波記 (Closed)

來過多次，每次都叫鴨瀨加韭菜花，偶然亦會食雲吞，這晚再來，再吃我的至愛。湯是鮮甜，加入燒鴨肚內之汁液是一絕。燒鴨不會太油，皮亦算脆，放在湯裹，味道更佳。韭菜花通常是無渣，可是今次就有小小，但仍然算是不錯。今晚較餓，後加一個鴨米粉，米粉就一般，不喜此物者，不用試，始終最好是配瀨粉。註：若在這店食鴨脾粉的話，可要求鴨脾免切另上，不用放在湯內。左手拿鵝脾，右手夾起瀨粉，好寫意。

早前偶然瀏覽到波記的食評，心中納悶，自認對石塘咀十分熟悉的我(因我讀書時最friend的死黨和家中大少爺以前都是住在石塘咀的)，竟不知山道口有這麼一間被受好評的食肆。為食的我當然慕名造訪。晚上7點，客人不算多，四五張枱各坐了一兩個人。理所當然要試傳說中的燒鴨，便叫了燒鴨脾米($30)。單看賣相已值9分，“肉”腿活色生香地橫陳在米粉上，層皮好似打咗Botox咁，豐盈緊緻又沒有太多脂肪，一啖咬落去燒鴨油在脆皮之下併發而出，嫩滑的肉加上豐富的肉汁~~~ 超掂! 湯底亦非常鮮甜，越吃到尾，那些湯亦因浸入了更多鴨汁而越美味，一啖米粉一啖湯，好快已經幹掉了一碗(不過他們一碗的份量比一般麵檔少)。介乎飽同唔飽之間，便叫多碗凈雲吞水餃，雲吞和水餃餡的豬肉比例較少，加上其調味較淡，不像一般食肆勁加胡椒以遮掩餡料的不新鮮，看似平凡但卻是十分的鮮甜和爽口。翌日，那碗燒鴨脾米的色香味彷彿仍瀠繞鼻端和口中，放工時心癢難搔便又去encore……不得了原來是會食上癮的呢，呢度好危險呀^p^ !

有型也分好多種,小弟心目中,大約是: 今時今日仍然死守十多年前的潮流,留個Aaron頭,Bold 袋襯York變色龍喇叭褲,比中共的香港的五十年不變的立場更堅定,如此型過籠,實在令人尊敬. 堅拒不看任何韓劇,日劇,甚至乎不看周星馳,古惑仔電影系列等等....擺明是人做我唔做,我有我態度.在一大班曼聯球迷之內,身處心口印住嘉士伯不特止,而且仲要高唱You,ll never walk alone,勇氣可嘉. 吃過大大小小餐廳排檔,最有型之表表者,就是在西環山道腳下的波記.休息日不定,試過好幾次碰釘,兼且要到晚上才開舖,身為地舖,連電話也沒有,有意無意去營造一段距離.老細不苟且笑等等.... 不是型是什麼?直頭"型到爆",所以周不時,也飄洋過海,專程來宵夜. 除燒"鵝"瀨之外,另一味,就是雲吞撈麵.雖然並不如大光燈地走傳統路線,(多肉少蝦).不過其蝦肉爽口新鮮,麵條沒有太多鹼水味...半夜三更,管得那麼多? 再來碗天上有地下無,由鴨油,湯底,加瀨粉組成的"三叉戟"燒"鵝"瀨,如願足矣.話說回頭,燒鴨當燒鵝,又的確幾"型".並不是存心掛羊頭賣狗肉,而是建立在其態度上.燒鴨吃出燒鵝味,黃興桂都搭

一早聽聞呢度有全城數一數二嘅燒鴨瀨粉。今日趁晚上有空檔，不惜坐車親來一試...原來坐落於以前熟悉嘅舊地，想當年跟好友沿着斜路行落去飲茶食tea，好懷念....店子小小，得四至五張枱，大部份似係熟客，見佢哋一行入嚟就跟老闆打招呼，自己走去冰箱攞嘢飲...不怠慢，馬上叫碗鴨脾瀨...一望賣相已知極美味。先喝一口湯，湯底極甜。湯本身已甜，經混和咗D燒鴨汁後，甜上加甜。飲唔出係師傅上身，飲吓飲吓，成碗乾哂...燒鴨雖然係用來貨，但肥瘦得宜，肉地夠實淨；雖唔係新鮮出爐，鴨皮食落仍帶有少許微脆...非常之出色，好想知道佢哋嘅燒鴨嘅來貨係來自邊度...瀨粉就相對地普通，無甚特別...但已經係水準跡近完美嘅鴨脾瀨。忽然想起，若果換轉將太子大記嘅攦粉加入代替，咁就真係perfect嘞...當然唔夠喉，叫多碗淨雲吞。傳統style，細細隻，豬及蝦肉参半，一碗十隻，一個人獨吞，又係食至碗底朝天...好滿足嘅一餐，應承太座下次一定要帶佢試吓...平、靚、正...三個字講晒....

