海 三碗麵

Open Now

Now Closed

尖沙咀人氣排隊小店 靠三碗麵走天涯🍜😋無錯 呢間麵店只賣三款麵！😳分別係海蝦濃湯、胡椒豬骨濃湯、金華火腿煲雞濃湯小店只有8個位 所以等候時間會長少少當晚平日夜晚我地大概8點半去到 排左半個鐘左右就入得了🙌🏻🍜 海蝦濃湯Roast beef伊麵 ($110)畢竟係第一次黎食 所以我地都揀左最受歡迎嘅海蝦濃湯😆首先橙紅色嘅湯底飲落口感順滑 唔會好稠身蝦味係勁濃郁 好鮮甜加埋面頭嘅櫻花蝦 蝦味又更香濃！😍伊麵質地煙韌彈牙 好掛湯 成件事好match❤️其實呢度嘅三款麵只有湯底唔同同樣都會配撘炙燒牛肉牛肉係由原條黑椒牛扒一片片切出黎老闆再用火槍炙燒到5成熟🔥食落黑椒味香得黎恰到好處 仲帶有點煙燻味 好正！🥹🫶🏻老闆仲喺牛肉片上面放左櫻花蝦同蔥我覺得用牛肉卷住配料黎食會好似食緊牛肉薄燒咁🤣小店係由夫婦二人經營 睇得出佢地好有熱誠 專注做好拿手菜而且佢地都好有禮貌好親切唔怪得咁多人慕名而黎排隊食期待下次再encore☺️

我地平日5:45pm開始等，等左大約20-30分鐘就有得入去，好彩唔算多人臨走前見到有條龍，大約十幾個人～入面好似得4張枱，每張枱最多坐2-3個人，逼又唔算好逼，都算坐得自在，傾計算舒服，但稱不上闊落。人手眼見得兩個人，所以都要等一陣先有得食！呢度得3個麵可以揀，分別有海蝦濃湯伊麵、胡椒豬骨濃湯伊麵、金華火腿煲雞濃湯伊麵，三碗麵都有roast beef。我地揀咗最出名嘅海蝦濃場伊麵，果然好好食！！！仲飲埋啲湯～～牛肉都好出色，燒牛肉配搭櫻花蝦，好正我嫌唔夠食～終於明白點解咁多人寧願等好耐都要排長龍得3碗麵都吸引到咁多人排隊，我已經想試另一個麵！

夜晚9:00去，前面得一台人排隊，都等咗半個鐘。9:30入到去等15分鐘先有得吃，呢間餐廳嘅感覺就係：等。。。牛肉係用煙燻牛肉，大概5成熟，個底仲係紅色，幾香幾好食。伊麵叫咗胡椒豬骨湯，但呢個麵就真係令人失望了，好重胡椒味，豬骨味唔出，似係即食嗰啲胡椒湯麵，同伊麵唔係好夾。總括嚟講不過不失，但若果要排半個鐘，就唔會再去。而且伊麵比較唔健康，好難可以長期去。不過有樣嘢係真，就係人情味，老闆同老闆娘見到我哋排好耐隊，都好衷心講唔好意思。

金華火腿煲雞濃湯係海三碗麵嘅一款選擇。湯底味道濃厚，火腿香氣適中，雞肉亦算嫩滑。整體來講，呢碗湯還算可以。麵條的口感亦唔錯，吸收咗湯汁後，味道變得更加豐富。不過，對於喜歡清淡口味的人來講，可能會覺得這碗湯稍微重口味。整體來說，這碗湯的風味值得一試，但未必會成為每個人心目中的首選。等候時間方面，因為店內位置有限，可能需要排隊，這點需要留意。如果你對濃湯有興趣，金華火腿煲雞濃湯可以考慮下。不過，如果你想試其他選擇，海三碗麵仲有其他湯底可以選擇，值得一試。總的來講，這碗湯在味道上還算滿意，但還有提升空間。

首先老闆超好人，本身6點等緊朋友，但佢未到，天氣太熱，老闆都肯俾我入去坐住等，係下一位要排隊嘅人之前到達✨兩個都嗌咗蝦湯，好鮮甜味道濃，但又唔係heavy嗰種伊麵好友口感，配搭得好好燒牛都好正大推👍🏻👍🏻👍🏻👍🏻👍🏻雖然位置可能狹窄啲，但唔影響食慾環境好乾淨，仲一邊聽到Dear Jane嘅歌食完，出面已經排咗六七個人了所以最佳飲食時間係6點（舖頭5:30開，六點唔係好洗排隊，平日，六半打後開始越來越多人

