洪慶海鮮燒臘飯店 (Moved) New Location

Although the decoration of the restaurant is not posh and fancy, the food there was very nice and reasonable.Two dishes were cooked by using that fish. The taste was fresh!!! ( $188 for two-way cookng)Also, we ordered shark fin. It is awfully great! There were a lot of shark fin and perversed ham. ($188)Abalones are nice but the size is a bit small... but they are the 'dry-abalone' instead of fresh abalone. ( $188)Finally, the waiters there are really nice and helpful.. They kept helping us to r

昨晚一行人七個, 叫咗8 個菜 (其實因為 d 人大食, 所以先叫咁多):沙薑雞腳, 薑蔥蠔, 叉燒拼燒肉油雞, 豉油皇炒麵, 竹生魚肚絲瓜, 九菜炒鹹肉, 腐乳炒通菜, 椒鹽九肚魚.除豉油皇炒麵太油外, 其餘都非常好味, 而且返到家都不覺得口渴. 唔错既選擇.總計食咗 $555, 每人 $69 超級抵!

食午餐: 楊洲炒飯，波蘿生炒骨午市套餐楊洲炒飯：　唔香，冇炒飯感覺，似普通煮熟既飯；　义燒唔硬，普通波蘿生炒骨：　用左新鮮波蘿，唔係罐頭　生炒骨ｄ汁幾好，但ｄ肉有ｄ會咬唔開；例湯：用料十足，唔錯; 午市套餐例湯大碗過碟頭飯材料用心，職員有禮貌適合大大聲吹水，茶餐廳鋪位，茶杯與服務，酒樓格局同氣氛

lunch hour, 去完銀行, 經過洪慶, 見到佢掛住的燒肉好靚芷, 就入去食碗燒肉飯燒肉飯 $22碟, 價錢ok, 但例湯要$7就貴了點燒肉約有十件, 份量別, 但燒肉唔好食的, 起碼肉完全唔脆的, 有點失望例湯反而唔錯喎, 有料又夠味, 環境 : 一般燒味茶餐廳的格局, 但好在都夠光猛及干淨招呼 : 無乜特別, 係熟客的話, 就好好多價錢 : $22一碟燒味飯, 價錢係唔錯的, 但今日的燒肉唔得呢, 下次再俾多次機會佢

這裡最熱鬧的時間是由凌晨開始至早上七點,七點打後人客不多,青山道上落客禁區時間一到司機客就更少.早上心血來潮想食蒸飯,沒有去順寧道的龍華反而來了這間燒味就食得多,早市就甚少幫襯的洪慶.洗完杯碟筷子就出去門口揾嘢食: 蝦餃----外皮厚,中間咬落…好以一舊粉!牛肉腸粉----腸粉滑滑、牛肉有少少芫茜味,豉油味道比佐敦堂記好.雞絲粉卷----雞肉餡料內有淡淡西芹味, 食落幾嫩滑.鳳爪排骨飯----無即場食到,因為已經飽飽地…打包咗返公司當午餐.年紀真係大喇!諗住最想食果樣嘢擺到最後慢慢先嘆,點知會食唔落…其實食物味道不怎麼樣,但回到熟悉的舊店,吃完後又感覺良好.

在西環剛吃過了糖水小吃，本以為會"鳴金收兵"，怎知道兩位友人都意猶未盡，加上地點就在家的附近，那有不去的理由﹖這家早上賣燒臘，晚上變酒樓的老店，不論晚上或是其他時間，都照耀著很多深水埗街坊的心靈。跟在大圍的裕富小廚一樣，對於鍾情於夜茶的一眾，是個不錯的選擇。地方環境因為已是老店了，總有一點點殘破，不過還未至於漏水那樣嚴重的地步。想不到的是，時為零晨二時多了，店內人流仍然非常之多，友人也要等了一會才能入座，真是有點難以置信。坐下後，隨意的點了幾樣點心，也繼續剛才在路上聽著的話題。剛才吃到的煎蘿蔔糕味道不太好，來到這裡先來一件<<蒸蘿蔔糕>>。樣子平庸的它意外的美味﹗那是因用上了極清甜的蘿蔔作餡，份量亦多而多汁，每一口跟在吃蘿蔔差不多沒兩樣，精神立即為之一震﹗本人酷愛的<<雞扎>>，差不多每次飲茶都有它的存在，一是為了能一次嚐到五樣不同的材料(腐竹、雞肉、豬肉、魚肚及火腿)，二來是那盡吸雞汁的魚肚，人間之美食也﹗友人點的<<節瓜甫>>熱呼呼的賣杷，節瓜味道清甜，豬肉的鮮味夠而有質感，是個好的配搭

