正記冰室 (Closed)

難得去到太和😂諗住搵啲好野食，不過真係盡我能力咁搵🤦🏽‍♀️結果中伏了！👉🏿✨豬潤湯麵，豬潤湯飯 Hkd 38 💸📌個時問個職圓係咩湯，佢就話湯囉😂聽佢講完呢句我就知中伏了🙄雖然佢啲豬潤係真係好多，不過成個湯感覺係味精多啲喎🙄完全唔掂！超級勁爆咸，食完好口乾。豬潤好普通，有啲啲生生地，食落口小小腥。好失望，應該係咪冇期望過😂😂但都唔會差到咁架，明明見啲人話豬潤面好食，點知....

正記嘅食物都保留到水準，我同家人都鍾意食小菜，呢到嘅薑蔥蜆介雞煲同蜜桃柚子骨都吾錯，我同屋企人都好鍾意食，而且開左一段時間都keep 到水準不錯但係員工嘅態度比起之前就真係差左，知道在香港打工都不容易，而且做飲食就更加要經常受氣，確實吾好受但係都希望正記的員工可以用返一以前嘅態度去對待顧客，因為畢竟大家都係街坊嘛

香港越來越多一啲新式嘅街市 今日我去到一個翻新嘅街市 入面真係唔同晒 呢間菜餐廳 出面大排長龍 下午茶時段都好多人 裝修有特式 等左一陣就有卡位坐 對正電視機位 仲播緊星爺 星期日下午 點解可以無張loop咁播😂 先黎一碗麻辣豬潤牛肉出前一丁 碗湯好香 豬潤起沙 好乾淨 牛肉好林 個一丁好彈牙 佢麻辣都香 唔算好辣 唔錯唔錯 茶記必食西多士 雖然係肥 但都要食 爆多花生醬 蜜糖 牛油 真係無得輸 炸到岩岩好 唔油膩 叫埋杯凍奶茶 一流食完 再出去街市 掃下小食 再買d日本生果返屋企 正呀

下午出去九龍買d野之後回大埔，咁近近地係太和火車站附近食d野。咁係太和街市有間正記冰室就入左去。咁餐牌都好多唔同選擇揀。咁我地先叫左個午餐肉煎蛋飯同埋豉油雞飯。咁另外2人就等14:30嘅下午茶。到14:30就叫左個西多士同埋熱狗。午餐肉煎蛋飯好快就送黎，但豉油雞飯就由14:15叫等到14:30叫下午茶都未有得食，餓到一個點。點知，連西多士同熱狗都黎左，但個豉油雞飯都未到，等到大約14:45先有得食豉油雞飯，但味道一般等咁耐，味道仲要一般，早知去大快活食好過。

約左人交收2手野，賣家又未到，緊係四圍捐搵下野食。唔想去商場食快餐，咁緊係走入街市睇睇啦！嘩，估都估唔到呢度街市咁鬼多野食，搵左呢間正記，貪佢地方大，好坐啲，又有電視睇。做街坊生意，呢間店都幾好生意，人接人咁fill 晒啲位。叫左碟古法沙薑雞飯連飲品。可能好多人都唔知何為沙薑雞，以為白切雞加碟沙薑醬就係。其實正宗沙薑雞係會有沙薑搽係面頭，而加啲餐廳hea整咪冇囉。好彩我食緊呢碟算正宗。整得係幾好食架，皮香又夠滑，雞肉又夠味。味道係咸左少少，但送飯一流。碟雞夠大碟，仲有菜芯送。51蚊送飲品，算係咁啦!

想食個下午茶，呢度下午茶餐炒粉麵飯$38連一杯熱飲。我鍾意食炒麵，唔係豉油王炒麵求其炒吓嗰啲，係個麵底要炸過，脆卜卜嗰啲。因為工序較繁複，好多茶餐廳都冇做，自己整又多功夫。見到隔黎枱有人食肉絲炒麵，就係呢款喇。難得呢度有，即刻叫個黎食。一上枱，都知佢細碟(一早見到隔黎枱)，以下午茶份量黎講算係勉強合格啦。聞到都幾香，但就見到個邊啲麵燶晒，明顯係失左手啦。睇下入面，好彩冇燶。個麵夠熱夠脆，係即整的。上面材料有肉絲、冬菇絲、芽菜、紅蘿白絲、韭黃……算係多料。 整體黎講幾好食，如果無燶就更好喇

