水記

Open Now

Now Closed

朋友食過介紹話呢間既小菜好出色..今日就一行5人黎到一嚐...下就打左黎book位..佢話要準時到..原本book左7:30pm..我地都早到左..所以餐廳唔算多人..因為未齊人..我地叫左d串燒小食食先..串燒選擇比較少..得雞肉同乾魷魚..每樣最少叫三串..其實都好細串..乾魷魚都幾硬..要好用力咀嚼🙈另外燒雞翼味道唔錯..好有燒烤味👍之後叫左5個小菜..入面陳村粉真係好出色..夠晒大碟..又多蔥蒜..加埋豉油..簡直一流..第二度應該食唔到..馬拉盞通菜好大碟...沙薑雞都好入味..豬頸肉比較硬..麻麻地..鹵水拼盤都偏咸..另外果個帶子粉絲煲都好夠味..唔錯..總括黎講..都係食小菜既一間唔錯選擇..ps:見人地食炸蠔餅大大碟..好似好好味..下次可以一試.😂

朋友帶路先識嚟，位於豉油街，8點幾嚟到好彩就有位，唔駛等！推介西檸雞，脆口雞肉配上檸檬汁，香口又開胃！蒜蓉蒸陳村粉有驚喜，唔駛落豉油都夠入味！仲叫左生菜包、冬蔭公湯同炸蝦餅，湯好足料，蝦餅夠彈牙。4個人埋單都係$400幾蚊，抵食！

大家一睇見個餐牌寫住炸蠔餅嘅時候，相信都會以為平時食開嗰啲潮州炸蠔餅，點知一上菜時竟然令我眼前一亮，佢唔係餅形而係粒粒形，巧打耳！而且，食落嘅口感同平時好唔同，可能係食到每粒蠔都好脆口，再配大板醬加就好完滿。切記 唔好配佢地嘅魚𤅟，好䶢！！

平時食飯多出旺角熱門地點,但今晚約六點行行下去了旺角較僻靜地方,但竟然發現一間中泰菜館,地方不大但用枱凳美觀,故入去點了幾個小菜填肚,有蠔餅(做法特別仲好大碟)還叫了明爐烏頭(味道指數👍)屋企整不倒這味道,配料特別,最後還有西蘭花抄牛肉也非常有水準。加埋白飯埋單不用300元好像免加一。

自從有Pokemon Go之後，Pokestop似乎變了大家選餐廳吃飯的考慮之一。我身為小精靈訓練員，當然都一樣 今天晚上，跟友人們來到豉油街街角的一角，邊捉小精靈邊吃飯。餐廳不大，只有4-5張枱，環境蠻狹窄。雖然有點迫，但這樣才有香港地道風味。 ;D雖然名叫火鍋，但吃炸物／燒物的泰菜才是皇道！先來個泰式春卷~ 與平時吃的泰式春卷大不同，內𥚃是香芋、肉碎。而且炸得鬆脆、香口，用個佐酒不錯。友人推介的燒雞翼。有實力的菜色，不需華麗的伴碟。雞翼燒得很光澤，肉質彈牙、嫩滑。甜甜的，充滿碳烤味道，但略嫌醃得不夠惹味。另外還點了碳燒豬頸肉。但在狂風掃落葉之下，趕不切拍張就秒清了⋯⋯ 豬頸肉切得厚薄適中、有咬口，亦是碳烤味足，很有風味。吃泰菜當然少不了冬蔭公。這菜色都可選辣度。因有朋友不太吃辣，我們選了少辣。小辣對我來說，基本是太小兒科，完全嘗不到辣味 =0=" 只有淡淡的酸。這小小一窩，已有6-7碗，非常抵飲。這湯以娃娃菜代替了蘑菇，有另一番口感，蠻有趣。別看店子小小，鹽燒烏頭也有供應的。魚肉嫩滑、juicy，味道鮮甜，泥味完全去除。我雖然個子小，也忍不住口吃了四份一 這麼豐富的一餐，每人只

今日又來到水記食好嘢最好味便是這碟湛江雞，肉質鮮滑嫩多汁，咸度啱啱好餅賣相很好又香口必食椒鹽鮮魷，外脆內軟，很好味呀油盬水煮蜆，加入肉碎，成個湯底好鮮味飛天通菜，炒得很有鑊氣，通菜很嫩滑