與友盡興達旦, 酒館打烊了. 回家前想找些熱食, 不要叮叮快餐, 友人謂拐角處蒸飯最正. 果然門外的陣容很對位, 放著大小蒸籠無數. 已有坊眾在買早點, 掀起籠蓋蒸氣即如火車開動般轟烈. 點來一壺潽洱和排骨飯. 茶當然不是什麼貨色, 但勝在夠濃. 一杯暖徹心脾的熱茶清除剩餘的酒意, 胃口大盛. 剛從蒸籠取出的排骨飯自是熱氣騰騰, 肉排軟而醃味濃郁, 香熟的飯粒分明油潤. 清晨, 酒足飯飽再啖口茶, 還有什麼比這更愜意?

在West End與兩位西環朋友道別後,看看手上的腕錶,時為凌晨一時.不要急,反正有空,自然繼續尋活動.不是去酒吧賣醉作樂,而是回到長沙灣.去青山道的"洪慶"飲夜茶.生意好到不得了,差點找不到座位.人齊就即刻出外面拿點心.有什麼吃什麼.這點的夜茶在區內很有名.幾十年來,也是擔當著長沙灣眾夜鬼的苦海慈航角色.點心不停地出籠,我們就花多眼亂,腸粉也是即拉.在黑夜的長沙灣,也找不到好像洪慶般多元化的宵夜地方.春蛋燒賣,鴨腳紮,蒸蘿蔔糕,燒賣,蝦膠豆卜,節瓜甫等等.之前全部也吃過,做得依然紮實,蘿蔔糕啖啖香甜蘿蔔絲,春蛋燒賣繼續膽固醇萬歲,節瓜甫的節瓜好過餡,燒賣充滿豐盈的肉汁,鴨腳紮的豬肚同芋頭吸盡精華.連鴨腳也淪為配角,蝦膠豆卜爽甜彈牙.如非之前已在西區連下兩城,否則即拉腸粉同盅頭飯,也逃不出我們的五指山.你話,這些全方位夜茶地方,何處找?喝到黎明漸到,誰願意看到?

朋友心血來潮想飲夜茶, 搵0左好耐, 決定去洪慶9PM去到, 即有位, 人唔多. 未有夜茶, 先嗌個炒蜆同鮮蠔肉碎菜甫炒蛋. 炒蜆一般. 炒蛋有驚喜! 蠔仔有鮮味, 蛋炒得嫩, 啖啖都有蠔同菜甫. 淨係個蛋就清晒我地每人一碗飯.伙記有人情味, 阿姐叫我地係咪講野, 飯食完但D小菜又未清, 就問我地要唔要加碗飯同茶, 仲同我地聊下隻掛牆龍蝦標品.等到10:30pm, 終於見到伙記拎住一大盤一大盤0既點心出來. 盅頭飯最愛歡迎. 我地偏愛點心. 叫0左鴨腳紮, 山竹牛肉, 燒賣, 春蛋燒賣, 粉果同蒸釀豆卜. 我鍾意鴨腳紮同山竹牛肉, 兩隻好足料. 一句講晒, D點心好有舊式茶樓feel.若去飲夜茶, 門口可以泊一陣車, 伙記會幫人睇水.

作為Fight Club 飲飲食食之旅第一炮，我們選了有37年歷史的舊飯店-洪慶海鮮燒臘飯店。 一行四人(頭、Fiona、南及肥) 於六時半到達位於長沙灣青山道303號(近發祥街)之洪慶，好彩阿頭與Fiona早到一步取到最後一張四人檯，不用等位，Good! 現場環境為一般舊式飯店格局，有檯置於馬路旁，是日中午氣温高達31度，我們當然選了於店內涼冷氣。叫了5個菜:1. 金牌燒腩 - 夠晒脆皮，豬肉味道剛剛好。2. 懷舊焗魚腸 - 懷舊菜式，可以一試。3. 豉椒聖子皇 – 味道好，聖子鮮甜，可惜太少。4. 豉油皇鵝腸 – 好味，鵝腸新鮮，碟底芽菜都好食。5. 海味雜菜煲 – 份量大，正正常常，無特別。席間看見其他客人點了沙薑雞、琵琶豆腐及蝦子柚皮等菜式，下次可以一試。