茶餐食得多，係未試過太和街市裡依間正記冰室，今日起身一試：我地點了全日餐：叉燒意粉，湯底幾特別，無味精，不錯沙爹牛肉麵，沙爹醬香，牛肉還幾大塊添，不錯不錯，配牛油餐包，當然，係多士會更好啦，最後，最最最重要係杯奶茶，用鐵杯裝，夠晒凍，都幾好飲，茶和奶平衡得唔錯，飲左一半先記得影相😂另外，上菜速度好快，值得一讚！見到餐牌還有各類肉類、小菜，款式還不少，說是冰室，其實是這裡是小廚更為合適！價錢和質素成正比，期待下次可以再試其他小菜！

正如標題所講﹗咩叫瑤柱蛋白炒飯…我都唔知係咪應該解讀為廚房師父刀功好﹗因為，碟飯拎到埋黎，真係無為意佢係有瑤柱，食食下，我男人問我﹕呢碟係咪瑤柱蛋白炒飯﹖我呆一呆，望返碟飯…係喎﹗唔見啲瑤柱，當時一心以為係廚房忘記落，於是，叫個靚女黎問下…佢望完又拎住我碟飯入去，再拎返出黎話﹕師父話有，係瑤柱絲。吓…係我聽錯定係睇錯﹖咩絲呀﹖其實我唔係要佢加返或減價…只係想問個明白﹗佢望住我果種無奈，好明顯佢都睇唔到囉﹗我話，唔緊要，你幫下眼睇，邊度有﹖佢苦笑﹗我亦無謂難為佢，叫老闆黎啦﹗我繼續食…因為，呢刻咩都唔重要啦﹗有位女士，應該係老闆娘，走黎講﹕哦…你差唔多食完呀…﹗我話係，想問清楚，咩係瑤柱﹗佢話有架﹗係瑤柱絲﹗咁…佢話入去問廚房加返俾我…係…佢真係有拎碟仔既淨瑤柱俾我﹗好有誠意。一望之下，點解啲瑤柱唔係平時見既顏色﹖係扁白既一堆，又唔可以話佢係絲…因為真係一堆仔咁放响細鼓油碟度﹗＿我可以講咩﹖我話唔使啦，得啦﹗你拎返去俾師父，我已經食完﹗以上全部屬實﹗我唔清楚商品說明條例，但寫得瑤柱…無話係絲，收得60幾蚊一碟飯﹙唔太記得係咪，應該咁上下﹚，太和街巿既冰室，咁既價錢﹗我唔可以話唔嬲囉﹗我無

元旦同男人倒数完，反入太和，感觉饿饿地，就近好似有茶记。入街市第一间，成一点，因为好眼训，叫外卖拎走。叫左个豉椒火腩炒河，店里无咩人，但唔知点解等劲耐。反到屋企，打开食，哗。。。高手，炒个河底可以无味，个汁可以无味，好彩火腩有咸味，唔係都唔确定自己食紧人类食物。以后饿死都唔会去

太和街市多野食 正記都唔例 自己喜歡食自選餐 即雞扒午餐肉再配洋蔥汁 不過一d都唔平 要成46蚊 係大埔都真係算貴 但環境舒服又唔介意佢貴 星洲炒米都係一個唔錯的choices囉！

正記冰室就o係街市入面，黎呢度食，一般都係為左杯奶茶，一擺上枱就聞到茶香。下午茶餐牌:呢度下午茶既炒粉麵飯，幾好食，但係好迷你好迷你，只可以輕食，一般人係食唔飽的。明太子炒飯餐$38，比個杯既碟大少少，可想而知有幾細。但好味既，足料，有蝦肉魚肉同粒粒分明既蟹籽。豬扒包/魚柳包餐$34，"包"餐多人食，我都多數食"包"餐，夠大份而且質素相對附近啲茶記高，豬扒或魚柳餡夠熱又整得好味。呢度啲午餐要$46，而且份量唔多 

餐廳門口只貼著直播全部賽事，其實都明白凌晨賽事不會直播，不能足本播放，但晚上七點的賽事都走數不播放，以英超直播作招來，實在有誤導之嫌。各位為睇波的食客要小心小心。

原本由佢新開的時間去食過幾次佢的招牌豬潤係超級好食KEEP住有幫襯,但最近去呢一次真係好失望開始叫野成班員工圍埋一齊明明都望到都不行過黎落單,個個扮睇不到望足佢地成幾分鐘先行過黎之後又寫漏單,到埋單的時候又冇情情幫我加多幾樣野其實真係好無奈真係不會再有下一次