復活節假期其中一日去大埔 hea, 之後朋友載我由大埔出旺角，為左帶我黎「新水記」。佢係民間食神，我一定跟佢搵食。其實「新水記」呢個大名聽過無數次，如果我未黎過我會以為是主打鑊氣小炒。當我坐系店內時拎起餐牌先如夢初醒。原來水記除了街坊小炒外，還有泰國菜和BBQ美食。我真心覺得它們很勁，店舖細細仲要咁隔攝，也可以炒到出曬名。黎得呢到預左無招呼，面痴痴立立，但乾淨度尚算可以。朋友擔心我坐吾慣呢地方。我同佢講：「其實我好Local 」佢系水記既熟客，點菜由他話事。先來「海折柚子沙律」有別於青菜沙律咁單調。海折入口爽脆，酸甜開胃，加入九層塔和香蔥令味道更提升。朋友話必試「蒜蓉肉鬆蒸陳村粉」，對於吃開炒飯既我，有點無奈。我印象中陳村粉就是散開左既腸粉，應該無乜特別。煮法是加上了大量蒜蓉、肉鬆、蔥花、辣椒等，最後讚上豉油。熱辣辣陳村粉入口較腸粉略煙，又軟又滑。最重要是更吸收了配料鮮香。好味到不得了。朋友見我食到停吾到口，他說：「你好似好欣賞喎。」哈哈～泰式小炒「肉鬆生菜包」除了主角肉鬆外還有蒜片、蔥頭和辣椒所以特別香口惹味。而且份量很大，夠四個人吃，好抵食。其餘還有「煮雞肝拼生腸」和「BB

成日搭車都見到水記招牌，終於有緣一試。朋友今日就帶咗嚟搬新鋪嘅水記。聽個名叫水記火鍋仲以為係打邊爐，原來只係小炒。三個人等位唔算耐，先嚟一支大青島！鋪頭尚未有酒牌，酒係外面買返嚟所以要即刻畀錢。有小炒之餘，亦有少量泰國野，見到隔離嘅明爐魚都好吸引！馬拉盞通菜，過意得去，唔太咸。豉椒炒蜆，味道出色，又夠大隻，可惜好多都冇開殼。椒鹽豆腐，無死啦又熱又脆口等左好耐先等到嘅燒豬頸肉併雞翼，豬頸肉唔太肥膩而且脆卜卜！

水記新開鋪位,再去支持下,入面裝修靚左,環境好左,不過我更支持佢既美食,今次同友人點左陳村粉,熱辣辣, 陳村粉厚得黎夠爽口, 配以肉粒蒜蓉,好味酸辣湯,冇退步, 仍然落足蝦, 而且一樣甘濃同夠酸,(辣就點菜時同佢講)椒鹽九肚魚,出面表面比較脆同重口味, 好濃椒鹽味,入面九肚魚好鬆軟又熱,骨都差吾多軟哂可以食埋,正生炒骨,呢個我覺得比較林身, 似糖醋骨多D,醬汁好濃要黎撈飯開胃豬頸肉,泰式做法比較醃到煙UN D, 再配以泰式辣醬, 正!仍然好味,會一路支持!

朗豪坊後面豉油街 有個男人食堂 主打食小炒 地道炭燒小吃 同泰式美食 佢就係-「水記」麻甩佬第一次帶我黎時 我對水記冇咩好感 地方細細 但放左好多枱 大家背對背 相當擠迫 除左收銀個呀姐 成間鋪都係男人 但食物質素味道唔錯 價錢唔貴 款式又多 佢個油浸筍殼係首選 外脆內滑 雖然冇豪華美觀莊修 但已成為旺角飯堂之選今次我地兩個人叫左4個餸 蒜容蒸陳村粉($48)代替飯 陳村粉其實似腸粉 不過會係硬身同厚身少少 同蒜容係最佳拍檔 再加上些少肉碎同些少豉油 好香好夠味 簡單得黎 又唔會寥 同埋唔係周圍都有得食炭燒豬頸肉($58) 呢個係次次必食 即叫即燒 有燒焦味道 個汁唔係平時普通既泰式酸辣 醬 係自家整 有青檸味 好似係泰國食既一樣 不過今次豬頸肉薄身左唔少 差不多一開二 好爽既口感消失左 有些失望椒鹽九肚魚($58) 今次想試其他魚 但冇驚喜 一啖咬落去 成口油湧出黎 只係食到油 食唔到魚 份量好似細碟左少少 鹵水拼盤($68) 水記鹵味有種特別味道 甘甘地 同出面食既唔同味 係麻甩佬最愛 款式好多 有豆腐 扎肉 牛肚 鵝賜 豬腸 鹵水汁唔咸 但樣樣餸都好入味 我鐘意點白醋食 酸酸地

