不可持久的。這裡熟食中心環境尚算不錯，不會覺得周身唔聚財，但是人流就真的太擠擁了。好在欽記的招呼還不錯。不要問店員有甚麼吃，費事俾人偷笑。這裡只有魚蛋、魚片、魚皮配粉、麵、米的選擇。2塊炸魚皮是 default 有得送，除非賣哂。可以點加底或加餸，但如果 order 淨餸則十次有九點九次都會被拒絕。它每天賣完就關舖，午飯過後就差不多了。沒有套餐，要飲品的話隔籬茶檔自然會招呼你。魚蛋、魚片、河粉、湯底都沒有甚麼特別，也不是甚麼超彈牙乒乓波，就是原味、地道、清清淡淡的鮮味，最能勾起兒時大排檔味道的回憶。如你不是特別怕辣，那麼配以他們的辣椒油真的特別和味。魚蛋魚片都是比一般 size 較小，魚蛋粉也不大碗，但總足夠你一快朶頣。

先後吹了陳漢記蟹粥和腸粉,阿婆豆腐花,平記雲吞蝦子撈,你以為,公關會就此打住嗎?你,錯了!!!!公關經過2個星期的感冒,巳經餓入化境,又怎會就此放棄?下一站,欽記!!我和阻住在大埔熟食中心兩頭騰,去到欽記,兩頭望之際,伙記巳經在後邊大叫:你地係咪食?係就快啦..坐低啦,做埋你地,我地要收架啦...拿,魚片賣晒啦,比多兩粒魚蛋你,好無?我幫你落單先啦...半推半就,我倆便坐低了.不到5分鐘,再有一個男士坐下.先生,我地要關門了!時才3時,男士有點難以至信的表情,不情願地,走了.我們,暗暗說自己真的好運呢..先喝一口湯底,沒什特別.再吃它最有名的魚丸.很彈,有一陣很重的味道,但感覺不像很天然,不是我杯茶.再吃河粉,很黏口,太稔了,沒有河粉應有的爽口.魚皮,不過不失,也沒留下多大印象.整體而言,頗為失望,一程來到大埔,如果你胃納有限的話,我覺得,這間可以省去.下次會留下胃納去試東記豬扒...