泰國BBQ

Open Now

Now Closed

今日做完個test就一行人黎呢邊吃個lunch.....呢到地方比較迫夾,椅與椅之間相距較窄,要行入入邊d位度都好難下。叫左個紅咖喱香茅豬扒,個餐份量充足,d咖喱汁就微辣，飯軟硬度都適中。豬扒煎得都脆脆的，見到d豬扒度係有香茅，可惜味道俾咖喱搶過左。唔叫餐飲ge話，呢度仍會提供茶水。整個餐算係中規中矩，下次吃lunch仍可再作選擇。

今日落左堂之後同同學過黎呢度食，呢度又唔使點等位。就入左呢間食，呢間都好耐無食過啦。餐牌都無變過，而且環境都幾迫下。沙嗲豬頸肉飯個沙嗲味唔係平時果種，反而係甜甜地，味道有小小怪。但出奇地，個沙嗲有小小花生粒。而豬頸肉都有好多，有十幾塊到啦。味道唔錯既，唔會太韌，好好食。青檸冰味道唔太濃，只係覺得有小小梳打水既味道。唔係太好。其實都唔算太貴，不過個環境就迫小小，坐得無咁舒服。

今日同同學上完堂就黎呢度食午餐，隨裝修簡簡單單，無乜特別。我就叫左個咖喱豬頸肉飯配黑糯米椰汁冰。黑糯米椰汁冰黑糯米幾爽口，令平凡既椰汁冰變得不平凡。我始終覺得椰汁冰太單調啦，所以就加埋黑糯米。而椰汁又唔算太甜，好過一味得個甜字既。紅咖喱豬頸肉飯個汁唔算太辣既，但咖喱味可以濃既。而飯都算煮得幾軟熟既，豬頸肉就真係唔錯既。煎過黎，所以個皮都脆脆地。好耐都無食過咁好食既豬頸肉啦。呢間係第一次去既，食物都算唔錯，價錢又合理。可以整多新既菜式。

琴日落雨冇出街買菜唯有落屋企樓下食。泰國BBQ之前都諗過食但上次行過又岩岩收工，今次終於比我食到喇，叫左個馬拉盞炒過菜，一個牛肉泰式炒飯同一個冬蔭公湯。一陣間個菜就炒起左，見到好似個油菜走油加左d馬拉盞撈埋咁，味道都可以喇。個炒飯同個冬蔭公湯d番茄有d怪怪地咁，所以冇食到，不過都算可以。整體來說都叫做ok喇但唔夠鑊氣，同唔夠正中。

睇住佢由"旭日小食"變成而家既泰國BBQ (BTW, 唔係叫曼谷BBQ 咩？)一直都係外賣既首選~~最鐘意係佢d 泰式湯粉由起初既$18 送野飲，一直加價 其實加價都係合理，始終通脹都好勁早排裝修後再去幫趁外賣湯粉冇記錯裝修前係$22送野飲今次竟然已經去到$25 仲要冇埋野飲~~都算了~~最失望既係佢既份量真係細左好多！！！以前係用湯碗咁大(發泡膠蓋個隻)外賣碗而家竟然係用碗仔翅既隻碗！！ (同款，但闊少少....)一見到隻碗咁細都知lai 野返到屋企打開一望，其實都裝得好滿的可惜問題既根本係隻外賣碗真係太細.......放埋蘿蔔、配菜同埋d 餸，已經冇咩位.....其實佢係足料，偏偏d 粉既份量非常少少少少少少少少少少....... 我相信d 粉唔係好貴掛？結果食完好似食左個杯麵咁....... 完全唔飽

今日去老師度拜年，人太少打唔到邊爐，所以近近地落佢樓下食，據說呢個係佢0既飯堂，一入到去就有伙計問佢＂今日幾位呀？＂，可見佢係非一般的熟客三個人叫左：豆腐肉碎湯（細）：真係好細碗，我一個人都可以KO佢，不過清清地幾好味，而且好多料，但係豆腐居然係玉子豆腐，真係估佢唔到烤魚：烤左好耐，差唔多食晒先上，烤得好勻循，個皮極脆，好香口，揭起層皮淨食魚肉，熱辣辣冒晒煙！而且魚肉唔老，好好味！一Ｄ都唔熱氣，好正！豬頸肉紅咖喱飯：原來唔係好似坊間成大pat咖喱，而係淡淡的汁，我覺得個texture似熙Ｄ的椰汁，又唔辣，好味！豬頸肉就無乜特別～烤雞肉串：呢個好好味！雞肉唔鞋，有少少沙嗲味，加埋椰汁咖喱，好好味！而且好大串，＄６很抵！飛天通菜：我到而家都唔明咩叫＂飛天＂，不過呢個麻麻，太咸又唔夠熱～其實佢幾好味，但係我唔多好泰國菜，所以只可以俾OK，真係對唔住喇～人流多，好多人等外賣，舖位又細，坐得有Ｄ迫，但係很抵，不愧為街坊之選！

