正記菜館

Open Now

Now Closed

元朗好多人一諗起打冷會嚟呢度....正記....以前我都成日嚟食.....不過...今次大眼雞就失色小小了因為一條靚嘅大眼雞....都算係一間打冷食店嘅靈魂所在....呢個小炒王都幾乾身....而且啲蝦都好大隻。炸大腸都好香。可惜大眼雞比較濕身唔夠乾...所以食落去有啲梅梅哋嘅感覺...所以要買成160元....就唔係太抵食。總括嚟講呢餐都係麻麻地.....希望下次嚟嘅時候佢哋水準可以提昇返.....

甚少入元朗，今日一行十人去完南生圍再出巿區食埋晚餐先番九龍，少入黎真係無留意元朗係有咁多選擇，最後朋友推介正記菜館。淨睇到菜式圖片貼滿牆身，款款吸引！每人一款，總共點左十款小菜放滿枱。當中多款小炒都放有辣椒，無可否認係好惹味，但令到小朋友淨食白飯，連小炒皇都食唔到，好陰公豬。樣樣都令我地大人食得津津有味，椒鹽九肚魚、椒鹽鮮魷、蒸開邊蝦、蠔仔粥、炸蠔餅、炸豬手、芝麻雞、藕片花枝片等等都好出色。唯獨我地叫嘅鵝片變成有骨鵝，肉質好稔好入味，可惜無乜肉。埋單每人$150，好抵食！

環境：感覺好似有野咬，室內大排檔feel，不過不失等候時間：15-20分鐘上菜速度：算快既侍應：幾好架食物：一dd啦⋯⋯價錢：一個小炒大概80蚊咁上下埋單：550-600整體而言：有人話佢好食，有人話難食，我覺得視乎您叫咩餸蠔仔粥：👍👍👍👍好多蠔仔，好鮮味，足料鹵水拼盤：👍👍👍不過不失，只係唔叫突出豉椒炒蟶子：👍👍👍👍👍好大隻，好爽菠蘿咕嚕肉：🤔🤔唔洗係到食咁普通既小炒⋯⋯炸大腸：🙄🙄🙄🙄🙄炸肥膏，炸脂肪。完全係放舊油脂係口，完全無大腸既口感，一入口就係炸油脂🤦🏻‍♀️食左兩舊頂唔順。干扁四季豆：👍👍👍唔會太油，不過不失整體係佢食物質素視乎您叫乜，穩陣d叫招牌菜好d

是日跟家人到元朗正記食晚飯，正記算係元朗比較知名的大排檔。普通小菜，海鮮，潮州打冷野都有。六點幾去到未算多人，大約7點已經爆哂。屋企人太餓點左個伊面😂黑胡椒好暖胃。炸得香脆可口，佐啤酒一流大腸都好乾淨，唔算太肥。d魚腐只不過係魚蛋蛋黃炸蝦 高膽固醇之選，好邪惡但好味。。。呢個芝麻雞估唔到甘好食，個皮好脆好香芝麻，雞肉都好滑。不過呢味餸係有d肥ge。。煲仔飯，食完先記得影相臘味好味呀！7個人9個餸，飽到上心口

今晩同班friend去食打冷，去左元朗正記食，啲朋友話依間小菜好夠鑊氣～依間正記都好多舖位，聽朋友講以前一到晚上就放露天坐街枱，因為太多住客投訴，所以依家只會晚上11:00後先會開露天枱我地order左幾個小菜：蠔仔粥好食好鮮味，冇得輸小炒王辣辣地幾好食鹵水拼盤入面有豬大腸、鵝腸、雞腎、尤魚⋯⋯味道偏咸金銀旦白菜仔，上湯入味，好食避風塘九肚魚，炸得幾脆，配埋炸蒜片，唔錯。啫啫雞煲，唔好食，太咸，豬肝太硬，雞肉又鞋，全晚最遜色