位於尖沙咀既一間港人小店；小店只有四張枱，共8 個位。當晚第一輪，8位入座。全部人order一人一碗濃蝦🦐伊麵；$110 一碗，不設加一。熱熱嘅濃烈蝦汁湯底，正👍👍👍👍👍一個麵既份量剛好；有人會加底。冇少麵，因為麵既份量已量好。值得一試，香港人支持香港人👍👍👍👍希望佢保持水準😌😌😌小店冷氣夠👍👍👍👍👍半小時，我就食完走左。牛肉個樣ok;但蝦湯先係主角。筷子同個碟配埋一套，有心思。

吃得出的用心小店，食過番尋味，小店安排是為保持食物質素，雖然每次去都要排隊，但每次食到都感到好滿足。有幾次實在太想食，又趕時間，叫了2/3次外賣，但堂食，趁熱食真的好多了，所以之後有時間都會排隊堂食。暫時是我食過最好味的蝦面。謝謝老闆們，讓我享受到人間美食，謝謝你們的用心。

每次行過，都係會有好多人排，而入面個就得8個位。今次早左收工立即試下去排，前面都有8個人，不過都係等左一個鐘左右就入得。一入到去，就有一陣陣既牛香同湯底既香味，未落單已經流晒口水。睇左3個湯底，我想試下個金華火腿湯底。等待既期間，見到老細係度燒啲牛肉，睇得出佢對食物有一份執著，仲要燒左2 rounds 先拎出黎。個牛肉第一啖咬落去，啲牛油bit 晒出黎，好好味，佢仲要腌得好香。而個麵都煮得岩岩好，加埋個湯底，好夾！！！我希望佢將來可以加多啲位，等我地唔洗等咁耐！

bookmark咗呢間好耐 次次經過都見佢排長龍今日見平日又啱啱5點幾到尖沙咀就去試吓openrice寫佢5:30pm開門5:30pm去到只係廚房著燈 店員仲準備緊啲食材等等吓另一個店員返嚟 叫我哋等多陣期間冇人出嚟交代過究竟幾點先開門最後6:10pm先影到呢張食物相嗌咗蝦麵同胡椒豬肚麵 每款都係$110個湯底冇想像中咁驚為天人 啲牛係幾好食$110其實性價比唔高 仲要係咁嘅服務態度佢哋只有收錢嘅時候最熱情係咁講「多謝哂」總結試一次就夠了😌

等左1個鐘，小店只帶田8個位置，十分乾淨企理。麵果方面，麵岩岩好，唔會太腍。蝦湯濃到我係覺得唔夠飲。牛肉味濃亦帶豐富油脂。呢碗麵真心無野好講，自己去試，等兩個鐘都值得。最後俾錢兩位老闆仲同我講唔好意思要我等，我只能回答：值得。其實俾劣評果幾位應該係唔識食或者係心理有問題。

💬第三次嚟呢間三碗麵，終於試埋期間限定嘅第三碗麵，不過已經轉咗口味 。長期排隊等入座都係大眾嘅感想 ，但今次趁諗關門前食最後一轉，唔駛點等都係策略 。所以都係碰碰運氣唔好勞氣，開開心心食返碗老闆用心製作嘅招牌麵吧🍜———————————————————————————.🥢忌廉廣島蠔濃湯麵🍜🦪💬本身都係諗住翻兜金華火腿煲雞湯底，老闆娘問要唔要試吓，又即管試吓。好濃烈嘅奶同忌廉嘅味道，廣島蠔🦪碎上，如果多兩隻更滿足 。其實好喜歡伊麵底，加埋香蔥櫻花蝦火炙黑椒牛肉，的確係好啱自己口味🍜

在尖沙咀出名食韓國菜的「韓國街」，有間格格不入小店「海．三碗麵」隱藏於一堆韓國餐廳和雜貨店當中，每次經過都會見到排隊人龍。食物貴精不貴多，店如其名只賣三款麵。三款麵均以伊麵做底，唯一不同就是湯底，分別是海蝦濃湯、金華火腿煲雞濃湯和新口味忌廉廣島蠔濃湯。三款湯底當中最多人推介招牌▫️海蝦濃湯伊麵$105，除了表面舖上櫻花蝦，賣相極為普通。頭湯清甜但鮮蝦味欠俸，伊麵口感亦一般。新口味▫️忌廉廣島蠔濃湯$125，賣相一樣唔吸引。第一啖湯已經大感失望，不稠不濃！店家將一粒廣島蠔再細分，真心寧願俾一整粒。每碗麵都配有燒牛肉，表面舖上櫻花蝦和蔥花；調味可以，肉質嫩滑，配菜比主菜更出色。店內一條走廊有四張二人枱，坐位比較擠擁。開門前15分鐘排隊，第二輪用膳等左一個鐘。整體而言，每碗麵價格定位偏高，份量都不多，仲要排隊入座，坦白講唔值。

