永豪麵家

Open Now

Now Closed

**牛腩水餃撈面**永豪麵家主打竹升面，但係呢次嘅體驗真係令人失望。首先，竹升面唔爽口彈牙，完全無面香味。煮出嚟嘅面條仲有好多條係黐埋一齊，明顯係煮面嘅時候無鬆開麵條，面質亦唔係傳統雲吞麵嘅質感。牛腩方面，炆到好柴，腩汁同一般豉油冇分別，完全唔推薦。至於水餃，主打韭黃水餃，但係餡料入面嘅韭黃同木耳非常少，完全唔飽滿，細細隻食咗兩隻，只係食咗個空虛感。湯底方面，有輕微大地魚味道，但係味精感好強烈，飲完即刻有口渴嘅感覺。整體嚟講，呢次嘅體驗真係非常失望，唔會再推薦呢間店，完全明白點解會咁少人幫襯！強烈建議老闆，去試下其他傳統雲吞麵老字號，人地都係收同你差不多價錢，你就會明你既出品收里個價錢同人差別有幾遠！

十幾年前佢哋嘅舖位係銅鑼灣而家搬咗去銅鑼灣同灣仔中間味道如一雲吞麵嘅湯好正 雖然雲吞細粒啲 蛋其實都幾好食上星期幫襯咗兩次一次係淨雲吞 一次係牛筋麵兩次其實都我覺得係幾好間舖頭唔多人？ 但其實我幾鍾意嗰度嘅環境夠寧靜不過炮台山銅鑼灣其他舖頭我覺得還好 價錢經濟同事上次食埋個鹹肉糭都幾好食 好似其實都係佢哋自己親手包嘅整體嚟講我覺得六70分都OK嘅如果話要彈嘅地方主要係人手唔係咁多囉要等咗一陣先有得食或者可能因為佢新鮮同埋即刻做我覺得還可以接受，因為之後就去咗返銅鑼灣

事頭婆同女夥記， 洗碗、煮麵、清潔、抹枱、傾計，一腳踢全部佢哋兩個。 話教識個仔學整麵……唉。湯可以夠味夠料夠色煲出來可以。雲吞內蝦爽型態金魚尾好食👍🏻。麵 : 非常之差喇，一上枱眼見到已經發脹曬碗麵，煮得耐，咬落硬，又唔爽，麵冇麵粉香冇蛋香味。 家庭式有心做要家人互相配合齊心缺一不可，獨力支撐，難以長久。質數是要堅持，廣告推薦只是一時三刻。

下午茶時段客人唔算多。外賣一碗雲吞麵、一碗魚蛋麵，竟然等左廿分鐘！兩個阿嬸係度嘈緊D家事。唉。麵係彈牙，但冇蛋香。雲吞扁身非常細粒，唔覺有豬肉，皮已經淥到淋曬。個湯都冇蝦子香。魚蛋魚片叫做正常少少。只係當下午茶，我係細食女人都食唔飽！兩碗野加埋外賣碗錢要成$97，一條菜都冇。作為街坊，已經比左兩次機會。夠喇！

放工後突然間好想食碗雲吞麵，於是沿着駱克道行落銅鑼灣，途中見到「永豪麵家」主打是手打麵再望吓裏面嘅情況，當時客人不多我就隨便搵位坐。水餃河$45本來想加紫菜，店員話冇紫菜😅瞬間水餃河送上，我一眼望落去感覺到份量好少，河粉得幾注；水餃都係扁踢踢，甚不討好。先喝湯底，味道OK放咗韭黃，有大地魚鮮味。可惜如頭先所講水餃好似營養不良，其中一隻裏面冇蝦，只有豬肉、筍、木耳等，感覺好單薄，味道正常。河粉真係食幾啖已經見底。性價比低。

行過經過很多次。有心希望試吓。今日終於有機會光顧。點了一個炸醬撈麵，淨雲吞，芥蘭，炸鯪魚球，凍檸茶。盛惠$211。食物質素。麵質非常好。很有咬口。炸醬，不敢恭維。無味道不夠酸，不夠味，同埋太碎。好似肉醬咁。炸鯪魚球，不夠陳皮味不夠鯪魚味。所以我唔覺得價錢有點偏高。檸檬茶茶底，簡直不值一提。傳統雲吞包得不錯。但味道欠佳。湯底更為失望。整體食物質素，以佢呢個價格，價格中規中矩，有很大改善空間。可惜今日見到兩件事情發生，因此我個人不會再光顧。店員不小心把醬油瓶掉在地上，他拿起來，沒有清潔瓶身直接放回桌上讓客人繼續使用驚驚勁見鬼。😨😰另外旁邊桌上有一位小孩。店員好心幫忙在廚房拿剪刀出來剪碎。碟上的麵是吃過的。但店員剪完之後直接把剪刀放回麵檔，沒有清洗繼續用。😨😨😰