上星期去朋友屋企後﹐去了她家附近找晚飯吃﹐然她就介紹在她家附近的一家小店﹐就是這家泰國BBQ啦!!九人行﹐點了兩個大的冬蔭公、兩碟生蝦﹐炒麵、炒飯、炒菜、小食拼盤等等﹐先來冬蔭公﹐很對味、很夠熱﹐未算好辣好酸都可以好好味﹐如果可以更重味應該就更無得頂!!燒烤很入味﹐很夠份量又唔貴﹐人人都搶住食。生蝦只需$38就有八隻﹐很有蝦味﹐不會霉﹐薑很夠辣。其實我都不知如何形容﹐反正這一些吃得飽飽才每人大約$50﹐人人都回味無窮；我仲好想快D即刻再去食哩!! 可惜要去到青衣這小小屋苑﹐真的不太方便﹐如果在九龍就好了!! 同埋佢唔係咩高級餐廳﹐所以除在夠冷氣o既室內同埋夠晒燈光之外﹐佢同坐大排檔差不多。是次無帶相機所以未能拍下照片....

朋友介紹,大面鼠於4月時光顧~ 點了個二人套餐。選了冬陰公湯，用料足，不太辣。腐乳通菜不賴，只因通心菜不合時，不太嫩，泰國河粉也不錯。最後還有黑糯米，全部才七十元，另兩杯特飲共加十元。除了套餐，還點了個泰式生蝦，一碟八隻，二十八元，還挺新鮮。其他食物都物超所值。一個豬排飯，才二十三元，加汽水才四元、特飲五元。

大家好!!! 近日我去了較近屋企的一間食肆,這就是泰式bbq菜館. 我發現了一樣好味而又被人忽略的燒雞la, 每隻只係$4X.... 這裡除了有好味的燒雞外, 還有一些泰式菜館傳統美食. 1.冬陰功湯; 2.泰式鳳爪; 3.炸蝦餅三件; 4.生菜包;5.串燒(雞,牛,豬,etc....)6.明爐鰂 魚;店內還有一些二人$7x,四人$15X套餐供大家選擇,套餐還有新輝apple juice或orange juice奉送...加5蚊可以轉泰式飲品....不過有樣吾好,就要等上十五分鐘才開始上菜,肚餓的我就有點不耐煩la....座位方面就吾太舒適,我見意自取外賣la比較好一點......不過話到尾都是抵食!!!!!

近日係網上留意較近屋企的食肆，終於見到一間不少好評的泰國菜，今日同埋朋友一齊去試；一直四出試過唔少泰國菜館，大部份唔係太貴就唔夠水準，呢一間真係唔錯既選擇。我地選擇散叫，今次一心試多幾款食品，所以兩個人都叫左唔少野，尤其係好多食評推介過既食品：1.冬陰功湯($28) 真係平靚正，出面好多度細碗都要三四十蚊，而且味度都幾正宗。2.泰式鳳爪($38) 都幾大碟，味度都唔錯，但啲筋就有少少靭，其他地方食既都會爽啲。3.炸蝦餅($22) 三件，炸得好靚，啲吉烈皮又薄又脆，一啲都唔多粉。4.泰式蝦羔炒飯($33)，炒得好乾身、唔油膩，味度都唔差，但就比想像中有點距離，但以炒飯來講，都幾好。。因為平時食泰菜既蝦醬炒飯好香；呢間都有，但未試過蝦羔炒，仲要貴幾蚊，唔知蝦醬會係點呢？下次先試......5.飛天蜜糖豆($22)，因為無通菜，所以轉左炒蜜糖豆，整餐以呢個最多油，較為遜色，味度一般，可能唔係通菜影響左個水準。最後叫多個泰式海鮮酸辣湯($28) 外賣同加杯青檸冰(+$5，正價要$10) 全餐加埋$176之後返到屋企試埋個酸辣湯，味度好好個湯好清，海鮮料都幾足，$28真係抵食；雖然兩個人百幾蚊好