《值得等待的一碗麵》喺香港生活咗咁耐，排隊嘅餐廳周街都有，但要算得上係值得等待嘅餐廳，「海三碗麵」絕對能佔一席位。由排隊開始，你已經會被佢慢慢吸引，餐廳嘅門一開一閂，湯頭鮮甜香氣就會一次次嘅衝擊你嘅鼻腔，一路排隊，你嘅期待值就會一路提升。入到餐廳，落完單，再望入廚房，見到嘅會係老闆精心準備每一碗麵，注入用心熬製嘅湯底，加上明火炙燒嘅牛肉，真係從來未試過將「想食」嘅期待感拉到咁高。上到枱，海蝦濃湯，蝦味鮮甜香濃；金華火腿煲雞濃湯，咸香味鮮，飲得到又Feel得到兩個湯底嘅足料同時間心力去熬製，配埋個彈牙掛湯嘅伊麵，如果第一次去，真心建議要試！個火炙燒牛肉都唔可以睇小，每塊入口都係軟淋入味，簡單調味、簡單烹調，但係用心製作，正正就係香港小店最為可貴、最為耀眼嘅地方。雖然都要排一排，但係只要好味，香港人又點會怕排呢～

朋友比佢既ɪɢ ʀᴇᴇʟ吸引到 提議食呢間星期五 大約𝟙𝟠:𝟚𝟘到達 ๑ᵒᯅᵒ๑目測前面有𝟙𝟘人 𝟙𝟡:𝟛𝟘入座𥚃面得𝟜張𝟚人枱 我地𝟛個女仔 有個坐走廊好彩佢夠瘦 唔算好阻住人行黎行去似係𝟚公婆𝖕𝖆𝖗𝖙住上 兩個都好有禮貌話辛苦曬我地排錦耐隊講野都有唔該前 唔該後o̴̶̷̤ ̫ o̴̶̷̤海蝦濃湯𝕣𝕠𝕒𝕤𝕥 𝕓𝕖𝕖𝕗伊麵 $𝟙𝟘𝟝其實成間餐廳只有𝟜個選擇入到去已經超肚餓 以為即叫即有ᯅ̈點知同我預期既不一樣 慢工出細貨 要等下 不過就可以影到廚師點烹調食物用火槍燒下啲海蝦同肉超香 ๑•͈ᴗ•͈๑個湯底係我人生中未食過好濃好有蝦味上面有好多細細既海蝦 被火槍燒過焦焦地 巧吃૮꒰˶ฅ́˘ฅ̀˶꒱ა牛肉分開上 唔怕啲味道混合左牛肉好嫩 佢用火槍燒既成熟度剛好當下好想食多碗 但又怕肥係好食 但排好耐有啲攰（๑•.•๑）

Bookmark 咗呢間餐廳好耐，但次次去都係星期日，摸咗門釘兩次先發現原來佢星期日休息😂（會唔會太蠢）終於等到星期六得閒又喺附近可以去食🥰嗰日落住超大雨☔️所以去到嗰陣只有一枱人排緊隊，本身以為好好彩唔使等好耐，但最後都等咗大半個鐘先入到去🙈.餐廳係由兩公婆經營，入面只有八個位，而且全部都係即叫即煮，所以製作需時⏳不過食好嘢係需要等待，而且喺而家嗰個都北上消費，更加要支持香港特色小店💗餐廳只賣3款麵，望落覺得海蝦濃湯最吸引，所以就嗌咗🤩海蝦濃湯Roast Beef  伊麵 $105未食已經覺得好吸引，海蝦湯底好濃郁，飲得出係用好多蝦嚟熬製而成，每一啖都係精華，上面仲有小蝦米🦐伊麵煮得啱啱好，唔會太淋，一啖濃湯，一啖伊麵，好好食🥹每碗麵都會配燒牛肉，佢哋係用一大塊牛扒，淨係輕輕咁roast 咗個外皮，所以入面仲係生生地🥩每逢有客人嗌，佢哋就會係個一大塊牛扒切幾塊薄片出嚟，加入少量黑椒，再用火槍燒一燒個面頭，每一塊牛肉調味好出色，係好食到我哋要encore 多一碟嘅質素🥰.總括嚟講，因為鋪頭細，而且每一碗麵都係老闆親手煮👨🏻‍🍳所以唔會好似連鎖餐廳咁出餐咁快，但都冇咗連鎖餐廳嘅機械化，有嘅