泰園酒家

Open Now

Now Closed

IFC睇完戲再嘆餐飯中環只係30分鐘船程、海洋公園玩完香港仔同樣只係30分鐘船程，直衝索罟灣嘆海鮮﹗完全意料之外，使得我讚口不絕﹗比西貢及布袋澳更好的選擇。食物⭐️⭐️⭐️⭐️服務⭐️⭐️⭐️⭐️環境⭐️⭐️⭐️價錢⭐️⭐️⭐️⭐️衛生⭐️⭐️⭐️。青島啤酒，國際品牌穩陣之選。豉椒炒蜆⭐️⭐️⭐️，極罕有地給3星﹗雖然不是生炒，但汆水不過份，仍然保持飽滿鮮甜多汁，充滿蜆水蜆味，搭上清新豉椒芡十分可口美妙﹗辣酒煮花螺⭐️⭐️⭐️，價錢貴到可以媲美瀨尿蝦皇﹗熱騰騰吱吱咋咋地送到，極為軟綿入味，鮮氣迫人搶住食﹗身彈篤腍多多汁，只係略為偏細粒。辣酒汁跟大量螺肉齊齊撈飯堅係欲罷不能，可以送上幾碗飯。蒜蓉粉絲蒸扇貝⭐️⭐️⭐️，突發奇想淋上辣酒汁調味，味道襯到絕﹗看似不熱沒半點煙，衝動地整粒啪入滾燙無比，燙到甩皮又颷晒眼水，痛痛啊﹗扇貝肉白雪雪厚厚鮮甜軟塾，加上辣汁蒜蓉的助功，食到要捐手指呀﹗清炒白菜仔⭐️⭐️⭐️，在我心中很難炒得甜的蔬菜就係白菜，難度極高﹗不過師傅功力深厚，炒得爽甜熱辣辣，無澀味無青味無腥味，可以安心大注大注地塞到舌尖上，趙得菜汁飛射。白灼墨魚⭐️⭐️⭐️⭐️，刀功了得片片平均薄切半透明，拖一拖、灼一灼即郂上碟速速登場﹗鮮鮮鮮加上靈魂蒸魚豉油，

平日星期四來行山後，選擇了這間免收茶錢和家人的海鮮餐廳，估唔到是非常好味嘅海鮮餐，服務員Andy服務態度認真，有禮！經濟實惠二人餐，只需要$368，而且新鮮 ，下次都會再嚟幫襯。白灼墨魚蒜蓉蒸班頭腩黑椒牛仔粒再送2罐汽水（我哋換咗兩罐青島）清炒時菜，楊州炒飯同埋水果🍉！同埋唔收茶錢同加1！唸唔到白灼魷魚同頭腩用新鮮嘅魷魚 非常超值，感謝用心經營！期待下次帶小朋友再來品嘗依度環境清幽 （對住個海）食到最後，仲細心提醒我哋乘船時間！

閒日與朋友去大嶼山索罟灣行山，行完山去食海鮮。選擇泰園的原因，因為這裏的套餐選擇多，又全包。點了個$368二人餐，再加個椒鹽鮮魷例牌。鮮魷好味，白灼蝦好新鮮，炒蜆和菠蘿咕嚕肉也不錯。起初擔心唔夠飽因為份量唔多，但之後加埋炒菜和炒飯，一定夠飽。今時今日，一個人大約240元，有6道菜，比你坐得舒舒服服，去邊度搵。仲有，服務態度一流，啲餸一個個上，唔會凍晒。店員又幫斟茶、換碟，真係好值得讚👍🏻和推介給朋友。

新年期間沒有加價👍一落船都有好幾檔海鮮，見到呢度價錢都幾相宜，二人餐$368（沒有加一茶芥）可以揀三個餸～ 另外包炒菜同埋炒飯，叔叔仲好細心，天寒地凍，佢將檸檬茶「座熱」我哋豉椒炒蜆，唔算好大隻，不過都幾惹味。呢個椒鹽鮮魷，真係令我感到超驚喜！好好味楊州炒飯，呢個唔使介紹。豉油煎蝦，呢個就普普通通，啲蝦唔大隻。略嫌少少鹹。放假期間～ 望住呢個海景，慢慢飲杯茶，食海鮮 滿足！總括來講，以呢個價錢， 10分滿意，服務都很好

