沙田新強記燒鵝海鮮酒家

Open Now

Now Closed

朋友要移民啦,呢排主要都係食中菜同東南亞菜。大圍呢間新強記，侍應姐姐服務好好，會就住人數提客人點幾多個菜。🦐迷你海皇冬瓜盅（期間限定）($188) 一坐低，姐姐就問飲唔飲冬瓜湯，佢話得返兩盅，賣完就冇。即刻叫咗一盅，雖然佢叫迷你冬瓜盅，但係其實份量十足，材料豐富，有魚肉、元貝、蝦乾等等，我哋三個人，每個人起碼飲咗三至四碗。天時暑熱，食冬瓜盅啱晒👍🏻👍🏻👍🏻砂煲鮮雞粥（$60）雖然係一人份量，但份量十足👍🏻每人都食到兩至三碗。用砂煲仔上， keep到個溫度，而且雞肉鮮嫩又滑，成煲粥都好鮮甜。新強記燒鵝王（$190)嚟呢度真係要試佢個燒鵝，皮脆薄嫩，肉質鮮甜，超級香口😋😋😋食到停唔到口椒鹽鮮魷($128)外皮炸到脆卜卜，入面嘅魷魚新鮮爽脆，雖然有啲熱氣，但係真係好香口。😋😋最後仲有最正嘅糖水今日有綠豆沙紅豆沙兩款都各有千秋👍🏻👍🏻紅豆沙粒粒分明，有香濃陳皮味，仲起晒沙😍😍綠豆沙仲加咗臭草，清熱氣一流👍🏻👍🏻整體服務質素非常之好，每款食物都好好味，有傳統酒樓嘅人情味👍🏻👍🏻👍🏻

今次我想同大家分享一下我最近去飲茶嘅經歷，真係好開心！我點咗幾樣好正嘅點心。首先係牛肉腸，外皮滑滑，裡面嘅牛肉餡好鮮嫩，咬落去有種滿足感。接住係黃金糕，金黃色嘅外表，口感軟綿，甜而不膩，真係好好味！然後我仲試咗棉花雞，雞肉嫩滑，配上特製醬汁，味道一流，令人一口接一口。燒賣就更加唔使講，肉質鮮美，還有蝦仁，口感層次分明。最後，鳳爪就係我最鍾意嘅，醃得剛剛好，咬落去彈牙，真係好過癮！整體來講，今次飲茶真係好滿足，唔單止食物好味，仲有同朋友一齊分享嘅樂趣，真係一個好好嘅下午！希望下次可以再嚟！

住附近，有朋友来人多的时候经常去，一直觉得菜品挺好。这次必须给评论了。拿了三个可乐，没打开，我说要退一瓶，不给退！还是两个服务员冲我说下单了不让退，好凶！好么我也只能跟着嚷嚷了，吃个饭不带这么受气的！没听说可乐下了单没付钱没打开不让退的！虽然是小事就十块钱而已，但是态度我不能忍受！最后可能看我强势就给退了，但是心里很不舒服，本来烧鹅吃得好好的，影响心情！难道不给退也是香港餐饮业潜规则？以及，确实没法和深圳比！开始理解港人宁愿费时间也要北上了！

近排想食靚燒鵝，近近地去新強記試一試。燒鵝（半隻）份量幾多，肥瘦均勻，首先是外皮。經過精心烹制,皮層酥脆微黃,散發出誘人的香氣。咬開後,濃郁的鵝油香氣撲面而來,口感軟嫩鮮美,一點也不油膩。咀嚼之間,皮脆肉滑的完美搭配,帶來難忘的口感享受。再來看內裏的肉質。燒鵝的肉部位選用非常講究,既有富有彈性的胸肉,又有綿密柔嫩的腿肉。每一口都是肉質鮮嫩多汁,入口即化,完全沒有任何乾澀感。調料的運用也恰到好處,為肉質增添了一層醇厚的風味。椒鹽九肚魚香口酥脆，肉質軟滑。金銀蛋莧菜新鮮翠綠

