永利風味大排檔地道茶餐廳

Open Now

Now Closed

下午兩點諗住去食下午茶飯餐，但未試過正式午餐就試下，雖然貴過下午茶餐十零蚊，但起碼份量多啲食得飽，因今日比較早食早餐，所以到兩點已經肚餓。加上午餐有例湯送，都想飲下佢例湯出品如何?入到去一如既往冷氣足，有免費 WIFI 連結使用。兩邊有大電視但只播 VIU.TV。我叫 2 號午餐蘿蔔火腩飯、凍奶茶。午餐原價 HK$50元，凍飲另加 HK3元。凍奶茶一分鐘已經到，再約五分鏗飯上枱，但仍未見例湯就問聲阿姐，陳姐話依家去拎俾我。可能當時全場得阿姐一個較忙，其他下午班又未返，部份員工又去送外賣 !?午餐上㭘非常有驚喜，因平時元朗搵食都好難，搵到賣相咁好火腩飯，火腩整齊靚瘦肉多啱我，皮好薄都好香。雖然碟頭飯但飯與餸同碟分開擺，呢樣擺法我極之欣賞，因為白飯唔會被茨汁覆蓋，我係唔多食茨汁習慣，因始終唔太健康多油多鹽又多糖。碟飯我俾85分，唯一不足就係上枱時唔夠熱，可能現場冷氣太足所致 !? 例湯湯渣量足，有一舊豬骨連肉有得食好滿足，可能煲例湯煲太耐蒸發太多水份，像落較鹹但味係濃夠火喉，當然都飲到一定有加味精啦，但都滿意有誠意。凍奶茶平時飲開都知佢一般合格，主要茶唔夠濃、奶亦唔多夠唔夠香滑，冰稍嫌多快

同屋企人黎食晚飯，上次試過食小菜印象唔錯，知道呢度出名食雞煲，見到有胡椒豬肚雞煲即刻忍唔住要叫🤩天氣涼涼地，食呢個暖胃啱哂😌我地叫左一隻雞，再加牛肉、手打蟹籽墨魚丸、魚皮餃、菜同粉。呢度係將成隻新鮮雞斬好一碟上，等湯滾起自己落，真係真材實料💛🧡❤️啲雞肉唔會因為淥太耐而變"鞋"，我地都係半隻半隻咁落～湯底係加左咸酸菜同支竹，胡椒味夠辣，又唔會太咸，屋企人都滿意😋特別欣賞墨魚丸，彈牙又香墨魚味，$88有12粒真心抵食～可以encore🤤👍 （湯底同雞煲拍左片唔記得影相，淨係影左碟墨魚丸）

星期六，返工廠做part-time 順便去食個午餐。每次黎工廠區都去永利食, 今日有少少凍所以想食咖喱。永利咖哩唔係明顯有椰汁味既。啱我嘩⋯佢塊吉列豬扒唔好講笑，大過阿女塊面同埋唔會好厚炸粉。5-60蚊有咁既質素👍🏻仲有杯奶茶☕️都好飲

今晚同朋友黎個短聚 大家都住屯門所以近近去永利食小菜叫左4樣餸啫啫通菜煲 仲有啲豬頸肉片 好香好濃味 熱辣辣 上枱個陣會有蓋蓋住 之後再炒下先食冰震咕嚕肉 一黎到見到成舊冰 原來咕嚕肉係藏左冰入面 食落口表面凍入面熱 都幾特別椒鹽九肚魚 好香口 啖啖肉 好正涼拌魚皮 第一次食呢款菜式 估唔到魚皮好脆口 不過都偏辣 但好食！🌶😋再加多2枝啤酒 好完滿🧡

今日嗌咗個薑蔥魚頭煲個魚頭唔熟！🥲🥲美極炸善球太鹹！🙄芝士焗大蝦伊麵，啲蝦唔新鮮而且淡而無味！😒鵝腸都係冇味！😒最令人失望就係薑蔥魚頭煲咬左一口魚眼位！居然咬唔開血淋淋！隻魚眼仲係透明.即刻冇晒胃口….以後唔會再幫襯冇下次…淡水魚唔熟真係好多菌！

