Video
4-min walk from Exit B2, Tsim Sha Tsui / East Tsim Sha Tsui MTR Station
continue reading
Opening Hours
Today
12:00 - 23:30
Mon - Sun
12:00 - 23:30
Above information is for reference only. Please check details with the restaurant.
今日出開尖沙咀 經過呢間好耐冇食嘅 水門雞飯 見佢出咗下午茶好抵食 即刻入去食一食先😬 下午茶套餐好抵食 仲要都有唔少嘅選擇 再包埋嘢飲😍 仲有限時追加嘅小食 好快就用咗QR code自助落單～ 水門雞飯 $54呢間店最出名必食嘅水門雞飯😋 今次揀咗雞胸 份量多 啖啖肉又唔會柴 雞皮爽口 油飯粒粒分明又唔會油膩 配上佢獨有嘅醬汁 仲有熱辣辣嘅胡椒湯 真係絕配！大推👍🏻 串燒 $42叫左1串雞2串豬 兩樣都燒得岩岩好😋 雞好滑 豬燒完仲有肉汁 兩樣都唔會燒到乾哂 配埋沙嗲醬好出色😍 泰式船粉（牛） $50第一次食嘅泰式船粉 揀咗牛肉湯河 入面有生牛肉同埋牛丸 生牛大塊配上熱辣辣嘅牛肉湯 浸一浸食好鮮嫩😋 牛丸彈牙 仲有炸豬皮 脆口唔油膩 配埋一齊食都不錯～ 我哋仲追加咗三個小食 全部都係加$10好抵😍 脆炸香茅雞翼- 炸得香脆唔油膩 唔會勁重香茅味 咬落肉質嫩滑 唔會炸到過乾👍🏻脆炸炸春卷- 推薦呢個春卷😋 香脆熱辣辣 入面仲食到蝦滑 真心好食！芥蘭苗- 估唔到追加小食都可以有咁大碟菜🥹 烚菜再加少少炸蒜調味 食落健康又好味😇 鮮油咖央多士 $28見到咁大塊牛油 真係超邪惡😈 但真心大推😬 超好食！多士烤得香脆 配上微甜咖央醬 再加上牛油 真係一定要食！ 泰式熱咖啡好香咖啡味😬 甜度適中 話梅茶酸酸甜甜好開胃🤤 青檸清新 仲有粒話梅可以食下🤣 班蘭大菜糕 $32第一次喺呢度試甜品 斑斕味香濃 大菜糕爽口 配埋椰汁好夾 可以一試😇 整體嚟講 呢間水門雞飯 食物質素不錯 店員服務態度不錯 特別係雞飯同串燒 真係好出色👍🏻
continue reading
好耐冇去泰國了，今日同朋友黎到水門雞飯感受一下泰國既美食同氛圍，新推出左秋冬特選2人套餐，包括水門雞、湯兩份、酸辣鳳爪沙律（細）、水門雞油蒸飯兩份、醬爆牛肉薯仔粒、龍眼水和洛神花茶。另外叫了炸蝦春卷！水門雞飯每次必點，同係曼谷食既味道一樣，雞肉嫩滑，油飯好香，加上雞汁調味料，神來一筆！另外，冬瓜湯清甜入味煲仔醬爆牛肉薯仔粒冬天食煲仔菜熱辣辣，薯仔入味，牛肉香嫩，調味剛剛好，適合送飯炸蝦春卷長長的春卷外脆內嫩，值得一試洛神花茶飲品選擇好多，今次簡左洛神花茶，甜甜的帶有洛神花味道酸辣鳳爪沙律酸酸甜甜，開胃菜，有芹菜配搭，份量十足總體來說，水門雞飯是一家值得推薦及常來的餐廳，適合喜歡雞飯和泰國風味菜品
continue reading
今晚同朋友去咗水門雞飯餐廳食水門雙拼炸雞飯、A5和牛泰式船粉、泰式無骨豬手、和牛串燒、凍柚子蜜同凍話梅茶，呢幾道菜式真係令人垂涎欲滴，這間餐廳位於尖沙咀厚福街3號華博商業大廈地下2-3號舖，港鐵尖沙咀站B2出口，行幾分鐘就到，非常方便。水門雙拼炸雞飯🥢首先，水門雙拼炸雞飯絕對係一個唔可以錯過嘅選擇，有水門雞同水門炸雞，水門雞嘅雞肉煮得非常嫩滑，外皮亦嫰滑可口，而水門炸雞嘅雞皮金黃酥脆，食落香脆可口，內裡肉汁豐富，搭配上特製嘅醬汁，味道一流，仲有特別好味嘅湯係胡椒湯，香氣撲鼻，飲落去暖心又開胃，真係令人一試成主顧。A5和牛泰式船粉🥢接住嚟就係A5和牛泰式船粉，呢碗船粉用上高級A5和牛，是選用日本A 5和牛薄片，肉質滑嫩，每一口都充滿肉香，湯底濃郁，帶有微辣的風味，令人非常開胃，船粉吸收咗湯汁嘅精華，口感滑順，令人食得愉快。泰式無骨豬手🥢再講講泰式無骨豬手，呢道菜真係讓人印象深刻，豬手肉質滑嫩，醬汁濃郁，每一口都充滿咗豬手獨特的味道，令人感受到泰國料理的魅力。和牛串燒🥢而和牛串燒就係另一個必試之選，串燒嘅火候掌握得恰到好處，肉質鮮嫩多汁，不會乾柴，配上泰式風味辣醬汁，又唔係太辣，更加提升咗整體風味，每一口都令人陶醉。凍柚子蜜同凍話梅茶🥢最後，再來一杯凍柚子蜜同凍話梅茶作為清爽嘅結尾，凍柚子蜜清甜可口，帶有柚子特有的清香，而凍話梅茶則酸酸甜甜，非常解渴，為整餐畫上完美句號。總括來講，呢幾道菜式不單止色香味俱全，更加展現咗正宗泰國料理的精髓，來這裏一定會找到自己喜愛的味道。
continue reading
一個人食晚飯，頹頹地想食個簡單的雞飯，就入咗嚟食水門雞 。入到去被阿姐安排坐搭枱，食完就走無乜所謂 ～最重要佢出餐夠快，同埋係幾好食 。雞夠嫩，皮好薄，飯係粒粒分明 。食哂！個餐50蚊左右唔貴，對得住呢個價 。
continue reading
假期約左朋友行街，夜晚去左尖沙咀, 搵左間餐廳食泰國菜。我哋叫左水門雞飯, 雞肉嫩滑, 另外仲加左雞雜, 入面有雞紅, 雞腸和雞腎, 配埋佢特製醬汁食, 十分惹味, 跟飯還有冬瓜湯, 胡椒味濃。冬蔭公海鮮金邊粉, 有魷魚, 蝦和青口和炸豬皮等，魷魚爽彈, 金邊粉煙韌, 吸引晒湯既味道, 湯底味道濃郁, 酸辣開胃。另外, 我哋叫左幾款小食, 牛舌口感軟淋彈牙, 牛肉味濃。串燒揀左雞肉和豬肉， 兩樣都燒得啱啱好, 有微微焦香, 肉質嫩滑juicy, 配合香濃沙嗲醬食, 十分惹味。今晚朋友食得開心, 分享左好多泰國旅行既體驗。
continue reading