新強記今日同老婆去一間大圍地標餐廳，就係（新強記燒鵝海鮮酒家），今日送完阿仔上堂，同老婆2人世界，食番d有水準既酒樓點心。今日去到已經係中午食飯時間，都要等陣位先入得。去到即刻點左佢地出色既點心先。菜苗鮮蝦餃：好大隻，菜苗好嫩，冇牙都食到，蝦🦐又大隻。懷舊鴨扎：鴨腳扎仲大過我拳頭👊，包住滿滿既餡。香茜牛肉腸：腸粉好大條，又滑，牛肉又足料。脆脆紅米腸：好特別顏色既腸份，竟然係紅色，包住脆脆再加埋肉鬆，口感好特別。胡椒咸菜豬肚湯：依個湯每次必叫，又大碗又好飲，又足料。瑤柱蛋白炒飯：每粒飯都被雞蛋包住，粒粒分明，好有鑊氣。Ps:另外佢地其實仲有好多招牌菜，燒鵝/雞粥/乳鴿，每樣都係我最愛😍

同事帶我去大圍新強記飲茶，他說讀中學時已來過，裝潢仍是差不多，原來已有四十多年歷史。有多種類點心、午市特價燒味飯新強記出名是燒鵝、乳鴿及雞粥燒鵝髀飯 $98有油光的燒鵝，確實好吸引皮脆肉嫩，而且脂肪較少，令人齒頰留香蜜汁叉燒腸（大點）$34腸粉皮又薄又滑，餡料豐富煎釀茄子（中點） $32香口的魚肉釀入大大件的茄子蝦餃皇2隻（中點）$32有2粒或4粒選擇，皮薄包著爽口彈牙的蝦肉山竹牛肉球（大點）$34牛肉球也是比平時的油酒樓巨型大粒，肉質鬆化有牛肉、芫荽香，當中有馬蹄粒更爽口。懷舊芝麻卷（中點）$32芝麻卷是熱的，充滿芝麻香，入口濃郁但甜度剛好。

蔥薑炒龍躉頭腩，全是炸麵團和魚骨，沒什麼魚肉。菜名裡是有頭，但也不必把魚眼也裹上麵粉炸吧？腩呢？魚肚腩肉呢？吃完滿碟麵團和魚骨，試著放回煲裡，又是滿滿一盆，可見有多少肉給食客吃。我和餐廳工作人員講，人都沒聽我們講完就自己轉身走了，理都不理。我再也不會光顧這家餐廳，但貢獻出第一篇openrice評論給它。

拜年都冇咁齊人，今晚成個家族飲茶，好耐冇嚟過呢一間酒家食嘢，之前都多數係嚟食晚飯，今次你飲茶，又覺得幾有驚喜。我覺得佢係偏向舊茶樓嘅風味，點解咁講呢？又蒸蘿蔔糕、雞絲粉卷、千層糕同埋芝麻卷。都係舊式嘅做法，芝麻卷仲癲到係啱啱蒸完之後有水出嘅。賣相係搞笑啲，但係真心好食。同埋好少中午打口都有粥食，仲要個粥底都綿綿地，唔好理佢點整，但係佢就整到好似煲咗好耐嘅感覺。遜色少少就個燒腩卷啲柱侯醬味太濃，同埋最後叫咗個黃沙燒賣，個豬潤嚡過沙紙。另外值得讚係個燒鵝，食得出個肉係有層次嘅香味，同出面嗰啲燒鵝真係食得出個分別。同埋隻鵝都唔算太肥比例適中，我覺得可以多啲嚟飲吓茶都唔錯，唯獨係冷氣唔係好夠開咗吹風機都有少少熱。

是日晚飯時候來到沙田老店吃乳鴿和雞粥。雖然時間還早，食客已擠滿了酒家。這裏座位較迫，但勝在光猛。我們一行四人選了一個超值乳鴿餐和炒河一碟。超值乳鴿餐 （$350）～紅燒乳鴿2隻乳鴿大小適中，肉質嫩滑。沾上准鹽或醋來吃，味道更上一層次。～新強記雞粥（例）滿滿的一窩雞粥由店員給我們分到小碗中。雞粥入口綿滑，雞的份量也不少。微微煎過的連骨的雞肉吃起來味道更突出。～金銀蛋時蔬（例）重味的鹹蛋和皮蛋配上清淡的莧菜是最佳配搭。干炒牛河 （$108）牛肉大大片，完全不韌。河粉炒得條條分明，味道適中。配料少不了的芝麻、銀芽和韭黃爽口惹味，頓時去掉了肥膩感覺。這店的食物質數不錯，價錢公道，怪不得常常都高朋滿座。