今日放工, 特登返來食番碗雲吞麵. 15元一碗, 五粒雲吞, 好有蝦味! 唔知點解, 一想起去西環行, 就記得山道呢間小小麵檔, 雲吞的清湯, 鮮蝦的味道, 上次(一年前)同一班同事食雲吞麵, 燒鵝溂既感覺冇變! 不過今次冇食燒鵝溂, 只食了雲吞麵+ 水餃其實細個跟阿哥食過, 不過已經冇乜印象!!

終於尋晚食到啦！依各網友提示，試咗：燒鴨瀨一如傳聞，d鴨係凍嘅，要浸一浸d湯先會暖返。而且碗野唔算大，男人真係唔夠。不過咁，亦都一如傳聞，真係好正！每一樣都有佢應有嘅味道同口感，燒鴨有燒鴨味、皮香（仲有d脆添），湯底有鴨湯味，瀨粉亦都有佢嘅味道。重要嘅係，佢地好夾，配合之後，我只可以講，呢碗真係燒鴨瀨嘅代表作！水餃麵同樣，細細碗，個樣無乜特別，不過食落，d麵爽夾滑、又無乜梘水味，水餃每一乜都咁正，皮唔太厚、唔太薄、無話有一乜係一舊粉，入面有齊蝦、豬肉末、筍絲、冬菇...湯底亦都似樣。同坊間好多麵舖比較，呢碗先至稱得上係真真正正嘅水餃麵！蠔油九菜花好嫩滑，無一條係有渣，正！幸好佢有一眾港大學生支持，唔係，真係好難可以堅持到真味嘅食肆。同學們，你地真係要好好咁愛惜佢呀！

自細唔仲意食燒鵝瀨,覺得唔好味,點知上星期比朋友拉去波記,從此愛上...女朋友:唔餓我:咁我要一碗朋友甲:一隻鵝,兩碟油菜,七碗瀨粉唔該!!店員k瀨粉一到,自已試左一口,嘩!!正呀!!表面冇異樣地繼續食,點知女友問:比我試一試好嗎?不妙,比佢試食之同時間,我大叫起來:比多碗瀨粉唔該!!各人望住我好似好奇怪,這麼怏又叫一碗?很怏他們便知道why.因為for女友試一口的瀨粉已經試左半碗,仲好以仲未試完咁.試下試下,差d要試多碗先試得真...鵝---勁好味湯---勁好味粉---都係勁好味真係全港好味的燒鵝瀨

隻燒鴨比真系幾好~! 肉淋又瘦身無乜肥膏但亦甘香(好矛盾, 無肥膏都甘香), 湯底可見無乜肥油, 至於瀨粉係以前食開個隻, E家D瀨粉好多變晒好似米線咁x_x 係兩樣嘢嚟o架!!! 不過都幾貴... 燒鴨瀨$17 (ok) 但燒鴨比瀨$30~!上環新園燒味2pm後燒鴨瀨$11 咋...........

唔知點解雖然係燒鴨，但係居然比起深井裕記更加好食．．．雖然燒鴨都是從發泡膠盒中切出黎，有時重會有些少凍；但居然都重係咁好食．．．雖然佢好夜先開門口，但就正好岩哂我呢嘀十一二點先得閒黎食飯既香港人；反而食過咁多次，都未試過摸門釘．．．雖然舖頭簡陋，間格亦怪怪的；但人情味濃，波記都是做街坊生意，間中會同熟客有傾有笑．．．雖有人說老闆怪怪的，但給我的感覺不是怪，而是很專心去做好呢碗瀨。有時好彩係佢上碟，我會見到佢係會心微笑的．．．雖然我住東區，但山道波記真係幾遠都要去．．．雖然只是湯瀨麵燒鴨雲吞水餃撈麵油菜，但是在我心中已列入香港十大食肆之列．．．其實這間舖頭是沒有衰然的，睇得呢間既各食家的食評，都知係港島西必食之選．．．