吳式評價：性價比 1. 抵! (不代表平)超乎想像的驚喜。(1 最高)以前年青時會入元朗辦事，一定會去金輝徑「正記」食個鵝片。今次入得元朗，明知水準會下跌，但懷著「死人尋舊路」的固執，叫埋個兄弟啤啤佢。 環境：1: 十分地麻甩，小菜王格局。2: 最難得她依然有枱布，沒有加一。3: 要買啤酒自己出面門口買，自己般進來。4: 對洗手間要求極高者勿去  ***5: 秋冬更可以於大街開枱一坐，更見風味。$130 有 22 塊片，沒有錯，22 塊。啖啖肉真材實料。大量花生豆腐舖底。不說以為回到二千年頭。可惜，蜆仔肉椒醬肉不知是否利錢太低巳沒有了。老老實實，講肉質，一定不夠太子陵發嫰，豆腐一定不夠滑。 * 但一定要配那麼多年都用的特多蒜酸甜汁醋加辣醬（自己問）一流，可以彌補鵝肉的缺點。但元朗正記夠地道夠江湖，夠佬味，這種風味不是一般潮州餐廳可以做到。大口酒大囗肉，講人情，訴心聲。良辰美景，莫過於此！

大排檔完完全全系香港既一種傳統飲食文化，其實大排檔一啲都吾平，千其吾好小覷，不得不承認，這頓宵夜 ，真的很正！原來呢條街仲有幾間都系大排檔，排排坐，有好多張摺枱同埋膠櫈，仲有離遠已經聞到既小菜味，確實有地道風味。海鮮迷原本想叫蟶子，職員話已經賣曬，失望下次再黎睇下賣曬未先。炸墨魚餅系最好味既一道菜，味道真系同出面既完全吾一樣，出面既感覺上墨魚味吾重而且有陣'膠'味，呢度既墨魚餅有手打的feel，好新鮮，真系好正原本我系吾食鹵水腎/大腸乜乜乜，但男朋友極力推介之下決定一試，鹵水鵝好足料，同埋啲花生都大粒過人，大大盤咁，但食完鵝之後發覺真系吾錯既新嘗試椒鹽鮮魷一向都系我必叫既小菜，呢味菜比其餘三味遜色，吾系十分脆呢，不過有好多蒜蓉，蒜香感好重，中意食蒜蓉既人會愛上的。豉椒炒蜆既精髓相信一定系香、汁濃、蜆大部份都開口，真系好多隻都開曬口，吾似有啲大排檔咁比勁多都系未開口，撈埋豉汁好香，又系一絕既一道菜。

今日齊腳可以去食小菜，五個人吹下水，食下小菜一落也，我地七點半到達，好彩無人等位，坐低後大家就睇下想食乜先，一如以往，大家想食乜就嗌乜✌🏻門面幾大！佢對面仲有舖位架，門口有海鮮，好新鮮架肉碎蠔仔粥，有冬菇，好多蠔仔，但還差小許鮮味，有少少可惜，心諗(如果可以加方魚就好喇)油浸筍殼魚，上枱時好香噴噴，魚肉外脆內嫩，點埋豉油就 very good ，魚骨炸到十分脆，真的連骨頭都可以食埋豉椒炒聖子王，$30/只，我地五人一人一隻先，聖子王肉質爽口，又唔太咸金莎脆瓜秀珍菇，第一次食呢個菜，有少少咸蛋黃味，唔錯！不過我地食左一半後覺得，可能秀珍菇同翠玉瓜都岀好多水份，個碟已經有水向度浸住秀珍菇了，希望可作少許改良，下次一定會再點呢個菜的士多啤梨牛柳粒，需然無乜士多啤梨味道，但牛柳岀奇地淋，有牛肉香味

魚肚勝瓜煲 - 唔夠味，魚肚ok，但勝瓜唔夠淋。腐乳茄子蒸雞 - 未試過腐乳茄子同腐乳雞，幾特別，入味啲會好啲。總括，普通大排擋貨色，無特別，唔出色。大排擋做成咁，真係唔ok。

<正記菜館>🐮蒜香蜜汁牛柳粒($80)🔻以前食開元朗間大排檔執左了😩唯有轉食隔離個間，雖然好多菜式都5一樣。🖖🏾依道牛柳粒真心推薦👍🏾🌸d牛柳炒得好香好惹味😋不會過韌。🌸尤其d配角薯仔😳炒到個薯皮邊帶脆😭🌸d蜜汁好入味，甜蜜蜜咁🍯仲有d焦糖結塊，又脆又甜😍真係一舊接一舊。🌸表面仲有d花生碎☝🏾️#hkfoodies #hkig #hkfoodie #hkfood #uhkfood #wwhkfood #正記菜館 #正記 #hkeat