今日朋友作客.. 叫左小炒返黎屋企慢慢嘆滿$400 就送外賣到屋企樓下我地4個大人1個小朋友 叫下叫下埋單都$739小炒就係會咁..樣樣都想食😆😆川德爽魚皮 $65我一直以為會好腥 第一次試真係幾好食喎個味同口感就係涼拌海蜇 清清涼涼咁好鬼開椒鹽豆腐 $60椒鹽唔多 一定要點喼汁食先夠味涷左都仲好酥脆 唔會淋左豆腐係一口size 送啤酒吹水唔錯香脆墨魚餅 $1057塊薄既墨魚餅 外層咬落係香脆 但唔彈牙 食落亦無墨魚味唔知係佢薄得濟定溝左粉搞到個口感係韌唔推介蜜餞薯仔牛柳粒 $98薯仔同牛柳都係切到一口size如果個薯仔再炸到脆身一啲就會更好可能個汁比較浠 變左啲薯仔就淋濕晒無焦脆既效果 整體不過不失 但下次未必會再叫豉油王炒鵝腸$98與其話佢係炒 不如話佢係普通滷水鵝腸😂鵝腸夠入味 無野挑剔蒜蓉炒西蘭花 $60夠味 爽脆 大碟 講完😂上湯菜膽雞 （半隻）$95雞肉好滑 略嫌佢油左少少但係份量同隻雞都係出色既芝士焗蝦伊麵 $158個汁同伊面好食 好似出去酒樓食到既味道伊面又唔會淋晒但啲蝦就係霉霉地😂 蝦肉相當痴蝦殼不過個汁既味道係好出色 唔會膩下次可能都會再考慮叫多次整體份量都大碟

疫情嚴重 限聚令下少左出街食煮多左飯 但煮左太多日 決定偷懶下落街嗌外賣😀 係屋企附近既茶餐廳外賣自取有85折 而家呢啲小店疫情影響下做生意都好難所以間中都要支持下✨西蘭花炒牛肉西蘭花好爽脆 牛肉都好滑 唔會韌✨豉椒炒蜆本身想叫炒蟶子 可惜佢冇 不過蜆都有驚喜個汁好夠味 啲蜆肉都好大粒 份量十足✨欖角蜜味肉排啖啖肉之選 蜜糖味唔會好搶 少少甜味咁欖角平時好少食 但佢出奇地match有欖角既香味 配角洋蔥都好甜外賣份量都好大份 仲要有85折 超抵食👍🏻

襯過兩三次，包括晚飯及早餐，我覺得間野食物質素好普通唔在講，落好多味精，食完好鬼口渴，加上衛生環境又唔係好，前面個d檯仲正常d,近後門個幾張檯簡直臭到死。佢d食物特別晚餐同大排檔無分別，一樣係當味精係主角，但係工廠區收旺角價錢。但最差係d態度，有個男侍應，可態年記大機器壞，每次落單唔係落錯就係落漏，話佢的時侯，佢態度差到不得了，不但無講sorry,仲猛咁講你想點，好似想揀打架咁，講得兩講，佢老闆仲趕客，咁嘅鋪頭以後都唔會幫襯，我唔會幫一間態度差到無論，老闆又唔識待客之道的餐廳

老媽子有時不煮飯，所以附近的餐廳幾乎已被我們一家試完了。眾多餐廳裏面我對這間比較有印象，因為它比普通茶餐廳有特色。-每次來都會叫同一個餸，就係冰鎮咕嚕肉。熱辣辣的咕嚕肉被碎冰埋起，用筷子撥開冰，才見到主角本人。肉炸得香脆，冰鎮後沒變軟；外冷內熱，爽脆有口感。醬汁也調得剛好，酸甜美味。豉椒炒鵝腸是我去大排檔最愛之一，這裡也是重口味兼有鑊氣，不錯。薑蔥炒蟹就比較失色，味道好但蟹份量很少很削，沒甚麼蟹肉可吃，不化算。整體小菜比一般茶餐廳出色，所以才一直翻兜。

我打電話叫左兩個早餐外賣，另外加了兩份”奶醬包”。送到過黎發現俾錯左兩份”牛油多士”，之後打電話要求更換”奶醬包”(不情願更換)。第一次送來，點知俾左”奶油方包”？？。之後我老婆再打多次再要求更換”奶醬包”，但回應竟然話我地明明叫左”奶油包”。等左約半小時，有個男人打來(懷疑係老闆)，竟然話我地玩野，做我地生意好x辛苦，以後唔做我地生意。講真，聽錯我地可以原諒，換返正確我絶對不會投訴。不過因不忿而打來用粗口罵顧客，我覺得需要分享及正視。

這閜之前食過幾次，很夠鑊氣，份量也足夠。可惜今㳄維持不到水準，聖子有沙、冰鎮咕嚕肉不夠冰脆，整體偏鹹😞開邊蒸蝦可以，略細隻了少少。冰鎮螺片夠平。希望下次再食，水準會回升。