行完山 朋友想食海鮮 疫情前都食過這間原來已換老闆 今次6人 大家都唔太肚餓叫左4人餐 再加2人份量 上餐時有驚喜海鮮好新鮮 靚女Candy服務好好 每碟份量都唔小 仲有生果同汽水

入得南丫島就一定要食個海鮮餐啦！這次是朋友介紹第一次幫襯這泰園酒樓，上一次因為又要就船期所以又只能幫襯包船的那家，但真心覺得唔抵食太貴…所以這晚因為唔趕，食完重可以慢慢等7:35班船，就試下呢間，這個是四人餐，我們一行三人可減一佰，有蝦、魚、扇貝、炒蜆、椒鹽魷魚、炒飯真係超級抵食！還包三罐飲品！海鮮當然新鮮，條魚剛好超滑，椒鹽魷魚超好味熱辣辣上枱，外脆內軟😋行完重食到個禁抵既海鮮餐更可以對住個海嘆，真係好滿足！下次入來必定再幫襯👍👍😋😋😋

尋日同班朋友入咗南丫島郊遊，由榕樹灣行到去索古灣，行到去索古灣已經6點幾，所以我地就食埋嘢先坐船走，我地睇咗幾間酒樓，覺得呢間幾抵食，佢個8人餐除咗有海鮮，仲有其他小炒食，因為我暫時不能食海鮮，啲嘢食都唔錯，由其時個炸鮑魚幾好食

榕樹灣搭船返中環咁係搭船之前都有一段時間所以就揀咗其中一間海鮮酒家食埋野先走呢間餐廳係海邊所以可以一路睇住海景我哋今次就叫咗個二人餐揀咗啲小菜椒鹽鮮魷我覺得好好食，魷煙韌香脆，配埋甜酸度適中的汁，簡直一流豉椒炒蜆，非常惹味可口，如果蜆數量可以增加會更好。大斑兩味，魚質嫩滑，非常新鮮加埋菜送飯楊州炒飯，蛋香四溢，大滿足🍚二人餐，價錢適中，但有咁高質質素食物，再配埋海景，心情真係舒！下次嚟南丫島嘅時候會再嚟依間餐廳食

一直以嚟都唔會去酒樓食海鮮，好似好易就比人擋到成頸血😂但行過呢間酒樓見到唔少人幫襯，小菜同海鮮嘅賣相都唔錯，而且餐牌價錢全部清清楚楚擺喺門口👍🏻即使係套餐都有好多配搭可以揀，自由度高又經濟實惠，所以我哋就決定5:15嚟食個早晚餐🙈我哋3個人，不過餐廳得2人/4人套餐，初頭諗住要貴啲散叫，但原來可以4人餐($680)減$100，依舊4個餸、1條蒸魚、1碟揚州炒飯同每人1罐飲品，可量化嘅海鮮就會減1，計落都只係人均$170，對比南丫島甚至西貢其他海鮮酒家算係好抵👍🏻由於好多人揀喺lunch食，所以5:00得幾枱客，但無阻姨姨嘅熱情款待，仲安排海邊位比我哋嘆住海風食嘢😆10分鐘左右嚟咗第1碟 - 白灼墨魚，配上帶蔥香、辣辣地嘅豉油，本身想叫椒鹽鮮魷，但白灼可以更突顯食材係咪新鮮，因為完全冇香料掩蓋🤓結果冇令我哋失望，墨魚爽口彈牙，又唔會好似橡筋咁硬，灼完之後亦帶有蔥香，十足十開胃小菜😋第2碟係非常吸引嘅咕嚕肉，呢個係我最鍾意嘅茶餐廳/酒樓嘢食，每次見到9成9都會叫，但而家好多地方都做得麻麻😗食完呢碟真係會讚不絕口，因為新鮮整所以豬肉冇焗到淋曬，甚至會食到脆卜卜嘅外皮，豬肉亦有一定咬口，而且每