早兩日在洪慶訂昨日訂左隻燒乳豬, 昨日取, 評語如下:1.交貨守時落單時話早上八點半取, 我準時八半點, 隻燒乳豬已經包好, 即時走得.2.皮脆全隻燒乳豬皮都夠晒脆皮,3.肉滑, 鹹味剛剛好乳豬肉夠滑, 淹得味道剛剛好, 空口食不會鹹.4.價錢合理一隻320, 都算合理.雖然出面其他舖頭有d 賣得更便宜, 250都有, 有d 賣得更貴360亦有. 320都算合理既.

尋晚同肥超,阿興佢哋去咗洪慶食消夜, 叫咗雞扎, 排骨, 節瓜甫, 油菜, 蝦餃,仲有碟釀尖椒:雞扎: 我至愛, 味道一流排骨: 肥瘦適中, 幾入味喎節瓜甫: 女仕們至愛, 清清淡淡油菜: OK蝦餃: 好彈牙尖椒: 老板娘好手勢,無得頂總括嚟講, 食物真係唔錯, 唯獨比較嘈

第二次黎，上次食過蒸排骨飯唔係好掂所以唔叫飯要晒點心，叫o左例牌鵪春蛋燒賣，仲有好耐無食過既雞扎同埋更加耐無食過既咸酸菜豬腸。鵪春蛋燒賣叫舊好食，只係覺得d鵪春蛋細隻d，雞扎非常之正好鬼大件，餡真係好足料，咸酸菜豬腸又係大大條，而且仲唔難趙，三樣加埋三十五蚊，呢餐消夜真係好滿足，不過講服務上次個阿叔同今次個阿姐都唔多好，不過呢d地方就無計啦都預o左係咁。

燒臘不錯的, 我媽幫親十多年, 當然我也由細吃大,他們比長沙灣同區的貴d, 但真係有分別的，　係‘好吃d 的，吃得出的，由其燒鵝，豉酒雞，好正，入味，其他的地方，用鴨扮鵝，他們真係鵝ga,我媽說，他們新鮮，乳豬，我媽幫我訂比我公司，我老闆問我邊度訂．話下次要訂返呢間，唔再幫親連鎖”X 興\"呀，

(26/12)看見牆上的一列餐牌中的大班兩味，曾嚐過的水準不差，只因想試其他菜餚，惟有擱置這道菜餚。其實街坊生意的飯店，價格實惠，免收加一，多叫兩碟也無妨。一行五人坐下不久，侍應迅速端上兩大碗西洋菜骨頭例湯，燒臘食品的大量骨頭不會浪費，味精與否，多寡實數未知之數，還是看看廚師於熊熊爐火中完成了的芥蘭炒鯪魚，微蒜香味，芥蘭翠綠爽口，香煎鯪魚件保留了魚味，不太油膩的菜餚，美味非常；椒鹽鮮魷，微薄脆漿，魷魚新鮮，水分瀝乾後下鑊炸，以致香脆鮮嫩，椒鹽、蒜粒、辣椒混合於上，不錯。上菜速度迅速，轉眼間那芋頭臘鴨煲上桌，煙霧四散，熱辣非常，份量亦不少，芋頭件軟硬適中，臘鴨味道充滿於芋頭之中，汁料濃郁，伴以白飯增添食慾；蝦子柚皮，外觀大打折扣，入口的柚皮過軟如薯蓉，柚皮的味道盡失，蝦子香味不夠，重要的汁料味道略遜，較早前曾於此嚐過那道柚皮鴨勝於此。其後的焗魚腸，外觀不俗，家母已防魚腸不太潔淨，少試一口，似乎陳皮的作用不大，魚腸滲出少許苦澀味，可能師傅弄穿內臟所致，而我吃時亦有察覺，幸好其後的情況並沒有發現。而最後的蒜泥蒸蝦，份量相當多，蝦肉鮮甜可口，香蒜味道滲透，汁料並不過鹹。除了蝦子柚皮、焗魚腸有點