我是吃雲吞麵長大的。廣東式的雲吞和水餃都是我的心靈食品，因此，我亦好有要求。 座落駱克道的永豪麵家是我這心靈食品的供應者。永豪是間小店，沒有什麼裝修，只有數張圓枱，是一老式的粉麵店模式。這個週末我便又外賣了生雲吞水餃和牛筋回家享用。個子小小的散尾雲吞，皮軟而重垂。 比雲吞多了木耳絲和筍絲的是飽滿的水餃，雲吞皮和水餃皮都是永豪自己造的竹昇皮，皮薄而不易爛。散尾雲吞煮好後在湯裏散開如金魚的尾巴，入口雲吞皮的滑溜和饀裏的蝦和豬肉的彈口夾雜一起，這才是真正的傳統廣東雲吞。乒乓球大小的只是雲吞皮包蝦而已!透過薄薄的水餃皮看到黑色的絲絲是木耳絲。 蝦和木耳絲及筍絲為水餃做了2個不同層次的爽脆口感。香濃軟滑的牛筋，味道濃郁，不會過硬或過淋。永豪的白灼鮮牛柏葉即黑色而不是漂製過全白色的那種也是相當美味，他們的竹昇麵也是不容錯過的麵食，但就待下回再分享了。

經觀察後發覺其洗碗工 / 雜工，經常亂丟外賣用品，渣滓等垃圾到其去水渠附近或桶內，到洗碗時總會胡亂放置，最後就是令去水渠淤塞食物尚可，可惜見到後門洗碗雜工的衛生就不敢恭維。

Delicious shrimp dumpling and noodle is the perfect texture. Also ordered the almond soup for takeaway. Clean inside and good service. I will be coming back!

隨著時代改變，香港傳統雲吞麵店真是買少見少，以前頗喜歡佐敦麥文記，但近期再食已經覺得無以前咁好，反而朋友介紹在銅鑼灣的“永豪麵家”，作風平實，價錢實惠，頗有驚喜。招牌雲吞麵$38~雲吞一口一粒，皮薄，蝦爽甜，豬肉香甜，好正！麵是自家麵廠製作，彈牙爽口，麵幼， 沒有鹼水味 ，湯底以 大地魚， 豬骨，蝦殼熬成，加入蝦子多了一份鮮甜。招牌淨水餃$38~ 水餃皮薄， 餡料豐富， 有冬菇絲，韭菜，筍和半肥瘦豬肉， 口感豐富美味。薑蔥黑柏葉$60~黑柏葉入口爽脆，配上大量葱絲和薑絲，十分香口。灼魚皮$48~魚皮非常新鮮， 爽脆彈牙，配上薑蔥，炸蒜，辣椒絲和花生，非常美味。淨豬手$60~豬手除了以柱侯醬炆，還加入果皮，又腍又入味，更添上一份果香。京都炸醬麵$38~炸醬以豬頸肉代替瘦肉，取其爽脆， 醬汁以辣椒，茄汁和秘製醬汁製成， 甜酸辣調配得剛剛好，好惹味，用以撈麵一流。柱侯牛腩麵$40~牛腩肉質鬆化又入味，正！炸鯪魚球(小，6pcs)$60~ 鯪魚肉加入五年果皮，鯪魚味和果皮味都很突出，蘸蜆蚧汁十分滋味。炸雲吞(小，6pcs)$48~雲吞炸得好薄好鬆脆，最好味係個酸甜汁， 酸甜度啱啱好，非常開胃。

今天慕名去試這間麵店。因我手中比較多物件，老闆娘非常細心將枱拉開一點，讓我坐得比較舒服。我叫咗一碗水餃麵和鲮魚球。麵很彈牙，而湯很鮮，一點也不口渴。鯪魚球即叫即炸，很新鮮!連放在鯪魚球的生菜也新鮮及爽口老闆娘送多一碗雲吞麵湯送鯪魚球，十分細心

