汕頭牛肉火鍋

Open Now

Now Closed

朋友知我喜歡打邊爐，今次特別帶我去這家樓上火煱店，因為他們的牛肉特別好味到塲後，位置幾舒服，不會好迫每枱都有調味料，不用走來走去朋友先點那個炸芋頭，外貌有點似炸午餐肉，味道好濃牛肉上枱，牛味濃厚，好好味，我們食完再點鮑魚好大隻，好新鮮生蠔都好新鮮好多隻牛丸和牛肉餃不能錯過淮山斜切成條狀，灼一陣，馬上食，好爽其他蔬菜和刀削麵都幾好試咗竹蔗茅根水和酸梅湯，味道好濃侍應們服務態度幾好，仲教我點樣下載充電寶

最近發現 #銅鑼灣高質隱世火鍋店 🔥「汕頭牛肉火鍋店」好耐冇食過咁經典嘅牛味！（個人口感）🐂👅他們提供的牛肉部位種類非常多，新鮮且口感優秀🥩👌火鍋湯底的味道也很美味，有多種選擇讓人難以抉擇🍲😋價錢合理（人均$350up～），物超所值💰💯例如：吊龍；油花比較濃郁，食落半韌半嫩 有股淡淡香氣。🐉👌肥牛；個人覺得一般，口感非常嫩滑，但牛味較一般，不過我爸爸係老人家佢比較鍾意！🥩❤️匙仁；肉味清甜，油脂不多，但牛味濃郁，易入口，*強烈推薦。🌟👍我強烈推薦汕頭牛肉火鍋店，銅鑼灣好去處品味美食的絕佳地點。🔥🍽️#火鍋愛好者 #美食推薦 #牛肉火鍋 #汕頭美食 #舌尖上的享受

讚1 牛丸同魚札都唔錯既 牛丸幾有肉香彈1 所有牛肉都係同一種味道 同埋碎到根本打唔到邊爐 滾兩下就縮到得番一片仔 湯底係得鹽味 無肉香可言 成晚食完都唔覺自己食緊潮汕火鍋 係香港台灣同大陸食咁多間最差既印象2 貴噃 平均成五舊水咁滯

首先我book枱時已經問過開瓶費，兩支紅白酒需要$100開瓶費, 當天是星期五晚上, 入座時間為晚上近7時, 直到晚上10時亦沒有滿座情況. 入座時向店員再三要求下, 才能提供實體餐牌供客人選用, 人客亦只能使用手機點餐, 而每一支大支裝啤酒, 均一收費為$48元, 收費極貴, 當要求店員介紹食物時, 其態度傲慢, 指出展示牌已列出各種牛肉的部位, 很不願意告訴每種牛肉的特性似的! 我們沒有點特別貴價海鮮, 但最後四人使用餐後, 除了自行酒水以外, 每人仍需$500以上!

來Tom Lee買琴書先發現汕頭牛肉火鍋招牌，一路都心思思去深圳食但未有機會，即刻決定要試一下，圖中是880二人套餐，加埋一920。抵唔抵要看食材，套餐中牛肉有三款，套餐就沒有五花趾，有吊龍，有肥牛，有嫩牛，吊龍爽口，肥牛甘香，嫩牛清甜，分量和價錢我認為在銅鑼灣算是公道了。丸類不錯，牛丸沒有想象中正宗，畢竟不是本地現打那種質素，可以理解。海蝦超級新鮮非常彈牙。蔬菜拼盤分量很足。牛骨湯底很鮮。可以把沙茶醬做好一些，如果是潮汕人來到我想馬上挑剔的就是沙茶醬，最好是幫客人調好那種，現在這樣還是比較港式，也許老闆是故意這種混搭。酒水價錢合理，一支VSOP只收780，在餐廳算是非常抵。

父親節想一家人食飯，但係好多地方都full booking，無意中係openrice搵到呢間火鍋店，所以決定試下。雖然食過好多唔同種類嘅邊爐，但係潮汕火鍋真係第一次試。入到間店，有poster介紹唔同牛部位嘅名稱，都有介紹邊個部位應該煮幾耐，呢點我覺得做得幾好嘅。咁食潮汕火鍋，當然係以牛為主，問咗店員食邊種牛肉比較好，佢推薦吊龍，所以決定試下。的確，個店員無介紹錯，吊龍係今次order嘅3種牛肉入面最好味嘅，俾到人嫩同入口即溶嘅感覺。其次係雪花都ok，滑滑地，不過匙仁麻麻，容易老。之後仲order咗牛筋丸、魚皮餃、蝦丸同埋墨魚滑。墨魚滑鮮嫩，值得一試。

同朋友们一齐出来玩，搵到这家新开嘅汕头牛肉火锅，上来试下。出咗电梯，就见到服务员很热情👍🏻，环境装修都唔错。坐下看见菜单，有咩不清楚嘅地方服务员都会解释，很热情地介绍菜品。我们点咗雪花、匙仁、牛油爽、牛粉肠、牛展、大海虾，都没踩雷我自己最锺意嘅就是雪花、牛粉肠、牛油爽。雪花肥瘦均匀，进嘴就有牛肉嘅香味，不愧是正宗潮汕牛肉，值得试试。牛粉肠清洗得很乾净，肥油都洗得几乾净，吃起来系滑滑嘅口感。牛油爽煮过後口感脆脆，很特别，一点肥油嘅感觉都🈚️。匙仁、牛展都系不错，煮一下都好好食，🦐入锅都活蹦乱跳，很有活力喔。酸梅汁酸酸微甜，一试就知系无添加，配牛肉火锅很爽口开胃。餐後服务员仲送来绿豆汤，清热解暑，降火气，真系很贴心。我们仲有很多菜品没试过，下次再来试下其他部位牛肉同牛肉丸。

在為一個汕頭人，能在香港吃到這樸的汕頭牛肉火鍋，覺得挺難得的，久違的汕頭味，沙茶醬也是汕頭的那種沙茶醬，真的是一秒嘗到汕頭味。推薦五花趾同匙柄，這兩款肉都係我係汕頭最鍾意食嘅肉，聽講宜家縱開始午餐，得閒一定要試下d鹵水喇。

今日接女朋友收工去食飯佢叫我諗食乜嘢，打開open rice搜尋附近有咩食，比我搵到一間打正旗號汕頭牛肉火鍋既食店，新開冇comment，但見到入d相裝修幾靚，又有Ricky師傅幫襯一於試下！入到鋪頭唔算大，可能新開加上平日冇乜人地方都好乾淨企理，店員好親切笑容介紹餐牌牛肉部位，我同佢講我啱啱返完潮州食過牛肉火鍋一定會比較，佢好有信心話一定會令的滿意！餐廳牛既大部份部位都有得食，而且每個位置都可以點細份，丸類菜類仲可以雙拼，呢樣真係抵讚！湯底揀原味牛骨湯，最初點咗3樣牛肉（匙仁、吊龍，五花趾）試下水溫，我比較中意匙仁肉味濃同比較淋，女朋友中意吊龍因為有油花比較滑，五花趾我地都唔係好識欣賞比較韌同有咬口，之後再叫多碟匙柄肉味濃同有咬口！！之後再叫咗皇帝菜拼芋頭、鮮蝦、汕頭粿條，實在叫得太多，最後服務員問要唔要食糖水都飽到食唔落！整體食物質素真係唔錯，香港嚟講算係正宗，價錢亦唔算貴，埋單加一$1045，銅鑼灣區真係算抵食，下次會再返食！！