住大圍平時行過沙田新強記燒鵝海鮮酒家，好old school嘅感覺但係一次都未食過，今日試下啦，入面嘅傳菜姐姐真係唔同出面酒樓，一種唔識形容嘅儀式感好好午市燒鵝飯今日好Lucky有燒鵝髀，賣相好靚大大碟好香噴噴。星閃閃嘅燒鵝皮咬咬落去好脆，點一點個甜酸醬，燒鵝既油脂係口入邊一下爆曬出嚟，人生無憾。新強記蝦餃皇應該係我人生入邊食過最多餡同埋最大粒嘅蝦餃。我唔理啦成粒蝦餃塞咗入口，蝦好彈牙同埋蝦嘅鮮味包圍住我，蝦餃皇我比滿分。蟹籽燒賣皇燒賣好大粒上面啲蟹籽粒粒分明。我係燒賣嘅忠實fans，成粒都好鮮味多汁，口感同味道都好高質。臘味蒸蘿蔔糕好少會食到蒸嘅蘿蔔糕，有啲古法feel。食落去好水潤，有好足料臘味同埋蘿蔔絲。姐姐細心幫我哋落左調味粉同埋甜豉油。好味！金珠鹹水角同而家新式出邊食開嘅鹹水角有啲分別。而家通常新式酒樓都係薄皮果隻。呢隻係舊陣時時師父做法，係細細個嘅味道。個皮係好脆好煙靭甜甜地，個餡好香鹹。正！強記雞粥呢個雞粥真係超級超級好食！我覺得係必食之選。雞粥入邊落咗好多薑蔥料頭，雞肉好香滑好足料，唔知係咪師傅落咗雞湯煲，成個味道好入味好香濃！超級讚！

係大圍唔知食咩好 ॱᯅॱ比佢既紅燈籠吸引咗 試問而家既香港仲會唔會有掛住紅燈籠既酒樓𖦹‎𖦹‎.ᐟ.ᐟ  之前同老一輩既親戚過嚟食飯 佢哋都好鍾意呢間酒樓 今次我同男朋友兩個試下先⤩ ⤪ ⤭ ⤮ 𝒪𝓇𝒹𝑒𝓇 ⤱ ⤲ ⤯ ⤰ 雞粥 $𝟞𝟘（位）超級超級超級抵食 (ͼ̤͂ ͜ ͽ̤͂)✧ 我哋叫咗一位雞粥（除咗位 仲有例同大 各有價錢）但可以食到四碗粥 料又多 味又濃 完全唔𝖍𝖊𝖆 ᵒ̴̶̷̥́ㅂᵒ̴̶̷̣̥̀ $𝟞𝟘四碗粥食到飽未上枱已經聞到雞粥既味道入邊一早撈左薑同蔥 所以唔食既人記住落單要講定走薑同蔥好值得食呀๑⃙⃘´༥`๑⃙⃘新強記小炒王 $𝟙𝟚𝟠男朋友最鍾意食小炒王 ⚗︎·̫⚗︎所以特登叫左俾佢食 又係未上菜 佢既氣味已經好香 係男朋友未影相之前已經偷食左腰果同韭菜 我覺得每間餐廳既小炒王都有啲唔一樣 新強記小炒王有大蝦乾 魷魚 菜莆 韭菜 白飯魚 腰果⌯'Ⱉ'⌯ 所有材料混合埋鹹鹹香香 加上鑊氣十足 正呀 ૮ ᴗ͈ˬᴗ͈ෆა 椒鹽海蝦 $𝟙𝟙𝟠是日推介 冇諗過佢既椒鹽係伴隨着辣味 但佢既辣味好香 個蝦殼好脆可以吞嚟食 ᵔ⤙ᵔ 我連啲配菜都食晒 你就知有幾好食啦ᜊ•ᴗ•ᜊ 所有菜式都香氣逼人 果然係𝟜𝟘年老經典茶樓 •͈ ₃

有內地朋友來港旅遊，約咗我食晚餐聚一聚，佢話想食一些特色嘢，我帶咗佢去沙田食雞粥，沙田新強記雞粥嘅雞粥真材實料，係沙田嘅代表作，其次仲有燒乳鴿和燒鵝等都好出名。椒鹽鮮魷外層香脆可口，入面嘅鮮魷厚肉彈牙，加上惹味嘅椒鹽，送酒一流！脆皮炸大腸外層酥脆，內裡軟糯卻夾雜著豬腸肥油的甘香。點些甜酸汁，味道更提升。還有酸酸甜甜嘅菠蘿墊底，可以解解膩！沙田雞粥（例牌）：份量十足，粥底綿滑又香甜，雞件都不少，口感嫩滑。加埋薑蔥嘅香味，鮮甜美味。埋單前還有糖水送，綠豆沙綿滑流沙，清香順喉。

