民天小廚

Open Now

Now Closed

上個星期見到有人喺黃竹坑地鐵站出口派外賣紙，原來戶戶送平台叫餐可以有八折，一於叫返個招牌焗豬扒飯試吓先。落咗單等咗半個鐘左右就已經送到，一打開見到都幾對辦，試咗先知好唔好食😋 整體來講算中上，喺黃竹坑返工基本都冇乜好嘢食，落香港仔屋企咪又係幫襯大集團，有時候呢啲小店反而比到驚喜，趁佢戶戶送平台有八折，一於多啲叫外賣先🥳🥳🥳

每日都成30幾度，咁熱都唔想出街食，但又唔想成日屈喺寫字樓吹冷氣，都想出去行吓，近近地就挑戰吓冇冷氣嘅熟食市場啦😂😂見到呢間餐廳竟然有冷麵食，事不宜遲叫返碟試吓先，胡麻醬蟹籽三色冷麵夏天識食梗係食冷麵啦，午餐$58 包一罐汽水，唔想飲汽水仲可以加$8 轉佢哋嘅自家製涼茶，我就加左$8 試吓雞骨草，真材實料，好飲😋😋下次要再試吓其他款式先，好似好多野都好好食咁，仲有可以預訂冷盤花雕醉雞，最啱我呢啲模範主婦🤣🤣

喺附近返工成日都唔知道想食啲乜嘢, 但係我又唔係好想食茶記, 見到呢一間都幾吸引 之前試過叫佢哋嘅冷麵 味道都十分唔錯 今次試下雞扒飯 雞扒大塊而且肉質夠嫩 配上燒汁好飽肚！仲可以whatsapp落單 好方便 除咗有西式飯之外 仲有各款不同類型嘅意粉 不過意粉就要等耐少少 見到有蟹子意粉好似幾吸引😋 另外都仲有好多小食選擇 下午茶嘅話價錢就更加優惠 如果本身係喺附近返工唸唔到食咩 都可以叫嚟試下 因為我見成個街市多數都係茶記飯為主😂