泰興泰國小食

Open Now

Now Closed

父親節妹妹提議來此吃晚飯, 大家都冇所謂, 於是就來了叫了一客青木瓜沙律($25), 辣得黎夠清新, 雖然我唔食得辣, 但食到流住鼻涕都繼續食泰式炒金邊粉($28), 味道中上, 夠大碟, 但沒甚特別半隻雞($40), 肉質死實唔多新鮮, 而且太咸, 完全唔得之於妹妹指定的咖哩蟹($98)果然不負眾望, 大大隻之餘又超多蟹膏, 好正!不過老闆娘提議配咖哩既蒜蓉包($12), 原來只係一條現成在茶餐廳買到既蒜蓉軟餐包叮返熱, 好令人失望我地仲叫左2杯青檸蘇打同1杯龍眼冰(合共$24), 佢地用既係泰國既樽裝蘇打, 我冇試過但爸媽都說唔錯總括來說, 呢餐飯除左果半隻雞之外, 大家都食得好滿足

本來見呢間得一篇食評，諗住去下食，應該都唔會太差。點知，確實令人失望。２人叫了：１．冬蔭公湯＄４０２．澛汁肉麵＄２０＜＜唔太記得個名喇３．酸辣鳳爪＄３８４．青檸冰（應該係＄５）一里食鳳爪先，已經覺得味唔濃，唔多吸引而且係街市食，仲要３８蚊，又唔係好大碟。之後食澛汁肉麵，個肉都幾好食，我諗呢個係成餐叫做最入得口既。之後冬蔭公湯，本來我係叫加埋粉麵，但佢最後都係得個湯，呢個湯都失望左，一ｄ都唔吸引，材料亦唔係豐富。最後係杯青檸冰，算係難飲，得個甜字！但其實．．．．佢有４分３係冰甜到我地叫佢加番ｄ水，咁佢就打左冰比我地。叫左４樣野，埋單＄１０３，實際有３樣野我地無食晒，得個澛汁肉麵食晒，因為唔好食既關係，所以食唔晒啦，所以．．．．強烈唔會再里，，亦好唔抵！！！順帶一提，因為係街市既關係，環境真係麻麻食既時候大約２點，所以附近有人做緊清洗咁既環境咁既食物咁既價錢．．．．唔會再里！

原來係官塘街市熟食中心, 有兩間食泰國菜的食肆...名字有點相近...但看大家的食評, 我想大家都以為係同一間. 再仔細看看, 發現真係錯咗. 好, 就等我加番呢間, 寫第一個食評, 等佢唔洗做無主孤魂咁慘.和妹妹, 兩個人點了:--細冬蔭公湯 ($40): 好惹味, 材料也很豐富, 不要少看係細的, 有一大湯碗, 每人喝了兩, 三碗.--炸蝦餅 ($30): 有六大舊. 全部係蝦肉, 好新鮮, 又唔會死實實, 正.--海南雞飯 ($28) : 呢個較遜色, 雞肉頗鞋, 飯又不是正宗油飯. 只有個點的醬汁做得不錯.--青木瓜沙律: 吃完其他菜, 這也未到, 我倆都已很飽, 索性取消了.價錢真係抵到無話可說, 第一次每人$50就吃了餐美味泰菜. 在香港, 真不知可在那裡找到? 但環境真的不好. 但若有機會, 一定會再去.