之前食過呢間餐廳，味道唔錯，所以今次返叮；地方寬敞又乾淨招牌菜-鎮店烤魚：烤魚size 都唔細，帶點麻辣，相當野味，配有木耳，芽菜，豆卜，金菇等，另外仲附送時菜一份，唔使一陣已經俾我哋 KO 哂蒜蓉粉絲蒸龍蝦：龍蝦肉質鮮甜又唔嚡，非常新鮮；粉絲吸埋D汁一齊食，超正！南非鮑魚扒生菜：見到都已經流哂口水；鮑魚大大隻，加上蠔油鮑汁賣相非常吸引，蠔油鮑汁鮮味十足，鮑魚厚肉又夠冧，味道非常好。咕嚕肉：外面食的咕嚕肉不係食到一大嚿粉，就係炸肥豬肉；但呢度就不同，肥肉不太多，醬汁酸甜適中，其他配菜都不少椒鹽三寶：有鮮魷/豆腐/茄子；炸得不太老，亦不太油；豆腐更加外脆內軟添大家都食到好滿足；水準keep 得住，值得一讚

昨天中午跟姨姨吃午餐，她問我石排有甚麼好東西吃，最後我推介了永利風味大排檔地道茶餐廳，因為平日與媽媽和她的好友吃晚餐很不錯，加上我在這裡未吃過午餐，所以也想試試看。我從未吃過這裡的炒粉麵，難得中午套餐有供應，想知道永利是否樣樣皆能的我，選了xo醬豬頸肉炒銀針粉一試。一上桌，我們都很滿意，銀針粉色澤均勻，醬油全都平均地滲透銀針粉裡，味道不會死鹹，還帶著惹味的xo醬香氣。銀針粉亦沒有一般炒粉麵的油膩，相當乾身，滑溜溜的，而豬頸肉十分爽脆具彈性，吃得到它的新鮮。紫蘿牛肉同樣出色，子薑，蕃茄，菠蘿酸酸甜甜很開胃，而且紅艷艷的醬汁看起非常悅目。牛肉新鮮，軟嫩可口，完全沒有使用梳打粉，雖然便宜，但沒有將價就價，值得一讚。黃瓜燉唐排湯超級清甜，湯清徹得沒有多餘浮油，並且是真材實料燉煮，零味精，黃瓜的鮮甜，唐排的肉香煮進湯裡，喝起來喉嚨非常滋潤，炎夏中消暑最好不過。所以誰說茶餐廳就沒有水準的快餐? 其實只是看餐廳有沒有能力供應價廉物美的快餐，就算價錢略貴，只要好吃的也會令人再光顧。當然永利無論在價錢還是食物質素都比很多茶餐廳優勝，所以才能一直擄獲我的歡心。

原本番屋企食飯，不過同個相熟姨姨食dinner最後，多謝姨姨請食飯😘😘姨姨本身話想食齋，但係今日休息，所以介紹食永利風味大排檔地道茶餐廳，佢話啲小菜炒得幾靚，我又未食過，一於試下。洗完啲碗筷有個阿姐即刻好好服務拎左兩碗靚湯比我地飲，我地兩個邊飲邊睇餐牌揀餸。叫小炒王既好就係咩都有得食下，呢度啲餸炒得好家常小菜👪魷魚，腰果，蝦乾，咸魚仔咸香味十足，而且炒至酥脆，完全唔需要落調味料，加上微甜菜脯粒，送酒一流😈呢碟蜜汁薯仔炒牛柳好有屋企風味，牛柳粒好香美極鮮醬油😋一般屋企都會有美極鮮醬油。薯仔炒得好香，薯仔吸收甜絲絲既蜜糖🍯我同姨姨都覺得好似食緊印尼一款小食，不過可惜阿媽同姨姨都懶得整，好少比我食到。

說到永利大家必定想到過大海??話時話10多年沒踏足過澳門不知現在有多繁盛呢?不過咪以為我冇計只要有Friend想去永利又有何難哈哈!!講緊係呢間永利風味大排檔地道茶餐廳自從在魚子媽FB見到那冰鎮咕嚕肉後即時心心眼,好彩大忙人魚子媽能抽空一聚便相約埋其它好友擦餐勁嘅~搭巴士的關係竟早了半小時到達唯有早D入去餐廳坐啦!!此時肚仔又投訴那唯有自私哋叫個{麻辣青瓜}$38飲住可樂等人吧!!青瓜一上檯有啲O咀,先係用滑身的青瓜後係齊口切斷的造型,而且汁醬看似辣油沒帶渣完全顛覆晒麻辣青瓜係我心目中的形象,不過吃落味道又沒問題麻中帶辣又挺香,係呢種青瓜咬口沒夠爽脆啫~{招牌奇味雞煲}$120,味道挺香吃得到下了不少香料,雞肉未夠嫩滑肉味亦不算出色,這雞煲驚喜不大呢!!{白灼鵝腸}$65邪惡非常但我鍾意啊!!肥美甘香鵝腸質素超掂,弄至我對筷子同我的手不停角力,最後當然輸給筷子啦!!{椒鹽豆腐}$45炸得乾身外香脆內軟滑,鋪滿香脆炸蒜粒香口惹味!!{香脆蝦丸}$88呢個蝦丸又係水準之作,熱辣辣不油膩之餘質