由舊舖已經開始幫襯水記, 泰菜小菜打邊爐都回味無窮, 到新舖出現, 打邊爐沒有了, 有少少失望, 好在還有好正的泰菜。新舖落成一段時間, 於OPENRICE都未見其蹤影, 極想寫的我就向OR上報, 可惜只是得到未有此餐廳之回覆...um...google map 都show到, 竟然無? by the way, 好多謝成功令水記登上OR的大大!水記位於甘霖街及豉油街交界, 其實都幾入, 要經過好幾條冷清的街才到, 好在有遠遠都清楚望見的燈箱! 幫襯不止十次的我當然知道- 晚飯時段食水記要等位是常識吧! 好在每次不是等好耐就有位喇! 亦曾試過半夜12點左右來就不用等位了!水記的新舖是橫誇兩個舖位, 雖然比舊舖細, 但裝修比以前明亮光猛!講明是大排檔FEEL, 不同的只是有冷氣, 但請有心理準備, 位置小, 跟隔離檯超近, 大機會要搭檯, 很嘈, 如追求舒適餐廳環境的你就三思喇, 不過我來的目的是追求食物! 坐底後店員就會奉上茶, 水杯及餐具, 因檯面位置有限, 多數洗完就叫人拎走壺茶, 留多些空間放美食。餐牌有泰菜, 小菜等...很多選擇!雖然價錢比起舊舖貴, 但比起坊間仍然算是經濟! 

舊鋪未試過, 新鋪也是第一次試. 時間尚早, 人不多, 所以才有衝動一試.鼓汁蒸鱔 - 約有十件, 價錢約$90, 有點貴; 鼓汁很惹味, 加了些紅椒, 有點辣辣的刺激感, 鱔肉亦算新鮮, 不會太熟也不痴骨, 煮得火喉剛好.柚子沙律 -買相凌亂些, 味道還可以, 酸酸甜甜的, 只是生洋蔥有點多蠔仔粥 -蠔仔好多好大粒, 是有鮮味的, 但肥豬肉粒粒亦太多, 粥底略傑, 沒有了真正蠔仔粥飯粒頗分明的口感.

上星期同Buddy 們約過幾次食飯都約唔到, 今日R的honey J 小姐打來約食飯, 話好掛住水記既炸蠔餅, 於是約埋Buddy Ball一行4人來食飯....記得幾年前第一次幫櫬水記時, 它是在同一條街的街頭, 很旺場, 晚飯時間門外總是有很多客人在等位, 過了一段日子再去的時候, 發現已經變了另外一間飯店, 再後來先知道原來它搬到同街的遠遠街角, 並不顯眼的位置, 是朋友駕車途經才發現的, 又再來幫櫬了幾次....街角這個新店位置面積比舊店小, 是L形的, 沒有了舊店的4人卡座及大圓枱, 新店為了盡用地方, 只能放舊式大排檔用的長木枱及木櫈(沒有靠背的那種), 枱與枱之間的空間不多, 坐著的時候, 前枱客人的背部偶爾會碰到後面枱客人的背部...如果怕坐得擠迫的客人, 就不太合適了....這裡食物以中、泰為主, 尤其以炭燒食物最美味, J小姐則最愛它們的炸蠔餅, 我就最愛它的炭燒豬頸肉及雞翼, 今晚我們點了炸蠔餅, 蠔仔粥, 炭燒豬頸肉, 炭燒雞翼, 生菜包, 生蝦, 飛天通菜, 粟米魚肚羹....先來的是生菜包, 我們點了小辣, 豬肉碎連同少許切小粒的辣椒及調味配菜炒得很惹味,