🇭🇰Hong KongAverage expense pp: HKD$50-100+📍Address: 永豪麵家, Wan Chai竹昇面可以話係香港既傳統手工藝，今時今日，好多製麵程序已經被機器取代，因為講求體力及技術，效率低，已經好少店鋪依然有心去做。反而呢間店，無論係麵條、雲吞皮，還是水餃皮都是自家製。所以你係麵條愛好者，一定要黎試吓！我地點左柱候牛筋腩撈麵($55)。用竹昇䟴出來的麵條，真係會比平時食開既更有韌性，入口爽滑，特別值得一讚係沒有太大的鹼味！而且牛腩肥瘦程度剛好，燉得好入味，牛筋相當有咬口，又有美顏護膚嘅作用！我地食完一碗之後仲想點多一碗，因為真係煮得出色，價格又公道。另外仲點左白灼魚皮($48)，好少餐廳會整呢道菜，因為程序複雜。魚皮淋上辣油、香油，再配上花生，味道果然唔錯，完全冇魚皮本身既腥味，反而增加香氣。最後，我地點左一碗紅豆沙($28)作為總結，紅豆沙足本多料，有蓮子、陳皮等等，煮得好綿密，甜既程度岩岩好。宜家好少餐廳有一家人合作一齊去做，比到客人賓至如歸嘅感覺。我覺得我下次經過銅鑼灣，一定會去食碗雲吞麵。

早兩日同朋友出街，想食吓啲傳統野，見到有間新既麵館未見過，就決定入去食吓！咁呢度啲環境都好classic既港式麵店feel，老闆娘好好客，服務周到。咁就叫左個細蓉，幾好食，啲湯冇梘水味，正！咁老闆就推介左鯪魚球同炸醬麵，我兩樣都有叫，個炸醬麵就真係好靚，超香濃，勁彈牙，推介鯪魚球更加好有驚喜，炸得勁香，外脆內軟，配埋個蜆介汁食簡直係一流，必食另外仲叫左個牛腩麵試吓，都一樣幾高質🤣要搵間唔中伏既麵店唔係易，呢度係好既選擇

喺香港主打手打竹昇麵真係買少見少，仲要係傳統個款就更加少見😢身為麵食愛好者嘅我見到呢間寫明手打竹昇麵就當然要試下啦！呢間舖嘅位置近於鵝頸橋，都算係幾方便～雖然店舖面積唔大，但係充滿人情味！老闆娘見我哋未揀好嘢食又好熱咁，就話請我哋飲杯飲品哈哈～•招牌水餃麵🥟🍜•-將麵放喺上面嘅麵檔已經好少，咁樣做其實係為咗麵無咁容易變腍。而且呢度係用竹昇麵，口感都較為彈牙煙靭。另外水餃入面有豬肉、雲耳、鮮蝦等，超足料！唔會煮過頭搞到水餃散晒，實淨～•柱侯牛筋腩撈麵🐮•-牛筋腩炆得夠腍，兼格好入味～不過提提大家如果中意的肥身少少嘅牛腩嘅話，最好係落單時自己要求啦，因為呢度嘅牛腩較為瘦。而撈麵味道唔會死鹹，簡直係傳統老店嘅味道呀！•炸雲吞🍤•-雲吞皮較為薄身，內裡仲要有鮮蝦，份量又多！好耐冇食咁香口嘅雲吞，會再叫呢個嚟食～.呢到嘅老闆娘人又好 野食又正又夠傳統 下次一定要再Encore!!!

在現今的世代，甚麼都講求速度，人手製作的手工藝很多都已被機器生產取而代之。竹昇䟴麵這個傳統製麵工藝，講求體力、耐力和技巧，單調而重複的工序亦令想入行的年輕人卻步。在時代巨輪下，不少老師傅相繼退下來，令這個技藝幾近失傳。位於灣仔的永豪麵家是一間少數還保留著竹昇麵的舖頭，他們的麵條、雲吞皮都是全人手製作，並且是由店主的兒子親自打造。京都炸醬麵（HK$50)👍👍👍👍👍一碗熱騰騰瀝亁水的竹昇麵，上面舖上一層橙紅色的炸醬，甜甜酸酸的味道隱隱滲出辣味，把炸醬、肉絲和麵條拌勻，可以吃出麵條的爽滑，炸醬濃厚的惹味。招牌雲吞麵（HK$38)👍👍👍👍竹昇麵條爽口滑身，沒有半點鹼水味道，湯底清甜，雲吞皮薄餡靚，全人手自家製作，細細隻，一啖一口，風味又地道。炸鯪魚球（HK$60)👍👍👍👍👍圓碌碌的酥炸鯪魚球，即叫即炸，金黃的外皮，鮮嫩的魚肉，配合鹹香的蜆介同食就更能夠帶出其中的鮮味。白灼魚皮（HK$48)👍👍👍👍魚皮白灼後，配上大量薑蔥、芫茜、花生，再淋上辣椒豉油，令本身無味的魚皮增添味道和香氣。凍檸蜜（+$5)👍👍👍👍凡惠顧竹昇麵，熱飲加$3，凍飲加$5。Storefront Interior Menu