正記，元朗出名大排檔，之前已聽過，不過，一直無機會入去元朗試，今天因為約朋友行九徑山，所以順便去一試。普通大排檔形式，無論門面或裝修都充滿街坊色彩。門口隨意放有海鮮，今晚我主要來食鍋氣，也沒有太留意海鮮的種類和新鮮與否，隨便照相後就趕緊走進去找個座位坐好。餐牌的食物非常豐富，全部是廣東特色食物，無論煎炸炆煮，應有盡有。雖然才7點，但已坐滿食客，餐廳有上下兩層，侍應忙碌地照呼著，奔上走下的，兼顧兩層食客的需要。椒鹽什繪，炒至金香，脆而爽口，味道略咸，腰果金香。椒鹽炒蜆，蜆味鮮甜，肉厚爽口，可惜有壹倆只有沙。總體算不錯。椒鹽田雞，金黃外表而且辣味十足，香而有嚼口。比較失色的白菜仔，只有咸味，如果蒜茸味多點鍋氣濃點會更好。

特登飛的嚟到先話羊腩煲新年後停咗，menu又唔改，生平食開嘅風沙雞，點知轉咗做椰絲雞，真係嚇一跳然後得啖笑，失敗之中嘅失敗，叫個海蝦芝士伊麵，點知係烚完加芝士，芝士水伊麵，生平第一次就比咗佢

元朗大坑渠旁邊有很多大排檔/打冷，我們最愛正記。今晚突然記起很久沒有幫襯，便過來了。鹵水豆腐。豆腐鹵得非常入味，全部＂豆腐肉＂已經由白色染成啡色！本人最喜歡他們的鹵豆腐是一小塊一小塊的，於是有很多＂皮＂的部分，極香口蒜蓉粉絲蒸蟶子皇蟶子很大隻，殻比手掌更長！蒸的火候剛好，肉質鮮美又不會＂嚡＂蒜蓉粉絲調味出色，不會過鹹或過油而蓋過了蟶子的鮮味。最後是臘味煲仔飯(走膶腸)煲仔飯不是煮得不好，但是真的太過油膩了臘腸和臘肉都偏肥，尤其是臘肉，有幾片完全是肥肉來的 這些油脂似乎都在煲飯時徹底滲進了米飯裏面，所以雖然開蓋時香氣四溢，吃下去亦很美味，但完成了第一碗之後已感覺很滯，吃第二碗時有點勉強(整㷛飯約有四碗，份量頗大的)，浪費了廚師一番功夫總括來說，我們還是很欣賞正記的。這裏環境舒適(大排檔而言)，加上食物質素高而且穩定，難怪四週餐廳頻頻轉手，它仍然屹立不倒呢！

天氣慢慢開始凍，想暖笠笠咁過，除左打邊爐，就係羊腩煲第一次光顧呢間店，一坐低就即刻點左個羊腩煲，雖然大同小既價錢只相差50,但我地只得兩個人，所以要個細既再點多個小菜雖然係細羊腩煲，但份量都唔少，馬蹄，冬菇，荀，腐皮呢d基本野當然齊。而主角，羊腩，都唔少。仲啖啖肉，唔會夾極都係骨。羊肉冧。但我最愛既仍然係羊皮。足料到，其實個煲係裝唔曬小菜，我地點多個咕嚕肉，生粉唔會沾到好厚，炒得好香好味，正呢間菜館下次可以再試順帶一提，d阿姐好熱情好好招呼😂

呢間炸野非常好味，特別推薦食魷魚，魷魚鬚係粗身個種，咬落去超彈牙，魷魚感覺係新鮮個種，好鮮味。怕炸野膩，可以點佢個汁一樣好味。蠔餅都不錯，所用嘅蠔都幾大粒。美中不足係偏油左少少。如果鐘意食蠔餅推介你食元朗另一間係大坑渠邊。