沙田友嚟講 冇可能冇聽過新強記😆但係作為喺沙田住咗超過10年嘅我，其實係未食過嘅🤫今晚臨時起意 就同咗媽咪兩個人去食新強記睇吓佢係唔係坊間吹到咁有特色先🤭🥢乳鴿呢個係招牌菜 梗係要嗌嚟試下啦一咬落去 個皮真係脆嘅好新鮮好嫩 唔怪得真係枱枱都有order🤭🥢豉椒炒大蜆呢個大蜆就犀利喇每隻都好飽滿又好Juicy真心食到lamlam脷😋🥢咖喱牛腩煲我一話嗌呢個咖喱牛腩煲 我阿媽完全係用鄙視嘅眼光望住我😀點知未上到枱佢已經話好香一路食 啲牛筋牛腩都好多 而且啲汁都真係有啲辣好開胃🤤然後媽咪最讚嘅係佢啲薯仔🥔 話佢真係煎過嚟 好食好多🤭臨尾仲送咗兩碗紅豆沙俾我哋食🫶🏻最緊要係佢哋啲服務勁好真係會行過巡吓啲枱見到我哋兩個個碟食完乳鴿好多骨 即刻調轉頭幫我哋拎兩個新嘅碟過嚟嗰一下其實都幾surprise😂因為呢啲街坊生意嘅酒樓通常都冇咁好服務仲要自動自覺 成餐飯幫我哋換咗兩次碟我真係嚇親🤣🤣🤣平時都係做節嗰啲包咗房食飯先有人咁細心serve呢間下次一定要同多啲人一齊嚟食先可以試到我要試嘅雞粥🤩

昨晚我終於有機會去沙田久仰的新強記燒鵝海鮮酒家用餐，食左幾款招牌菜，總括來說都唔錯，大家不坊去試下🤩✔️滷水鵝掌翼前菜一定要叫滷水鵝掌翼，鵝掌翼滷得非常入味，邊食小菜邊配酒一流🍻✔️椒鹽九肚魚🐠外層的椒鹽炸得酥脆，內里魚肚保持了鮮嫩多汁口感，每一口都能感受到魚肚的鮮美和椒鹽的香辣。✔️漁香茄子煲🍆茄子煲恰到好處，茄子入口即化，散髮出誘人的香氣，而且味道帶有濃郁漁香味，送飯一流🍚✔️秘制香辣雞煲🐥雞肉滑嫩多汁，完美地吸收了香辣味道，麻麻辣辣既味道令人食慾大開，超惹味👍✔️紅燒乳鴿外皮燒得香脆乾身，咬下去係非常Juicy，油脂香味香到不得了，必叫之選。想要搵香港傳統美食，新強記燒鵝海鮮酒家絕對是一家值得光顧的美食聖地

阿女提起想食雞粥，我哋不約而同立即想起沙田新強記燒鵝海鮮酒家，佢哋係招牌菜: 燒鵝、乳鴿和雞粥真係食過都會翻尋味，而家地鐵除咗東鐵線，多咗屯馬線，一出地鐵站對面就係，酒家交通非常方便，話咁快就到左，侍應安排我哋入座後，立刻送上香茶。沙田新強記雞粥：分大中小份量，就算一個人都可以叫，我哋兩個人叫中就可以，份量足夠食到飽，廚師先用薑及蔥爆香雞件，再用粥去煮。這樣就能逼出雞的香味，融化在綿綿的粥裡面. 每一口粥都充滿雞香的味道。南乳吊燒雞半隻：本身想叫乳鴿，但係阿女話想試吓燒雞，廚師用獨特醃制方法非常入味，又保留雞肉滑嫩，肉汁豐富。點些特別調製嘅南乳醬汁，非常惹味又香脆。椒鹽鮮魷：是一道香口菜式，用新鮮的魷魚製作，食落外層香脆，肉質緊實有彈性。最後有糖水送，紅豆沙入口軟腍，清甜中帶一股果皮香。