相約好友，今天行南丫島的榕樹灣至索罟灣。今天，天色晴朗乾燥，好熱。途經有一啲地道嘢食例如茶果，雞屎藤，豆腐花等地道美食呀。尾站索罟灣，沿途有好多海鮮酒家。我們今次不去熱門嘅天虹，我們去咗一間叫做泰源酒家，Sales 推介一啲套餐畀我哋食，我們六個人，佢介紹咗個八人餐畀我哋，所以佢就減200蚊減兩隻鮑魚。我們並ok在這間酒家食海鮮。鮑魚調味好香好嫩口。白灼蝦好爽。椒鹽鮮魷好脆，生炒骨大大件，菠蘿又多好味道。金磚豆腐外脆內鬆軟，豆腐好呀。炒蜆就冇乜料到。清蒸海上鮮ok啦。個揚州炒飯啲蝦好大隻，啲餸都好多料，炒得好好味。粟米魚肚夠熱，味道剛剛。包啤酒汽水。整體嚟講都ok，不妨一試。廁所乾淨，服務態度好好，叫他幫我們影相，佢話先乾淨隻手，才幫我哋嘅影相。Good.

因為等船所以揀咗呢間食，見到個餐牌同嘢食好似都幾好甘，揀左個2人餐，但入到去。。。等左40分鐘先上得一碟椒鹽鮮魷。。個份量，我同男朋友對望，笑咗出嚟。。心唸減肥餐？食幾啖冇哂，不過味道ok ge😂但對唔住個價。。。之後我地催左催待應，佢地有禮貌既話幫我地催催，最後，1個鐘一共上左3碟（小）菜😅原本為等船食，而加等到驚冇船搭。。可能南丫島既生活節奏真係休閒，最後好急趕甘食哂d野趕船😔比多次機會，我唔會再食😂

帶住狗子行山之後諗住喺榕樹灣搭船返中環咁係搭船之前都有一段時間所以就揀咗其中一間海鮮酒家食埋野先走呢間餐廳係海邊所以可以一路睇住海景，一度吹住海風食飯都可以帶寵物入去*我哋今次就叫咗個二人餐揀咗啲小菜椒鹽鮮魷我覺得好好食最主要係佢唔會太咸魷魚都係新鮮嘅調味料都同平時係其他離島食到嗰啲唔一樣白灼墨魚都係十分之新鮮本身諗住分少少比我隻狗仔食點知佢唔食西檸雞好莫名其妙地我行咗邊一間餐廳都會想叫西檸雞而呢一間餐廳都不負眾望件雞肉質本身就麻麻地但勝在夠脆、夠熱甜酸度適中既汁都挽回一啲分數最尾有一個相當之足料嘅炒飯睇吓張相就知，啲料仲多過飯*職員都係有禮貌嘅唔會因為你人數少或者帶住隻狗而黑面下次嚟南丫島嘅時候會再嚟依間餐廳食

面對有山有海景的食肆、在大自然環境下進餐、心情好一點的。我們一行十多人、從南丫島榕樹灣一直行到索罟灣、大約九十分鐘左右、天氣很熱丶大家身水身汗、找了一間新開的海鮮酒家、这店有八人丶十二人套餐選擇丶我們選了一個十二人餐每人平均消費$170元左右、套餐是免茶芥丶免加一收費、还有飲品汽水送、價錢十分合理、椒鹽鮮鱿、咕嚕肉、蒸魚、紫菜豆腐羹、炒飯、蒜茸元貝都十分不错、最為出色的金磚豆腐、大家一致好評、面對漁村風味海景、更令進餐添加一種開懷感覺、最後還有冰鎮甜橙送、真係唔错、老實食肆!