星期日晚, 到了青衣美景花園的泰式bbq 吃晚飯, 因為看了openrice 上對這間餐廳的評語不差, 而且一致說這裡的食物好吃.到了門口, 看見一大群人在排隊, 必定是很好吃的了. 等了不到十分鐘, 便有兩個位置給我和男朋友. 我們order 了一個70蚊o既二人套餐, 抵到爛!!! - 香茅雞奕4隻~ 味道較啖, 炸得太亁, 不推介這個- 飛天通菜~ 份量很足, 尚欠一點辣味, 很香的豆瓣醬味- 泰式炒飯(牛肉) ~ 非常的好吃, 牛肉夠新鮮, 蛋夠均勻套餐還有新輝apple juice 或orange juice 奉送... 加5蚊可以轉泰式飲品, 男朋友選了棷汁冰, 不是只加水的飲品, 是有真材實料的.我們還額外order 了生蝦, 好好味呀, 八隻都只係38蚊但係唔知點解埋單只收了105..抵呀!!不過有一敝處, 要等上二十分鐘才開始上菜, 肚餓的你會有一點點不耐煩

一向忽略了這間泰國餐廳,今天便和同學去試下~我叫左叫泰式炒飯,配料有肉鬆,菠蘿,少少提子乾/肉絲,加三色豆炒,雖然三色豆(青豆,粟米,紅蘿蔔)令整體差少少外,overall ok的. 菠蘿更令炒飯冇咁肥膩另外同學叫左d泰式碟頭飯,個汁好香椰子味,食落又係唔錯同埋有熱茶(香片之類)免費供應,方便食辣的朋友

星期六夜晚又黎左呢度食飯..本來同男朋友想叫二人晚餐.不過睇見D野好似唔係幾岩食．所以最後都係散叫!酸辣湯($28): 我覺得今次個酸辣湯比上次酸左好多.但係男朋友就話今次係辣左!泰式生蝦($38): 今次d生蝦冇上次咁新鮮同大隻．食落d蝦肉散左..我記得上次肉質係實d既．至於味道就冇變!飛天通菜: 我覺得呢碟菜炒得好好味.食落仲唔知點解好似有d甜甜地既味道..我見每台個個人都會叫呢樣送~串燒: 本來想叫返酸辣鳳爪.但係由於賣晒～所以我就同男朋友一人叫一款串燒．男朋友叫雞全翼串($8)..而我就叫雞肉串($6): 食落都幾普通.醬汁既味道比我想像中遜色．味道唔夠濃．我覺得可以做得更好!另外．仲叫左1個飯同一罐可樂($4)．埋單$112..

星期六晚想食泰國菜,便再光臨此店, 今次一進店便叫了鹽燒側魚..因為要等..生菜包這個普通不夠辣, 酸辣海鮮湯,這個很開胃,但我們還是覺得冬陰公好味些, 黃金蝦,這個不成很多粉, 另外叫了4串串燒這個依然好味..最好食便是燒魚又抵,今次我們都沒點生蝦因為上次吃完肚痾…送了糖水還叫了青檸冰加可樂埋單179算抵..不過不知是否天氣凍人人都打邊爐,少了很多人….

星期日, 都差唔多八點, 之前都有睇過有唔錯既食評, 都想試一吓, 仲以為要排隊, 好彩唔洗, 入座後好快有人招呼, Menu都算多野揀,有好多個套餐, 二人三人四人.....但都係差唔多係O個D野, 錢都係差唔多, 最後叫左個二人餐, 有冬陰公湯(細), 一個炒粉麵飯, 一個炒菜(馬拉菚or清炒)(只可以係菜心or"own"菜,唔可以係芥蘭)仲有兩杯drinks, thai drinks 加五蚊杯落單後等左好耐好耐....同其他泰式小店一樣好油煙最快係飲品, 泰式飲品, 普普通通, 冇咩特別湯到..佢一次過出左三碗, 應該係等埋一次過做既, 本來想將個冬陰公湯轉做大既, 但侍應話唔可以...仲話有兩碗...結果:都有兩碗仔啦...椰味重, 唔多chili,有好多空間可以再hot D...味道唔錯又一陣, 炒飯到, 叫左菠蘿炒飯, 又係一次出三碟, 有菠蘿粒有肉鬆, 但味比較淡, 唔多出色仲欠馬拉菚"own"菜, 等左一陣, 侍應先行埋黎話"own"菜賣晒, 咪揀菜心囉(冇得揀芥蘭), 菜係最有風味既, 好味但唔開心既係, 本應諗住三樣野一齊到, 但而家係分開晒, 最後兩個人就對住碟菜