今晚就因早前心情欠佳而沒有食晚飯, 一肚子悶氣消去....當然是留下餓肚子一個早在97 年, 小弟兼職夜更的山道m 記.. 差不多每次下班.. 差不多十二點一點..差不多每次都會幫趁燒老闆.燒老闆店名波記, 波記這個名字是近年來裝上鋪面(或是近年來我才發現),我一直叫其老闆做燒鵝瀨老闆.簡之姓燒.故名思義.. 我每次也一定食燒鵝瀨燒鵝瀨就三個字就可以令人津津樂道, 想到皮脆肉軟夾埋層油的燒鵝.. 爽滑瀨粉加上正宗大地魚乾湯底... 一點兩綴的"青" 如妙筆生輝, 畫龍點睛你會問: 車... 我都唔食燒鵝, 又肥又毒.好的.. 燒鵝真是又肥又毒, 那可以試試波記的雲吞.老老實實雲吞在真正的北方雲吞中.. 是沒有蝦的.. 只有肉.香港的"變種"雲吞.. 有的店子有肉有蝦. 有的更有香菇, ..包得大大的.. 不算是雲吞.. 是燒賣波記的雲吞也有蝦... 大路向嘛~ 只此一"隻"蝦仁加豬肉.. 不多.. 但口感卻是一流.. 因為終於得閒食塊滑滑的雲吞皮...11點鐘.. 閒閒的在有點迫的波記.. 堂食一客淨雲吞, 一客比瀨免切.. 為一時的失落來個補償.滿腹滿足

昨晚响度買燒鵝瀨返屋企宵夜,波記依舊較Cool,唔知係老板娘定伙計吹咗陣水問我個女點解咁耐無見,碗瀨粉依然好味

波記響西環山道算係出晒名的一間麵食店.其老字號都有十幾廿十年歷史開外.佢由街邊檔, 做到入鋪, 好多街坊支持架.其主要特色營業由晚上七點半八點至凌晨兩三點.正正式式只做夜市出名好食既係燒鵝麵其實係燒鴨又唔係自己燒不過佢地來貨的燒鵝又香又脆皮配瀨粉或麵都一流.另外好食既有自家包製既中蝦雲吞及秘製牛腩如果你有幸夜晚去開西環一定要試下呀.可惜我今日去到只係七點仲未開鋪.....地址: 石塘咀山道23號地下

講完祥興講波記,燒鴨瀨我個女每次必食,真係好好味,雲吞都掂,間舖要賣吨種類十隻手指數得晒,係一間有Heart麵舖,雖然老板好似好Cool,熟稔咗就知道唔係,久唔久仲聊我5歲大個女,不過佢幾時休息無人知,如果預早貼張紙就好嘞

又一個階段的結束，亦是另一個階段的開始，想來想去這個紀念食評想特別點，就選以這食肆作一評吧！以住在新界鄉郊甚少跑到港島西垂的筆者來說，幫襯這裡都幾講彩數，下面南瓜兄已經提及，不定期的休店及晚間才開舖及沒有電聯方法的情況下，有可能來到只能望門輕嘆；例如是晚六時多來到，遠看見到門閘已開，踏進舖內時四眼波記說要七時才營業，轉頭過來吧！若是普通食店，早已溜之大吉，但是遇上這間難以掌握的食店，唯有如等待傾慕的女孩子一樣，傻等吧！七時多回來時店內顧客已座佔半店了，大部份都是點燒鴨瀨，當然這時候馬上佔坐一位置四正的位置，來碗鴨脾瀨吧！細佬波記斬鴨，四眼波記淥麵，講實他們真的無甚笑容，絕對沒什服務可言，跟快餐店招呼差不多；但見這裡幫襯的食客絡繹不絕，真的明白大細波記絕對沒時間招這呼那。這裡出名的燒鴨瀨，雖然燒鴨是交來之物，但每隻都是肥大肉厚，皮脆、膏小、味濃，而鴨身內的肉汁又將之澆到湯瀨裡，使湯底更濃但亦見鮮甜，加上滑漏非常的瀨粉，這碗可算至正燒鴨瀨，。據聞這裡開業三十多年，初時在山道附近以手推車經營，十多年前才搬入地舖，客路亦寬闊多了，但仍不失飄忽無定及性格小店的基本。幫襯完，行出門外，再看到幾個顧

今晚開會攪夜，同老婆想食人介紹一間食燒鴨麵鋪頭－但係唔知係喎，只記得叫波記。上開飯網倒個地址就去。見倒入面都有幾客就立即坐低。叫４碗麵：水餃雲吞燒鴨燒鴨整體質素幾好，最好味係燒鴨唔肥唔穌有味，重要汁都攪到湯好甜！可以番食!